Showhappy.net - Members diary

日記

日記主簡介

<< 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 >>

2004 年 5 月 17 日星期一【炎熱】

<<意料之外>>

剛和媽媽談了一小時電話，心情穩定了許多。
昨天的事原來並不是我聽到的那麼一回事!!
人傳人出來的，果然會變了「病毒」!

被問起了上年的事，重提的時候我竟然還會有想哭的衝動。
媽媽知道後卻出奇地冷靜，好像小事一件的態度，完全是始料不及的。
雖然我現在都覺得是小事一件，但我那時覺得是大大大大大事來的啊!!
事實上，媽媽這種「反應」無疑是一個很好的「安慰」。^^
都過左去啦! 　嗯。我知道。
希望今天晚上一切安好。

Thanks for 你們的問候。
xoxox

英國的時間是不是多得那麼厲害呢?
當一個人對你說他在"lying on bed waiting to get starving and eat!"的時候你會怎樣做??
你話呢d人係唔係應該俾我打一身?!!
下星期一考試都可以同人講佢攤係張床度等肚餓去食野!!!
難怪Rebecca成日都話冇眼睇!! 我唔要d咁既hallmate啊!!!!

部份昨晚和鬼拍的照，我們八個的整理後才一次過upload上網。^^
　　　　　
　　　　

好像是第一次post同學仔的相呢~

............又fire alarm.............!

re: 舒舒，琴晚都唔係影左好多相喳，掛住玩，遲ｄ影番條ball dress俾你睇Y~ 70鎊已經係全Debenhams最平個條喇!! 一定會refund! 哈哈~ 你去cambridge啊?? 去幾多日呀? 我上年去，好靚啊~ 不過我xmas去，凍到傻! 你記住要係康河附近影多d相呀! 好靚架! 咁我地呢度d students又冇晚晚都落pub既, 不過星期三同五一定走唔甩囉! 我好叻啊~ 琴晚冇~E柴呢! 原本都有諗過乖乖地坐定定唔跳架,不過最尾都忍唔住出左去玩. hehe

re: Vannie, 而家應該冇事喇! ^^ 你今日打黎個陣我訓緊覺啊..因為呢排都訓得唔好..不過今日開始冇得訓咁多喇.. last一個week溫書喇.. @.@

>>May 18, 2004 at 6:32:24 PM GMT+8

2004 年 5 月 16 日星期日【酷熱】

++Summer Ball++

今天1530已經起行到Ash Grove化妝set頭換衫。
對上一次化妝，是幼稚園畢業典禮。
哼! 我今個summer一定會學懂的!
Thankyou Rebecca for everything today!

個ball巧玩，巧正。不過晚餐好像頗差..
吃飽就不停和Richard & Lauren跳舞。
對上一次跳舞已經是三個月前的事了! (好乖~)
玩得很開心，被錫得更開心，兩邊面都有唇膏印。^^
全場最瘋狂的.. 竟是Dr. Silkstone. ("負百六"份卷佢改的, 份application form都係..)
我們到場的時候她已喝得很high... 跳舞的時候她都是第一批除鞋的。
在這兒做教師比香港輕鬆得多多多多多多!

剛收到一個不太好的news...希望不是真的.......我不知道......很亂....很想哭...
diary遲些再打...

------------
++Summer Ball (補)++

1530出門口到Ash Grove化妝，set頭。由Rebecca一手包辦!! Thankyou ar!! ^3^
Rebecca幫我攪掂之後，就到她自己。我嘗試幫她set頭，可是不成功.. sorry..
向Rachel求救，不過三個人六對手都不能成事.. 幸好，最後有阿蘭出手打救! Thanks! ^^
完成之後就趕緊去換衫，穿上身之後發現大鑊!
條裙一晚之內竟然大左一個碼! 要知道我條裙是無帶的!! 大一個碼是會直跌落地!
嚇一跳之後立刻黐膠紙! (好彩Rachel買了專for this purpose的膠紙!!) Thankyou!
那些膠紙很有效~ 黏得緊緊的! 呼~ 做測試 -- 原地跳條裙都沒有墮下來! ^^

擾攘了一輪之後，「好男好嬲」的八人組合總算是ready了。
四位男仕坐大隊的coach去，而Rebecca，Rachel和我三位女士當然是坐Jacky車去啦。
途中有點出錯，差點去了第二間Marriot Hotel，幸好最後安然無恙。
到了酒店之後，已經看到很多人在門口拍照。
我們當然都不斷拍拍拍，拍得差不多Dinner開始了我們才進去~
進去之後找到了我們的table就開始玩table上面的玩具~ 呵~ 巧玩!
有香檳型的吹泡泡(至愛!! ^^)，有會亂飛的汽球啦，會爆的紙條啦，還有...唔識形容..
還沒玩完就上starter了，很奇怪的starter.... no comment。
吃完starter就去了找Richard他們，說兩聲白痴，打個招呼。
之後還找到了Lois & Laura。哈~ 還沒開始玩Laura已經有點醉。
和Richard x2, Lauren x2, Lois & Laura拍了照之後就繼續dinner。
main course.. 簡直一絕.. 淮山雞! 真不明白為什麼西餐也可以有淮山味..!
再之後是dessert.. 沒有什麼期望，所以不過不失，只是好奇為什麼酒店的廚房可以連朱古力漿都沒有，要用朱古力粉溝水?!
之後當然是例牌的coffee or tea。沒有什麼特別。
不過整晚我們都是在看別人的晚裝 & 身材，沒有什麼時間埋怨。
意料之內，不少人真空上陣，我們的table在舞池中間的旁邊，看得很清楚。
全table都不停被一個真空 + 短裙 + 低V + 大露背的女生吸引著~ 哈哈~ 秀色可餐。
吃main course的時候，Dr. Silkstone已經出去跳舞了，跳得興起還拉了Dr. Tweddell一起跳。
這兩個Dr.就是負責我負百六的lecturers...........
吃飽之後我們當然急不及待出去跳舞啦~ 事實上是想拉Richard出去跳~ 呵~ 好玩~
和Lauren不停跳跳跳，Richard偷走之後又給我們拉出來繼續跳跳跳。
Lauren很開心呢~ 還說一定要去next ball! 即刻"what? next ball?"
原來是十二月的xmas ball.. Lauren你是不是plan得遠了點呢?
然後她說9月回來的時候一定要去FND!
我答應了她很多次她還是不放心，不停要我promise。很可愛。(換著第二個我一定會話你好煩!) hehe
跳跳下，一句"I luv u guys, u so cool!"之後就錫了我一啖呢~ 哈~ 好突然!
如果Richard不是她男朋友的話，我真的會擔心!!

除了不停跳舞之外，還不停注意著Lois，因為她跟我們班上的一個肥仔搭上了。
dinner開始前就已經搭上.. 閃電咁快..

開場前買了八張抽獎卷，可是我們中途出了去拍照，回來的時候已經抽完了!!
飲恨!!

跳到1300才散場，和Lauren & Laura say goodbye的時候，Lauren又想來個goodbye kiss。是嘴對嘴那種。
我自然地用塊面代替。不習慣麻。
她們兩個很有趣的。Lauren喜歡突然之間錫你一啖，Laura就常常都會說oh Kia, give me a hug.
來了英國之後都很喜歡hug，特別是假期前和假期後再見面的時候。
我想我在香港這樣做的話，除了寶寶和阿華，我想其他人都會一腳伸開我! 哈哈
不過當你試過了，你就會很喜歡那種親切溫暖的感覺。
不是男女朋友才可以hug的，多點show ur love to ur frds吧!! ^^

是日晚餐：
。ｓtａrｔeｒ。
。ｍaｉn ｃoｕrｓe。　
。ｄeｓsｅrｔ。
plus coffee or tea + 每table一jar橙汁，兩jar啤酒，兩支香檳，一支紅酒。

>>May 19, 2004 at 4:59:53 AM GMT+8

2004 年 5 月 15 日星期六【晴】

<< summer ball前夕>>

0900就和Rebecca, Rachel & Jacky出發去Leeds，因為明天去ball，今天一定要死到條裙出來。
原本和Rebecca打算待明天中午才買，(別人兩星期前己get ready，我連衫都未買仲想臨去之前先做..)，但星期日，英國是百無的! 唯有提前今天去。
到了Leeds，不約而同打算只去Debenhams，其他完全cant be arsed。
Debenhams的ball dress依舊還是那三款，幸好evening dress有新貨。
不過...全都是心口除了個勇字就什麼都沒有!
我可沒有本錢 + 自信穿那些真空deep V大露背!!
最後找到了兩條還可以的evening dress，不過穿上身之後發現不夠高貴隆重。
結果，Rebecca就人急生智去採花，將兩條裙取長補短變得獨一無二。哈哈～掂!!
Thanks Rebecca!

在Leeds的時候，順道去了麥當當換Noddy。全套換齊了! ^^v
我以後都去麥當當不去Burger King。因為Burger King次次都騙我錢而McDonald即是被我騙。呵~

1300已經回到hall，左攪右攪之後去了睡午覺。這幾天都睡得不好..很累啊!
睡醒之後溫了一小時書，然後就到Ash Grove吃晚飯了。
出門口的時候已是2015，不過太陽伯伯還在出力曬.. -.-"
今天晚上吃Malaysian spring roll呢~ Thankyou Rachel!
吃飽飽就看壹周，看電視，然後開始準備明天的ball。
其實我們都沒有準備什麼，只是在玩在說笑。男仕們即在擦皮鞋，打tie，熨衫。
實在悠閒得很.. 我們那裡像要考試sss?

btw,本人正式宣佈Stefan已經被本小姐classified入「八婆」這個category.
那有人迷信得那麼厲害的?!?!

昨晚全層floor有一半都去了pub，因為昨天是今個sem的最後一個FND – Friday Night Disco。
在這兒鬼學生例牌要做的事就是星期三去Livingstone (pub)，星期五去FND。
英國每間U都有很多pubsssss，不過好像不是所有星期五都叫/有FND的?
舒舒，你那兒有沒有??

這幾天伴我溫書的都是方力申的never walk alone，他唱歌巧聽了很多。
也有聽Shine的Shine me，容祖兒Nin9 2 5ive，還有陳小春的Black Hole 黑洞。
我敢肯定Shine的普通話比我還要爛十倍!!

哼! 我認我係輪盡! 明天不要引我笑!! 特別是我吃東西的時候!!!
希望明晚妥妥當當，順順利利啦~

究竟是因為珍惜所以被重視? 還是因為重視所以被珍惜呢?
難懂難懂。不過as long as又珍惜又重視就沒有所謂啦~ ^^

樂樂，生日快樂呀～ ^3^

>>May 16, 2004 at 9:15:55 AM GMT+8

2004 年 5 月 14 日星期五【晴】

<<虛脫>>

0815 ! 終於做完了application form + CV!!! Thankyou寶寶的ideas! ^3^
做了這麼多天.. 希望至少都有interview的機會吧?!

很累啊... 很想好好地睡一覺... 不過還有大把書未溫...

撐撐撐撐撐!

----------
下午，收到email一封:
"Just to remind you that your final community application form and your CV has to be handed into the pharmacy office by the end of term (11th June)."

你．唔．早．d．講?!!?!?!!!?!?!
我挨通頂做到今朝8am你而家先同我講end of term係6月11號?!!?!?!? #$*#@$*^#$^!@#
同我講今日deadline個個，你一係俾我打一身，一係自己跳出馬路!!!
唔好再同我講早d交會好d!!! 我會殺人!! 除非Boots聽日宣佈first come first served!!!!!

Email真的很有趣.. 今天我合共收了三封。
除了上面這封令我萬二個憤怒 + 無奈之外，還有一封關於<負百六>的。
6月2號才有result呢!! 如果要resit的話，會在6月9號。
拜託拜託!! 一定要大步檻過!! 大步檻過!!

幸好，第三封的email是一封我萬分期待的!!
hehehe ^^ 收到了!! 巧開心～巧開心～
要再來啊!!!

郭大小姐今天再次成為本人的服裝指導＆髮型師。李大少都有參與其中的啊!
Thankyou!! ^^

回到家已經2100，不過天還是亮的!!
害我又忘了吃晚飯.. 九時半天黑了才去煮!!
可惡。

　@9pm (沒錯，pm即晚上九時!)

>>May 15, 2004 at 5:13:30 AM GMT+8

2004 年 5 月 13 日星期四【微雨】

<<最弱之module．填form>>

哈~ 今天有開心事呢! 不過唔話俾你地聽~ 你地口疏!! 呵呵~
其實冇咩特別，不過真係巧開心呢~~~ ^^
真係好耐冇d咁既感覺~ 哈~ 好耐冇白痴過~

今日見到有個靚靚diary，忍唔住開多個~
其實都唔知開黎做咩.. 我諗留番黎寫下d特別野啦~

好慘~ 做緊application form.. 好難答既問題sss.. 聽日deadline...
做到頭都大!! 慘過溫書!!!!!!!! 做左幾日.. 仲差兩條呀.. 有冇人可以俾idea我寫咩好呀??
1. describe a situation where you have worked with other people where it was important to establish relationships in order to complete a task.

2. describe a situation where you have organised and planned a project, activity or your work to a fixed deadline.

留意:: ***個situation唔可以再講同report or group project有關既野...我已經用左***
***個idea要夠我寫200字***

我已經諗住答到條問題既都寫架喇... 點知任我作都係諗唔到...
聽日deadline喇.. 快d幫下手啦... ><"

做完份form..... 仲要做埋份要求多多既CV.........!
今晚肯定無覺好訓...

我想溫書啊.... 要快手d做起佢先得!!

btw, 我琴晚0000起身到而家1820都冇訓過呀... 會唔會暴斃架...................

--------
因為怕會暴斃的關係，2000去左訓，而家0300起身做埋份form佢..
你話!! 邊有application form咁麻煩!!! 咁多野問!!! 做幾日都做唔哂! 仲要半夜三更起身做?!?!!
我做report都唔洗咁慘!!!! form又冇reference抄喎!!!!! 我真係想溫書架麻!!!! side我時間!!!
好彩寶寶俾左idea我個兩條點答!!!! 唔係仲死!! Thankyou寶寶~ ^3^

>>May 14, 2004 at 9:55:55 AM GMT+8

2004 年 5 月 12 日星期三【晴】

<<元神出竅>>

今天又day off。基本上lectures已經上得八八九九。
已經1430才起床，擾攘至1600才開始乖乖地溫書。
除左訓，食和溫書之外，我真的想不起我還做過些什麼?!
er....我想可以加上去廁所和沖涼囉! 全日人都沒有見過一個..
真係好悶好無聊好想返學!!! 成個人無聊得好散漫呢! 好似冇左個魂魄!
真係有d懷疑自己係咪已經悶．死．左!
在時間太多的情況下，2000又爬返上床，跟周公子約會，一直到0000。
真的是太多時間嗎? 書又好像未溫完!
但當全日除了溫書之外就沒有其他事可以做的話...時間真的會變得好長好多...

【明報專訊】周日開始，市民可以與熊bear bear一同在維多利亞公園草地日光浴。由康樂及文化事務署、旅遊事務署等合辦「熊熊愛心連世界」展覽，放置由德國運抵、120隻身高兩米的愛心熊，它們色彩繽紛，身上圖案各具特色，宣揚愛心、和平、團結精神，展覽由周日至6月27日。
我想知新聞近來常說的愛心熊是否就是我所喜愛的care bears呢??? 如果是就好了!!!

re: 楷楷，如果比我地中學既時候犀利既話，咁我諗都幾大鑊! 一定唔會俾佢保釋囉! hehe 個陣咪有間學校影低左校園暴力既? 我幾驚我地個陣都俾人影低左! 哈哈~ 不過睇返肯定好攪笑~ 剩係廖能一個一日已經俾人打n鑊! 再加埋峰爺，弟弟，阿森...ETC 不過佢地點慘都冇B班梁焯賢咁經典啦!! 佢由A班開始一路俾人打住咁掃去E班喎~ 仲要每經過一班都有人加入戰團(打佢一個)~ 哈哈~ 諗諗下，其實廖能佢地都幾幸福Ｙ～

re: 舒舒，你咁早回歸既? 咁你幾時畢業禮?? 你除左早過我完成賽事，仲早過我回歸tim呀.. 點解唔去ball呀? 佢地d鬼ball同香港學校攪個d差好遠架喎! 香港似樣個d要余安安個d先去得架! 哈哈~ 黎左英國咁耐唔會唔識跳舞既~ (你見我IVE個陣都已經成日跳架啦~ haha) 上年成日落pub都跳唔少! (今年乖左好多~) 差在跳得好唔好架者~ hehe 不過去ball著個對鞋... 我諗我會一早扮~E柴! 著個對鞋我行路都有問題!!! 條ball dress我完全係冇時間買..(其實係懶得去買) 我同我個frd約左臨去之前個day先去買條evening dress算.. (我個town係99%唔會有ball dress既! Leeds又唔岩, 而我又唔想去manchester..) 你祝我好運啦~ 喂, 我印象中應該冇係IVE個陣咬過人架喎.. 點解你會發埋d咁既夢架?! 仲有呀, 你真係早過我走, 留低左我係英國架!! 你唔好發d咁既夢啦!!! TOUCHWOOD TOUCHWOOD!!!
「痛唔痛架?」
「咬果陣咪痛law...」
呢個對話好熟好熟... 係唔係我以前同你咁講過架呢??

>>May 13, 2004 at 7:59:47 AM GMT+8

2004 年 5 月 11 日星期二【微雨】

<<溫習方程式>>

今天day off，一直睡到1430李大少來電才知醒。
1500到Ash Grove，先去burger king lunch再去Morrisons。
又給burger king騙錢.. 今次還很傷呢!!! 次次都只是騙我一個!!
以後都不准再去burger king!!!!

1830回Ash Grove，開始煮飯。吃飽回hall才2030。
一直到2100.. 天還是亮的。偏偏我又是天黑才能溫書的人..

這兩晚都在與「免疫學」和「藥理學」作戰。
讀了兩晚，最清楚明白的是Revision Formula:
厚厚的書 + 亂亂的筆記 + 床(as catalyst) = ?
再這樣下去... 怎麼辦?? ><"
不知為什麼壹周刊可以看得那麼快，那麼入腦，書和筆記卻慢十倍..
幸好今天看的壹周在說anxiety & depression!
原來Obsessive-compulsive disorder解強迫症，Post-traumatic stress disorder是創傷後焦慮症!
壹周還列了各種焦慮症的symptoms呢!! 呵呵~ 很好~~ 獲益良多~
連焦慮症吃的藥SSRI都有~ 哈~ 有中文名易明很多啦! 要看多點壹周先得~ hee

昨晚溫書的時候好邪呢! 想起你們，收音機就播<找我>了 – 吳奇隆那首!
記起中五那年的記念冊。。。

看新聞，原本香港都有Zara的分店了。

re: 楷楷，科大宿生為左場波打交個70人麻~~~

re: Vannie，我d普通話一定好過你啦!! 而且你既幸福好似不嬲都唔係我手上喎~~~ 你問大雄拎啦~~~

>>May 12, 2004 at 5:11:57 AM GMT+8

2004 年 5 月 10 日星期一【炎熱】

<<決戰．負百六>>

3小時，6張醫生單，要做完了一張才可以取第二張，不可以儲齊6張一次交..
交了就不可以再取回．．．（原因是病人已經離開了Pharmacy喇喎~)
小心奕奕地做，特別是小朋友的。要知道我常常都死係ｄ細路仔手上。
今次很乖~ check得很清楚，問清楚幾多歲，check清楚有沒有overdose。
一切都很順利，沒有一張會令我struggle。事實上順利得有點悶，不太想做。
直到..............做第5張的時候才發現SHIT!
除了第一張，之前那些全都忘了填Expiry Date! 值5分一個的啊!
單是Expiry Date就已經扣了15分。好豪啊... 當時真的有衝動去強搶之前交了的醫生單!　
冷靜下來繼續做，兩個半小時就做好了6張單。
是比原定時間早了半小時，不過想想將來做工的時候也是這種速度的話不被炒才怪!
(就算唔會俾人炒，要個病人等半粒鐘先得我諗佢都會殺死我...)
Anyway, 今天的Practical exam我想我應該合格的。

母親節卡，今天剛剛趕及郵差叔叔截信的時候寄。
三月已經買了的母親節卡(英國母親節在三月，香港母親節是跟美國的)，始終都是遲了寄。
上年那張媽媽都好像遲了一星期才收到..... hee

賀喜屎掟糞淋 & 拎屎補考成功!
(要知道補考都唔易架~ 今次仲有十個人要第三次補考。) ^^
希望拎屎明天的practical exam順順利利啦!

今天全世界都要穿~`衫，男的還要打tie。
(考practical要formal dressing! 因為要look professional!! 唔係扣分!)
全日都很熱很熱。下午上課，Terence & Stefan都換回短袖衫了。
回家發現今天有7-16度。 -.-" 16度都這麼熱.. 回香港怎麼辦? 希望今年不會敏感吧..

下午有三節課，有一節看Video。一個三十多歲時已經患了栢金遜的四十八歲白人男人。
已經到了很嚴重，藥要吃很多很重，還要打針的stage。
手腳已經不受控制，不是像Hip Hop那樣不停擺，
就是肌肉完全不可以動，連舌頭都緊緊的不能動，不能說話。
幸好做了手術有改善。 (栢金遜冇藥醫的)
很可憐。大家一定要身體健康啊!!!

負百六考完了，所有功課亦都已經交了，今天開始應該可以專心溫書吧?
要比心機!

　我的Noddy還欠兩個就換齊了~ ^^v

re: Vannie，你知講明先對我都冇用架啦! 黎，我地而家練普通話，第一句： "喎什麼爺bu知道!" interview之前仲講咩電話?! 一陣一講電話你d甩轆又出哂黎!!!!!!!!

>>May 11, 2004 at 2:19:48 AM GMT+8

2004 年 5 月 9 日星期日【陰】

<<母親節>>

ｍuｍ~ 母親節快樂!
Ｎoｔ　a　ｄaｙ　gｏeｓ　bｙ　yｏu　ａrｅ　nｏt　ａpｐrｅcｉaｔeｄ !
Happy Mother's Day! Luv u LOADS~
xoxox

今日全日都在溫書! 發現了負百六的好處 --> 無限量負面教材。
明天考0900，6張醫生單，考3小時。 (半個鐘做一張! 可想而知一張有幾多野做!)
今天溫了9個小時，已經明白要怎麼做，明天應該沒有問題的。
如果沒有careless mistakesssssss的話...

很累，很悶，很想睡。

是妳多麼溫馨的目光教我堅毅望著前路叮囑我跌倒不應放棄~

re: LionDog，我冇時間架.. 唔係都唔洗閉關.. 你俾心機溫啦!! 係你好努力咁溫書既同時，我都同你一樣架! ur not alone! 加油加油!

re: 華，可以既話，寫落日記先啦!! 唔係到時你實唔記得~ 而且我雖然閉關，但係我都有keep住寫日記&睇你日記架麻! 希望係我閉關既時候，你所有野都順順利利啦!!!

re: 舒舒，係喎! 你唔提我都唔記得refund呢樣野!!! 我都唔想咁cheap，不過真係睇唔岩.. 成個Leeds得三條!!!! 最平72鎊，不過唔岩身! 另外兩條要100鎊! 不過唔岩心水! 我唔想成千五蚊買條唔岩心水既裙... 我應該可能會去Manchester睇多次既.. 如果真係又睇唔岩既話，唯有是但一條然後refund~ 唔瘀架喎~ 琴日我同我個Friend係Leeds買野，我地個頭俾完錢，個頭refund都冇野~ 你唔係唔知佢地呢度refund係幾咁閒既事架啦~~~ 原來你都有3科要考，俾心機喇! Good Luck! 你咁早已經考左兩科，咁咪好早放假? 幾時返hk呀? 定行埋畢業禮先? 你就好啦.. 有得grad喇! 我都想.. 你呀~ 唔好講得懶好人咁咩唔夠訓都夢到我! 要做疆屍我寧願你唔好夢喇!! 話事話，我上個禮拜都夢到你，阿moe同isa. 唔記得係度做咩喇，正係記得阿Moe佔既戲份最重，你就好似只係係度笑! ^^

>>May 10, 2004 at 5:53:27 AM GMT+8

2004 年 5 月 8 日星期六【陰】

<<名店s一日遊>>

忙，不過要買ball dress，所以今天去了Leeds。
這兒的ball dress就像香港新娘伴娘穿那些，(其實比伴娘衫還要誇)
在香港結婚，一生人一次，婚紗都是租的，在這兒去一次ball竟然要買一件! =.="
和Rebecca徹徹底底在Leeds行足全日..
Debenhams, Karen Millen, Laura Ashley, Zara, Oasis, Coast, Mexx, Monsoon, Morgan.. ETC ETC !
就連Topshop, H&M, Diesel, FCUK, Hugo Boss等等等等一定無ball dresses賣的地方都睇埋..
全個Leeds竟然得Debenhams有ball dresses! 而全座Debenhams竟然只得三款ball dresses!
無奈... 心灰 + 意冷。
ball dress... 遲些再算吧...

走了全日，我和Rebecca回到Ash Grove已經累死左。
Jeremy和Jacky負責煮飯，回到家有人在煮飯的感覺真好。
TｈaｎkｙoｕＪeｒeｍy & Ｊaｃkｙ !

郭大小姐今天除了做我的服裝指導之外，還做了我的髮型師。
Rｅbｅcｃa,　２ｄaｙ　rｅaｌlｙ　tｈaｎkｓ　a　ｌoｔ !!

很想很想開始溫書，不過還沒有時間坐下來認真開始...希望明天會好一點吧?
真的很忙，很趕，而且很清楚還不開始溫書的話，一定會死得很可憐。
要盡快完成所有手頭上要做的東西然後全力溫書。電話，ICQ和MSN都要暫別了。

re: 舒舒，下? 我之前都有dayday click架，不過呢排忙，少左上，你又唔係dayday寫! 好難會click得中喎! 你幾多號exam呀? 我記得你好似得一科.. 我星期一考完practical，24號就開始exam喇...
ps. 下次唔做疆屍得唔得啊?

>>May 9, 2004 at 8:11:43 AM GMT+8