2003 年 12 月 15 日 星期一 【颳風】

今天應該很高興．．．．．

今日係舊曆生日....
唔～都冇咩ｏ既～番到學校．係度忙緊christmas tree D野
班主任節傾下要魚旦定要春卷，最後要左後者．．
嗯～所以今年party我就咩都唔駛整～
其實唔係話唔想整，之不過真係唔想浪費咁多班會錢喇～～
上econ堂‘有聽書
之後係吉堂～溫左英文咁啦～～
then的文化Lis.好難呀～～唔可以話太難
notes就drop到，但係寫錯野LaW~~
lunch個陣～～唔～食左個叮熱ｏ既大白餅，好味呀‘
之後都chat左一陣～知道左一D事～不過希望唔係真啦～～
之後上RE~睇cantoon~UE就做oral
--------==========================
放學個陣佈置christmas tree
點講呢．．其實都唔知點講好啦
而係我覺得其實自己個位置係．．．唔知．．
我知道好多人都好想走唔想留
我寧願佢地怨我啦
因為我覺得好多人成日都話個班唔團結
咁咪尊登一齊做D野等大家關係好D 咁LAw~
同埋我覺得係最後一年喇，可能呢個唔算係大家ｏ既最靚回憶
但係我剩係想係大家Last一年裡面，一齊成班做d野
等第日唔好有dd遺憾感咁o者,
可能會話唔會覺得有遺憾,但係諗深一層`
遺憾係第日先會覺得架..世界上有好多事都會後悔....人..永遠都係咁架啦
其實我今日已經好努力...好努力咁等個個都叫有D野做下,咁仲想我點o者
點解次次都係我?,做樣樣野都要諗下呢個諗下個個,咁又唔見有人諗下我,
又或者諗下個陣我o既心情都好d掛??
我覺得凡事都唔好自己諗自己.所以先諗埋人地諗咩
就係咁....結果呢?成日搞到最苦o既係自己.....為咩??
今日搞到自己好似成隻小"醜"咁,搞到不知幾想影相......有咩謂
我鐘意影相咩???今日咁誇都係想同學仔笑下咁O者
mISS HUI叫我地影相,有人影..有人唔影..,
我夠知好作狀啦/,但係唔想mISS hUI/難做咋.....
如果唔影又有冇人理下mISS的感受呢??
之不過係想多d人一齊影,等mISS可以交到差O者??!!

===========================================
之後去左自修室,6點 LU~.個個中史個個男仔又問我野
由於勁度眼訓加心煩~~冇咩表情(勁寸Feel)咁reply佢,佢最後都係問過我2次
去補習`~嗯~聽完明左喇因為係堂上面冇聽度
番到屋企...都冇咩野做咁啦
---------
左右做人難??我唔知...
如果凡事都會為人設想,其實係好事定係壞事呢??

今天應該很高興.....

..

>>December 16, 2003 at 5:03:07 PM GMT+8

2003 年 12 月 14 日 星期日 【颳風】

今日行番去學校個陣,望下自己的頭髮..真係好似好長..連我都唔係幾接受到
入去個陣~個訓導sir企係度..嘩,勁驚呀..於是,勁走勁走喇~~
好彩冇事~~今日上hall~都係紮頭髮啦~番classroom先除`
今日上堂都冇咩野,都係好平常咁過o既~~`
小息後的2堂中史~~都幾難捱,因為都唔係咁鐘意聽學術思想個課~~
唔..因為聽日唔quiz,所以要choose一日quiz,點知因為文學要quiz~
所以改係thur quiz history..噢...其實我唔想呢日,不過冇法啦,
唔可以叫D文學同學仔咁辛苦架Ma~
個日唔想因為係day 1,下午3堂吉吉吉~1唔駛補課
諗住同dad`去工展會o既~~不過~~算啦~~嗯~~
唔~~~
Lunch之後係3堂UE~做practical skill~~
好彩都做得哂~~
放學留左係學校度幫手整chrstmas tree D野~
聽日就decorate 喇~~
之後番左屋企~~~都係勁食野咁啦~
阿婆俾左封利是我,因為聽日我舊曆生日呀~
佢問我聽日想食咩野,我話唔駛喇
因為聽日要補習呀!!!
所以都唔番屋企食反,
我知佢地都想食反,但係我唔想waste多10蚊搭車錢...
雖然生日有利是...~
夜晚..好眼訓,訓左一陣就溫英文Lu


---
唔係好想咁快生日...我諗係因為唔想老得咁快掛??
同埋...我都唔知呀..
諗番去以前生日...記得中一,二個陣都冇人會知~
因為一方面係考試,另一方面我唔係識好多同學~
到上到去先有人同自己慶祝~~
仲記搕丰|係地理考察
中五唱K
中六番學(之後同同學去唱K
中7....同係要番學(不過好 彩新曆個日生日仲未到)

唔~我都唔知點解會咁諗,定還是我expect的生日係點呢?
我都唔係好知...剩係想開開心心過生日掛`唔知呢

>>December 15, 2003 at 4:53:36 PM GMT+8

2003 年 12 月 13 日 星期六 【晴】

今日一早起身落左去元朗飲茶
細佬同大舅父都有去呀~
嗯~今日食左好耐都未食過奶皇包,咁咪試下啦
魚..都唔好食o既,係冇奶皇香...唔~~
之後同左細佬去00買衫~之後去左行百佳啦
番到屋企~~食左好多零食~~
之後就整學校 christmas tree D野~~
到5點幾度~睇TV~
6點幾就食反喇因為姨婆黎左~~
之後係屋企冇咩野做,因為唔係酩想溫書 and做功課~~
嗯~`成日都好似真係好無聊咁過..
再係咁..唔得架喇喎`
夜晚~睇hunter~睇到一半好眼訓~~訓Lu~~

>>December 15, 2003 at 4:39:06 PM GMT+8

2003 年 12 月 12 日 星期五 【颳風】

今日８點半先起身～～
晏過平時呀～～
之後落左去都冇咩面包買～
買完ｍａｇａｚｉｎｅ就番番上去煮面食～
９點半開始做野～～
做到１２點幾又煮面食～
嗯～～又溫LaW~
到左３點幾～～落左去影印
屯門影印真係貴～成５毛一張．．．
之後做野做到６點幾～～食左餅同面～
７點幾諗住睇英文news~睇睇下訓著左～
到８點幾阿媽打黎，同阿媽去買野～then 買雪條同老豆一齊食
跟住睇東華～睇到１２點，想睇ｄ人唱歌
但係真係太累了～～頂唔順～要訓呀！！

>>December 14, 2003 at 4:47:27 PM GMT+8

2003 年 12 月 11 日 星期四 【颳風】

嗯,今日又係hAPPY FIRDAY,
其實今日可以話過得幾FREE
因為今日係佢地考試O既最後一日...
下個星期開始,學校又左""熱鬧""lU。
今日不過有d大的HARD HIT
因為頭個2堂ue做lLis
我好俾心機做,但係得過14分...大鑊....
之後上中史.堂,都冇咩野o既~~~
食Lunch個陣,伉日食蕃薯呀~
咿~叮熱番~~好好味呀~好好好熱呀。
econ之後的吉堂...好靜呀食間學校~
我地就係classroom度玩咁啦
放學就去左beacon,因為practice oral
好緊張呀．．．經過上次之後～
我今日遲左，去到已經開始左，但係得一個女仔架咋
不過個篇野其實我都做過ｏ既，coping with stress
之後到present,and discussion~
嗯～同佢練完後，我的自信心又built up起來了～～
我講得唔係太好，但係佢就冇咩信心講～～
我就俾佢多左呢樣野，我覺得
之後就番屋企～執下野呁，又落元朗補習喇～～
今日補習～釣左一陣魚，因為真係好累呀！！
補完問完野都成１０點３０分
就同佢地走～～見到有６１４～立即趕車～～
落到屯門都成１１點幾冇買宵夜～
好眼訓‘番番上去～就好〔快訓著了～～

>>December 14, 2003 at 4:43:11 PM GMT+8

2003 年 12 月 10 日 星期三 【颳風】

嗯,今日唔知做咩4呀
成個人都好累,係番到上去班房訓了~
上文化堂又訓~
點知抽中我做present好彩都講到
之後上中史堂,.唔
...因為得番幾個字,Miss唔教了
所以chat啦
佢話我地英文唔係太好,應該choose DHD
唉~其實我夠舍自己英文唔好啦
但係其實有好多others factors而令到自己唔可以揀咁多HD架Ma...
之後2堂吉堂~係度溫英文~~`
之後食反~~叮番熱個包食~~好熱喎真係
點知番到上去又訓~
訓到上econ莫sir黎....-,-
之後上PE,幫阿sir寫野..咁就過左2堂~~
放學個陣~~等到4點幾諗住同小芬女一齊去補section C
點知個度話cancel左個班,.下..新班係1月26日..
呢個時侯,個心都不免沉左落去喇..唉..
當我想入番D$入bank個陣~整左好耐都唔識用個個櫃員機~
sp最後give up了~~
打俾阿媽,同佢同細佬一齊番屋企~
番到屋企,因為真係太累了,所以訓著左~~
唔~~~
夜晚,溫左英文同econ
聽日又要補習了...

>>December 11, 2003 at 4:02:45 PM GMT+8

2003 年 12 月 9 日 星期二 【颳風】

嗯，今日番到學校～都冇咩野做，雖說有quiz,但係都冇溫
上中史堂個陣同Miss訴下琴日的事，佢又同我分析．．唔．．
不過好眼訓．．成日係度釣魚喇
今日小息，諗下佈置christmas treeD野～‘都諗得７７８８ｏ既～～
之後上左２堂econ.不過今日放學要補課呀，
都冇辦法啦，econ都算幾快過．．唔知點解啦
食Lunch個陣～～我今日bring 左中式的紅豆包～～
叮番熱佢～嘩好好味呀‘～～‘
之後同佢地chat~~哈哈～～講起christmas party就好開心喇～～‘

之後３堂吉堂～做卷～冇呀，溫左漢初～～所以抄左ｄ王莽
不過我又唔會抄哂～話曲自己真係冇咩點溫書‘
點都要對得著自己ｏ既～‘
補完課諗住勁走～～
之後打俾阿媽～等埋佢先～～
又撞到細佬‘同細佬行左去打醮個度～～
冇咩野睇，之後就等阿媽～
番到屋企～同細佬一齊食古古力餅同埋大白餅～
夜晚都冇咩野做野ｏ既．．唔知呀
呢排生活過得好似唔係好充實咁．．
唔．．

>>December 10, 2003 at 4:08:10 PM GMT+8

2003 年 12 月 8 日 星期一 【晴】

今日，都唔知道應該用咩野四字成語形容發生的一切～～

今日一早起身～～咁就戴coN喇．．唔知做咩野，竟然唔關水喉～
呢個都唔係問題．．係手指度的coN冇端端跌左落過洗水盤度係度隨水流走
救命～立刻關水喉．．心諗，大鑊，唔係又唔見２５０呀．．
之後係洗手盤度搵左好耐都搵唔到
開下面個個唔知咩野管．．睇下會唔會流左落去．．唉～又冇～
正當心灰意冷之際，係洗手盤Ｏ既排水孔．．見到一個膜．．咦‘
原來係隻CON~完完整整～冇穿冇爛～好彩。
今日上堂～～精神不佳，因為好眼訓呀，
文化做的閱解．．得３０分．．
中史後２堂吉堂～點知就俾我訓足咁耐．．冇奈啦
放學～‘王子佢地唔改自修室～
我自己去．．個度係教會自修室～去到隔一陣～
有３個唔識Ｏ既人(佢地係亙識架）入左黎．．
之後有一個男仔，我認得佢．．佢又係讀中史～
因為佢成日係入面行出行入．所以我記得佢
佢問我借RULER,咪借俾佢lAW.
點知佢知我讀中史後，就不停咁係度問我野
頂佢．．呀．．最慘呀．．冷嘲熱諷ＬAW
E.G佢地d書係ＭＩSS做nOTES.佢就話全港學生都用我個隻書
佢地用nOTES,ＤMARKER睇我地的卷的POINTS都係咁上下，實悶啦
又問我宗教發展邊度教得多，咪基督教ｌaw
佢話好男果今年唔出呢．．
頂佢呀．．由係自修室咁耐，佢每隔幾個字就黎問我野
係我訓著個半個鐘冇問我野架o者～佢咁講法
原本我係度溫緊中史．．即刻冇哂Mood喇．．
頂唔順～７點～走左～～
去左安興個便新開的賣整野食ｏ既野～‘
唔～野就唔算多～不過basic佢都有～～連好多唔同味的香油都有
之後過左三聯睇一陣書～去補習喇～～
番到屋企～已經冇哂Mood溫書啦
經個個又矮又唔似中７，又行為古怪ｏ既死o靚仔講一講
自信心嚴重崩潰
都唔知今日算好運定唔好運

>>December 10, 2003 at 4:00:06 PM GMT+8

2003 年 12 月 7 日 星期日 【晴】

嗯...今日又係要番學Lu...
不過唔知點解，今日成日都好累呀。
今日吉堂個陣～都冇咩點做過野．
應該話我都唔知自己做左D乜野～
今日上文化堂quiz~都Ok啦～～
之後上ｒｅ又唔駛上，因為
Ms HO sick leave~
之後英文堂聽Lis~
聽聽下好眼訓訓著左～～
放學去左千色買水晶～～
揀左好耐～
不過而家唔可以以前咁～
４條要哂手鍊～～
要有吊咀之類．．
最後揀左好耐～
用左百幾蚊買左幾樣野～
好左小芬女同腸腸都有買～
如果唔係我都唔可以買個幾條鍊～
因為買滿２００蚊～
所以佢教左我啟動水晶方法～好神奇呀～‘
不過一個星期的零用$..-.-
點解咁豪～～因為下星期舊曆生日～有利是～～
先駛未來$~不過初時諗住用１００蚊咋‘
不過．．係La@~最後用左百幾蚊喇
是但啦～～我諗我唔會再係個度買個D水晶～
因為唔可以全部要鍊～咁我要黎都冇用啦～～
不過之後諗諗下．．星期買要交補習$...唔．．．我的bank唔知有幾多deposit呢？？
番到屋企～～冇咩野做～
夜晚溫左D英文～
點知好眼訓～～訓lU~~

>>December 9, 2003 at 4:08:59 PM GMT+8

2003 年 12 月 6 日 星期六 【晴】

今日一早去飲茶,咦~原來大舅父都有黎喎`
佢仲叫醒埋細佬添~真係勁喇!!
不過唔知點解,今日都好似食極唔飽咁..唔~~
之後去左百佳~因為今日王子佢地出去上海街~
約左係一點~不過都番左屋企先~~
之後落元朗Join佢地~~
嗯~出到去旺角~我地唔記得左個地址~
行左一陣先搵到個個地方~~
上到去`嘩~好多野好想買呀~`
係咁睇係咁睇~
嗯~之後打俾Keiko佢地睇下有冇野買~
不過最衰冇set哂舊個張Tel.card的Tel入去~
打唔到俾其他人..如果唔係實問佢地買唔買,,唔~~
最後我就買左古古力粉,臭粉,雞批個D兜
仲有就係Muffin杯同埋不沾布~買左七十幾蚊到啦~`
之後4點幾就走~不過塞車呀..激死~
成6點先落到元朗~
番到去都垣唔多食反lu~~
今日食羊肉~不過唔知點解`食左少少就覺得好飽喇~
不過今日好累呀,但係都有做埋Bk report~
同埋dl千尋D歌~~
嗯~~有一首好like~係那一個夏天~
因為記得呢首歌係Drama用過...
Reminiscent....
之後到洞幾睇Hunter~
睇到2點頂唔順~要訓LU!~~
--
今日雖然唔夠佢地買左咁多野`
但係都夠Lu~
因為諗住christmas party個日整cookies~俾佢地~~~^^

>>December 8, 2003 at 4:42:54 PM GMT+8