2006 年 1 月 8 日 星期日 【晴】

死...就開學喇...orz||||
我尋晚竟然發夢都見到FYP...
真係OMG...

早排比人話我呢排做乜好似咁頹咁...
跟住發現原來我真係好耐都冇做過D想做既野...
好似自從10月開始就狂趕功課...之後考試...
考完試打左2日機...之後係咁出街出街...

都冇停落黎比自己抖下...思考下...
而而家正係一個轉入直路既位...
我真係要爭取時間好好咁諗下到底自己應該點...

玩左明星志願3...
真係一隻好好玩既GAME...
雖然仲有D可以改善既野...
但佢令我自豪呢隻係一隻由華人開發既GAME...
隻GAME既質素真係可以同日本GAME媲美...
唯一唔好既...係佢引入左D腐野...OTL
不過比起之前幾代...呢代真係正左好多...
所以今年會推出既仙劍三同軒轅劍五都會令我留意...
大宇同火狗...
呢2間暫時係我覺得最得最成功既華人既遊戲開發公司呢~

今日睇電視(出奇...我竟然睇電視...)
同一時間...無記做窈窕熟女...國際台做窈窕淑女...
一套係鬧劇...一套係經典次作...
一個得意既巧合...

韓燒計劃進行中...(茶)

>>January 8, 2006 at 4:17:00 PM GMT+8

2006 年 1 月 2 日 星期一 【晴】

祝各位新年快樂~
新年...?
咁未即係1月...?
1月...
oh...no....
FYP....
死...
要趕工喇...~_~"

BUT都係好想去玩...>_<

>>January 3, 2006 at 9:59:53 AM GMT+8

2005 年 12 月 28 日 星期三 【雷雨】

「放棄」這件事...
我要怎樣才能做到......
是要決定「放棄」，
然後再照著行動?

之後的選擇，
全用「反正我已經放棄了」來作決定，
悖離自己真正的心意?

總有一天，
一切的一切，
到了那天，
全部都會消失?

還有胸口劇烈的痛楚，
一切的一切......
都會不留痕跡?

彷彿...
什麼也不曾發生過。

有時有d野...已經有無數次咁問過自己係唔係應該放棄...
但總係每次都係係個邊緣位又放棄唔到...
或者真係需要一d事實黎証明左自己係做唔到...
先至可以真正放棄...

有時亦都試過選擇唔去諗...
只係專心咁投入去做日常要做既事...
但就好似有一條條既刺插左係度咁...
每當遇到一d野牽動到既時候...
呢一d被埋藏左既問題就會湧哂出黎...
個人又會陷入沉思之中...

==================================================
今年聖誕...自從考完試果日就日日不停咁出去...
直到今日先至停落黎...

不過呢個假期同好多人都傾左好多計...
傾計其實都真係一件幾開心既事...
而且見得到...好多時人地d問題或者煩惱...
講左出黎之後心境都會好好多...
比自己一個屈住屈住係心入面好...

雖然有時聽到一d野會好突然...
但係點都比唔知道好...
even可能聽到既唔係自己想聽到既...

>>December 29, 2005 at 6:40:35 PM GMT+8

2005 年 12 月 16 日 星期五 【晴】

賀~!!!!
鬼眼狂刀有望在300回之內完結...(現在是291回)
如果真是300之內完到既話...單行本就仲有3~4期 =_=+

>>December 17, 2005 at 3:47:41 PM GMT+8

2005 年 12 月 11 日 星期日 【晴】

今日終於睇左鋼鍊既劇場版...
不過比我想像中仲要悶少少...
有幾點感想...

1.唔知點解...好多野既劇場版都係咁...大爆炸既場面特別多...好似d 荷里活電影咁...
2.d人講野既速度好慢...比一般既動畫慢...
3.winry成為最後既受害者...只係淨返隻狗陪佢...
4.scar同lust終於可以係埋一埋~(心)
5.幾buy最後果陣係墳場跳舞果part...
6.唔知點解大佐出火(奸笑)果陣...突然間個樣型左咁多...
7.某好爸爸係平行世界得到幸福...不過唔知係平行世界有冇囡囡呢...
8.兩兄弟係平行世界相依為命...一定會引起好多人腐既思想...=_=|||

總結係套野想比好多係鋼鍊世界既人係平行世界有個好既結局...但係又要加硬整到套野好似原著好灰咁...可能d fans會好buy啦...but我就覺得搞到有d搞笑...~_~
大致上既評價係一般啦...睇開就睇埋佢咁解...

近期迷上左NANA入面雷拉果首插入曲"Endless Story"...越聽越好聽...~!!
多鬼某人所賜...搞到我溫緊書都係度聽...~_~||||

星期五開始考試...考到下個星期三...好似好快考完咁...
but其實溫書都唔夠時間溫就真...(但偏偏呢個時候有人係度打日記)

最近又好想畫野...想畫d唔同d既野...想重拾之前果種創作既感覺...

近排發現到幾隻幾有potential既OLG...
1.ECO (Emil Chronicle Online)
2.曙光Online
3.炎龍Online
but 3隻都未公測...ECO仲只係係日本O岩O岩開始正式Service...

其實仲有好多野想寫...but都係寫住咁多先...下次繼續...

>>December 12, 2005 at 2:42:34 PM GMT+8

2005 年 12 月 9 日 星期五 【晴】

竟然出...?!
大期待...如果之後出埋其他就正喇...
呢套想成套入...
but 400yen x 6.....orz...|||||
仲可能有隱藏...(卡普拉?)
http://www.ragnarokonline.jp/news/game/figure/index.html?ref=mail
LINK唔到...自己copy and paste去睇每一隻既詳細資料啦...



ps: 多謝各位關心我既朋友仔~ ^^

>>December 10, 2005 at 9:50:05 AM GMT+8

2005 年 12 月 8 日 星期四 【晴】

e?!
乜study week完拿?
我好似o岩o岩先趕哂d asg咋bor...?!

>>December 9, 2005 at 11:32:49 AM GMT+8

2005 年 11 月 30 日 星期三 【晴】

突然望下個月曆...發現原來已經12月喇...
原來我成個11月都用哂黎趕功課...OTL...||||

不過...都算算地轉入直路...
而家係差星期五1份DEADLINE...
星期日考試同星期三既DEADLINE...
之後就會有一WEEK叫做FREE D <---STUDY WEEK...
之後就到CITY既考試...考到21號...
跟住就X'MAS喇...BUT X'MAS要做FYP...OTL|||||
真係有一種見唔到終點既感覺...

>>November 30, 2005 at 4:15:45 PM GMT+8

2005 年 11 月 27 日 星期日 【晴】

死喇...死喇...
星期日考喇...要溫書喇...
but原來今個week仲有3份野要交?
真係唔知點死好....(汗)

>>November 28, 2005 at 6:25:15 AM GMT+8

2005 年 11 月 25 日 星期五 【晴】

尋晚好似爆左種咁...趕趕趕趕個inerim report...
天光時send左比supervisor睇...
諗住...終於有得抖下喇...
誰不知...一訓醒...
check mail....supervisor竟然係8點幾既時候re左mail比我...
寫左8個point比我去improve...
只係區區8個points...已經令我心情突然一沉...
因為已經足以用盡我一路到份report deadline前既時間...
正所謂禍不單行...本來之前鬼登將時間表搞到好迫好趕咁...
都係為左可以用下星期黎溫日文(星期日考試)...
不過就係星期五...algorithm既阿sir突然放左份asg出黎...orz||||
仲要平時d小asg佢會比2week我地做...
呢份asg...佢竟然只係比一week我地做...真係痴線架...=_=|||||
突然就好似見到個考試d報名費飛走左咁...~_~|||
真係嗚呼哀哉.............

話說今日去同某P影畢業相...
影之前就去左WARAWARA度食LUNCH...好味...
食食下...某P D FRD黎左JOIN我地食...
終於見到傳聞中既LUZ同柏林...
不過好好笑...
本來以為柏林會係一個好OUTGOING既人...(COZ佢係CABLE講波)
BUT黎度佢見到我反而好似好唔自在咁...好似有少少怕醜咁...XD||||
定係男仔同男仔第一次見都係咁? XD||||
定係我個樣太正經...嚇親人地? XD||||||||||||
相比之下...LUZ就比較熱情...
不過由於今日嚴重唔夠訓...
所以個腦HANG HANG地...講野又唔係好經大腦咁...
仲成日係度好似傻笑咁...希望冇嚇親人地啦...=_=||||
所以我成日都話...去D SOCIAL場合...精神狀態要好好先得...
COZ SOCIAL其實都係一件幾傷神既事...尤其係同人唔熟或者O岩O岩識人地...
(熟既話就成PAT野咁出現都冇所謂啦...)
食完之後就搭南過poly...途經7仔...見到個好正既扭蛋..係JR既站牌既匙扣...
抽左2個...BUT都係抽唔到我最想要既車飛...T_T
好想再抽...BUT返到樓下就好似唔多見...~_~"

去到POLY JOIN了星爺...之後就周圍搵地方影...
影影下...我發現唔知點解我突然開始成日手震...~_~"
頭幾張都冇事既...~_~"
影左一輪之後就去左新CAN...某P請我地飲"加柏仙奴"...
BUT果度D"加柏仙奴"飲落好似得個苦字...冇乜味...
呢個係返到屋企諗諗下既結論...尤其嚴重眼訓...所以慢左好多拍...
飲完之後吹左陣水+某人虐待某熊人之後...
本來大家諗住去OUR WONDERLAND度食野...
BUT由於LUNCH食得太晏...又飲左"加柏仙奴"...
所以大家都好飽...唔係好食得落...
而且又好累...所以都係各自返左屋企...

本來諗住返到黎訓下先...BUT結果都係冇訓度...
唔通真係關"加柏仙奴"事? (謎)
BUT我話過...我今日死人都唔會做野...點都要抖下...
另外就係...唔通我真係咁飽? 返到黎到而家都冇食過野...
定係因為眼訓得濟所以唔覺肚餓呢?

算喇...打住咁多先...
嘩...原來打左OK多...我諗一定係趕REPORT既後遺症...
係咁打...係咁打...~_~||||

>>November 26, 2005 at 3:36:47 PM GMT+8