2005 年 4 月 23 日 星期六 【晴】

今日同Lilian & Stella一齊返教會~諗住操past paper~
點知........上到去先發現發起人阿伯都唔o黎囉........=o="
芝士就笑到停唔到.........只怪伍太太料事如神~哈哈!
結果呢個「溫習小組」只係得我o地3個+芝士+文昌囉~
Lilian做exercise~我就睇past paper~Stella就做佢ge日文功課~
我o地一路做一路傾~Lilian同Stella仲攞埋d貼紙相出o黎睇~
又用手機影相咁...........
結果肚都餓埋~我o地3個就落去食車仔麵~
食完上返去~都唔係做o野啦~又跳舞又彈琴咁.......^^"
我又攞o左Stella本日文notes o黎睇~
hea o下 hea o下又到6點幾~
Stella要上日文~所以我o地都走lu~
我同Lilian就去荷里活行~
見到有貼紙相影~不過最後都冇影到~
最後淨係行哂d衫鋪就搭車走lu~

>>April 25, 2005 at 8:28:48 PM GMT+8

2005 年 4 月 16 日 星期六 【晴】

由於尋日成6點幾先走~班房鎖o左~帶唔到notes同通識d o野返去做~
而粟米又咁o岩漏o左d o野o係班房~
所以我o地今日約埋返學校~
(咁大個女第一次無端端返學校~^^")
我o地返到去1:25pm~
搵校工"手羅"鎖匙~
我開locker搵返我d o野~o個個校工竟然上o左o黎催我o地囉!
d態度仲要勁惡劣wor!~驚死我o地偷o野咁款!
(後來粟米同我講話聽到佢話我o地阻住佢食飯wor!)
大佬呀!冇人叫你上o黎ga wor!我o地自己"手羅"key自己上去~
又唔係上o左去好耐~係你自己麻鬼煩要上o黎ja bor~唔該唔好賴人啦!!!><"
最憎人無啦啦鬧人ga lar! 爆嬲咁走出校門~時間係1:35pm~
計埋搵校工"手羅"key ge時間~都只係用o左10mins ja大叔!!!有幾耐呀???有幾阻你呀???
之後去o左潮特睇o野~結果都係搵唔到........唯有o係大埔買啦~
之後行去油麻地買材料~諗住聽日整馬拉糕~
哈哈......多謝粟米ge指導我呢個唔多入廚房ge人~>v<"
跟住搭火車去沙田~周圍行~影o左貼紙相~幾怪o下囉......^^"
又去o左仙踪林飲+食o野~等o左幾耐~坐躚踿櫈~搖呀搖~
跟住繼續行~陪粟米買「榴槤」~哈哈!
咦.......俾你知道o左tim........@v@"
又周圍睇衫~見到條裙幾靚~有d想買tim~
粟米都想買幾件衫~不過我o地都冇幫襯到........
行到腳都"支力"~到7:15pm就搭車走lu~
返到樓下買埋其餘ge材料~哈哈~突然好興奮~好想快d整呀!
不過.........唔知整成點呢........=v="

>>April 16, 2005 at 10:21:32 PM GMT+8

2005 年 3 月 27 日 星期日 【乍寒還暖】

今日一返到教會~見到Lilian~嘩! 真係俾你嚇親!
著短裙ge雀仔.............呵呵!>v<"
團契完o左之後Cherry教Lilian彈「21110011」~
Cherry走o左之後~我又o係隔離彈Amazing Grace~哈哈~
Lilian call Stella 早d約出o黎等~咁我又繼續彈多幾隻之後先落地鐵站~
落到去Stella都到o左lu~我o地決定去CWB~
去到Times Square~首先去搵貼紙相舖~
見到Double Rainbow~Stella話想食~於是3個人一齊買~幾好味~>v<
去到間貼紙相舖~見到有3部機我都未影過ge~
結果影o左其中2部~都幾靚oY~
哈哈~37面小姐~下次記住轉pose lar~^^"
影完分完~佢o地過完膠都成7pm lu~要快d食埋o野先...........
結果去o左M記~又係食點Jack~3個餐~試o左少少芥末醬~都OK~
佢o地去去買o野o個陣遇到個串收銀wor~好似啞咁ga wor~結果去同經理講又冇乜反應wor~
唉~今時今日咁ge服務態度係唔夠ga!!!
食到差唔多7:35pm~趕去搭MTR去灣仔Art Center睇《男人之虎》~
去到arm arm 8pm~套o野係詹瑞文主演ga~好爆笑!!!>v<
佢又扮乜似乜wor~好勁呀! 日本人、泰國人、阿拉伯人、章小蕙、黃秋生..........etc.
笑到我o地3個肚痛...........>v<"
睇到10點半完場~出o左Art Center之後~Stella發現o左d o野~我都覺得好恐怖..........>o<"
之後又搭MTR去返CWB~許留山食糖水~yummy!>v<
Stella同Lilian o係度講~我就多數o係度聽&諗o野..........
食完已經11:50pm~阿媽已經多次急call..........
於是搭車即走~搭緊車o個時都同Lilian傾o左唔少..........
哈哈~閔政浩!!!估唔到我o地2個都覺得似.......又cute又好人!>v<
係咁傾o下傾o下~一d都唔眼瞓............
返到屋企已經過o左1點lu...........

>>March 29, 2005 at 4:37:28 PM GMT+8

2005 年 3 月 25 日 星期五 【晴】

今日約o左Jessica & Sally去沙田~
哈哈~唔駛去旺角~好彩~>v<"
首先去影貼紙相~特別係由於我尋日發現有新機~
3個人影o左2張~我同Sally影o左一張~
我同Sally影o個次~後面冇人影~所以有無限時間畫o野~激死Jessica~^^"
俾我發現到個新功能~掌握到少少點用~yeah~>v<
用o左之後~我同Jessica大叫~好靚呀!!!~haha~我仲玩上癮tim ar~
一定要影盡呢部機呀!!!>v<
影完就去搵地方坐低~最後去o左麥當勞坐~
Sally未食o野~佢叫o左個餐~幫我o地加$4買o左盒4塊麥樂雞~
試到咩「點Jack」~日式咖喱醬~幾好味oY~酸酸o地~
又分埋d貼紙相~我chose o左好耐..............=v="
之後行o左行~去埋大眾就走lu~

>>March 26, 2005 at 3:47:13 PM GMT+8

2005 年 3 月 24 日 星期四 【陰】

今日係便服日~
本來諗好哂著咩ga la~到最後媽媽唔俾我著o個條裙囉.........
無奈.................><"
最後唯有著條好普通ge裙囉........
本來以為返到學校個feel會好怪~原來都唔係oY..........
係入禮堂o個陣怪d je.......
返去只係上4堂~之後就空堂~
約o左Celery去唱K~同埋Lilian去~
爆唔抵囉!!! lunch爆哂~迫住唱happy hour~唱o左$78囉~
我o地仲要3:00趕返去學校集合~成班去沙田睇展覽ga ma~
唉.........不過都幾happy ge~唱到呼天不應~又一氣呵成唱哂成首勁歌金曲~
Celery成日o係度扮聲~搞到我笑到唱唔到歌~>v<"
唱完我o地就跑返學校~Celery就走lu~
集合哂之後~先知原來有旅遊巴接我o地去ga~呵呵~慳返車錢tim~
o係旅遊巴上面~Lilian攞部相機出o黎同我同阿Man狂影相~kaka~白痴.........
去到之後~我就同Olivia一齊行~行o左好耐先俾嫦嫦點醒要搵d咩~^^"
最後我o地都決定做隋唐~我就抄一條隋ge寶石頸鏈ge資料~個個行過見到條鏈都話好靚~
之後我同olivia都抄o左一個石壁ge資料~夾埋都應該寫到400字ge~^^"
我o地抄哂睇哂都成5點lu~要解散點名~
落到大堂見到d人都散哂~成堆人都去睇見鬼10 wor~
我就同Olivia同Stella睇o左個趙少昂紀念館~
之後join埋Lilian~去睇紅白藍展覽~好靚好得意~>v<
睇完就同Olivia上返去睇吳君麗紀念館~d頭飾好靚呀!!!
我同Olivia睇完都有d想試o下做大戲tim~哈哈~
Lilian上o黎搵我o地~又一齊去睇紀念品~
行行o下Lilian又話好支力~o係門口等我o地~
於是我o地又係咁睇~見到有萬花筒呀!好靚呀!一直以o黎都好想要ga~不過最後都冇買到.........
我o地行行o下~間鋪熄埋燈都唔理~再行多一陣~有個小姐走埋o黎話:「唔好意思~閂門lar!」
我o地先肯走~kaka~不過Stella同阿渠仍然睇緊o野...........^^"
睇完已經6點~出去同Lilian一齊走~佢好似散哂咁...........
之後去返新城市~同Olivia影貼紙相~Llian好慘咁坐o係某一角落等我o地~
影得好靚oY~剪相o個陣.......得2把較剪~仲要俾人攞o左其中一把走~
唯一一把俾幾個學生妹霸住逐張剪~仲要慢慢剪囉唔該!>o<
等到我o地等緊o個d人黑哂面佢都唔理........唉!
等o左唔知幾耐先剪完~跟住第二把較剪先至俾人還返~一係冇~一係2把一齊o黎..........=o="
剪完上返去搵Lilian~好似好嬲咁bor~
Olivia走o左~佢就話我唔理佢etc..........sorry...............=v="
返到屋企都過o左7點半lu............

>>March 26, 2005 at 3:08:25 PM GMT+8

2005 年 3 月 21 日 星期一 【晴】

首先多謝粟米ge馬拉糕!!!
真係好好味呀!!!好似街買o個d呀!!!
好成功呀!!!>v<

PE堂上排球~
一早已經有不祥預感..........
一個接一個練完開波之後~俾人的出去玩六對六比賽囉 !
我對住我o個組d人大叫:「唔出呀!痴線ga?!死都唔出!!!」
有人冷冷咁答我:「唔想出就唔駛出ga lar咩?!」
個阿sir仲話咩「玩o下ja ma~輸贏都冇所謂啦!」
我想講唔係輸贏ge問題~而係我出o黎獻醜ge問題囉!!!
=口=".........oh my god!!!........
即刻眼濕濕~我忍!!!><"
完全唔知發生咩事~又唔識開波、走位~
成場都係成碌木咁企o係度居多~
開波又開唔掂~火羅火暴 ! ! !
好彩只係打半場~俾其他組打~

之後搓波我都冇心機~完全唔想掂個波~
打打o下Lilian打到隻手頂唔順~坐o係隔離睇我o地打~
我咪乘機陪佢坐低唔打囉~
仲俾佢識穿o左我借d倚唔打tim..........=v="
睇住個個都爆開心咁玩~
唔好意思~我真係投入唔到囉!!!
我ge運動細胞有零個oY唔該!
等落堂........「度秒如年」.........
之後仲宣佈要上多五堂排球~真係想堂堂早退!
果然係由細到大我最憎ge科目!!!真係不負我所望!!!

>>March 21, 2005 at 8:23:17 PM GMT+8

2005 年 3 月 16 日 星期三 【晴】

今日放o左學之後同Lilian幫人手帶那個什麼「新欣計劃」~
就係督促d小學生做功課~
入到課室望一望~就見到一個好可愛ge小妹妹~
肥嘟嘟、面圓圓、眼大大、仲同我一樣係齊陰ga~>v<
開始冇耐~佢就舉手話唔識畫畫~
我見佢咁得意就梗係即刻走過去教佢啦~
結果我o個個幾2個鐘就係痴住o係佢o個組度~哈哈~
我係咁偏心ga lar~曳o個d我眼尾都冇望過佢o地囉~>v<"
佢真係好cute ga~佢今年P.1~問d問題好得意ga~
「點解我爸爸姓余、我媽媽姓許，我又姓余ge?」
「如果有人掂我膊頭同背脊，咁佢算唔算非禮我呀?」
「你鍾唔鍾意食豆沙包ga?(我答鍾意)咁你咪好似叮噹囉?!」
佢仲送o左一個佢摺ge盒同一張畫俾我呀~
佢問:「姐姐~點解我送o左2樣o野俾你~你冇送o野俾我ge?」
於是我送o左粒糖俾佢食.........=v="
佢又問o左我2次:「你聽日仲會唔會o黎ga?」
搞到o個一刻我真係想日日都去~>v<"

雖然有d細路真係幾唔聽話~
返屋企o個時都有d頭痛........
但係o個個小妹妹真係好可愛呢!
好想同佢影張相~唔知有冇咁ge機會呢?>v<

>>March 21, 2005 at 7:50:10 PM GMT+8

2005 年 3 月 15 日 星期二 【乍雨乍晴】

今日粟米、Stella同Sindy都病o左冇返~
硬係好似少o左d o野咁.........^^"
臨近lunch time o個時無啦啦問o下阿Man下晝通識有冇o野交~
先醒覺要交floppy............=o="
完全冇準備~又冇floppy~爆驚wor........
Miss Lai講過話唔收遲交ge功課ga ma~=.="
於是我要買飯返o黎食~先趕得到去library上網搵料搞掂隻floppy~
阿Man話library有floppy攞~點知原來已經俾人攞哂............=o="
一直都唔知點算~直至阿Man幫我問Miss Pang~原來佢私人有一隻可以借俾我~thx!^^
用o左10分鐘搵料+copy~開o左3個file~我知唔夠ga~不過冇法子啦...........
之後又要跑上去課室~好彩Miss Lai未o黎.............
上堂o個時派返上次做ge臭氧層past paper功課~
首先Miss Lai 講o左Amy寫得好詳細~做得好好~
跟住話全班有2個同學最高分~一個係阿沈~正當我o係度諗緊仲有邊個ge時候~
Miss Lai竟然講另一個係我wor.......好surprised呀!!!真係冇諗過wor.........
相信Miss Lai o係o個一刻見到我個樣完全係→(@O@)
之後我同阿沈都有珍寶珠食~hehe.........好開心呀!>v<
之後我同阿Man仲趁小息時間去library copy埋我o地2隻floppy d o野tim~鬆一口氣! =v="

夜晚睇大長今~
好慘呀!韓尚宮死o左...........
諗起佢同長今ge o野~聽到片尾曲~即刻標眼淚~結果喊o左5分鐘.......><"
實在唔捨得佢就咁去o左...........
之後都搞到我冇乜心機溫中史.......(藉口).........^^"

>>March 16, 2005 at 11:27:18 PM GMT+8

2005 年 3 月 12 日 星期六 【陰】

Happy Birthday to Man豬 & Charles !!! >v<




今日好無聊哦 !
等電話..........
瞓覺...........
豬.........

>>March 12, 2005 at 10:22:25 PM GMT+8

2005 年 3 月 8 日 星期二 【晴】

Happy Birthday to Sonia !!! >v<
婦女節快樂!!!

今日出o左《喜歡祖兒3》lar~
同Phoenix 一齊買o左~
等我講o下隻碟先...........
今次d相影得好靚呀! 個image都好適合Joey~
我o係網上睇到d相~即刻大叫「爆靚呀!!!」~就即刻決定一定要今日買到 !>v<"
講o下d歌先~d精選舊歌唔講lar~講4首新歌啦~
《明日恩典》呢首勵志歌令人聽得好舒服~聽完個人都會開心d!
《呼天不應》係抒情慘歌~講一個女仔感情兜兜轉轉~求上天俾一段真正ge感情佢~
曲詞都好正~
《刻不容緩》唔駛多講啦~一首好正好夾ge合唱歌~
《日安憂鬱》係一隻幾特別ge歌~唔係K歌~聽落有d夢幻ge感覺~個人覺得個feel有d似《蜃樓》~
d 歌詞都寫得幾中~

>>March 9, 2005 at 11:04:06 PM GMT+8