|
2003 年 3 月 15 日 星期六 【晴】
哈，真係開心喇，無啦啦今日走左去唱K，完左一個心願。
平時好少會話想睇 Twins 既戲，不過今次呢套『下一站……天后』，可能因為有小春啦，所以幾想睇。加上有人話都幾好睇，咁就更加想睇下好唔好睇喇，唔知幾時會去睇呢？
上年既今日，已經去完台灣旅行返黎。不過上年既三月，太多衰野發生係我身上喇，所以當今年一踏入三月，自己都有少少驚架！但點解我會咁諗架？太傻喇。不過台灣呢一個旅程，都有好多好多好開心既回憶架。另外，澳門都係另一個帶俾我好多美好回憶既地方黎架！所以呢兩個地方，我都好想再去架！有樣幾邪既野架，當我每次係澳門返黎，有條友都會咁岩係我返黎果曰搵我出去架，至少近呢兩次返黎佢都咁岩搵過我。
仲有呀，今朝起身睇新聞喎，嘩，幾開心呀！阿仙奴輸波，曼聯贏波喎。呵呵，真係好開心，阿仙奴終於輸波喇。話雖我係一個利物浦支持者，但眼見佢地係聯賽已經無力去爭霸，所以我會支持曼聯架，不過只限於無利物浦作賽既比賽。
呢排好鐘意呢首歌：
突然害怕難面對 雙雙友好虛寒問暖
自己仍然無伴侶 佳節熱鬧倒數像諷刺著我
誰人像我一個人 誰人沒氣力談情
避免感觸太多感覺太亂難清醒
為何懼怕一個人 為何太急於相戀
就算只得兩手雙緊扣著仍能溫暖
尋求幸福的過程 原來自己不清醒
每當穿起暖衣將心跳記住
今天應該更高興
今天應該更清醒
>>March 17, 2003 at 7:28:37 AM GMT+8
2003 年 3 月 14 日 星期五 【晴】
今日返到屋企，咪上網做每日一事check email啦！平時係唔會理icq架，今日見到有msg喎，咪睇下。點知原來係旦旦呀，竟然見到佢online，真係覺得好出奇好出奇。咁就同佢傾下啦，先知原來佢係今日先第一日上網。點解佢會上網呢，因為佢已經搬離左佢既homestay，自己租左第二度住lu。係喎，唔記得問佢拎地址添。
又有好多野想做喇。好想出去行街？又想去睇戲？同唔知幾時會唱K呢？人既慾望真係無窮無盡架！
>>March 15, 2003 at 4:29:08 PM GMT+8
2003 年 3 月 13 日 星期四 【晴】
明明尋日一心諗住同黃志德出去『最後的K』架，點知個死仔又話唔去喎，咁無辦法啦，所以最後無唱到K。不過，我有另一個約會呀！我既朋友真係唔知點解，好鬼死鐘意係同一日約我出去架。本身我係諗住唱K唔去飯局架，但又真係覺得十分之唔好意思喎，因為我已經三番四次咁推左佢地既約會。佢地約親我，我就次次都約左人，咁無唱到K都好既，做就左我去飯局，唔駛再推。我諗再咁潛水法，遲早會死，所以我終於上返黎水面喇。
搵工？唔係唔想搵呀，不過真係無乜工想 apply 喎。加上我不停地有工返有收入，又唔係無錢洗，好難叫我一心一意咁去搵工架喎。雖然我成日都會好驚終有一日無錢用，但係而家個危機距離仍然好遠嘛。不過講到尾都真係無工睇得岩，如果有，我點都 apply 左先架！做唔做咪到佢請先算囉，見唔見工咪到佢叫我見先諗囉，但最緊要係 apply 左先嘛。
今日出去行街，終於買左隻好想買既手鈪，雖然之後發現買貴左，但唔知係咪因為好想買呢，我竟然連丁點唔抵既感覺都無喎，點解會咁架？？
>>March 16, 2003 at 1:55:40 PM GMT+8
2003 年 3 月 12 日 星期三 【晴】
今日既天氣真係好好，出曬太陽咁，嘩.....不過都只係逗留係室內。
話咁快，黃志德就返左黎幾個月，唔知呢幾個月佢覺得自己做過 d 乜呢？？我就有樣野好記得喇，明明話臨走前請我(地)食返餐架，又無左件事，真係丫。希望佢過返去之後時不時都仲會記得佢自己爭我(地)一餐啦！
呢排既天氣又乍寒乍暖，大家小心呀！最容易病就係呢 d 天氣，唔好扮強壯著咁少衫，尤其是果 d 不定時出沒既人。
咁又過左一個月多 d 喇，點解會過得咁快既？好似之前無幾耐先見過，但原來已經個幾月 lu。
>>March 13, 2003 at 4:45:52 PM GMT+8
2003 年 3 月 10 日 星期一 【晴】
今日無出過街，只係出過門口食過兩餐，其他時間都留左係屋企，仍然係聽歌。聽日，又要返工喇！都唔錯既，又可以搵銀，唔係邊有錢洗喎。
當一個人唔開心果時搵你，雖然你會擔心佢，好想知佢發生乜事。但另一方面，其實你個心係會笑架！並唔係黑心，只係你會發現原來呢個朋友都幾重視你丫，多謝你！
話咁快聽日又星期三喇，呢個禮拜又好似無乜邊日得閒 lu。黎緊既星期六，日又有工返，聽日又有約，後日唔知係咪會出去，仲有日星期五得閒，應唔應該填滿埋佢呢？定係再等下個禮拜先？
>>March 11, 2003 at 3:38:33 PM GMT+8
2003 年 3 月 10 日 星期一 【晴】
落左幾日雨，再唔係就天陰陰，今日終於放晴喇！雖然放晴，但仍然係涼涼地架喎，點解呢？唔係應該有太陽會暖 d 架咩。
本身想尋晚打日記架，不過入極都入唔到黎。
尋日無啦啦將一個我想問而又一路都唔知問邊個好既問題，問左出黎，得出既結果，其實同自己心目中既答案差無幾。
人通常都係會選擇，鐘意去選擇接收一 d 自己想接受既野，一 d 自己唔想接受既野，永遠都會假設係錯或者當無聽過，再唔係就周圍問人。可能問十個有九個都係答相同既野，但係偏偏只相信第十個，因為問人意見都只係想得到別人既認同，去支持自己相信第十個既答案先係岩既。
呢排鐘意係屋企將個 MP3 Playlist 自己整晒同一個歌手而我想聽既歌，由得佢 Random。聽完成個 list 之後就轉第二個歌手，咁様就可以聽到好多我想聽既舊歌喇。
>>March 11, 2003 at 7:15:27 AM GMT+8
2003 年 3 月 8 日 星期六 【陰】
大家好呀，你地終於發現我個日記，哈！
經過前排玩自閉之後，開始搵人出街，都幾成功。不過仍然有好多朋友我好耐無見過喇，要搵下佢地至得，唔係又比人話架喇！
不過好多時都唔係咁明白，點解成日都要話我唔搵人？？難道搵人既責任就只係得我要承擔。所以我真係好鐘意呢句野架『我唔打電話比你唔代表我唔緊你 緊你都唔代表我會打電話比你』。
我表弟今日第一次做花仔(因為佢有個表姐結婚)，我好期待想知道佢今日做花仔既表現如何，唔知佢會唔會失禮人呢？希望係順順利利啦！
>>March 9, 2003 at 3:44:10 PM GMT+8
2003 年 3 月 5 日 星期三 【雨】
有感而發：
五年，原來我有個朋友係咁長情咁專一既。突然間覺得自己身邊既朋友，大部份都好長情，對感情好專一。究竟我係咪佢地既其一，定還是...........呢一切我自己都好矛盾，相信無人會講到答案比我知，連我自己都唔知個答案，其他人又點會知道。我並唔係唔想去承認，只係有太多事唔應該接受到既我都接受到，所以我相信我自己。
>>March 6, 2003 at 7:34:59 PM GMT+8
2003 年 3 月 5 日 星期三 【雨】
今日一起身，望出街，好開心架，因為無落雨，諗住聽日一定燒到野食。點知世事係唔會咁美好架，到放工既時候，雨又開始出現，唉，真係要聽天由命！
尋日終於睇左芝加哥，又真係幾好睇喎！今日再睇埋 the hours，呢套覺得好亂，睇完都唔係好知佢講乜咁。
另外，自從旦旦走左之後，都有不少人問過我佢而家點。不過好可惜，我只能夠答大家一句『唔知』。而家我知喇，因為終於有佢既消息。但文字間我覺得佢好似唔係咁開心喎，因為佢話佢 homestay 既野食唔好食，又話人地要佢 10pm 後唔好煮野食同沖涼，咁樣會嘈醒其他人。呢雲真係寄人籬下喇！
而家我晚晚都要睇一套電視劇架，知唔知會係邊套呢？？就係天地豪情喇！仲有，原來無記一日會做成 8 套劇集架，真係多。
>>March 6, 2003 at 6:27:58 PM GMT+8
2003 年 3 月 2 日 星期日 【雨】
呢篇文章係我係email收到架，同大家分享下：
給我單身朋友們
愛就像一隻蝴蝶。越要追牠，卻越要逃避
如果就隨牠自由的飛，牠會在你最不注意時飛向你
愛使人快樂，卻常傷害人。但只有在你把愛給了一個真正值得付出的人時，是最珍貴的。
所以，花點時間去選擇最好的他/她吧
給我那不是單身的朋友們
愛不能使他/她成為一個"完美的人"
它卻可以使你找到一個幫你成長的他/她
給我玩世不恭的朋友們
如果你不在乎，不要說"我愛你"。如果他們不在時，不要討論自已的感受不要涉足會使他人心碎的生活。
說謊時，不要看著眼睛。最殘忍的事莫過於男人讓女人愛他，卻是逢場作戲。反之亦然
給我心碎的朋友們
心碎的時間和傷害的深度，完全取決於你自已。
難的是，如何從中學習，而不是從傷痛中爬起。
給我所有天真的朋友們
要如何戀愛？--就愛吧。不要欲言又止；要互相協調，不要太固執；要分享，且千萬不要有不公平；要了解，別命令；
受傷後不要再記恨。 給我所有的朋友們
我竭誠祝福你們愛著一個誠實、強壯、成熟、衷心、有衝勁、保護你、積極、值得付出和無私的他/她。
>>March 4, 2003 at 5:35:27 AM GMT+8
|
真正的王子是不會讓公主傷心的 令公主傷心的不是真正的王子
|
廣告 |
|
|
讀者留言 |
| 路人留言
|
 但願婆婆可以再沒煩惱，做些她覺得
>>September 27, 2010 at 1:46:40 PM GMT+8
抽倒至諗啦! 夾屋太貴唔係咁So
>>March 27, 2010 at 10:41:17 AM GMT+8
阿笑同斌仔結婚當日又唔算多野做,
>>November 24, 2009 at 2:15:52 PM GMT+8
小朋友係要慢慢教同耐性Ü
>>April 6, 2009 at 7:39:30 AM GMT+8
唔駛咁勞氣,我都覺得講多錯多~~
>>March 26, 2009 at 1:08:18 PM GMT+8
@O@"..你老細咁衰?!!
>>March 4, 2009 at 1:29:50 PM GMT+8
算啦!! 捱住先, 祝早日
>>February 23, 2009 at 3:19:16 PM GMT+8
時間過得真係快，小公主咁就兩歲，
>>December 4, 2008 at 2:36:07 PM GMT+8
知道佢個人在香港就ok, 但真係
>>September 1, 2008 at 1:23:14 PM GMT+8
好認同你個句（起碼知道佢人在香港
>>August 30, 2008 at 3:31:24 PM GMT+8
呢排我都有為肥肥而流左唔少眼淚,
>>March 3, 2008 at 5:00:44 AM GMT+8
哇...你真係好耐冇update
>>March 3, 2008 at 4:57:21 AM GMT+8
等我都祝希希快高長大、愈大愈靚、
>>January 12, 2008 at 12:11:53 PM GMT+8
莎莎,bb女好得意呀^^"上次黎
>>March 1, 2007 at 6:31:29 PM GMT+8
莎莎，我第一次係度見你講希希講得
>>February 12, 2007 at 8:30:40 AM GMT+8
恭喜晒~~辛苦晒你呀！！ 偉大的
>>December 4, 2006 at 2:16:12 PM GMT+8
我好期待你可愛的bb出世呀~我相
>>November 1, 2006 at 8:22:01 AM GMT+8
大家平時都咁照顧同咁關心你架啦~
>>October 26, 2006 at 7:33:44 AM GMT+8
沙沙~係好事黎架!! 好幸福丫!
>>June 24, 2006 at 3:56:09 AM GMT+8
你放心，我地個個都好錫你，相信任
>>June 15, 2006 at 5:09:45 AM GMT+8
佢出左院勒, 前日做左手術,
<
>>April 1, 2005 at 5:57:48 AM GMT+8
每年拜山我都會去，原因好簡單，同
>>March 29, 2005 at 4:11:45 PM GMT+8
我很喜歡你「日記主簡介」裡那段文
>>March 25, 2005 at 5:19:19 AM GMT+8
o個個waiter都唔識做既.
>>February 4, 2005 at 8:52:26 AM GMT+8
今天放假回了家無野做．
<br>
>>December 19, 2004 at 2:42:15 PM GMT+8
如果你真係唔見左銀包,
<br>
>>September 7, 2004 at 1:32:51 PM GMT+8
哎也，如果睇呢場都幾好喎真係～有
>>July 25, 2004 at 10:48:42 AM GMT+8
我都衰左呀～完全唔記得搽埋手&#
>>June 29, 2004 at 2:57:01 PM GMT+8
係咪真係黑過我先???
<br>
>>June 29, 2004 at 11:16:59 AM GMT+8
一切隨緣～別太強求自己要做到Ｄ咩
>>March 2, 2004 at 4:04:52 PM GMT+8
放心!!!!
<br>總有一日可
>>February 18, 2004 at 2:10:32 PM GMT+8
新年快樂!!!!!
<br>你舊
>>January 23, 2004 at 5:29:54 AM GMT+8
莎莎﹐食飯那晚唔你個個都係傻婆呀
>>September 2, 2003 at 11:55:33 AM GMT+8
哈～都唔可以咁講既～一Ｄ你越ｃａ
>>July 19, 2003 at 4:16:48 PM GMT+8
之前d人都唔算遲發現勒,我仲遲呀
>>May 23, 2003 at 3:10:00 PM GMT+8
我今日先發現到呀﹐都唔係好遲姐呵
>>May 20, 2003 at 5:00:03 AM GMT+8
喂~~~~我都發現到喇!!
<b
>>May 19, 2003 at 7:22:10 PM GMT+8
嘿嘿..
<br>我發現左了..
>>May 17, 2003 at 10:57:30 AM GMT+8
原來你開左個日記係度呀．．我今日
>>March 14, 2003 at 5:22:32 PM GMT+8
妳夠彊喎莎莎....原來開左個日
>>March 8, 2003 at 3:38:20 PM GMT+8
終於都可以睇返你日記,我等左好耐
>>March 2, 2003 at 12:50:29 PM GMT+8
|
|
哈，真係開心喇，無啦啦今日走左去唱K，完左一個心願。
今日既天氣真係好好，出曬太陽咁，嘩.....不過都只係逗留係室內。
大家好呀，你地終於發現我個日記，哈！