2004 年 7 月 28 日 星期三 【晴】

今朝勁早起身...真係勁早勁早勁早~~勁叻~~~哈~~~

仲勁早出門口tim~

就係因為一切一切既勁早...而令到今朝比我遇見一個熟悉而變態的人.....我唔用呢d形容詞唔得...因為佢果時比我既feel真係好似閃唔出佢既五指山咁......

就係係果個十字路口.....正當我仲諗住今日勁早真開心呢d野既時候....
前面不遠處出現左一個義社既人wor....開頭我以前唔識既...開頭lor~
其實想快快脆閃過當冇野....
不過都係唔得....咬底.....
之後果d唔講.....
不過佢話....你走lor你走lor......既時候我真係覺得走去邊都好似走唔甩咁......

你個xxx......我一定會打返你個頭一下.....



之後返到學校....原來11點半先開考....咁我咁早返黎做咩呀!?!?!?!?!?!?!?!?!?!?!?!?????
shit....等足一粒鐘...................................
勁無奈....難得我咁早起身....><

考完....呵~不過勁快做完~雖然勁多都係作既....
勁正~全部mc~~~哈~


之後閃返屋企...等等等等等...
再搭車去mk.........
我前面果個男人食丸仔的........用百力枝個盒袋住.......真係聰明呀呢個方法....但係你每一次食之前都唔駛望下我呀化!你驚死我會話比警察叔叔知咩!!!食食食...食死你呀....

去到...仲要再等.....
ooooooooooooo.....
啞曬lor.....咁耐......

之後就同佢地去啦...之後就返黎啦.....

哦.....好支力呢...

聽日又比人約去打麻雀~~~~~開心呀........哈哈~~~~



p.s...期待再苦再難堪.......我都會忍.........

>>July 28, 2004 at 8:34:44 PM GMT+8

2004 年 7 月 27 日 星期二 【晴】

講返之後呢...呵~我都唔知落去做咩....落去又上返黎...不過係多左d人lor....

有少鸝..扒...環...
呵~打麻雀.....
係樓梯口打....熱到呢....
之後轉左出走廊打...哈~勁型~
後尾mei又黎左~~~

少鸝係咁輸呀~~~
高級麻雀....呵~


打到9點...就閃人~~~

好支力好眼訓....講左好多野...哈~勁正~~~


p.s...我個寶箱比左扒用黎放電話~

p.s...聽日又要返學呢...好似考試tim...唔想返呀...


p.s......唔準再望呀!唔係真係唔行呢條路ga....仲有...我唔係低b妹呀!!!!!!!!!!!我有極高既智慧....無人能比~哈哈哈哈~

>>July 27, 2004 at 9:43:20 PM GMT+8

2004 年 7 月 27 日 星期二 【晴】

尋晚又癲...同二家姐傾計傾到4點/////

今朝又比人搞醒呀.....死人電話~嘈嘈嘈.....

一起身原來有楊過睇呀~~~~~~哈哈~~正呀~勁靚仔~
但係點解一講佢就會識曬d打狗棒法呢?


之後就玩a ray send過黎既一個game~~勁好玩~~玩到而家~~哈~~~


一陣要同少鸝佢地出去呢....去邊我都唔知wor...不過要等埋mei返黎先......



好~~~~~~~~~~我又要去玩果個game啦~~~呵~



返黎先再寫過~嘿~

>>July 27, 2004 at 1:47:13 PM GMT+8

2004 年 7 月 26 日 星期一 【晴】

太舒服了............訓個教人都醒神d wor~呵呵~

我而家先發現我最鍾意既係星期一~~~哈~~~
點解?
因為有電視睇~~~~~~~~~哈哈哈哈哈哈*100000
之後4日又有得睇wor.....太好了~~~


習慣一日兩篇都幾好wor~~

........呢個世界冇人係唔呃人ga.....




p.s....再不必辛苦自己......~~

p.s....尋找還有夢想而想去實現的人......

>>July 26, 2004 at 9:35:18 PM GMT+8

2004 年 7 月 26 日 星期一 【晴】

呵~勁早起身wor~~~真難得~
仲勁早返到學校tim~~~呵呵~

今日個miss講到野真係勁無聊呢.....
好肚餓....呀.....講左勁多次...咁真係好肚餓呀ma.....
早左一個字放lunch~~~yeah~

落雨wor....借住人地把雨傘子先....我果把仲係寧度呀!
好重呀把野....勁重....


woo....做咩南豐咁多人??
格格不入咁呢....好多麻甩佬呀!!!!!!!!!!!黑人憎....

快快脆食完閃人.....
快快脆返返學校.....
快快脆閃上五樓.....
仲見到miss快快脆..急急腳咁衝左落地下tim~~

miss遲到....wor....
好眼訓呢.....飯氣攻心........shit~我頂唔住了~~~
訓訓訓訓訓....條腰好痛.....係學校訓得超唔舒服呢...我鍾意大字型咁訓ga...

放學~~真開心~~~

返到黎...冇人打麻雀...咁我就訓教了~~



好眼訓呀....發個好夢~~各位早抖~!

>>July 26, 2004 at 4:05:47 PM GMT+8

2004 年 7 月 25 日 星期日 【晴】

今朝又比人搞醒..我諗原本可以訓到兩點的......搞搞搞...搞咩搞...我咁早起身又冇野做...聽日補課又唔可以訓咁耐ga啦.....
比人搞起身d火係咁黎...之後就發生一場激戰....激烈既戰爭咋....
太好了....一早起身就黎個運動~~~真舒服~~

之後就睇vcd lor.....
呵~咁又捱到三點......
之後就訓教+玩電腦....冇人打電話黎.........又話打麻雀既....悶死我了....
玩玩下電腦...終於有人打黎...原來係環幫寧借野+陪佢買野.......永遠我都係陪人~~都係時候搵人陪返我......冇耐少鸝又打黎....叫我星期二陪佢呀........以後陪人收返少少$$$先~~~

落去....比野....買野....閃~

好眼訓呀....不過今晚除左queer eye之外就冇野睇了....

聽日要補兩堂呀....真係救命......

悶死了....去跑步先~....



p.s...我看到.......我眼淚忍不到.....



尋晚發左個夢呢...
個夢好似係尋日知道咩野睇到咩野而發出黎既.......
尋日同我講過野既人全部都有出面...冇講過野就冇wor~真奇怪???

有mei....小鵬....潔玲....懷智彬都有出現呀....不過好似做大ca呢啡...
地點....泳池..........尋日d人個個都話要睇個水運會......

就唔知做咩我地學校搞呢個游水比賽啦...
我就係睇人游果d啦當然~
唔知做咩果度好凍的......但係d人個個都短衫短褲.......

唔知做咩我同mei會做左啦啦隊...唔記得左幫邊個打氣的.....
呵~見到懷智係一二面睇d人游水....勁懷智lor個樣....

跟住放lunch...我同潔玲出去一間好有feel既餐廳度食野...但係我地著得勁唔得lor...pe衫~破壞曬d氣氛.....
之後小鵬出場....過黎講果本..."第一次的親密接觸"既內容比我聽....

食完lunch就比人搞醒左....我諗個夢再發落去都應該會幾長ga!!!!



個夢都幾無聊...........不過睇人游水果度勁開心~~~哈~~~





果篇野我睇曬lu............我冇喊呀~幾勁~~都係眼濕濕咋~~~
唔想個女仔死呀...

呵~等我扮下小鵬先~~

如果我有一千萬，我就能買一棟房子。
我有一千萬嗎？沒有。
所以我仍然沒有房子。

如果我有翅膀，我就能飛。
我有翅膀嗎？沒有。
所以我也沒辦法飛。

如果把整個太平洋的水倒出，也澆不熄我對妳愛情的火燄。
整個太平洋的水全部倒得出嗎？不行。
所以我並不愛妳。

>>July 25, 2004 at 8:42:02 PM GMT+8

2004 年 7 月 24 日 星期六 【晴】

尋晚呢...煮呢個糖水食...得叫潔玲串我串得咁開心.......熱到呀...仲辛苦過跑步呢....
搞左成晚....最後比我家姐落左勁多糖落去....甜死了....
即刻開大個收音機聽啤梨....呵~呢d先係青春ga ma~~
....之後咪比人少lor....開得太大聲....



支力死....
呵~輸左兩蚊咋....之前嬴佢地咁多冇咩所謂啦~呵呵~

就係咁....一起身就食野...食完野之後就打麻雀lu....好辛苦...聽日又打呢救命....
係wor...聽日去邊度打呀??

日日都係咁...好荒廢呀....



再咁落去我驚下年d人唔認得我.....



好~再打過~~~上網打~yeah~


p.s........冇曬lu.......

>>July 24, 2004 at 5:16:57 PM GMT+8

2004 年 7 月 23 日 星期五 【晴】

尋晚呢...悶親我...之後真係同家姐閃左去跑步.....仲要傾埋計tim....好多蚊呀shit~仲有見到隻叫叮叮既娃娃狗~~好鬼得意呀!!!勁細隻....呢個男仔好似係a龜既fd...有次食緊煙....叫隻叮叮過去...之後一轉身枝煙整到叮叮隻眼...woo~隻狗係咁尖叫....個男仔即刻帶佢睇醫生....勁錫佢隻狗~~哈~~
所以呢....我有結論ga!!~~
養狗既人唔好食煙呀...如果唔係隻狗會好傷的~~~不過食煙已經唔健康ga啦...."d人"知唔知呀??

兩點幾先返屋企...搞埋沖涼洗頭吹頭都三點幾....仲要聽左勁耐mp3先訓得著....

shit~所以~今日起身係勁辛苦既......
鬧鐘響我係完全唔知道的~~~
最尾都係用絕招先叫得醒我.....
慢慢咁換衫....梳頭...之後又再訓過......
好彩今日起得早左.....就算再訓都冇遲到~~yeah~~~仲早到tim~~~

今日係仲悶既....悶死悶死悶死.....
見何燕燕有漫畫睇....呵~緊係想睇埋一份啦`

to何燕燕同學:

可否借兩本"少女漫畫"研究研究??


黑玫瑰真上...
又唔比人地寫wor....死真真.....人地要做紅玫瑰嘜ga ma~
點知佢又冇wor...之後冇左件事.....我有叫黑玫瑰真放黑玫瑰!!...
後面又有人除衫wor....癲ga佢地....
之後訓下教...發下癲咁又一堂......
下星期一好辛苦呀....補兩堂呀要....死人八號波....shit~

返屋企....我次次都見到呢個人派傳單呢....勁早咁...真係辛苦....但係睇我個樣都知我唔會玩呢d野啦化?

返到屋企呢....勁眼訓....個潔玲係荃灣做佢a唔知邊個親戚既甜品店既物體啦...shit~打過黎曬命...知你有$$收....知你有bb玩....知你有糖水食....
我夠有電腦玩lor~~你冇~~~呵呵~

佢又悶wor...果邊冇野做...屋企冇人....剩返個bb同佢...係咁叫個bb過黎講野比我聽....妖~我又要玩呀....引我....真係卑鄙呀呢d手段~~~最尾唔知做咩就收左線啦....

太眼訓啦.....訓教...
我諗媽媽咪唔叫我真係唔知幾時先醒到....而家都好眼訓呀...今晚唔跑了....





p.s.....做咩野會唔想你走的.......

p.s....天佑....我係支持你同miki一對的~~呵~

>>July 23, 2004 at 8:43:33 PM GMT+8

2004 年 7 月 22 日 星期四 【晴】

今朝比人迫出去...但係呢最尾又話唔出wor....咁咪唔出lor~

悶死了...點解屋企冇人的......



今日好唔充實呢....救命....好掛住我家姐....快d返黎呀!!!!!

d指甲比我搞到好核突呀~~~e.....勁爆樣衰....點算....?好似寧之前果d咁~~shit~




p.s...怎麼可能要你每次開心快樂全為我........



....根本冇可能....



p.s....我從來不覺得自己重要......




呵~比我搵到佢既兩篇小小日記~~最新ga~~哈~~

第一日~

oh~好耐都冇寫過日記la~因為每日做既野都一樣既!~
就係....返學...小息...午餐...放學...頭文字d...回家...睡覺...晚餐...睡覺!
我都好幾個月冇做過功課la~~係時候爆珠la!!
唉~~大家都返工la!!只係得我一個on 居居錦!!><
不過唔緊要....因為仲有六點半新聞支持我!!珠珠真係好靚ar!!!!!

不過有件時真係令我好傷心
爸爸係一年入面撞左兩次車
佢既眼神好呆滯
佢話好大壓力
佢話訓唔到覺
佢話佢老了
我都覺得佢老左
好擔心~

近日既天氣好熱~~
個人都好煩躁
但係都唔夠對住ar 水煩躁!!
真係唔知點形容佢好
果日我諗住上去為我對靚鞋退錢
但係一個人去又驚wor...咪叫埋ar 必同ar 水一齊去lo!
ar 水就一路去一路話:[妖~~一定得ka la!!惡d 就得ka la~!!!
包係我身上!!]
結果去到...我只係隱約聽到佢一直重複講
[下..但係我地訂左兩隻色ka wor..]
結果梗係唔係咁成功la!!
佢返到學校仲話我好驚wor!
大佬ar 水...我唔驚叫你去做咩wor!!
我地根本係去屈人...有咩理有唔驚ar!!
唉~?不過都好多謝佢幫我ar~~~^^


第二日~


個日記down 左好耐~~~~~
終於都好返la!!!!!!!!!
大家係咪好掛住我lei~~^^

lei 排大部份既時間都係見住同一班人
就係貴州之旅既同學la~~

講返個camp 真係好好玩~~~
我覺得真係熟左好多wor~~~
而且仲鐘意左pp tim!~^3^~
但係今日有一個唔係咁好既消息~
就係成員(ar 保)因為受傷唔去得ar!!~
真係太bad la~~~~~

因為lei 個camp 令我好期待貴州之旅ar~!!~
我係陽光隊既組長ar~~~~haha~~

之後就係昨日既k 歌之旅~~~
都好好玩~""


我好變態呀~copy人地d日記出黎~
不過開心既野要同大家分享ga ma~~~~~




p.s...唔知果個pp係邊個呀!!!我要知呀!!!
仲有新聞之花呢...憎死你~

>>July 22, 2004 at 6:53:10 PM GMT+8

2004 年 7 月 22 日 星期四 【晴】

悶左成日....我終於都諗到有咩做了~~~呵~~~

一陣整糖水食~~
睇完黃子華之後去跑步~yeah~


一日兩篇日記....都唔算太過份姐~


聽日又要補課呢...悶死....唔想返去補呀~!
幾時補完???
下年我想入t班多d wor~呵~柒鋒...中四先再同過你一班下~




p.s....你令我心裡面狂歡喜...

p.s...長路之中......遇到你.......太歡喜~yeahyeah~

>>July 22, 2004 at 6:51:37 PM GMT+8