2003 年 3 月 2 日 星期日 【晴】

今日pe 又係上疊球呀~~今日係最後一堂上疊球...下次應該上返chacha 啦....
今日都好正呀~~今日係打比賽....完完全全甘投入左...個種感覺真係超正...同埋平時又少運動wor...出左成身汗...真係好舒服架~~同埋我都知道左"呂"球同棒球既分別啦~係個場同埋
put 波個陣既姿勢....今年pe 堂好玩左好多呀~~一d 都唔似以前甘鬼死悶...唔係籃球就排球...
上生活教育...我係度睇書...完住冇聽miss 係度講咩....個人又好鬼眼訓...不過之後佢講到佢家姐....我好留心甘聽.....當我聽完之後...真係好敬佩佢家姐....如果我係佢家姐....
我唸我冇甘堅強....冇返甘上下時間我都未必企到起身....唔得...我要堅強d....比多d 信心自己


>>April 14, 2003 at 3:59:10 PM GMT+8

2003 年 3 月 1 日 星期六 【晴】

今日冇出到街...仲唸住去買鞋架嘛....最後係屋企...唸住溫書架...但冇咩心機..
連功課都唔想做....好百無無賴甘過左一日...之後同隔離屋個個女仔吹水...講講下....
講左一個佢地班玩緊既一個遊戲好似係叫天使遊戲...即係一班同學入面...有天使...
有受保護既人...每個人同時係天使.受保護既人...你唔知天使係邊個...但佢會係
呢一年入面保護你(佢可男可女)可能送d 小禮物比你...到左學期完左...
甘你就估返邊個你既天使....聽完...我真係好想玩呀~~其實都好似現實生活...
不過範圍細左...我都係度做緊人地既天使...人地都做緊我既天使...
但就未必知到誰是我的天使....其實係依家...我家中已有兩個天使...
一個係我爸爸一個係媽媽...總是保護我...當然啦~~我都feel 到我d fd 入面...
都扮演緊天使既角色啦




>>April 14, 2003 at 3:57:28 PM GMT+8

2003 年 2 月 28 日 星期五 【晴】

真係懶左好多...成個禮拜都冇寫過日記啦~~因為個人又唔舒服..同埋又發生左d 野...
今日唸唸下...成個禮拜冇寫過...點都要寫一寫既...如果唔係...d 人以為我唔寫...
唔再上來睇...甘就唔係幾好啦~~~今日好悶甘留係屋企....本來真係想去睇人踢波...
但唸唸下...又真係好白癡..同埋...人地又唔一定想我去...唉~~算啦~~都係唔去..
無啦啦去...人地唔話你...自己都唔好意思啦甘就成日係屋企發呆啦~~仲申請左個留言板....
甘遲d 呢個冇左...都仲有個嘛...一於早d 申請好...第一個仲係rio 留比我...個衰人阿man...叫佢留...
居然叫我自己留飽佢...哼....我依家唔恨呀....仲有好開心既野...就係..(唔好意思係度寫)
之後我同lily 傾電話..佢同我講...我係佢既知己.....但我唔敢講話"你都係我知己"...
因為我一當左你係我知己...我就好似當左你係我身體既一部份...我驚有一日..
就好像...承諾是多麼容易說出口...而行動又是多麼的難...太多事情令我想信...友誼係會變質...除非兩個人都有心啦~~~可能過左一排..我會當你係...但依家...我們還是朋友




>>April 14, 2003 at 3:55:41 PM GMT+8

2003 年 2 月 21 日 星期五 【晴】

一早joanna 就打比我啦...都唔係特登唔聽個電話架...不過真係起唔到身嘛....
第二次個個我聽個陣你都cut 左線啦...我都唔係好遲姐...10:30都起左啦~~
11:30就話係觀塘等....唉~~次次都係我等架...下次一於遲一遲到先得....去到ocean 間野...
見到佢真係好認真甘做野...唔係平時嘻嘻哈哈甘....原來佢起野來又真係幾認真...
.joanna 剪左個頭.....其實都冇咩野呀~~有d 似一開始剪呢個頭個陣之嘛....
又話自己肥啦~~唉~~仲於相信女仔永遠都唔會覺得自己唔肥....
之後我地去左九龍灣拎音樂會d 非...真係失敗...居然唔係好知係邊...
不過最後都搵到...不過好似悶親阿香....但唔同我係甘同佢講野咩....好怪架嘛...
甘之後佢就走先啦~~
我同joanna 兩個人去睇戲...睇左成龍個套戲....兩個人去睇都唔係好怪之嘛....
可能兩個男仔去睇就怪....好好睇呀~~我地一邊睇...一邊係度笑...我仲唸起ocean 話我地搞基...
fd d 之嘛...甘又搞基....不過女仔搞基都好過男仔搞基.....
七點幾同細佬吵....次次吵親我都好少輸....今次梗係唔例外啦~~不過今次好好架啦~~
細佬冇打我...但係阿媽就係度話我....話咩雖然係細佬錯...都應該讓佢.....
我唔係聖人....我會嬲....次次個仔都係重要個女...
甘一開始知道我係女就落左我啦...又話我除左聲大...都冇樣大....
又係度話我矮.....甘我都唔想架...遺傳呢家野....唔關我事架bor...要怪都唔係怪我啦


>>April 14, 2003 at 3:54:16 PM GMT+8

2003 年 2 月 20 日 星期四 【晴】

第一堂就係中文啦~~個課書仲未背完...都背唔熟既....唸住算啦~~0分就0分啦~~
點知佢話要計考試分....嘩....唔係呀...甘默書就默書啦~~又做咩來個問答默書呀....
講到超好人....比提示我地....淨係有4,5,6,7段....係就係....但個問題差唔多...都係死左姐...
甘就冇左10分啦~~仲要有d 唔識背....甘即係....game over 啦~~
跟住上pe居然唔係跳cha cha ...而係又打返"呂球"但係唔係應該叫棒球咩???
不過miss lee 今日好燥....係甘話我地班....不過打比賽..真係幾好玩既..
居然我地係衰晒比隔離組...等我下次要打好d 先得...不過都唔知會唔會又跳言cha cha...
成日轉來轉去....到左lunch....唔知講咩....講下講到剪頭髮....之後又講起ocean....
之後就joanna決定左聽日去ocean 度剪....其實我都想剪架...但係我又好想留長wor...
次次留到甘上下就cut 左...冇一次留得長d....仲有我想剪碎....但個個都話唔好...甘就唔剪lu....
等我長d 先去cut 啦....


>>April 14, 2003 at 3:52:35 PM GMT+8

2003 年 2 月 19 日 星期三 【晴】

今日調位呀~~講起調位....我都好似坐左個個位半年啦~~仲係同Joanna 坐既....
今次話調位..我都估到我地會係一齊坐架啦€~~因為平時我地又聽話...又乖...
仲好似好比心機聽書tim...miss ng 調位既原則係男仔唔可以同女仔坐...覺得女仔會蝕左比男仔...
所以我唸....就算中五個年...我地都係甘坐架啦~~~今日bio 堂...我地係度量肺容量...
我得1500ml 咋....之後又話跑落去再跑返上來...再睇下運動前後脈搏下數....
我睇到最低血壓真係嚇左一嚇..不過miss wu 話冇咩野既...都唔係特別低...
不過睇脈搏下數就知平時我有幾少做運動啦~~lunch 去秀茂坪食....淨係行去都辛苦死我啦~~
d風真係超大...行都行唔"旭"....我個fd 話要食肥d....甘就唔驚比風吹走....
phy test 有14/25...之後上堂又測多份...唉~~見到好似甘淺...都明佢講咩架啦...點知...
佢即比answer 比我地...就知我可能0分....唉....唔得...我要比心機d....
今日好累呀~~去左joanna 屋企...都係我地一次試到"菜茶"個種味道....
真係有d 似我阿婆成日整個d 野....不過真係好大碗呀~~我好少食甘大碗野架~~
所以見到咪有d 呆左lor....不過真係唔差...不過真係大碗左小小...
做個個英文project 好辛苦呀~~又要背書....平時d 書邊有甘難背架....陳雷x 的琴音.....
真係背到有d "歐"血既感覺


>>April 14, 2003 at 3:51:26 PM GMT+8

2003 年 2 月 18 日 星期二 【晴】

今日擺書係主席個locker 度...甘彎下身放書....點知....一起身...就比上面個locker 櫃個門整親..."dump" 一聲....一聽就知....好痛啦....都唔知做咩甘唔好彩...仲要d人聽到...
望左過來...好尷尬呀~~主席話又開一班...教整壽士個d....我幫手呀~~又有得玩啦~
上次整朱古力冇去到...有d 失望...過唔緊要..等我又試整多次...今次一定成功啦~~
唔成功...好樣衰架bor....上中文堂...好似打仗甘...係甘死抄....梁sir 又係甘吹...
抄甘快真係會抽筋架嘛~~我只係講事實姐....望住我做咩姐....都唔點解...我比較甘頂撞梁sir...
可能我乖啦~~又好少做錯野...都冇咩機會比佢話我...哈哈..放左學我地去左唱k呀~~都唔知係咪四個都係女仔...定係心情好差...要用唱歌來發洩...所以係比平時唱多左好多
平時好少唱....純純去陪坐)不過唱完..把聲有d 沙....個人都冇之前甘煩...
沖涼洗頭....嘩...個頭好痛呀~~原來仲痛架wor...不過都好彩冇仲起上來...



>>April 14, 2003 at 3:49:29 PM GMT+8

2003 年 2 月 17 日 星期一 【晴】

今日lunch...jan5 真係上來搵我....仲比左d 野我tim呀~~真係好開心...
joanna 同我講...jan5好關心我....講真...我都甘覺得...之後上中文堂....今日梁sir 唔知搞咩....
話我地班d 人係後面個壁報板度畫左金魚....又畫龜....係諷刺d 阿sir wor...
唉~~明明寫住年年...之後有兩條魚....甘都知係年年有餘啦....甘敏感做咩呀??
用左成堂來話我地班...不過佢講d 野都幾岩既...人係冇一百分....對得天地良心甘就得....
之後講返書....因為話左我地成堂既關係....所以係遲放學既....
之後phy test (lunch 改左...冇測到.)雖然d 題目好多都唔識....但係我好開心....
因為唔在好似上學期甘...真係太淺啦~~(雖然拎過一分)係學校同joanna 傾左好多野...
我發覺...或者我要既....就係朋友既珍惜同尊重.....甘多人之中....真係有好多人關心我...
就好似我都關心好多人一樣....但今日阿邊個比我既反應...令我幾hurt 架
返左屋企...見到好耐冇見既家姐....無啦啦話去旺角...甘就去左啦~~
個刻覺得我同家姐真係好似...不過好開心呀~~咩都佢請....好心就送埋咩啦



>>April 14, 2003 at 3:47:14 PM GMT+8

2003 年 2 月 16 日 星期日 【晴】

今日mat 派卷呀~~35分滿分...我攞31分....錯左一個reason甘就成題冇晒分啦~~~
唉~~又係衰既...算啦~~下次要高分d....
今日第一次同wingwing 佢地食lunch...因為我地出來個陣...我d fd 已經走左...
我都知佢地係嬲我地兩個....但係...我覺得錯既唔係我一個人....冇理由咩都怪我....
次次都要我顧及你地既感受....點解唔係你地顧我既感受...
係咪因為平時我哄慣左你地呀???哄你地係因為我當你地係我個fd...
而唔係我既義務....你地令我好傷心...雖然我唔敢話我冇忽略你地既感受....
但可唔可以都顧下我感受...我都係人來架...你又知唔知你既一句野....就已經令我想喊呀???
如果做fd都唔理fd 既感受....我懷疑你有冇當過我係你個fd 呀???你地又知唔知我同
joanna 有唸過你地既感受....我唔信友誼係甘脆弱...但係發生左好多野...令我不得不信...
新既嘗試...原來同自己班d人食lunch...感覺係唔差...而且個個都顧大家既感受.....
今日同wingwing 仲衝紅燈tim...唸唸下...都好勇下....




>>April 14, 2003 at 3:45:27 PM GMT+8

2003 年 2 月 15 日 星期六 【晴】

今日特別好訓...九點幾joanna 就來個good morning call 啦~~平時都係我call 佢....
今日佢都唔知做咩甘早起身...之後話去圖書館溫書....因為我尋日同佢講既野....
去到之後...發覺兩個人d 成績真係唔係好掟...就叫左某某人來啦~~不過人地溫書....
仲要問人野....我真係覺得我好衰....不過算啦~~我一直都係衰人
返屋企個陣...我見到小強....好驚訝比我見到佢...好開心...話晒甘耐冇見...知道佢係葵涌讀....
都有d 放心...因為佢唔係冇讀書....不過見到佢手拎住支煙....我就即刻話佢...佢仲話唔係佢食...
幫佢個fd 拎住....當我係三歲咩...希望佢唔好甘壞啦~~記得同佢同班三年....
每一年最少都同佢坐一至兩個月....佢仲要係全班最細個個...
所以我都幾錫佢架~~不過...我地既友誼...係一直都冇増過....
就好似好平淡...但我有事佢都會幫我既,當然我都會幫佢啦



>>April 14, 2003 at 3:42:04 PM GMT+8