2003 年 3 月 15 日 星期六 【晴】

今天真是很累,一早便去了青衣運動場步行,行了一會兒便已行完,真是一條十分短的路,但天氣十分的熱,上天露著一個十分猛烈的太陽,真係~唉~熱~
跟住食完飯後,便回到學校戲劇,本上我覺得自己練排球多過練戲劇,同胡sir打排球我仲投入,而戲中的技術指導都是靠胡sir 的~.今日戲劇都真係玩到我好累,我真係擺足全副精神在戲劇的~
番到屋企仲要有o的頭暈添~唔知明天會唔會暈呢?

>>March 16, 2003 at 4:45:16 PM GMT+8

2003 年 3 月 12 日 星期三 【晴】

今日一早就同豬,米高,天線,peggy,萩,chloe,神婆一起去o左唱k~今日係去o左呢個neway~今次同豬唱風爭與風,我唱阿嬌,佢唱阿sa,真係唱得好好聽~好有韻味~而o的女仔又唱,~唉~~而徐伯今日都有去唱~不過係唔同房,我聽到佢唱o左紅日同羅文o既一首歌~佢仲要跳埋舞比我o地睇果樣先利~勁~!徐伯老當益壯~大家要向佢學習~
我o地呢面,阿萩同天線就合唱o左幾首歌~真係勁~跟住豬仲要唱"他(萩)喜歡的是你"比天線聽,佢真得好嘔心,但歌名很貼切~
仲有,今日豬係咁痴住peggy,又撘佢搏頭,又..........我諗佢o地會好快拉埋天"槍"~~唔錯,唔錯~~不過我諗peggy會好慘~~
唱完k之後我o地個個都唔知去那裏,傾o左好奈,我o地都係番屋企的,而老萩同天線(仲有peggy)就一起去o左旺角~~

>>March 13, 2003 at 8:49:49 AM GMT+8

2003 年 3 月 11 日 星期二 【晴】

太開心啦~今日終於考完試啦~~~雖然之前考緊果陣時都冇乜考試氣忿~但都真係幾開心考完試~今日做份pure math都做得幾順利!但唔夠時間做~唉~~!

跟住我就同rose,拉西,幾佬同阿米果o的去o左唱k,唱o左成四個半鐘,唱到我口都乾~不過都唔夠上次唱o左六個鐘勁!~今日都真係冇乜特別,淨係知明天又去唱k～唔知會唔會唱到講唔到野呢?其實除o左唱k之外仲有冇第二o的平o的,又好玩o的o既野呢~~

我今晚送貨果陣時,有一個痴線佬一路行路一路唱歌,佢唱得勁大聲,又手舞足蹈,好多人比佢嚇親,佢真係唔怕醜,比咁多人望住都仲係度唱~勁~!如果係我,我一定唔會咁做之如,如果我比人望住晒一定臉紅,唔知點解我咁易臉紅,究竟有乜方法可令人唔會臉紅呢?我唔想成日在考試小組討論果陣時臉紅,咁樣會比人知到我緊張~會比人扣分~~唉~~~

>>March 12, 2003 at 1:14:09 PM GMT+8

2003 年 3 月 10 日 星期一 【晴】

今日日記唔打咁多,因為明天要考 pure math.我唔可以衰呢科的,因為佢係我的最愛!

今日考英文同中文都真係好唔掂,~唉~都唔知會會包艇!!我英文好似冇進步過,真慘!!~仲有的是,係今日又去o左一間幾好味的上海小館食午飯,o的野又好似日間野咁都幾好味!而今日係多o左joyce,天線((仲有跟住晒的LH()一起食,真係比LH攪到冇晒氣忿!

好我而家真是正式開始讀書,...........努力.......!考埋明天唔駛考啦!!!!!~~~~~~~~~~~~哈哈!!~~

>>March 11, 2003 at 7:57:08 AM GMT+8

2003 年 3 月 9 日 星期日 【晴】

可鄰呀~~~!我今日考phy勁多唔識呀,又看錯題目喎,真係勁驚唔合格呀,都唔知點算,唉!!~~我琴日淨係溫o左o的wave,果o的乜野angular momentum就真係冇乜睇過,攪到我勁多唔識呀,佢mc仲要出o左好多添,唉~!
失敗!!今日考試呢三個鐘真係功難過!@
考完試我o地(男班長,,豬,神婆同中二果個)就去o左一間joyce介紹的餐廳食野,我o地五個人叫
o左四碟野,真係食到我o地勁飽,o的野又真係勁好味,o的炒飯,咖喱同埋o的茄汁都全部勁好味,真係一流,掂!!!~我o地食雲俄國,西班牙,印度同楊州o既野,真係正!!~

頭先剛去完神婆o既屋企,因為阿邪神同肥智打電話黎找我話去自修室溫書,但去到自修完搵唔到靚位,所以佢o地決定離開自修室,其實冇靚位有乜所謂!跟住我o地唔知去那裏溫書好,佢o地想話去石蔭自修室溫,我覺得自己好似比佢o地昆o左出黎,我緊係一定唔去啦!!!~之後我o地諗返起中二果個冇帶屋企鎖匙,冇門口入,佢去o左神婆屋企,所以我o地就決定去呢個神婆o既屋企!!~係佢屋企除o左食o左佢好多塊餅同埋欣賞完佢部用唔到o既新電腦,就真係有乜做過野,去到佢屋企真係等如倒亂!!!~

>>March 10, 2003 at 11:39:37 AM GMT+8

2003 年 3 月 8 日 星期六 【晴】

今日我都真算做乖,我一早八點幾就去o左自修室溫書,好彩有sammi培我,如果唔係一定會悶死我~我成日都係在自室裏面,我只係番過屋企一次,因為我借果o的書原來過o左期,如果唔係我無聊過龍,去睇下自己的借書紀綠,就真係會罰勁多錢啦!但係我明明記得自己係借到三月十二日的,唔知點解而家變o左三月八日,攪到我比人罰o左六蚊,~唉!
我成九點半先至同佢o的離開自修室,係中途我o的去o左買o的小食,我今日第一次食o的咁o既野,就係一包兩個半,有冷麵同有其他料果o的,"中二"果條有話呢o的野出o左好奈,我竟然未食過,但我真係唔知之前有o的咁o既野賣,又或都我冇留意啦,今日真係我咁大個仔第一次食o的咁o既野!不過都真係幾好味喎,我一定會食多幾次!!又唔係貴喎~
總括黎講,我今日唔係溫o左唔係好多,雖然我成日都係自修室,但我始終唔習慣黎個環境,睇野真係睇得勁慢,所以用好多時間先睇完小小野,唉~~!明天考phy.真係慘!!~

>>March 10, 2003 at 5:46:19 AM GMT+8

2003 年 3 月 7 日 星期五 【晴】

今日我發覺自己在屋企係溫唔到書的,我掛住開電腦黎玩,再唔係download歌!真係好唔惦,所以之後就決定去呢個自修室溫書,今次係我咁大個仔第一次去圖書館自修室溫書,以前我都只係去過青協,麥當勞同人o地屋企溫書!今日十二點半去到真係好多人呀,我o地排果條龍真係勁長呀!最後好彩入到去有位座,但跟住五點半又要清場,又要出多一次去排過,真係麻煩,攪到我o地又企多半個鐘先至入得去!~唉~!
雖然今日唔係溫到好多,但都一定好過在屋企溫架啦!今朝在屋企,用o左成朝,我都未開始睇過一條數,真係勁唔掂,所以我為o左以免重滔覆切,所以我明天都一定會再佢自修室!!!!~~~

>>March 8, 2003 at 1:41:01 PM GMT+8

2003 年 3 月 6 日 星期四 【晴】

今日考o左三節試,三節都係考中文,考完第二節後仲有成兩鐘o既lunch,所以我o地班人廿幾個去o左酒樓食飯,雖然食野之前有o的小風波,但都總算比人解決o左,,而o的野食就就真係一般,但都幾平,估唔到去酒樓食飽埋都只係$21姐,正!!~可惜冇得食楊枝金露,呢個係一個遺憾!

考完試後,我o地班男仔放學就真係勁開心,事發經過如下:::::(可能有o的對白錯o左,我唔係太記得!)(以下內容可令觀眾有些不安,請家長培同子女觀看......)

豬(指住head 賓)同男班長講:"你條女顛o左"
男班長說::"邊條呀"
豬(再指住head 賓)講:"果條囉"
男班長講:"即係邊條呀?"
豬又指住head 賓講:"都話呢囉"
男班長就答:"哦!呢條唔係我條女黎,佢係我條賓黎."

就係呢個時候,全部聽到呢句話o既人都笑爆咀,真係估唔到男班長一時唔覺意講埋o的咁o既野!
而head 賓的中文名就是賓頭,咁head 賓即係男班長條賓頭啦!果時聽完呢句野又令人笑啦!
唉~!只怪呢個head 賓的名得不夠好!!head賓唔好怪我寫出黎,你千奇唔好嬲我,你唔妳咁無奈啦,你大人有大量,請你海涵!!~~

>>March 8, 2003 at 2:42:59 AM GMT+8

2003 年 3 月 5 日 星期三 【雨】

唉~!今日考英文,真可慘!miss ho仲要鬼死咁快就改完,佢話其他人人都岩晒o既matching,我就岩得果一兩題!真係慘!簡直打擊我自信心,我五月仲要會考英文添,唉!~都唔知點算!如果唔合格就冇書讀!果陣時就一定好慘啦!所以一定唔可以唔合格架!!!~~
今日考完試後就真係勁悶,真係唔知做乜好!明天只係考中化的怍文同閱讀理解!都真係唔知自己可以做o的乜.一個字~~~~~~~~~~悶~~~~~~~~~~~~~...........................

>>March 6, 2003 at 9:28:07 AM GMT+8

2003 年 3 月 4 日 星期二 【雨】

太好啦我部數據機比人換o左部新啦!我好以上番網啦!今日係考chem.都算係咁啦,合格係應該冇問題!
考完試之同天線,神婆and joyce去食午飯!我第二次同佢o地去呢間野食啦!真係勁大碗呀!連我都食到勁飽,佢o地就更加唔駛講啦!個o的米線真係好酸,不過o的雞翼同腩肉都幾好味!唔知有冇禽流感呢!
緊住我o地去o左百老匯同豐澤睇數碼相機同mp3!攪到我好想買,但真係好貴呀!有人比錢我買就好啦!跟住我o地番屋企啦!
之後我去o左買皮鞋,賣皮鞋個姐姐都真係幾靚呀,佢仲幫我X鞋帶!對皮鞋都唔錯!幾好,幾好!
六點果陣時, 去補習o既時候又遲到,到o左之後仲要電話響,真係勁唔好意思!等我講完電話之後,個老師先開始講野,真係~唉~!跟住又係度出汗,因為我係跑過去補習的,但都係遲到,不過佢都冇乜所謂!補補下個電話又響多次,佢話要我用英文去講電話,咁我就冇聽@! 佢想聽下我講乜!佢係加拿大人黎!
今天真倒悔呀!!!!~~~~~~~~~~~明天會更好!!~


>>March 6, 2003 at 11:03:31 PM GMT+8