2005 年 1 月 24 日 星期一 【晴】

哈哈哈~!!!~考完晒所有試了,真係可以話鬆一口氣啊!!!今日考這科phy都真係離晒普丫....份卷佢都真係照跟功課同埋測驗咁出...10題野裏面....基本上差唔多題題都做過晒,個阿sir真係好唔掂丫!!唉!!!不過算啦,都過左去了,下個sem開始,原無意外都唔係佢教,算吧!!!現在開始,有成廿日的假放,都唔知做乜好,好想搵多o的錢丫,因為得閒的關係,今日終於打掃左,一個好dirty的廳,再用吸埋dust,好乾淨丫..之後n,就嘗試咁大個仔第一次煲的湯,阿媽成日係咁叫我煲湯,今日終於煲左啦,仲一大煲添,正正正,煲左一大煲蕃茄薯仔豬骨湯,o的味都真係唔錯丫!!第一次,都真係算做成功丫..呵呵!!現在都真係太得閒添,都真係要plan下這個假期要做o的乜,如果唔係又好似上次聖誕咁,浪費左個假期.............

唉...咁就完成左一個course啦.......回顧返這差唔多四個月.....其實學到o的乜呢....??除了英文有住步(但其實都唔係好多).....仲學到o的乜呢???少少的fuild mechanic?少少的新math??...但最重要的是...讀書態度...都好似仲冇乜大改變....唉......真係year 1了....生要啦...

>>January 25, 2005 at 5:24:02 PM GMT+8

2005 年 1 月 23 日 星期日 【晴】

今日考完 engineering math....哈...淨返明天一科....phy丫......考o既東西唔多....唔駛讀太耐..考埋明天,就開始放廿天假了.....所謂o既sem break.......唉.......咁就完左一個course啦......有o的人都返HK......而我就只有留在這裏.....做工學習同玩樂...原無意外在這個假期裏會去一次動物園,十分的期待啊!!.......到二月十四日(孤獨的情人節)........再開學..到時先真真正正叫做一個大學生..............向住mechanical engineering進發.....可以做自己想做o既野.......點都唔可以衰......真係要開始大展鴻圖.....由05年2月.......到08年11月............唉......中途唔可以親身到北京睇奧運添........><.......好想睇排球同羽毛球丫.....仲有女子一百米蛙游(如果有羅雪娟的話)..........好想好想睇.........如果係澳洲睇電視..一定睇唔到..最多睇澳洲人游水......唉!!!

>>January 24, 2005 at 2:06:37 PM GMT+8

2005 年 1 月 21 日 星期五 【晴】

今日行程...非常緊密...........一朝早就洗左一大機衫.........洗完.....掛好晒o的衫就立即趕去返團契.....完左團契之後.....跟住又去左一齊食lunch...好快咁食完...跟住就...立即去買送.....今日真係買左好多野丫......用左二十五點九澳幣......有1斤左右豬骨啦,兩公斤多的雞翼,半公斤菜心,一打雞旦....仲有蕃茄,薯仔.等等....好多好多........真係咁大隻都拎到手軟丫........買完返到屋企...就立即拾好晒所有野....跟住就去左返工.........一返就返到十一點幾先返到屋企.......就係咁.....就過左一日啦......結果今日又係冇讀書........當然為左補返這些時間....當我上完網後.....一定要開始睇數了.........唔可以再咁浪費時間.....同時...明天也暫時不返教會一天.......真是不應該啊!!!!唉....但點都要開始努力啦.....後天又要再入戰場了..........

另外!我已加左人工了....哈哈哈.........總算加得比人快....^^.......yeah...繼續努力....

>>January 22, 2005 at 2:24:53 PM GMT+8

2005 年 1 月 20 日 星期四 【晴】

今日…..今日就係黎左澳洲咁耐…第一次嘗試考試的大日子…..考的科目係core math. 坦白講都真係低估左佢…..原本諗住實夠時間做…會有時間淨..同埋諗住最多都係a.math level同埋..少少唔係太深的pure level….原來…佢份野都真係出到有返咁上下……….有o的有返咁上下要諗的題目…….做唔到會有咁多題..仲要都唔算短喎……時間都真係岩岩好夠咋……係叫停筆果下…剛好寫埋最後一個字….好彩…但真係冇時間check卷丫…..一個咁careless的人…..竟然冇得check卷….唉…….唔知會有幾多唔少心的情況出現呢…..><………..但今日考試….overall都總算OK啦…過得去啦….合格當然冇問題……....而份卷144分滿…..希望都拎到80%掛(希望)…..但願如此…….><

雖然仲有兩科未考….但今日照舊去打羽毛球….好似好衰仔咁…..但事實上今日打羽毛球都真係好舒服丫…..跟本就忘記左考試…..明天開始讀書一定會好好多……點都真係有唔少的幫助……..除此以外…真係覺得自己打羽毛球進步左…..雖然唔係太多…..但最少都落位靚左…..angle靚左…同埋變化多左…..但速度好似冇乜變……..有待更多更多的進步啊!!!!除左羽毛球進步之外…英文都要進步丫…..今晚聽返同屋(Krishna)講,上次的presentation真係幾好丫…..話講到好似變左第二個人咁…..同平時好唔且…好左好多…..同埋佢話一開始講野時….就感覺到份信心….唔知點解feel到o的信心…………坦白講….都真係好似幾誇張…雖然我自己都覺得improve左….但冇咁勵害丫….^^……….聽佢講完之後….真係有o的後自己冇錄低佢….激死……..


下星期一,二分別考engineering math,及physics….每份都要考三個鐘…….真係要繼續努力啊!!!!!!

>>January 21, 2005 at 3:14:12 PM GMT+8

2005 年 1 月 19 日 星期三 【晴】

噢....明天開始考試了....總共考三天....星期五,一及二.....每份考三個鐘..........而考的科目分別係Core Math(即係A.math加少少的core math,再加少少新野),Engineering Math(即係Pure math加少少A.math同math,再加少少新野),同埋Phy(多左少少浮力同pressure深入左).............要加把勁了....要H.D.!!!!HD係high distinction....這裏的grade分做五個....最高係(HD)high distinction,跟住係(D)distinction,(C)credit,(P)pass,(F)fail....

今日英文派埋o的功課了......所以英文已知道晒所有分......而果份千二字的academic essay係剛好拎到個credit...而presentation係拎到個distinction...哈哈哈....^^...個presentation原來做得幾好....yeah!!!...估唔到英文都可以有個distinction,雖然唔係乜high distinction,但都算係咁啦...仲要係presentation拎添喎......yeah....真係多得miss同埋同屋唔少丫.......所以overall...英文個grade都有credit...掛(希望)....yeah...今日都真係幾開心丫...哈哈!!......yeah!!跟住黎緊果個履活節.....原無意外應該會去考IELTS架啦.........要比心機了......現在開始定個目標在七分先.........定高o的......到時就算失手...都會夠分丫嗎....咪講笑.........真係又要又要再努力啦........................考完試要做的野...就係.....................讀書,做工,週圍逛看世界,找尋自己的興趣同埋學好好好多唔同o既野....

>>January 20, 2005 at 9:38:08 AM GMT+8

2005 年 1 月 18 日 星期二 【晴】

幾日前發覺...一個中二曾經同班過的同學原來都黎左adelaide...叫做"黎X成"....唔知大家記唔記得佢呢??佢ICQ add左我..先知佢去左這裏讀書...仲已黎左兩年....三姐弟都黎左.....咁耐都未撞見佢地添.....
過多幾個星期....將會愈黎愈多同學做鄰居了.....最起碼多兩戶.......佢地又搬過黎這個地方.........遲o的citybeach(我住的地放).....再加埋......返工,返教會同埋個FD個FD都各有一戶又係住citybeach...都真係幾熱鬧.....唔錯唔錯..............

考試倒數....仲有兩日.......星期五開始了

>>January 19, 2005 at 12:29:19 PM GMT+8

2005 年 1 月 16 日 星期日 【晴】

stella:我都未信晒架......可能要經過一段時間後......才有資格叫做...信....
竹:好恐怖咩??幾靚丫,蜘蛛俠......冇錯....識咁多種語言,可能真係會好發....但係發之前....都真係要先付出很多的金錢去學...先可以發..........大家都比心機吧

星期五就考試了...唉......仲未讀......明天必定會讀...仲會讀好多....因為又唔駛返工...返學又返得兩個鐘...所以一定要努力........向high distinction進發.............

>>January 17, 2005 at 1:54:32 PM GMT+8

2005 年 1 月 14 日 星期五 【晴】

(to ar no)sem 1出左成績??幾好嗎???我好感觸咩???可能係啦......打出舒服o的嗎.....但講真.....近排又諗多左野.........同埋唔知點解成日都聽到人講心事...........唔多唔少都聽左三個不一樣的故事...........做唔到佢地會同我講......都真係以想不到......所以在澳洲又學多左樣野......做一個好的聆聽者......仲要有一個好的反應.....真係咪講錯野丫......係香港..都真係未試過咁短時間...聽到咁多的心事..........都真係....仲要學埋超超密密實實........咁先係一個好的聆聽者........講真以前同阿豆就講得多姐....仲要多數我講......同阿葉就一人講o的......真係吹吹水....現在真係..係咁聽......感覺有點兒出奇.....同時特然覺得自已大個左囉.........因為聽佢地講....又諗返以前o的野.........覺得自己唔同左好多(好似)........唉!!!..雖然改變左,但依然都係唔夠mature.....真係要努力學習啊!!!!................所以現在的我又要學多樣野啦.............除左時間管理,自我控制......再加埋學做一個好的聆聽者...........真係在家靠屋企,出外靠朋友.....過左黎咁耐都總算出現些好朋友啦.........又或者一些,可以成為互相幫助的好朋友......總之唔係普普通通........淨係吃飲玩樂或純碎同學身份的朋友啦.......所以又係果句....."""覺得自己好lucky丫""".........

過黎澳洲...估唔到自己開始....返左兩個星期的教會了.......再一次比我有幾會認真的接觸基督....前個星期日第一次返.....星期日係崇拜......跟住星期六係團契......還記起以前小學尾同中一開頭的時間....都有星期六返團契....跟住停左...變左只係有返中學果個.....中學果個好似返到去中三頭...就已冇返啦.....其實果時都信信地架......跟住還記得中四有一次在禮堂.....係"決志"過架..但都冇做過一個信基督應做o既野....但之後..會考前...因要考宗教的關係...學左聖經小小小小的知識.....就硬係覺得...有o的野唔公平....好唔岩...所以就開始唔信.....到中六中七...已肯定左自己係個無神論者.....到到黎左澳洲的第十三個星期後左右......就和一個基督徒朋友傾計...傾傾下就想同佢討論一下...點解我唔信的原因.....傾左成個幾鐘....都未有真正的答案....跟住我試下返一次星期日啦...後來.....又同另一個基督徒朋友食晚飯....佢都知道我曾經同果個朋友...討論過o的問題.....跟住我又同佢一齊傾同一個問題啦...今次有成果啦....佢都答得唔錯....又加埋第一次果個朋友...的小小野....開始諗通左啦....哈哈!!!.....所以現在的我又開始算係信返啦.....唔.....遲早有一日我都可能成為一個基督徒了.........同時...黎到澳洲做的野又多左啦...星期六同日都會返church
...................特然覺得...我的人生又再一次改變啦........當然希望係向好果方面咁變啦......唔................但有一樣野...一定唔會變.......永遠都係咁多謝屋企...咁辛苦都比我有幾會過到黎澳洲讀書.....如果聽住慢歌咁......同時諗返屋企對我咁好......都真係有少少想喊架...真係大隻雷雷都頂唔順......o的人成日話過到黎讀書.....要感謝神,因為全靠神,都唔會話感謝屋企人......但我諗我都會感謝神...因為過到黎之後真係勁多野都好順利丫....但始終都真係唔可以忘記屋企人....阿媽,大哥丫.......始終都係感謝佢地多o的......^^..........

今日去完church........跟住一個FD...車左拎一個FD同我......上左兩座山......第一座山都只係......遊下車河........之後第二座山...就去左睇景.....好正丫........好靚同好大丫個景.......都真係算adelaide...全景掛.......真係...乜都睇晒......

>>January 15, 2005 at 2:55:09 PM GMT+8

2005 年 1 月 12 日 星期三 【晴】

....哈哈哈!!!...今日終於完成左個英文presentation啦!!!..好似幾成功....yeah!!....miss話very good.....^^
o的同學都話講得好....真係咪講笑........我可以大膽講一句....都覺得自己講得唔差...^^...同埋...我的英文oral真係進步左.......真係唔多唔少都進步左.....哈yeah!!!.....希望日後繼續努力努力......如果有一口流利的英文......咁就發達啦......哈哈哈!!!!!!!!!......但其實我覺得...即使講得流利....應該都仍然係難聽的英文......應該改唔到了..........始終都係難聽...唉!!

澳洲山林大火左幾天了....好似左幾個人....有o的仲要係細路仔......好慘........成日都好似聽到咁多災害咁...唉!!

.....黎左澳洲咁耐........認識左好多人......都學習左點樣睇人...因為個個都係宿生的...仲有學習左少少同人"同居"之道...再加埋學習做工讀書分配時間(其實仲未得)....又諗返起以前的自己.....回顧一下,發覺自己真係改變了唔少.....雖然好多缺點以然還在......自私狅倣等.......但總算好過以前....如果仲好似好耐以前咁....一定一個朋友也沒有............好彩的係......係HK有一班好好好好好朋友...在澳洲..玩得埋傾得埋果幾個,人品都唔差,最起碼唔係賤人,唔係損損損損友...........始終都係果句......真係覺得自己係lucky man............最起碼完全冇後悔過選擇左出國這條路....同埋黎左阿特雷得..這個城市......^0^

>>January 13, 2005 at 10:02:30 AM GMT+8

2005 年 1 月 11 日 星期二 【晴】

下次一定唔會...點都唔會比自己飲多過一杯架啦....因為個頭真係會好痛...係超痛.....多謝關心......^0^...

唉!!過多八日...就要考試了...努力啦要..聽聞張成績表會寄返香港....唉...!!!....點都唔可以衰啊!!!!...慘了...一定要考得好好睇睇.....................如果唔係會令屋企人失望啊!!!!唔單只係升到...仲要係科科都拎High Distinction(除了英文)....其實基本上得四科.....英文仲要唔駛考...只係計做功課分......點都好...向住High Distinction進發.........今次唔好再得個講字了

>>January 12, 2005 at 1:06:27 PM GMT+8