2005 年 6 月 30 日 星期四 【溫暖】

有d野係好奇怪既，有開既話就會「排山倒海」式咁跟住來。
就好似最近跌窗落街事件咁，單單今個月就已經成廿幾宗，仲要差不多日日有添！
記得有個case係，有個阿婆攬住隻搖搖欲墜既窗係度嗌救命，個情況都唔知係好驚定好笑。
另外，呢排好多人約人出來食飯，截至現時為止，我一共收到三宗案例，仲要係附近日子。食親仲要係.......，最誇張者係去會展食dinner buffet！眼都大埋！好彩最後book唔到位，轉左地點，應該平d。

有一d人真係好死八卦，而且來得有d無稽。男人老狗係度八卦完，跟住好似發左癲咁撩人先，人地畀返個回應佢，又唔知癲乜咁玩「自閉」，隔一排，人地都冇鬼再show佢架啦，又唔知係度癲乜，作出一ｄ「侵犯版權」既行為，仲要話「搞笑」啦，話人係「痴線佬」啦。唉，真係唔知邊個痴線先。咁大個人，成21歲人啦，合法成年人都仲可以做埋ｄ咁無聊既野，仲要人地冇得罪過佢，唔知癲乜咁去「人身攻擊」人。果段野又唔係畀你睇，咁八卦做乜即，八卦完我都費時理你啦，隔咁耐又摷返出來講仲乜即，想挑撥離間定撩交嗌呀，「豬事精」?！



okay, alright, anyway.
今日actually出左差不多有12個鐘頭街！
先去社署sign contract。唔知點解見到既得果10個人度囉！有幾個都係HKU。個個都有唔同既工作地點同部門既，有人找到PARTNER啦已經，我未搵到OR我可能冇人同我PARTNER既。我做HQ（胡忠9/F）既Rehabilitation and Medical Social Services Section，有人係香港仔做，亦都有人係高街做（<<<跟住冒住大雨，由灣仔胡忠行去銅鑼灣One2Free度交電話費，事關今日係last day，再唔交，用PPS都救唔到我，LOL。
話咁快交完之後，打畀暉佢地，佢地叫我過尖咀太空館等佢地。我又好快咁去到太空館，岩岩去到冇耐，就見到暉、ka lok同單柏霖。「低B」單柏霖帶埋兩支合共4.5L既汽水來，真係冇眼睇，哈哈！Anyway, it's for the City Run preparation.
after太空館，原本話去科學館，唔好啦卦，我提議左去隔離既文化中心做checkpoint算。勁大雨。跟住又要由文化中心行去九龍公園勒。係九公間老麥度食左我既Lunch（果時係4pm)，吹爆左無聊水之後，過左對面既九公泳池入口set問題，發現左7月6日係英華水運會，點解我會唔知架？！
跟住之後又上左總會11/F勒。旋風式走訪後，又搭車過返海，上波老道維城區會，講真，我都係第一次上去，原來爆靚架，個FEEL好正，我地入去「探路」既時候個感覺真係好似拍戲，拍果D adventure果d片咁。上波老道途中，發生左件爆笑事。暉同ka lok係度玩handset blue tooth，但佢兩個就connect唔到，反而坐前面果個「貴婦」就connect左暉喎，and係誤會and不知情間，暉send左首《追女仔》ringtone畀呢個接收者（貴婦），個貴婦聽完電話後就好驚訝咁講左一句：「下？邊個send呢ｄ野畀我架？《追女仔》？」暉連忙自首。貴婦好出人意表咁問：「下？咁你咪有埋我電話號碼架囉？駛唔駛錢架？」暉又解釋一番。最爆笑既係，個貴婦最後問：「喂，你有冇多幾首歌即？不如send多幾首過來啦咁！」lol.....我真係好想笑架囉果時。結果，暉send多左首《南瓜車》過佢。佢又望住部機咁話：「《南瓜車》。好唔好聽架？」其身旁男性友人隨即叫佢開來試聽。個過程真係好爆笑。
去完區會，又落返中環，跟住坐叮叮落灣仔，陪人買左件衫、電腦鎖，跟住就行落時代睇袋。
最後，拿拿林take MTR奔去旺角，約左班大同9PM，結果我9:08PM先到。好彩我一早備定案，哈哈！
去東大門（銀行中心對面）食韓燒，多謝晒你地咁疊水既呢餐飯呀！原來佢地同我做生日，真係好感動。
有Judy同陳榮禮就當然有勁爆多笑料，笑到收唔到聲。返歸時發覺把聲拆拆地，唔知係咪熱氣定笑爆左咀。
驚訝既事陸續有來，係00:30AM時分，居然畀我係估唔到既情況下又畀我撞到個中同：陳醫生（真係就快做醫生架啦佢，哈哈！）大B。原來佢又係岩岩搞完組RE-U　＠　MK喎！真係咁岩丫乜！

>>July 1, 2005 at 3:53:36 AM GMT+8

2005 年 6 月 28 日 星期二 【酷熱】

今日4點幾度，社署打來話請我啦(Summer Intern)，Yeah!!!! 勁爆開心。7月6日上任，6月30日上HQ簽約，YEAH YEAH YEAH!!!

>>June 28, 2005 at 6:59:27 PM GMT+8

2005 年 6 月 27 日 星期一 【微雨】

唔留意都唔覺
原來我打從6月19日開始至到7月24日（除左7月17日之外）
每個星期日都「奉獻」左畀童軍
lol

回想起6月19日同6月26日兩日
只不過分別係兩個連續既星期日
兩日都同樣係做scout training
但就有兩種截然不同既感覺
一個就係幾開心既
唔知可唔可以用「享受」來形容
雖然果日要跑來跑去跑上跑落咁都真係幾氣喘
另一個呢
學Daisy話齋：「貼錢買難受」
一大清早要我去到離我屋企有成個幾鐘頭地鐵車程兼夾要轉駁小巴的地方
（如果話我屋企係天涯，咁果度就一定係海角；如果話我屋企係天南，咁果度就一定係地北）
仲要捱曬捱淋捱喝捱鬧捱辱捱痛捱累捱熱捱想暈捱想嘔
老實講我同有幾個學員都有諗過放棄
最唔抵得既就係有某部分教官真係幾冇禮貌
你同佢地講早晨佢地係可以完全唔畀返反應你
但佢地呢就可以鬧班學員唔識畀反應or反應太慢咁
真係好諷刺
做教官連最基本既禮貌都未做得到
咁仲有ｄ咩資格用咁死惡既態度鬧人冇反應或反應遲鈍？！
呢ｄ野我實係個course尾部分果個evaluation form度寫出來port硬佢！
咁當然就唔係個個教官都係咁死衰既
有個madam真係好好
佢教人好用心教
而且好留意每個學員既問題同需要
仲會好細心咁去從旁作出指導同糾正
佢只會係學員久未做得靚ｄ動作既時候
至非常著急而有ｄ「惡惡地」既語氣
最令我印象深刻既係
佢係差不多唯一一個教官願意放棄果10分鐘break既時間
走來同班學員睇下佢地有咩需要
見到有個別學員自己做練習
佢就會走埋來去幫學員執錯
完全唔似其他果ｄ擺晒款既教官
一到break既時候就好似理得班學員去死咁
自己圍威喂去傾計或做唔知ｄ咩野
仲有呢個madam見到個學員有進步
佢就毫不吝嗇咁去讚賞同鼓勵學員話畀佢聽做得好左勉勵學員畀心機
唔似某ｄ淨係識得惡死能登一味喝鬧侮辱學員果ｄ教官咁對讚賞勉勵就非常吝嗇
所以呢個madam算係唔話得啦
（仲有一兩個from 17HKG既教官都唔錯既，但因為佢地下晝先到場，接觸冇咁多）
以我既教育理論同教育心理學理論來講
一味惡死並以高壓強權去喝鬧侮辱一班學生根本就對教育毫無幫助
相反仲有反效果
就係班學生個心入面根本就唔會服你而且仲會好憎你
唔好同我用籍口話制服團體係咁架啦，制服團體既文化就係咁
對唔住
我又唔係好覺個個制服團體既教官都係咁既
仲有我亦都唔覺果ｄ以強權高壓惡死既教官一定教到班好仔出來
而果ｄ恩威並施既教官就教唔到班好仔喎
而且唔通制服團體就可以唔與時並進啦喎
制服團體就可以有問題而唔去改善啦喎
點講都講唔通
（最離譜既係邊有人一學就做到ｄ動作靚架，咁就鬧人唔留心呀、偷懶呀咁，ｄ咩道理來架，一步登天呀？如果一做就做到咁靚，我地班學員駛鬼來學呀，用腦啦！）
如果唔服我既教育理論同教育心理理論
唔該麻煩去睇下management既書籍
睇下人地係咪真係話以高壓強權手法去管理團隊就能管理到一個好既團隊？
作為一個好既教官
應該要好好認識咩叫教育、學生既心理
去做到易地而處
明白學生既需要
唔識既不妨去上教育course或者教育心理學既course再唔係就讀《論語．學而》
連最基本教者有ｄ咩禁忌都未知
點可以講係一個好教者
好似個course咁
ｄ教官根本就冇去了解過學員既背景情況
有學員係儀仗隊既（應該對footdrill都有相當認識）
但仍有好幾個學員係new to scout field架嘛（對咩叫footdrill同點drill法根本就毫無認識）
你點可以將兩批唔同程度既人用同一個方法用同一個標準去教架
呢ｄ咪已經犯左教者第一個問題：不懂因材施教囉！
仲有你一日就教成十個動作
又要學員記步法記command記打數
係短短既時間入面
你叫ｄ學員記得幾多
莫講話做ｄ動作做得好唔好先
練習時間同機會亦都根本就唔足夠
就一味苛求學員做到好靚咁
你冇足夠時間畀學員去吸收同進行練習
只一味喝喝鬧鬧又有何用
再畀你喝鬧多半日也無補於事
呢ｄ又已經犯左教者大忌：操之過急，不懂易地而處，不體察學生需要
老實講
叫佢地自己好好返去反省下諗返下
自己以前學footdrill既時候
有冇可能一下次學咁多野
唔駛點練就有好成果？
唔該叫果班「保守派」「惡死派」既教官返去自己好好咁反省一下
咩先叫做「教」
唔好再死硬一味靠惡就得

>>June 28, 2005 at 1:20:34 AM GMT+8

2005 年 6 月 25 日 星期六 【綿綿細雨】

咁就二十．．．未免快左d....
Thanks so much for my friends' birthday SMSs, msges, ecards, direct conversations, meal, etc. This birthday is really quite a happy one. Chiu really gave me a surprise, I didn't expect that.

Anywayz, my 20th birthday had been spent on 湊仔 (99 Cubs), they are smart and lovely....some of the boys even said happy birthday to me.

Then I went down to Central Market nearby to join my parents. Met a 99 Cub there again (but not my pack), mom said he stared at me for a while and described him as a smart boy, even smarter than me. And then, we moved to 西寶城for元綠 (as I am a member of that, and we can enjoy birthday 50% off special there). Eat so much food and just for $13X, so worthy. Met another 99 Cub there again (not my pack again), so 有緣.

>>June 25, 2005 at 11:52:58 PM GMT+8

2005 年 6 月 24 日 星期五 【颱風】

10:00-14:00


都好耐冇見過紅色暴雨既標誌出現過啦！

華南西江百年一遇特大洪鋒，浸左好多地方，據報死左500人，二千萬人受災，事關又係連場暴雨。

16:00
驟見陽光，睇來就快好天。

最後一日年齡為1字頭，真係好唔捨得，好唔想大個呀！聽日既我已經係2字頭，睇來同適婚年齡唔差得幾多年，我都係享受做仔既感覺多ｄ。回想10年前，即係我10歲既時候（咦，咪即係《蘋果日報》創刊冇幾耐？《蘋果》創刊於1995年6月20日），果時發生既事仲好似係前日發生咁，乜原來10年係咁快過既，細個唔識時間觀念，唔覺真係「時光荏苒」、「日月如梭」，覺得時間其實都幾長，越大個就越發現時間真係過得好快好快，bang bang聲又過左10年咁，試問人生有幾許十年丫？！唔覺意咁，就年華老去，變左個老伯，人生其實都幾灰。其實究竟係我大個左，察覺到時間過得快左，定係真係呢幾年地球轉快左，搞到時間過得快左？哈哈，按常理就唔應該係後者，因為即使地球轉得有幾快左，但個鐘唔會因為咁行快左架，咁日月更替似乎仲係同個鐘所顯示既時間同步，咁就即係冇可能行快左架啦。哈哈

6月23日
上footdrill course，嗯嗯，來緊連續三個星期日要我成8:50去到小西灣都幾係野。

唉，為何次次上親course，d人都好鍾意講75，and then 吹噓吹噓一番，真係幾令人尷尬。

>>June 24, 2005 at 5:11:05 PM GMT+8

2005 年 6 月 19 日 星期日 【雨】

6月18日-19日
正正正!!!正到冇得用文字去形容。
累累累!!!累到頭暈腳痛兼夾氣咳。
醒醒醒!!!醒目飛鷹抵拎傑出殊榮。
型型型!!!型到自己都快愛上自己。
勁勁勁!!!勁爆緊湊訓練童軍領袖。
痕痕痕!!!痕到用咩藥膏都止唔到。

http://community.webshots.com/album/374536496rrmFNG
第十五屆童軍基本原則訓練班 - 訓練營

附加領會
贏開唔一定是最後勝利
輸開唔一定是必然失敗

2005 年 6 月 17 日 星期五 【乍寒還暖】

今日來左個反轉東九龍一日遊。行程先去到九龍灣德福食晏，再過去星島，反轉人地報館雜誌社，嘩，星島個編輯部大過明報多多聲囉，再上埋東Touch同東周刊編輯部，行極都未到咁。跟住再折返德福，又再反轉成個德福一二期商場，兩三小時後，都係買唔到我要買既野。之後，旋即轉戰觀塘apm，行到腳都跛埋，都係買唔到要買既野，有ｄ想發爛乍。意欲放棄，走到觀塘站口，居然又畀我撞到人！冇耐，過左觀塘舊區果邊睇下買唔買到我要買既野，畀我買到聽日要用既souvenir，但都仲未買到最緊要既一樣野。反轉左個觀塘之後，係勁累之下，發住脾氣過去旺角碰下運氣。結果係旺角逗留不夠五分鐘的情況下，係我阿爸既朋友開既運動舖入面以超值既價錢買到露營地蓆一張！早知就一早幫襯佢算了，唔駛行跛左隻腳咁滯。

聽日，勁呀！落雨去wild camp過兩日一夜，勁呀！對上果次去wild camp係.......係小學時代架囉～～

>>June 18, 2005 at 12:46:15 AM GMT+8

2005 年 6 月 16 日 星期四 【溫暖】

今日爆累，怒睡成日咁滯，夜晚再為果個咁既「冷知識」駁殺過。唔講唔知，4月16日乜原來係一個咁大既日子來既喎！

選舉事務處尋日宣佈，曾蔭權自動當選成為補選行政長官。

You scored as Upper middle Class. Your determination have soared you this high, yet not high enough to enjoy the luxuries of the upper class. Your most valued posession is your country club membership which is kept framed in the office.
What Social Status are you?
created with QuizFarm.com

>>June 17, 2005 at 11:11:21 AM GMT+8

2005 年 6 月 15 日 星期三 【溫暖】

天 文 台 在 下 午 4 時 正 發 出 之 有 關 黃 色 暴 雨 警 告 信 號 的 特 別 報 告 ：

暴 雨 警 告 信 號 現 時 為 黃 色 ， 表 示 香 港 廣 泛 地 區 已 錄 得 或 預 料 會 有 每 小 時 雨 量 超 過 30 毫 米 的 大 雨 ， 且 雨 勢 可 能 持 續 。

一 些 低 窪 地 帶 及 排 水 欠 佳 的 地 區 會 出 現 水 淹 。 可 能 受 大 雨 及 水 浸 影 響 之 市 民 應 採 取 適 當 的 預 防 措 施 ， 以 防 止 可 能 引 致 的 損 失 。

市 民 應 注 意 天 氣 轉 變 有 可 能 發 展 至 紅 色 或 黑 色 警 告 信 號 情 況 。 在 暴 雨 情 況 下 需 要 執 行 任 務 的 人 士 應 作 好 準 備 。

Source: HKO Website @ 4pm

勁呀！繼5月連續幾日掛黃雨之後，今日居然........有機會掛紅雨/黑雨喎，上次掛紅雨都唔記得係幾時既事啦，唔好講話黑雨。問題係.....我今晚要去尖沙咀囉.......！

今朝check email，嚇死我，原來有人係我個showhappy同flash guestbook度「玩野」！我知係邊個做架啦，同某國際電影金像獎個名一樣果位哥哥，真係冇晒佢乎！

後記：結果冒住黃雨去到尖咀（成晚都冇掛紅雨或黑雨），成褲腳濕晒。今晚個experience好好，識到班好勁既人，好開心，希望大家合作愉快啦！

>>June 17, 2005 at 9:55:02 AM GMT+8

2005 年 6 月 14 日 星期二 【溫暖】

今天下的雨一點也不小，但卻未能為悶熱的天氣降降溫。

繼前日(6月12日)，我在非常驚訝兼毫無心理準備的情況下，分別在下午和晚間時分於香港站及ifc撞見2個人之後，今天又被我在金鐘忽然碰見舊同學，想不到他跟他的女朋友依然情沒變呀！我還以為這種美男子心必然是花花的，哈哈！

下午三時左右，到了灣仔胡忠大廈九樓（社署Head Quarter）去面試社署的summer intern。一去到九樓，登了記，便走到洗手間去方便方便又順道整理衣裝。誰知剛從洗手間走出來，迎面而來的居然是我的姨丈！又撞上人了，哈哈！雖然我心裡有準備會見到他，畢竟那裡是他的office，但真又想不到真的會撞見他。他似乎很意外，因為我沒有告訴他我申請了社署的summer intern。他帶我到interview room，其實我剛在那裡登記完了。坐了不久，還未到我的預約時間，面試官就叫我入房了。面試問題也是該等老生常談，希望我的表現能得面試官「歡心」，給我一個「通過」，嘻嘻！面試時間才不過五分鐘便完了，我有感好像太快似的，心裡著實有點不安。步出九樓升降機大堂，姨丈在此時就從社署的office裡跑了出來，說跟他到樓下的大家樂喝點東西。就這樣，炎夏忽來免費冷飲，真要多謝他！

Actually,今天是我的舊曆生日！

>>June 14, 2005 at 11:15:52 PM GMT+8