2006 年 12 月 30 日 星期六 【晴】

內 地 新 演 員 李 曼 憑 電 影 《 滿 城 盡 帶 黃 金 甲 》 火 速 走 紅 ，
只 得 17 歲 的 她 樣 子 甜 美 可 人 ， 演 技 精 湛 ....
難 怪 只 就 讀 中 央 戲 劇 學 院 一 年 級 ，
已 被 張 藝 謀 導 演 看 中 ， 成 為 新 一 代 「 謀 女 郎 」 。
最 近 李 曼 在 內 地 新 浪 網 寫 網 誌 ， 凌 零 發 在 多 張 昔 日 舊 照 中 ，
發 現 出 身 於 戲 劇 學 院 的 李 曼 ， 穿 上 舞 衣 做 出 高 難 度 動 作 ， 令 人 眼 前 一 亮 。



新 一 代 「 謀 女 郎 」 李 曼 ，
最 近 憑 張 藝 謀 執 導 的 《 滿 城 盡 帶 黃 金 甲 》 紅 遍 中 港 兩 地 ，
相 信 大 家 都 會 對 這 個 改 編 自 《 雷 雨 》 中 四 鳳 一 角 的 小 宮 女 感 到 難 忘 吧 ！
片 中 飾 演 蔣 蟬 的 李 曼 ， 與 任 御 醫 的 父 親 在 宮 內 工 作 ，
其 間 與 劉 燁 飾 演 的 大 王 子 互 生 情 愫 ，
但 最 終 發 現 王 子 其 實 是 自 己 同 母 異 父 的 親 哥 哥 ， 大 受 刺 激 致 精 神 崩 潰 ，
最 後 更 慘 遭 皇 上 指 派 的 刀 手 亂 刀 殺 死 。



http://blog.sina.com.cn/m/limanblog

>>December 30, 2006 at 9:57:36 AM GMT+8

2006 年 12 月 30 日 星期六 【晴】

蘋果日報 web 一 web：
最 騎 呢 防 狼 術 ： 排 球 塞 背 囊

姊 妹 出 街 搭 地 鐵 最 怕 遇 上 色 狼 非 禮 ， 網 民 大 眼 妹 相 信 集 體 智 慧 ，
在 she.com 求 教 其 他 人 有 甚 麼 獨 門 防 狼 秘 笈 ， 網 友 都 是 轉 數 快 的 人 ，
瞬 間 已 有 人 獻 計 ， 不 過 這 些 防 狼 招 有 點 騎 呢 ， 用 不 用 由 你 。

有 人 建 議 出 街 時 揹 背 囊 ，
「 把 排 球 放 在 背 囊 揹 住 ，係 地 鐵 內 雖 然 會 阻 住 別 人 ， 但 一 定 唔 會 俾 人 摸 臀 部 。 」
Canny 稱 冬 天 可 穿 較 厚 衣 服 ， 「 俾 人 摸 都 冇 感 覺 。 」

網 友 炸 豬 扒 建 議 姊 妹 以 毒 攻 毒 令 色 狼 唔 敢 埋 身 ，
「 大 吃 大 喝 ， 將 自 己 變 成 一 件 豬 扒 。 」

殺 破 狼 認 為 首 選 吃 番 薯 ， 「 搭 車 時 不 斷 放 屁 ， 色 狼 自 然 聞 風 而 遁 。 」

網 友 童 言 無 忌 指 防 狼 最 高 境 界 是 無 招 勝 有 招 ，
「 唔 化 妝 以 真 面 目 示 人 ， 粗 略 估 計 ， 呢 招 適 用 於 超 過 三 分 一 香 港 女 仔 。 」

MCCC 謔 稱 ， 據 非 正 式 統 計 ，
若 港 女 素 顏 示 人 ， 港 男 在 10 米 外 便 會 繞 路 而 走 ， 色 狼 自 動 「 彈 開 。 」

<人氣: 46614>

>>December 30, 2006 at 9:47:29 AM GMT+8

2006 年 12 月 29 日 星期五 【晴】

本來因為馬高, 便計劃下星期五先睇。
但突然之間, 又因為馬高又今晚睇番。

======================================================

傷城
Confession Of Pain

導演 : 劉偉強, 麥兆輝
演員 : 梁朝偉, 金城武, 舒淇, 徐靜蕾, 杜汶澤
片長 : 111 分鐘



2003年平安夜，兇殺組探員丘建邦拘捕了一個連環姦殺犯。
聖誕日的早上回到家中，發現Rachel在床上自殺身亡，Rachel是他的女友。
驗屍後，丘建邦方知她剛剛懷有兩個多身孕。
之後，丘建邦轉行當了三年私家偵探，同時他變成一個酒鬼。
丘建邦最好的朋友，乒乓球桌上最好的對手、
最信賴的上司兇殺組總督察劉正熙謀殺了他太太周淑珍的父親 -- 隱形富豪周元勝。

幹了兇殺組頭目多年，設計這次謀殺案當然是天衣無縫。
劉正熙刻意留下的每一個證據，將茅頭指向兩名無業遊民陳偉強、黃斌。
案發後一星期，陳偉強和黃斌伏屍西貢村屋，
證據顯示二人分贓不均、自相殘殺，警方及律政署迅速結案。

案情發展盡在劉正熙計算之中，但逍遙法外的他沒算過，
周淑珍會因一個無謂的原因，對這案件產生懷疑；
沒有算過，淑珍找了丘建邦調查這案；更沒算過，自己一直被一個神秘人監視。
劉正熙一方面將計劃變奏，將一切不利自己的疑點清除得一乾二淨，
一方面追尋神秘人的真正身份，同時將周淑珍推向精神崩潰的邊緣，繼而把未完的計劃實行下去。
周淑珍性命危殆，但劉正熙再一次計算錯誤...

===================================================

琴晚同阿穎叉燒晚飯時, 講開呢套電影, 她看了首映...
觀看過後, 電影並不如她說得那麼差勁。

首先, 大家不要因為見到宣傳海報上有「無間組合」這幾字而將呢套戲同《無間道》比較。
《無間道》得以成功得咁厲害,
係因為當時一班好有心的演藝工作者共同係一個唔多好的環境下拍出來的電影。
之前市道好番些少, 二三集咪一樣有人踩。

這是一個關於從復仇到解脫的故事《痛，是必然的》。

阿頭, 梁 朝偉, 依然朝偉, 相信好難睇到佢失手, 真係無話可說。
阿邦, 金城 武, 總之好有味道的男人啦！他的髮型加上他的眼神和他的聲音, 就是獨特的。
電影中, 我們能看得到故事交代了他們兩位得到怎樣的結局(解脫/救贖)。

啤妹, 舒 淇, 有人說導演浪費了這個好演員, 理由係這角色又誰去當都可以。
是嘛？那我認為係找她來演也不成問題吧~
難道你不想遇上這樣的一個啤酒妹？
她電影裡頭的居所, 為於中環某大斜路旁,
早幾個月途經附近, 被那環境所吸引而走了一趟, 想不到會在這裡出現。

我對黃伊汶絕無歧視, 甚至對她都幾有好感, 咪以貌取人啦！
叉燒說得對, 對的是她一句對白都不用說, 導演的確很聰明, 據說她的聲音都幾....

=======================================================

電影裡頭的阿邦, 因為女友之死, 突然無聲無色的離去,
而不斷追尋線索, 為要找出真正自殺的原因, 直至真相大白。
查明因由, 最終得到解脫, 並從新投入另一個階段。

有些人, 遇到問題/困難, 會逃避, 解決唔到就算, 不了了之,
但有些人會堅持下去, 尋根究底。

我, 是後者。
雖然我心想人性本善,
但經過世故的遭遇, 人人都自我保護；
唔好話醜惡, 之但係都唔能夠做到將心俾己, 有意無意下都會傷害人, 甚至而不自知。

>>December 30, 2006 at 2:44:09 AM GMT+8

2006 年 12 月 29 日 星期五 【晴】

十日前, 即係十九號喇！
係SW入職的第三個月, 亦係離職前的最後三個工作天。

當晚放大假在即, 關於工作, 不提也罷。

放左工, 揸車返屋企, 途經油站入油。
其實今朝揸車返工時架車的油標都已經顯示 d 油都用得八八九九,
再唔入油真係隨時停係度。

自從架車出現個些故障後, 再沒有入油時叫「入滿」, 最後入左 $90
呢$90油, 有$41.5係DUTY. 而只係入左6.86升油。

而呢$90油, 係我呢一星期假期點樣用呢？如下：
21/12： 屋企去聖士提反灣, 聖士提反灣上馬坑, 再返落聖士提反灣, 最後又揸返屋企。
22/12： 屋企去聖士提反灣, 聖士提反灣上馬坑, 再返落聖士提反灣, 最後又揸返屋企。
25/12： 揸入去西貢, 不過係東九龍快線時去左觀塘, 之後再轉番去彩虹上順利入西貢。
26/12： 從西貢揸返屋企, 再入赤柱姑姐屋企吃晚飯, 當然係一來一回。
28/12： 返工, 放工去左銅鑼灣叉燒屋企, 之後揸返屋企。

>>December 29, 2006 at 2:23:13 PM GMT+8

2006 年 12 月 29 日 星期五 【晴】

壹週刊
2006-12-18

剛剛看了本雜誌, 裡頭有一篇訪問, 也算不上是訪問,
那記者稱之為「遊記」, 跟周潤發的遊記。

「有四個字是錢買不到的，叫『喜出望外』。」周潤發　

>>December 29, 2006 at 12:38:57 PM GMT+8

2006 年 12 月 29 日 星期五 【晴】

Mama said : Life is like a box of chocolate...You never know what you're going to get~!!
　　　　　　　　　　　　　　　　　　　　　　　　　　　　　　　　~~Forrest Gump

關於《吵鬧》, 我有些見解：
假如argue的內容能令雙方的關係更進一步的話, 未嘗不可；否則, 得小心處理。

我們都應該明白argue是避無可避的,
亦唔能夠可免則免, 大家忍氣吞聲, 收收埋埋, 只會導致關係停步不前。



<人氣: 46560>

>>December 29, 2006 at 11:54:09 AM GMT+8

2006 年 12 月 29 日 星期五 【晴】

剛剛去左沖涼
忽然地爆出一個小念頭

那念頭只不過係三個字：「吾閱營」

也許是「報復」心裡,
好想寫一部書, 記錄低呢個世界有一個賤人, 唔知係有心定有意俾我遇上,
之後, 對我做左一 d 事, 一 d 「意料之內，情理之外」的事。

>>December 29, 2006 at 2:30:26 AM GMT+8

2006 年 12 月 29 日 星期五 【晴】

今天起~
再次變身成為：無業遊民

當然, 以我角度看, 係自我轉換生活環境。
一方面感到輕鬆, 但亦有點沉重。

何以沉重？
大家都係香港人, 心照喇！我地... 唔使講架啦~ 明喇明喇！

>>December 29, 2006 at 1:40:26 AM GMT+8

2006 年 12 月 28 日 星期四 【晴】

last day

2006 年 12 月 28 日 星期四 【晴】

真的很喜歡這首歌
《富士山下》