2004 年 10 月 23 日 星期六 【晴】



>>October 23, 2004 at 10:25:09 AM GMT+8

2004 年 10 月 22 日 星期五 【晴】

重陽
登高

都係行麥徑第三段。
Tracy 在 KongU, 佢個莊的活動, 搞俾新上莊果班year1.
既然佢找得我幫忙, 就一定要好睇。
漏夜找來幾位幫手(Raymond &首遜, Apple & Steven), 實在感激！
由Tracy話無急救員, 都現在多左隊First-aid team. 實在無得頂！

重陽登高好天氣, 西貢市一早就好墟陷...........
等94的人龍長到要轉彎過隔離, 加班每 15分鐘開出都車唔走哂 d 人。

坐滿上層車尾的一班莊友, 興高采烈地前往北潭凹, 準備上路。
首遜"便"意大作, 只可惜去得不三不四(他說的)
整個第三段, 最吃力係頭尾, 一開始就上牛耳石山, 從(高度)百幾上到近四百。
Steven 同 Apple一樣, 經過M50都相當興奮, 這便是他們的集合回憶。
當我們在說及 M50的同時, 有部份朋友仔(班新莊員)上山已感吃力, 其中一個女仔更面紅耳赤。
其實上到 M50, 只不過係上左一半, 七條等高線而已。
好唔容易才全體上哂去, 繼續前進向嶂上食豆腐花飲五花茶去。







在嶂上又撞番阿Sam, 其實之前經過牛耳石都見到佢, 不過佢聽唔到我地叫佢。
午餐時間, 休休息, 我地幾個仲要幫手趕牛, 大學生.............
時間尚早, 提議Tracy搞個小活動, 出去一號營地的斜坡玩 trust run.

信心合作訓練遊戲, 好簡單, 有人要從上坡往下"跑", 隊友們要在下坡就Support, 接應跑者。


Tracy toby
餵蚊幾型仔！ by 首遜

新舊莊員大比拼


原來大學生就是這樣。
讓我想起前幾年"新亞桑拿xxx崇基組媽xxx"

畫眉山391
大隊上山, 我同首遜加蘋果就繞道而行, 等佢地落山。
多得Apple請我地食乳駱。

前兩日同Tracy pre-trip, 上落畫眉都係用左十五分鐘,
仲一路行一路鬧交, 其實應該係話回憶研究, 講番我地大Camp的事。
等到有點涼, 大隊仲未落黎, 只好行上去望望。
上到去才看見大隊還在遠處........... 原來佢地行錯路, 差點兒落錯山去榕樹澳。

雷打石379
不得不說讓他們上雷打是一個錯誤, 一來pre-trip都無上去, 二則是對他們估計錯誤。
路徑唔明顯, 搞到要上去睇圖set map, 要班人等都幾樣衰。
首遜一個人就直上雷打石頂, 但可不容許其他人都這樣做,
只好選擇另一條從雷打石南邊上山頂, 再往西下山, 入番麥徑。


行程完結前的痛苦, 不過行山就係咁！又要上又要落。
雷打石高處落番低地百幾再上番雞公山399
討厭的雞公, 仿佛行極都唔到頂。好不易上。

從雞公頂落番水浪窩end.
M68果段下山樓梯, 入黑行好易睇到營火虫, 而且仲係好多果隻。

新朋友 Steven, 是Apple的朋友, 即將同隊參戰今年毅行者。同佢好快就玩埋左。
加埋 Raymond 首遜, 成為有趣的組合。開開心心咁又過一日。

在西貢吃過晚飯, 同首遜Raymond一齊小巴出旺角上O-land 睇 Pole.
諗住買 首遜用緊果支New Art, Gabel行山扙, 百餘元, 經濟實惠, 正合我要求。

上到去行左去睇 Pole, Raymond的同事就拎左支特價貨出黎, 二五折的。
Kovea行山杖, KS-K101(Dragon)
使用碳纖維包鋁雙層構造之超輕直柄遠足杖。
碳纖維富有彈性, 毋需避震也絕無震手之弊。
更配有海棉手柄及軟墊腕帶。碳鎢合金桿端。
重量:220g 長度:65~142
最後....

三條友左睇右揀, 搞搞下到九點幾, 成位鋪得番我地, 我地一出門口就關門了。
離開各行各路, 我就轉去信和方向, 經過報攤買《神兵3》
俾完錢轉個身就見到阿珊同阿輝行旺角, 停低講兩句......
同佢地傾傾下, 佢地後面有一男一女經過, 行過左個女的係咁望過黎, 原來佢係 Man Chan.
佢隔離果間應該就係佢bf, 不過我睇唔見正面, 只看見背影。

原本今日 join 左 timtim搞的攀澗團, 可惜據說"鳳壁"難道中上,
所以都係等班高手先行探路, 下次再跟去好了！
晚上收到 Apple來電, 話茶包就正因此行 total lost 左部數碼相機了。

>>October 23, 2004 at 4:37:49 PM GMT+8

2004 年 10 月 21 日 星期四 【晴】



>>October 23, 2004 at 4:42:14 PM GMT+8

2004 年 10 月 20 日 星期三 【晴】

Tracy 約我一同去 pre-trip.
麥徑第三段

九點鐘出門口, 搭旺角小巴去旺角同Tracy, Apple匯合一齊入西貢。
落完樓梯, 就撞見阿魁, 好耐無見了。

一齊搭小巴過海, 佢就係油麻地落, 轉地鐵。

約九點半在家樂商場等, 可惜兩位女仕都要遲到。
咁我就去吃個早餐先, 原本想去吉野家吃早晨牛肉飯, 最後被隔離間粥店的炸兩吸引去了。

間粥鋪冷氣好勁, 我碗皮蛋瘦肉粥好快就變涼了。

食飽飽, 走出去再打俾兩個女人都仲未黎到, 真失敗！
最後十點半先上車入西貢。

先去百佳買點東西, 再分頭行事, 我去運動場入水, 順便放低咁 d.
佢地就去睇下幾點有車。


北潭凹起步的麥徑第三段,
在無熱身加上好耐無運動的情況下, 我上頭段都幾係吃力。
大概半句鐘的係咁上係咁上, 就去到了牛耳石山。
之後的路段都比較舒適, 輕微上山就係咁落, 唔使幾耐就去到嶂上了。


好可惜無得吃豆腐花, 只好點支冰冰凍豆槳飲。
吃過點東西, 坐出去草地休息下, 點知.......







差點兒連我都訓著埋。

不過今天的嶂上實在太舒服喇！
無其他人行來行去, 天氣晴朗, 過左兩點太陽又唔多曬, 仲有我地在樹蔭底下........
如果住在那裡也不錯。

1500起身再出發
1540上畫眉
1555落番畫眉

落雞公山時, Tracy突然行快幾步,
當我正想開口說..........佢就跌倒了,
難道佢仲可以話自己係常客?!~

太陽下山, 開始入黑, 第三段最後係一段下山的林路, 係咁落樓梯。
總算可以在天黑齊的時候出山, 去到水浪窩。
意外的收穫係在最後的路段上遇見營火虫。好多營火虫。

一齊搭299.


同Tracy去左馬鞍山, 轉車出中環。順便去搵食。
一人買一盒燒味上681食, 出到中環又一齊搭小巴, 佢返港大我返屋企。



>>October 25, 2004 at 6:15:33 PM GMT+8

2004 年 10 月 19 日 星期二 【晴】

多休閒
的一天

原本諗住去油麻地百老匯電影中心睇《日籍相對》(Japanese Story)
點知...

呢套戲, 全港只有兩間戲院上映,
另外果間就係灣仔影藝,
無記錯的話, 從來未入過影藝睇戲, 無乜信心。

而電影中心下午只得一場四點半,
橫掂要過海順便去旺角行下, 我想買番個中細背囊。
約埋阿Bear出黎行下, 原來Angel今日返早, 咁跟住就一齊行左陣。

肚餓, 搵地方坐坐食 d o野。去左間叫"咖啡村"的上樓cafe.

Coffee Village位於該大廈的七樓, 一出電梯就會見到上面的剪影牆畫。同銀鏡吊球。

爬石天使熊
店內的牆壁佈置都以懷舊為主題。音樂則播放國語流行曲。


這店子裡我最喜歡的地方便是上圖的"搞搞撥號"電話。
仲打得出打得入架！不過如果係座台的更正！

竟然又同bearbear玩飛行棋
我點了份"吞拿魚飛碟"的Tea Set, 配特濃咖啡。
原本想點芝士火腿飛碟的, 不過俾阿Bear點左先。

這一個晚上, 獲玲玲的邀請一齊去食壽司。還有Miranda, 同華華。
原本玲玲係約有阿釗先的, 不過阿釗要同屋企人食飯(都係銅鑼灣)
臨時三缺一, 我想約埋華華黎, 作為朋友, 有著數就係咁架喇！唔通只有搵人笨的嗎！

白沙道, 「峰」壽司

越夜越多人, 之後等位等到要企出馬路。

經過唔夠一個鐘頭的努力, 變成一堆堆碟。



>>October 21, 2004 at 3:39:36 PM GMT+8

2004 年 10 月 17 日 星期日 【晴】




大澳俊:
劉德華講話：如果要是旦一個死先，我會揀佢死先，因為我唔想我死左得返佢一個人，
呢ｄ就係愛情～
大家又會點諗？劉德華呢一點我好早已經咁覺得過～

叉燒 :
你死左一定得返佢一個人既咩？呢ｄ叫自大似ｄ．．．

九妹 :
好難得會同時死吧！

大澳俊 :
我講緊既係果ｄ公公婆婆日日要篤住手杖去飲茶，
次次去覆診都要兩個人去（雖然只係得一個人見醫生），果種愛情呀？
咁當然，當個公公死ｑ左個婆婆都隨時可以日日去公園開ｐ都未定～～

Snowy :
天呀，好難想像我會講呢句話....就係.....
我頗認同劉華的說法~~ @_@ ~~~

九妹 :
假如是兩人相依唯命的話,
萬一任何一個有咩不測, 另外一個都唔會好受！？
頓失依靠！

藍藥水 :
我會選擇自己走先，因真的很難想像沒有了他會如何....他也不會放下我自己走先....
但係當有了兩人的結晶品，就可能會以延續兩人的結晶而生存下去....這也是很多人伴侶走後仍可以支持下去的原因...

w2 :
這句話，真係好熟．．．三毛在她的小說中，講起她深愛的丈夫荷西時，曾如此說。
最終她一語成籤．．．．．．

大澳俊 :
通常，好多都會過多一排就走埋一份～

w2 :
尤其在相依為命的老人家的case中。

九妹 :
=========================================
如果我有事 (曲：劉祖達 詞：林夕)

我怕沒有這運氣
一生一世有我便會有 ~ 你
因此太著意去逗你歡喜
好給你回味

我也願意信命理
看註定誰先走 是誰未到期
無恙的你 病發的我 唯有累你

##
無疑太愛你
怎捨得失去力量照顧你
隨時行開了 連再會亦無期

然而我信愛
叫你我來日往生都緊記
無論世外人間天與地
在某一天又再一起

如我若有事你會很寂寞
你獨個行樂怎可快樂
你沒我的運氣能先走
畢竟 能早登天國
但我若有事你要孤獨做人就重頭再學
學習到天邊海角
一人拼摶
你這主角 沒有配角

Repeat##

就算是有事你也可讓別人再做你主角
但是你怎希罕那 一場寄託
是我多口令你發惡
=========================================

眼暈 :
不知大家有沒有養過寵物...
因為這樣類似的情況也會出現在動物身上

叉燒 :
我總覺得大家未死時咁講，只會令對方在自己死後（結果自己是先死的）更加不可以沒有他，這樣，會不會自私一點？

大澳俊 :
但係又冇得死左先講嫁姐，除非響遺囑度先講出黎啦，咁樣肯定傷心死重生歐歐果個～

叉燒 :
所以我的意思是，聽起想黎好感動，但係其實可以係一種束縛．．．．

九妹 :
兩個人步伐不一, 甚至一個向左走一個向右走咁。
從交點相遇, 可能後來各有異路。

大澳俊 :
好深呀～～不過如果真係咁，都幾可惜～～

九妹 :
仿佛有說話：
一個人孤獨生活不好, 所以需要伴侶。
但人必需經歷生老病死,
又有幾多人真係可以同年同月同日死呀！
由有伴侶變番去一個人生活, 有苦自己知！

大澳俊 :
我已經睇左喇，但係我覺得．．．
知你存在但係永遠都見你唔到，果種感覺比起知你已經唔存在重痛苦～～
我諗如果有人睇左會知我想ｕｐ乜～

九妹 :
我今日都剛看過了此電影。
但我不是這樣想的。
仿佛感覺像：「人生滿希望」
或者好似隔離主題講"暗戀"咁的例子。
電影裡頭,
盜太(Sammi)時不時都會問問題, 問盜生(劉華)。
而盜生就會選擇性回答問題... ..
有時 d 野就係咁, 一日唔講開口, 都有無限"可能"！
最緊要係【賊公愛賊婆】嘛！
而且更互相深愛。

叉燒 :
我覺得套戲結局係盜太明白得到老公永遠的愛，即使對方離開了．．．
盜生話肯定同估中係唔同，我覺得套戲想講估中比起將答案說出來更能代表兩人之間的感情．．．

大澳俊 :
我覺得呢套戲都幾感動到我，可能我自己鍾意既愛情戲唔係好激咁大爆炸死ｑ曬果ｄ先叫感動，而係淡淡果ｄ～

九妹 :
龍鳳鬥上映 4日, 已經累積過六百五十萬票房。
恭喜！

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>



龍鳳鬥
Yesterday Once More

導演： 杜琪峰
演員： 劉德華, 鄭秀文, 胡燕妮, 吳嘉龍

故事簡介:

盜生(劉德華飾)，盜太(鄭秀文飾)是瘋狂珠寶愛好者，
二人離婚後，盜太得富家公子Steve(吳嘉龍飾)追求，更以家傳之寶作求婚禮品，
但Steve母親(胡燕妮飾)看不過眼，訂下苛刻條件要盜太遵守，表面答允盜太，
暗地卻佈置一個完美偷珠寶計畫，眼見珠寶得到手之際，
突然出現另一人，用同一樣手法搶去珠寶，盜太認定此人乃其前夫盜生所謂，
立即找他算帳，正是二人離婚後首次見面，兩人重踏舊日的足跡，
回味一起走過的日子，不自覺重燃愛火……
盜生要以連場遊戲來交換珠寶下落。兩人遂悉心佈局，為寶物與愛情鬥智鬥力。
後來發覺偷回來珠寶卻是假的，
盜生得知是Steve母親所謂，逐登門找對方查明真相……

【賊公愛賊婆】

>>October 19, 2004 at 1:50:04 AM GMT+8

2004 年 10 月 13 日 星期三 【晴】

人氣:
10401



>>October 13, 2004 at 12:35:12 PM GMT+8

2004 年 10 月 13 日 星期三 【晴】

HappyJosieBirthday!!

>>October 13, 2004 at 12:09:45 PM GMT+8

2004 年 10 月 12 日 星期二 【晴】

花樣的年華下集
two O four six


導演: 王家衛(Wong Kar Wai)
主演: 梁朝偉(Tony Leung), 木村拓哉(Takuya Kimura), 王菲(Faye Wong), 章子怡(Zhang Ziyi)

1966年，周慕雲回到了香港，
重新面對被他埋首了的過去。

他遇上不同的女人，但經歷過情感的創傷使他的心變得麻木。

他封鎖了內心無數被遺忘的記憶，不讓任何人接近。

為了生活，他成為色情小說作家。

機緣之下，他搬進了2047號房間，開始動筆撰寫一部名為《2046》的小說。

小說中只要搭上了前往2046的列車，人們就可以找回失去的記憶。

沒有人知道這是否事實，因為從來沒有人可以離開 2046。



未入戲院睇之前都聽人講話都比以前的容易明白,
但係估唔到佢竟然講到咁白, 對白多得有點可怕。
雖然電影的節奏都算慢, 感覺好似睇左成三個鐘,
但係亦因為講得好多, 塞左好多故事入腦。

非常特別演出的：張曼玉

>>October 13, 2004 at 1:27:18 PM GMT+8

2004 年 10 月 12 日 星期二 【晴】

搭23去堅城,
搵Salon剪頭髮。

行下行下去行到過西營盤, 算吧~ 都係去番「田谷」啦！
行過門口, 好多人呀！
唔想等再行多兩步, 隔離 SALON2000 無乜人喎！就呢間喇！
女人洗頭係唔同 d, 雖然只係過水, 都好過之前洗頭果個男仔。

剪完一頭短髮, 有點肚餓, 經過粥鋪, 門口有人捲緊炸兩。
叫番碟食先。


上老豆度, 幫佢搞搞部 iPod.

Miranda 打黎 ....... 就咁約左佢去 cyberport 睇
原本想約星期三晚同埋 Linda一齊睇, 我唔ok, 而且其實那巴巴閉的 Linda話唔太 like 睇港產片...

睇完戲, 車左Mir上黎我度食粥同炒麵, 跟住又車番佢出去北街搭小巴過海。
過到去又走左去食糖水, 仲點埋 wawa 落黎吹水。



Mir 兜兜轉轉又返黎堅城, 當年想走便走, 左轉右轉依家又要返番黎。

今日有單新料, o向估唔到的情況底下而我表現亦無乜驚喜！我真係衰！
阿榮同呀Tom結婚耶。
呀Tom, 點解咁佢叫, 因為當時我未知佢點稱呼,
而佢戴住隻耳環係類似那時候叱咜一時的 tom.com, 所以.....

>>October 13, 2004 at 12:42:54 PM GMT+8