2006 年 8 月 24 日 星期四 【雨】

幫唔到妳，
唔好意思。

========================================

KaKa~SiR妮張 說:
早呀
杜比 說:
阿仙自由行去泰國，想找些資料。
杜比 說:
我話妳前排去，都類似，幾好玩........
杜比 說:
妳有無相關資料？例如點book車，去咩島玩？消費情況等。
KaKa~SiR妮張 說:
其實我都係上網check架咋
杜比 說:
不過佢過兩日就去，幾急咁。
杜比 說:
大海撈針，俾 d 指引。
KaKa~SiR妮張 說:
下~ 咁趕?
杜比 說:
我都只是琴晚至知
KaKa~SiR妮張 說:
同埋佢去thai邊度
KaKa~SiR妮張 說:
因為我上次剩係去左布吉咋
杜比 說:
總有人是唔到最後都唔趕著去處理預知的事情的。
杜比 說:
佢話去曼谷芭堤雅
KaKa~SiR妮張 說:
咁我d info未必啱佢用, 因為我全部都係布吉
杜比 說:
應該那些會有辦埋其他地方的業務吧
杜比 說:
或者起碼咪當參考下囉
KaKa~SiR妮張 說:
我宜家係公司, 得d email聯絡可以forward到比你咋
KaKa~SiR妮張 說:
首先有蛋島行email, 已send
杜比 說:
妳果時係過到去先找當地tour ，還是在香港搞埋？
KaKa~SiR妮張 說:
全在香港攪
杜比 說:
上網報？旅行社？
KaKa~SiR妮張 說:
全都是係internet找info
杜比 說:
有無相關info 的網址？
KaKa~SiR妮張 說:
其實我地都係上yahoo search phuket
KaKa~SiR妮張 說:
佢彈乜我地咪睇乜
杜比 說:
而聯絡方面是透過網上申請？電話聯系？
KaKa~SiR妮張 說:
跟住再send email問咋
KaKa~SiR妮張 說:
大多係email, 電話好少... 1-2次咋
杜比 說:
咁咪等同大海撈針，有時間就話。
杜比 說:
算了，都唔關我事！又無我份，用不著花這心機.....
KaKa~SiR妮張 說:
咁又唔係gei, 其實去到酒店都有好多infomation
杜比 說:
佢咁大個人，又唔係自己一個去，搞得掂的。
KaKa~SiR妮張 說:
你之前諗住同佢一齊去架呢
杜比 說:
佢無叫我........
KaKa~SiR妮張 說:
i mean你地一齊的時候
杜比 說:
唔講了！
杜比 說:
上年佢生日同佢跟團去過泰國一次。
KaKa~SiR妮張 說:
oicic~ 咁你都有去過呀~
杜比 說:
自由行的事，都是跟屋企人去，處理這些由他們辦。我未試過嘛。
KaKa~SiR妮張 說:
^_^
杜比 說:
好喇！唔阻妳做野。唔該哂~

>>August 24, 2006 at 10:53:28 AM GMT+8

2006 年 8 月 24 日 星期四 【晴】

當兩個人的問題,
變成唔止兩個人的問題時, 該問題會變得加倍複雜。

希望遇上的外人要在事情上加把咀的時候,
唔好只聽事情的一面而已, 就下定論。
即使只有一面的資料來源, 學下保持中立。

聽人意見的, 亦得心思保持清醒。
別被一己之聲而建立的故事, 與別人築成一面倒的意向。

一時間唔知點補充, 都唔知應該點解釋,
就講個情況出黎：
當我們迷失, 唔知點算的時候, 跟朋友分享是正常不過的,
可是朋友只會聽到唔全面的部份, 特別係由分享者出發的觀點,
於是乎, 當兩者透過這樣的溝通, 形成單向的認同感。

係呢個情況, 我特別討厭些為搏取接收分享認同感都一面倒付和的人。

==========================================================

L 說:
我正煩緊讀物流好 定讀物業管理好 ....你可以比到d意見嗎
杜比 說:
你過住點樣做選擇？前景？興趣？待遇？
L 說:
前景...待遇....有人請概機會
杜比 說:
興趣唔係考慮因素？
L 說:
如有人請概話我其實想讀物業管理..因為有機會可以週圍走..但擔心出路
L 說:
興趣唔食得..現在我都唔細出路比較好
杜比 說:
兩個都是比較專門的科門，可以稱之為專業。
杜比 說:
專業技能x投入工作, 就會有前景有出路。
L 說:
咁又係
L 說:
但我只係怕無exp無人請..
L 說:
讀來做無乜用
杜比 說:
總比未讀過的好。
L 說:
但物流業-倉都算好.. 似易d請男仔..
杜比 說:
理論層面比人豐富。
L 說:
嗯..都好 多張紙比人睇都好
杜比 說:
一來啦。
杜比 說:
一係就學歷一係資歷。
L 說:
其實我偏向鐘意走來走去正路物業管理...但物流我有少少經驗吹到兩咀感覺易找工..我現在就係煩緊為可以走來走去好 定係易找工好 ..這兩point
L 說:
明天生日拉喎去邊度玩呀
杜比 說:
在自己熟悉的領域，唔多唔少會有安全感。
L 說:
就係咁...
杜比 說:
要好大勇氣作闖得出新的路。除左勇氣，還有運氣。始終難免會有碰壁的可能。
L 說:
所以都係超級無敵咁煩
杜比 說:
其實好簡單，講緊你對自己了解幾多，有幾多信心。
杜比 說:
對自己有信心，就會有勇氣。
L 說:
嗯
杜比 說:
你講得出自己偏向鐘意走來走去, 其實都有 d 興趣成份。
L 說:
對..係咁概意思..其實物流我只係因為有少少exp有船務和倉經驗易d找工才想讀
L 說:
只係為出路
L 說:
同埋多請男仔..倉..只係因為咁
杜比 說:
無論點，想唔煩，就要盡快做決定。
L 說:
其實我最遲明天要報.
杜比 說:
向目標前進
L 說:
thx
杜比 說:
唔好再亂諗，就唔使煩。
L 說:
我也不想諗呢..只係唔想再選錯科目..因為差3年便30歲..無幾多時間可以重新來過
杜比 說:
幾似講緊女人。
L 說:
............
L 說:
也岩概
L 說:
同一道理
杜比 說:
這世界無一定的錯，
如果是選擇錯，不是只有改變選擇，可以是改變自己。
L 說:
正常可以咁諗..馬死落地行..但最好就係選擇正確避免要再煩...

===============================================================

Kobe~ 說:
真話定反話架
杜比 說:
下？點解要咁問呢？
Kobe~ 說:
我都無做過d咩 ..
杜比 說:
如是者，又點會係反話呢？！
Kobe~ 說:
所以更加唔明囉
Kobe~ 說:
hahah.. 生日禮物你又唔知係咩 , 咁快多謝先
杜比 說:
知道我存在就夠了，其他我已不在乎。
Kobe~ 說:
咁大隻眼, 點會唔知你存在丫
杜比 說:
所以，咪多謝。
Kobe~ 說:
wow, 正呀~~

>>August 24, 2006 at 10:45:18 AM GMT+8

2006 年 8 月 24 日 星期四 【晴】

拿起來容易
要放下來....難

從某某的xanga看到的一個給某某的回應：
唔好睇到呢個世界咁灰啦, 我琴日睇左妳呢兩個月o既日記, 我就知道其實妳放不下,
呢個世界都有好多好仔架! 嘻嘻~.~ 學習包容, 放棄, 有時可能會更開心, 我廢話講完喇~

>>August 24, 2006 at 1:37:27 AM GMT+8

2006 年 8 月 24 日 星期四 【晴】

難道我真係忽視左？
朋友跟情人都是慢慢浸出來的。

============= msn talk =============================

meom 說:
你估中銀定旅程多人報d啦？
杜比 說:
唔一定，視乎星期幾吧。
杜比 說:
我今日報左幾個。
meom 說:
六日
杜比 說:
但係都唔知十月情況係點。
meom 說:
你今個星期五得唔得閒呀？
meom 說:
1st 旅程 2nd 中銀
杜比 說:
11~1教班，將軍澳。
杜比 說:
星期五做咩？
meom 說:
行街
meom 說:
食飯
杜比 說:
妳放假？
meom 說:
放工後
杜比 說:
我諗住教完班，會入海洋公園行下，睇番上次睇唔到果 d
meom 說:
ohoh
meom 說:
咁即係唔得啦？
杜比 說:
我生日免費入場哦。呵呵
meom 說:
我知呀
杜比 說:
晚上話左回家吃。
meom 說:
ohoh
杜比 說:

杜比 說:
我今晚好唔開心，sad 果隻。
meom 說:
咁算啦, 仲諗住出黎食飯tim
meom 說:
點解呀
杜比 說:
無女友囉！
杜比 說:
我係咪好衰？
meom 說:
好衰意思係咩先, 係好明
杜比 說:
例如，思想很壞。
meom 說:
haha, 起碼你認, hmmm……我估好多人都係, 不過分別係放係心/表現出來
杜比 說:
咁我好少唔認，
杜比 說:
最多咪唔講出口。
meom 說:
咁都係, 好多男人都係咁既
杜比 說:
咁我好點點呢，呵呵。人家敢問，我一定答。
meom 說:
同阿仙冇得(晚) ？
杜比 說:
無了！
杜比 說:
之前都想，依家唔想了。
meom 說:
oh
杜比 說:
呢個階段的心理好難平衡。
meom 說:
要時間lor
杜比 說:
也許是吧！
杜比 說:
快些找個女友更好。
meom 說:
咁努力啦
杜比 說:

meom 說:
瞓啦, 好累, 可能聽晚再約下你啦
meom 說:
bye
杜比 說:
我聽晚
杜比 說:
會去荃灣和媽媽吃晚飯，不過
杜比 說:
會好早吃完的。
杜比 說:
她習慣早吃飯。
meom 說:
再傾啦
杜比 說:
gd nite
meom 說:
nite

>>August 24, 2006 at 1:04:43 AM GMT+8

2006 年 8 月 23 日 星期三 【晴】

無話
可說

2006 年 8 月 23 日 星期三 【晴】

好幾年前, 初知道香港有棟篤笑表演者「黃子華」,
當時未有機會入場睇佢演出, 後來從書櫃中發現這個書。



看過書後才買來他這棟篤笑表演的VCD, 真的很精采。
後來這本書仔從書櫃裡失蹤了.... 原來老豆拿走了, 日前又拎回來, 再翻看一回。

>>August 28, 2006 at 12:54:32 PM GMT+8

2006 年 8 月 23 日 星期三 【晴】

劉德華x林夕
全新大碟【聲音】

最新粵語專輯《聲音》，
以「觀照世界的聲音」為概念，新專輯由華仔及林夕共同定調完成。



========================================================

劉德華‧觀世音

填詞：林夕
作曲/編曲：方大同

接吻聲　喝彩聲　派彩聲　拍檯聲
按扭聲　拆樓聲　跳樓聲　聽不聽
唱K聲　唱票聲　上牌聲　碰牌聲
吃糊聲　算帳聲　訴苦聲　聽不聽

＊湧湧聲浪撞睡蓮　瞬間生滅如一念
　閉起眼觀照　塵世上音波的曲線
　法界看盡眾聲　喧嘩閃似電
　像貪瞋痴交響盛宴＊

攻訐對拆論辯胡言　傾心細訴立誓甜言
爭吵哄騙大鬧謠言　也更可是非點
烽煙抗議怒罵儳言　悲哭控訴道別留言
招呼耳語問候微言　說教勸交吹牛敷衍

雨會乾　鳥會飛　蝶會死　夢會醒
樹會枯　愛會苦　耳會躲　聽不見
疾似風　逝似煙　謝似花　碎似灰
遠似星　淡似水　靜似心　聽不見

REPEAT＊

彼此有壓力未能眠　彼此有怨念夢難甜
彼此有困局問誰憐　世界誰在打點
彼此有抱憾未能言　彼此也有恨問誰填
彼此也有病被人嫌　有劫要等高人指點

(喜歡你　打倒你　未解決等你)
念在你　推舉你　別一味小器
(未表決等你　為何你未忘記　為何你想死)
大家都等你　你去死　為何你想死

聽飛蟻撲翼伴愁眠　聽喪禮眼淚滴成蓮
聽乞丐缽上撞銅錢　聽眾聲在表演
聽短訊往復渡餘年　聽伊美對罵疾如蟬
聽心跳放下靜如禪　聽法句經釋然

釋迦說法贈下遺言　拈花帶笑靜默無言
超生破障寂滅忘言　你會否靜一點
聽一個印度籍童言　聽他笑說欲渡明年
聽他喝清水彷似箭　你會否不張揚捐錢

啦...道理深　道理淺　放於心解脫
無常道都不可說　靠你解決



劉德華、林夕希望便透過近不同的文字，
帶領大家從新「心」觀察這世界，寧聽大家的心聲，
把世界上各種不同的聲音，栩栩如生的投入每個人的心裡，是大家絕對不能錯過的好歌。

>>August 24, 2006 at 1:39:47 AM GMT+8

2006 年 8 月 23 日 星期三 【晴】

轉載全文
from 偷我相的人(但我甘心)

==============================================================

2006 年 08 月 19 日 星期六 【晴】

《心之重視》


大家唔需要理會我以下既說話...
只係好少好少既事...
我只想同老婆解釋少少野...

老婆~~我唔係想同你搵交鬧...
也唔係想話你做錯...
因為我知你係無心既...
只係你有時講野唔經大腦...
而令到我有時不知所措..沉靜左...

我知你係好愛好愛我...
也知你係好重視我的...
其實我只係想比你知道...
你講咩說話會令我覺得...我唔重要...
可能其他人聽到會覺得沒什麼問題...
但對於我呢講...感覺就會很強烈...
因為我愛你既程度已經可以說是痴左線~~!!

講以下Case之前...
大前提係..
第一....除了工作同訓覺以外...我自願將所有時間比晒你的...
　　　既然我所有時間都是你的...所以如果我陪不到你...係要你同意的...
第二....以下Case我不太記得...可能有d錯...只係大約意思係咁..

Case 1：
行街時..接完電話後...
老婆：你朋友約你呀...??
我：係...
老婆：咁你去陪朋友啦...
我：我拒絕左佢..
老婆：你去啦...我無所謂...我唔介意...我自己回家就得...

我其實反而會很介意你咁講...
我會覺得...原來我唔陪你...你係無所謂...
我會覺得...我好微不足道...好唔重要...

其實如果我係想去...我自然會同你講邊個約我去邊...問你比唔比我去...
我唔想去...我就唔會向你提呢件事...就直接拒絕朋友...要到你問我...我先會提返呢件事...

雖然你口講唔介意...無所謂...
但其實如果我真係走左去...
你真係會唔介意咩??你唔會唔開心咩...??
我相信你心入面係會介意...

如果你心入面真係會介意...
咁你下次就唔好同我講...叫我唔洗理你...
唔好同我講唔介意...無所謂

Case 2：
閒聊中...
我：亞邊個約我去邊到wor...我拒絕左lu
老婆：點解??你去啦..
我：我想陪你多d..
老婆：你真係可以去架wor...我無所謂

我真係想陪你多d架~~!!
我寧願和你漫無目的咁過...都好過陪朋友去玩...
各位朋友~~真係對唔住~!!我係重色輕友之人~~!!
試問有誰會放棄...最愛的人和自己的相處時間~!!
但除了玩樂之外...如果朋友有難...我會立即幫手的~~!!

講真...我占有欲真係好強...
無時無刻都想你在我身邊...
當然工作,陪你家人同睡覺時間除外啦...
有時你朋友約你...你問我比唔比你去...
我當然會比你去...你係想去先會問我...
我唔會唔比你去做...你想做既事...
但我自私之心係想你陪我多d...
所以我每次聽到你話有朋友約你...問我去唔去得...
我都會有點失落...因為我見你的時間少了...
又所以有時朋友約了我...我都會問你同唔同我一齊去...
我並不是想你見我朋友...只是我想你陪住我...

讓你的時間給你家人...我不會太介意...
而將你的時間讓給你朋友...我就不太願意...
因為我覺得...心愛的人是重要過朋友~~!!

=================================================

戀愛, 並無一定的方程式。
每一對, 每一個組合都唔一樣的相處形態。
正因如此"千變萬化"才難能可貴。

我認為, 只要雙方都認同雙互走在一起來而產生的相處形態就成了。
甚至雙方都認為愛情第一, 視對方為自己身體的一部份,
的確真係可以無視他人觀點與評論。

至於如何分配時間, 我絕對支持在對的時候做對的決定。
例如：相愛的時候做相愛的事情【請勿錯過】。(傷愛的時候則保持清醒, 以免傷心傷身)

不過, 在這個大世界中生存, 並不容易,
太難以脫世(脫離世俗), 即使能夠脫世, 亦難以持久, 所以難免變得「世俗」。

講到脫世好似放大假咁,
辛辛苦苦的"撐"果三百幾十日,
含辛茹苦咁放六七日假。
辛苦途中, 花錢買醉尋歡, 結伴交友, 互覓歡愉, 其實自作自樂。

何其悲哀！！

=================================================================

豬先生

歌手：許志安
作曲：藍奕邦
填詞：林若寧
編曲：伍仲衡
監製：藍奕邦／伍仲衡


雖則天真的蠢豬　我未搏得歡呼讚譽
然而有你愛上我的短處
快樂也許不必富庶
繁盛世界慣了已冷眼
去看我滑稽的際遇
能令你去發笑也有用處
我用傻事去捐輸

＊多麼蠢的蠢豬　個個也來揶揄
　高攀不起公主　並沒段段艷遇
　悠然面對這悲劇遭遇
　齊集給了你當笑話書

　多麼蠢的蠢豬　愛上那條人魚
　即使爭都爭輸
　仍然從未怪罪於天主
　自信戀愛運肯特殊
　明日你前來叫我蠢豬
　講愛情暗語＊

即使悲觀的烏龜　我亦看出牠的美麗
仍然有你愛我我都矜貴
快樂要先拋開智慧
誰又會似隻蟻去獻世
各有各獨一的瑰麗
同樣你愛錫我　哪有代替
証實人沒有高低

開心多麼簡單　要愛有何疑難
不必苦苦支撐　但願是是但但
誰人自怨說生活艱難
成就只怕要勉強高攀

開心多麼簡單　那怕愛人平凡
A 餐 B 餐 C 餐
原來無論吃什麼早餐
共你的每日都燦爛
而幸福秘訣太過簡單
於好處著眼

Repeat ＊

============================================

聽人說, 失戀的時候, 不應該聽太多中文歌, 特別係廣東歌。
的的確確大部份都是情愛主題, 好一些的會說及歡情, 但其他少不了是悲情的。
而當失戀時聽到這些中文歌, 遇上悲情的, 故然合時應景, 感觸傷心；
不幸更遇上歡情的, 情況更糟, 一旦歌詞提及幸福場面似曾相識, 心更是酸。

=========================================================================

愛得太遲

歌手：古巨基
作曲：楊鎮邦
填詞：林夕
編曲：雷頌德
監製：雷頌德


我過去　那死黨　早晚共對
各也紮職以後　沒法　暢聚
而終於　相約到　但無言共對
疏淡如水
日夜做　見爸爸　剛好想呻
卻霎眼　看出他　多了皺紋
而他的蒼老感　是從來未覺
太內疚擔心

最心痛是　愛得太遲　有些心意
不可等某個日子
盲目地發奮　忙忙忙其實自私
夢中也習慣　有壓力要我得志
最可怕是　愛需要及時　只差一秒
心聲都已變歷史
忙極亦放肆　見我愛見的相知
要抱要吻要怎麼也好
偏要推說等下一次

我也覺　我體質　彷似下降
看了症得到是　別要太忙
而影碟　都掃光　但從來未看
因有事趕
日夜做　儲的錢　都應該夠
到聖誕　正好講　跟我白頭
誰知她開了口　未能挨下去
已恨我很久

錯失太易　愛得太遲　我怎想到
她忍不到那日子
盲目地發奮　忙忙忙從來未知
幸福會掠過　再也沒法說鍾意
愛一個字　也需要及時　只差一秒
心聲都已變歷史
為何未放肆　見我愛見的相知
要抱要吻要怎麼也好　不要相信一切有下次
相擁我所愛又花幾多秒
這幾秒　能夠做到又有多少
未算少　足夠遺憾忘掉

多少抱憾　多少過路人
太懂估計　卻不懂愛錫自身
人人在發奮　想起他朝都興奮
但今晚未過　你要過也很吸引
縱不信運　你不過是人
理想很　愛於咫尺卻在等
來日別操心　趁你有能力開心
世界有太多東西發生　不要等到天上俯瞰

>>August 23, 2006 at 8:56:26 PM GMT+8

2006 年 8 月 23 日 星期三 【晴】

時隔一晚
只是一晚

森美大哥果然利害！

廿二號

廿三號

<人氣: 37713>

>>August 23, 2006 at 2:51:20 AM GMT+8

2006 年 8 月 22 日 星期二 【晴】

淺水灣黃竹坑
新蒲岡西營盤


還不錯的女孩子, 而且是說普通話的。



原來這裡是有儲物櫃出租的。











>>August 23, 2006 at 4:08:03 PM GMT+8