|
2005 年 1 月 12 日 星期三 【暴雨】
嘩~~有得用「綿綿細雨」黎形容今日呢~~
好凍呀~~
今朝....又上唔到03....不過上到SOC1004同UGB265M喇~haha
仲記得上星期訓到死o左咁....起身已經5點
SOC1004 o既TUTO都firm o左喇~會係H5-6
係成個sem其中5個星期，亦即是說
呢五個星期係我上H1-8無間o既地獄日....
求主憐憫....o個排唔到多野做到死啦....
下晝同阿禪、阿春出沙田買宣傳同交職用o既布同紙(報紙？)
發現o左一樣野....原來貼紙都ok貴(嚴格黎講係好貴....)
所以我地苦惱o左勁耐，第二個發現係信封遠貴於信紙囉....
唉....呢o的野平時唔會買開，一買先知係咁貴....
第三新發現！惠康o既芝士波係超好食！！($10/7pcs)
夜晚返教會，上「佈道法」，啟發o左我一o的野
原來以前....傳福音係冇咩技巧....仲要係好笨o個隻~
突然有個期望，就係完o左呢個course之後，自己真係可以掌握「佈道」應該有o既原則
可以更加勇敢咁「周圍去」傳福音！
嘻~~尋日冇講到，我尋日去o左買suit同電話呀~~
荷里活廣場(大概啦)買suit真係超抵！
我買o左外套 + 西褲 + 恤衫 + 呔 + 皮帶 + 鞋
都只係$930，真係抵到爛！！
之後買電話，係Panasonic o既 X700
原來之前o個部都用o左2年幾，都係時候喇~~
haha~總之超開心啦~~
ah man︰多謝你黎畫隻龜呀~
你呢排忙唔忙呀....就黎考試喇喎~
要努力o的呀~~唔好好似我咁....o的考試炒到訓o係度....haha
加油啦~~pray for you arrrrrrrrrrrrrrrrrr~~~
>>January 13, 2005 at 6:44:30 PM GMT+8
2005 年 1 月 11 日 星期二 【晴】
兩日冇寫日記~
原因有兩個o既~~
一就係呢排都好忙....同埋好累，都冇咩心機寫日記
第二就係等大家可以分開幾日睇呢三篇長到嘔o既camp 後記
唔使咁辛苦嘛~~
好~其實呢三日都忙緊搞上莊....
一出camp已經黎料....唉....又要出貨諗野開會pre咨
真係人都癲，不過~~過程都係開心o既~~
要努力！！
黎緊呢半年，將會係上帝俾我其中一樣最大o既功課---時間管理
我一定會做好佢o既！
尋晚終於出o左sem 1 o既成績嚕~
係預期之外少少o既低....得2.49
不過唔緊要啦~下個 sem 繼續努力~~
唉....好累....仲要prepare好多野....唔寫咁多嚕~
moon︰yeah~我o係每日訓三至五個鐘o既情況底下
唔單止冇o左頭痛，感冒好返，就連上堂都冇恰眼訓！
真係感謝主，o係呢個危急存亡之秋都撐住我~
Sunny︰我講緊佢花名嘛....不過唔緊要~因為我真係唔知佢個名點寫....haha
你即管copy 啦，等多o的人可以分享呢份咁正o既喜悅，順便激勵大家嘛~
怡︰多謝你黎留言呀~~
哈哈~我一定會同大家分享o架~~因為太正啦
你地今年少年區camp都一定要去呀~~
>>January 12, 2005 at 4:40:32 PM GMT+8
2005 年 1 月 8 日 星期六 【颳風】
得勝有餘！
繼續
夜晚小組o既分享好正，因為大家都好真誠
係覺得唔似係只係認識o左兩日o既朋友囉
而我亦將工作坊二學到o既行返出黎，主動分享自己o既軟弱，分享自己o既罪
亦鼓勵到其他組員去分享自己o既生命，感謝主
最後，大家彼此作守望者，一齊祈禱，正！
不過分享完都已經四點....
朝早如舊七點半起身，早餐、靈修，然後聽早會
早會o既主題係《追求得勝》，講員係學傳總幹事韓錦章先生
以羅馬書第八章講出得勝者o既歷程
其中一句「然而靠著愛我們的主、在這一切的事上、已經得勝有餘了。」羅 8︰37
韓先生解釋o左一切係o的咩
係「一切的困難、患難」、「患難背後的勢力」、「一切針對個人的攻擊」
又叫我地要忍耐，繼而就會生出老練、盼望，而聖靈和上帝的愛也會大大咁灌入黎
到最後，我地o既心思唔再隨從肉體，而係隨從聖靈o既時候
我地就會過得勝o既生命！發出基督o既香氣！
好大o既鼓勵，以前我唔懂得「點樣」去過得勝o既生活
概念同志向都有，但實際層面上根本就冇一個technique去support自己
三日夾埋咁多篇道，好經歷到上帝o既教導
唔係因為有個講員講咁簡單，係上帝親自同自己講說話，感動自己
而我當初入camp o既期望︰復興自己生命，要學習過一個聖潔同得勝o既生命
當我已經忘記得一乾二淨o既時候，上帝並冇忘記到
佢為我預備最好o既，佢開我眼、我耳、我心，親自o既教導
仲讓我認識一班互相守望o既組員，一班好可愛o既組員
佢賜俾我o既，完完全全o既超過我所想所求，好感恩！好感恩！
早會完o左之後我地就出發，去東涌傳福音嚕~~
初初都有o的驚o架，但上帝o既安排同預備再一次叫我驚歎，令我有前所未有o既平安
原本我同阿鍶係去探訪一位長者，聽到之後個心都定o的
到打電話去俾呢位長者o既時候，得到o既回應係佢唔舒服，想休息下
當下個心沉o左一沉，於是去拎過第二張名單
但第二、第三張名單都冇人聽電話，真係有少少想放棄
到第四張，終於有人聽，仲答應俾我地去探訪，係一個普通o既四人家庭
其實o個時我又有o的驚，因為未試過探訪普通家庭....
不過心裡面諗︰憑信心行事啦，上帝會睇住o既~~
所以都硬住頭皮同阿鍶去，但第一個問題係︰唔識去....
因為逸東都ok大，我地又未黎過....於是我地就o係廣場其中一間教會o既counter前面問o左一個人
(o個時廣場有學傳同東涌教會o既佈道會，幾間教會都有於counter o係附近)
一問，佢就話︰不如我帶你地去啦~
咁我地猶豫o左一陣，因為怕阻到人，不過最後都係讓佢帶我地去
行緊o個陣呢位人兄(一位中年男士)問我地係咪做家訪
我地話係，於是佢話佢係宣道會東涌堂o既同工，話不如一齊上去
o個下真係勁感謝主，因為之前我真係好爻底....上帝o既預備幾豐足！
咁我地就三個人上o左去
上到去，我同Eric (o個位同工)就同daddy, mummy傳「好鄰舍手冊」(其實即係四律)
阿鍶就同兩位仔仔傳福音，好完美o既配撘~~
結果雖然daddy, mummy都冇決志....但兩位仔仔就信o左主！感謝主！
其實daddy都想想地信o架....只係mummy心比較剛硬，但我相信我係做撒種o既工作
上帝一定另有安排！
之後返到去廣場，又同兩位小朋友傳福音，yeah！感謝主！兩個都信哂~~
真係勁勁勁開心呀，除o左因為自己結到果子外，最重要o既係又有靈魂得救！
傳完福音，我地小組一齊去o左食飯，然後再去聽晚會~~
晚會之前公佈o左一個統計，就係當日信主o既人數
總共有378人呀！！勁感謝主！仲有弟兄姊妹分享
當中最感動o既係阿攣o既媽媽信o左主呀！！佢o既立志、佢o既禱告上帝真係有聽呀！
好大o既鼓勵，好大o既祝福！
聽完分享之後，就係聽最後一篇o既道o既時間
題目係《得勝者的凱歌》，講員係林以諾牧師
呢篇道我一直期待，結果我o係呢篇道得著好多好多我之前好想要但又遺忘o左o既野
經文係 路 10︰1-11,17,20
其中最觸動o既係「要收的莊稼多、作工的人少．所以你們當求莊稼的主、打發工人出去收他的莊稼。」(v2)
而學習到最多o既係「你們去吧．我差你們出去、如同羊羔進入狼群。」(v3)
係喎，我地傳福音其實係好似羊進狼群一樣
但我地要學習唔靠錢、唔靠物質、唔靠保障、唔靠人，惟一可靠o既就係耶穌基督
而且傳福音o既次序，我以前所知o既其實一路都係錯
以為心口有個勇字，一去就傳
但應該係祝福 → 醫病 → 趕鬼 → 宣講主的名
我地卻係倒返轉黎行....林牧師講得好o岩，我地作為基督徒o既，係應該先祝福人
林牧師講道真係好正，好中point，亦好帶得出個訊息
總之o係傳福音上，呢篇道令我得著好多，感謝主！
最後，縱然係唔捨得，但....個camp亦正式咁結束，好正，好感恩
走o個陣check電話，收到Wing o既SMS，於是叫組員們一齊為佢祈禱，希望佢冇事啦....
最後，Simon、鍶、Johnny、Crystal同我去o左旺角食糖水~~開心~~
一定要re-u 呀！
其實呢個camp除o左我個人之外，仲經歷到其他野
一、九百人o既敬拜係正到不得了，令我更加喜愛用歌聲、音樂去敬拜神
敬拜事工，仲尋求緊，但我相信主會開路
二、九百人一齊做街頭佈道個果效係好好多！
以前傳福音會怕，因為同路人少，但o個日見到全個廣場都有弟兄姊妹
就會覺得有好多戰友一齊，自己o既信心都會大好多~~
三、呢個小組每一個人都係上帝奇妙o既安排，我地每個都係咁覺得
四、福音事工、青年事工等等真係唔可以空槍上陣，要有計劃同策略
但又唔可以單單只談計劃，而真係需要有好多人願意踏出多一步去做
五、完全感到裝備o既重要，上帝每次呼召我都係叫我去裝備(感動最深o既)
我之前唔明，直到聽到蔡醫生o既道，我先知道
當你有返咁上下裝備，上帝會再呼召你去委身更加多(當然有例外)
其實仲有其他好多好多，但真係寫唔哂，總之就好感謝主啦！
下年，我一定會再去！
最後，兩首滿有鼓勵同祝福o既詩歌
愛使我得勝有餘（營歌）
我的心 被愛恩感細想 恩典多美麗
曾經迷失 現今得你尋回
過去半生的驚喜 都不可與你相比
現在只想感謝你 甚感激你的愛
曾試遇上幾多的愛 都不可以相比
因為你的愛勉勵 不再自我封鎖
神你是愛 恩典廣闊 始終不變遷
激勵我捨棄軟弱 使我得勝有餘
難道是患難 困苦逼迫 使愛能隔絕
無論是生死 基督的愛 從未變改
曾試遇上幾多的愛 都不可以相比
因為你的愛呼喚 甘去為我擺你一切（今去為你擺上我一切）
神你是愛 恩典廣闊 一生不變遷
感謝你的愛勉勵 使我得勝有餘
是愛 使我得勝有餘
只要祝福（去年營歌）
只有祝福 令我欣慰 祂每天細心拖帶
給我鼓舞 為我打氣 祂陪伴同上路
神導引讓我躺青草處 越過死蔭幽谷
慈愛盛載 福杯充滿 同渡過一世一生
願我生命 只要祝福
突破不足畏懼心態
神愛讓我 活在恩典充滿祝福
就算手中只有一點
願獻主成千億祝福
神永讓我 活在恩典中讚美
>>January 10, 2005 at 8:06:23 PM GMT+8
2005 年 1 月 7 日 星期五 【颳風】
得勝有餘！
第二日，訓得唔算多，都算夠，朝早，靈修，集中唔到精神....
但小組分享o個陣好好，大家都有得著，而我就o係大家o既分享中有得著，感謝主！
完o左分享小組之後o既12個鐘頭裡面，上帝親自o既動工，我o既生命出現前所未有o既改變
早會講道，題目《得勝的自省》，講員係麥樹明牧師，一篇大大震撼我心靈o既道
當我自感我生命不停重覆又重覆咁有罪o既時候，牧師佢分享佢自己活生生o既經歷
大家都有軟弱，大家都好難完全唔去犯罪
好多時犯罪認錯、犯罪認錯、犯罪認錯，認多幾次之後，都會覺得冇面目再見神
但呢個就係魔鬼o既計劃，令我地唔敢再去認罪，罪就留o係我地身上，繼而疏離神
牧師分享佢o既經歷，再呼召我地認罪，一同開聲認罪，認一o的自己唔敢面對神講o既罪
好多人出去，好多人一齊認罪，感謝主！因為我地從罪中得釋放！
呢個早會好觸動，好多人得到釋放之後都流下眼淚，眼淚係釋放
完o左早會係午飯，但係我參加o左禁食，為自己o既聖潔守望
其實o個時我真係好累，我有幾刻真係倒下，訓o左....但感謝主
因為當我醒返後，為自己同神、家人、朋友o既關係祈禱o個陣，聖靈感動我
我祈到家人時，我落淚，我好想好想屋企人關係好o的，我好扎心....
但祈完禱敬拜o既時候，我好有平安，好有喜樂，我知，係上帝o既作為，感謝主！
禁食後有拍照o既時間，差唔多九百人，真係好靚好壯觀o既一個畫面
之後查經，內容係羅馬書第六章
查經加上分享，真係好有得著，從前我唔識點樣具體咁逃避試探
對罪冇一個正確o既觀念，如今我得著，得著成聖o既奧秘，再一次感謝主！
之後工作坊，內容係《復興聖潔》，亦係另一個震撼我o既時刻
佢將我地男女分開，我地弟兄一齊到第二度上堂
因為講o既係一個好隱密好隱密o既罪：情慾上o既跌倒
工作坊讓我地一班弟兄學會同神立約，唔犯情慾上o既罪
更甚o既係搵其他人幫手，同佢地分享自己o既軟弱，叫佢地守望你，提醒你
係喎，唔單單係某幾樣罪，其實所有罪都可以apply o架喎
呢個工作坊真係完完全全改變o左我，我立志，我要學識去講自己o既軟弱
令自己o既生命變得透明，行o係光明之中！再一次感謝主o既安排，工作
晚餐過後係第二個晚會，一個完全意想唔到，一個令我經歷神好多o既晚會
題目係《得勝的承擔》，講員係蔡元雲醫生
o係講之前我地o既MC, Kelvin 講佢o既見證，係一個好觸動人心，一個好鼓勵大家o既見證
亦鼓勵o左我，我o既心開始有一種莫名o既心志蘊釀緊
到蔡醫生講，佢用以色列之行做序，形容話有生之年一定要去一次
後來一段經文「這天國的福音、要傳遍天下、對萬民作見證、然後末期才來到。」太24:14
成為對我地o既呼召，年輕人要興起，要大大o既興起
因為未期近了，福音要傳遍天下
蔡醫生作出呼召，今次係呼召有志尋求全職事奉 / 宣教o既年青人
但唔係心口掛個勇字，空槍上陣，而係接受裝備，再尋求、委身
o個下我真係好有感動，我真係好想被主所用，但以前我一直擺唔低自我
覺得有好多野放唔低，另外，我真係好怕心口掛個勇字咁衝出去....
但呢一下，我有信心，我放低自己，我出去，祈禱，求神俾恩賜、異象、方向
出o左去之後我真係好開心好開心，因為我知道我o既生命不再一樣
當我真係去為主擺上o既時候，佢賜俾你個喜樂同平安真係大到你唔信，感謝主！！
呼召完畢後，我地同同工們分享，為自己有心志事奉o既方向知得更加多
我考慮o左一陣，我去o左敬拜o既全職事奉o個度
點解唔係中學生事奉？的確，我係想教書，但係當聖靈o既感到動黎到o個剎那
我好清楚，我想以敬拜作為我一生o既事奉！所以我去o左o個度
再細分之下，我選擇作神o既鼓手，縱然我而家唔叻，但係我真係好有心志
再一次感謝主，分享真係激勵o左我好多，亦令我o既志向更加堅定！
整個晚會正式結束後，我地中大Sci Fac有一個好美o既picture
就係圍埋一齊，為整個Sci Fac禱告，為得著更多中大Science人而禱告
係幾咁美好o既圖畫！我地每個department 都有開聲，正呀！
之後我地小組再有分享o既時間(因為女仔無房入，所以就圍埋一齊分享)
呢段時間係我地小組一個好重要o既轉捩點
不過我而家好累....都係聽日先寫....
>>January 9, 2005 at 8:41:04 PM GMT+8
2005 年 1 月 6 日 星期四 【微冷】
1月10日
得勝有餘！！
感謝主！讚美主！
過去三日o既camp，令我大大咁經歷到神，更加見到神o既工作！
我而家要宣告，從今日起，我要過得勝o既生活！
更加要鼓勵身邊o既弟兄姊妹，同祝福世上一切o既人！
因為，一切一切，都係主o係我身上o既作為！
我唔想用太激昂o既語氣去分享，因為o係神o既大能下，呢o的野係理所當然o既！
話說我o係1月7-9日入o左camp，呢個camp係由學院傳道會搞o既青年奮興營，主題係《得勝有餘》
咁入camp之前因為莊務，因為系內o既野，已經令到我好累
直到我入camp之前，執緊野o個陣，我心諗︰呢個camp都係頹頹地玩下算....
係已經將我報camp時o既期望拋諸腦後
1月7日
一入到去，疲倦o既心一直都有影響到我....一開始o既時候o係大球場敬拜
我好享受，因為我真係好鍾意敬拜主，但係投入o既程度只係一般....
Ice-break加上敬拜令我初步認識呢個一小組，一個三日兩夜一齊出死入生o既小組
當大家只係有初步o既認識之後，就開始第一個工作坊
咁工作坊就分開上o既，所以我同我o既組員都暫別o左一下
第一個工係坊係「師火燎原 - 作一個影響生命的教師」，點解揀呢個？
因為一直以黎，我都有諗過讀完書就教書，更希望藉著教書去影響年青人
去到，學到好多好多野，學到o既係一o係好實用o既野
令我知道原來教書唔係想像中咁易，要做一個影響生命o既教師更加係難上加難
但我仍然有盼望，我仍然對呢個"mission"有興趣
感謝主，令我明白當中o既難處同解決o既方法---係有出路o既！
完o左工作坊，入埋房之後就係晚飯時間
o係camp入面每一餐飯都令我地o既互相認識更多
無他o既，食飯就梗係會傾計嘛~~傾下傾下咪熟囉~
食完飯就開始第一個晚會，亦係我生命改變o既序曲
晚會主題係《從謙卑到得勝》，講員係陳育淦牧師
內容正正就係神解答我最近受困擾o既屬靈問題！
其實都唔係最近，一直以來，我都覺得自己生命唔係好好
even同神幾親近o既日子，都覺得好似有o的隱憂咁，覺得自己好軟弱，成日跌到
呢篇道帶出，點先可以得勝，佢分別用雅各、約伯、耶穌來講一定要謙卑！先可以得勝
謙卑就係完全o既順服！
雅各，一個好掘強、詭詐卻係聰明o既人，佢夠膽同神o既使者各力，結果佢嬴o左
一個咁掘強，咁自我中心o既人，最後佢改變，佢回轉歸向神，順服神
最後佢做得到順從神o既心意，而非人o既心意(祝福以法蓮)，佢終於成為得勝o既人
約伯，一個大家都熟識o既義人，亦係一個神好信任o既人
約伯經歷魔鬼o既攻擊，佢向神發怒，話要同神辯論︰點解我要受咁多苦！？
佢的確係一個義人，佢係得勝o既，但佢自義，唔懂得謙卑
結果神親自在旋風中同佢說話，佢降服
最後佢成為上帝在地上的代表！得勝o既生命！
耶穌，無需多說，一個完全謙卑o既人，就係要背起罪，被釘，佢都甘願順服
整個生命都係得勝o既！
到晚會o既最後，陳牧師向我地發出呼召，呼召願意謙卑、順服o既弟兄姊妹
唔單單係心裡面想，更加係立志過一個得勝o既生活，順服神，事奉神
我o個下掙扎o左一陣，因為要放低自己真係一件唔易o既事
但我最後都出o左去，因為我知道我所信o既道係咩，我知道睇住我o既係邊個
我願意事奉我o既主，我願意擺低我自己....最後，牧師為我地祈禱
感謝主，因為佢的確明白了解我o既需要，讓我聽到呢篇道
但係....呢個只係一小部份，我心裡面仲係有o的野覺得未搵到答案
之後小組分享，其實我覺得上帝o係呢三日除o左更新我o既生命外
最大o既恩典，就係賜俾我有呢一班組mate，佢地真係support o左我好多好多！
Simon(組長)、Johnny、松、鍶、Mandy、Crystal、小明
係一個幾咁奇妙o既配撘，真係超乎我地o既所思所想，只有上帝先可以安排最合適我地o既天使
去到我地身邊，為我地守望，感謝主！！！(其實我想逐一介紹佢地，但....長話短說，他朝總有機會)
第一日晚上，好累，好快就訓o左....但我訓之前覺得，呢個camp將會完完全全咁，改變我
>>January 10, 2005 at 6:14:40 PM GMT+8
2005 年 1 月 5 日 星期三 【颳風】
唔知點解，總係想睇 / 寫完日記先開始做自己野....
身體極為不適o既一日....頭痛欲裂，連眼球都feel到勁唔舒服....
都唔知係唔係病又勁o左，其實呢兩個星期身體都浸住唔太好
應該係o的感冒菌未清得哂....而家又再發作....
今日真係唔係好掂(個身體)，所以放o左自己一日假....
唉....我真係唔想走今日o的堂呀....PHY2003、SOC1004同UGB265M....
三科我都幾想讀o既....都堆哂o係今日....(除o左PHY2003)
不過算啦....都過o左....
pre咨....pre o左差唔多六個鐘....
其間有好多個moment都覺得係o個度廢問廢答....
加上身體o既問題，搞到我後半部都廢事出聲....
不過，到最後總算好返o的，唉~總之一匹布咁長啦....
(唉....有時真係想quit莊算....自討苦吃)
聽日入camp....但係....feel到自己ok辛苦....好頭痛呀！！！！
唔寫喇！
p.s.總算睇完《民數記》嚕....
餅︰我係第95組呀~(不過我諗你都係出camp先睇到~haha)
p.s.做乜將個「魚」字讀做「怡」字呢~~？
Moon︰我都就死得....頭痛！頭痛！頭痛！頭痛！頭痛！頭痛！頭痛！頭痛！
頭痛！頭痛！頭痛！頭痛！頭痛！頭痛！頭痛！頭痛！頭痛！頭痛！頭痛！
頭痛！頭痛！頭痛！頭痛！頭痛！頭痛！頭痛！頭痛！頭痛！頭痛！頭痛！
頭痛！頭痛！頭痛！頭痛！頭痛！頭痛！頭痛！頭痛！頭痛！頭痛！頭痛！
>>January 6, 2005 at 7:27:00 PM GMT+8
2005 年 1 月 3 日 星期一 【颳風】
夜晚又好似凍返o的....
今日正式上lecture~~感覺都幾好~~
諗諗下....完來我major都好耐冇認認真真咁上過lecture....
朝早四連堂(T1-4)分別係PHY2003同PHY2002~
有少少吃力....不過整體都ok~
終於都讀 EM 喇~感覺上我鍾意 EM 多過其他Physics o既topic....
希望呢個興趣可以驅使我返足星期二、四o既早堂啦....
下晝食完飯，hae o左都好一陣子，因為等補習~
於是o係soc 房玩o左個幾鐘吉他~~
實在太好喇~soc 房長駐o左支吉他o係度~得閒就可以去玩下~
之後同Michael仔一齊出o左荃灣，我就去補習，佢就去千色店度行
我補完習就join返佢，點知佢已經一袋二袋....o係千色店掃貨....
真係....O o左一下嘴....跟住同佢食野，食完野又行返去千色店~
因為我想買schedule，行o左一陣又睇o左一陣~
最後買o左本史力奇o既~都ok 靚~不過....都唔算太平，要$69，但就幾抵囉~~(因為都真係ok精美)
之後搭車返沙田，途中同Machael講起信仰~
講講下我竟然將福音完完整整地傳o左一次俾佢聽~
雖然我知佢呢一刻係唔會信住(因為佢都真係相當地理性)
但我覺得撒種o既工作，係應該做o既~
同埋︰We do the best, God do the rest !
之後仲有下場(！！)
就係出去同佳哥仔佢地食飯(又食....)，難得佢地齊人，梗係要去下啦~
食下野又吹下水，哈~我地o係酒樓用人地劃火鍋紙o既筆
係咁o係張墊紙上面寫字，又研究下唔同字o既寫法咁~超無聊~
最後食到12點幾~總算趕到尾二o個班馬鐵返屋企~~
星期五入camp，學傳搞o既「青年奮興營」，期待呀~~
p.s.今日睇返前兩日o既報紙....「最痛的元旦」....好震撼....扎心o既感覺擋到擋唔到....
Moon︰yeah~大家都咁開心~~
我地有這喜樂，非世界賜給我
>>January 4, 2005 at 7:11:20 PM GMT+8
2005 年 1 月 2 日 星期日 【颳風】
唔知呢隻色大家o岩唔o岩睇....？
第一日返學~~都ok幾得閒，只係上M2 o既major STOT 同M8 o既PE
中間o既時間都拎黎訓哂咁滯....因為之前o個晚太夜訓....(凌晨5點9....)
上完PE返屋企沖個涼又返中大開會....開到十點幾....返到屋企....即訓....
咁就完o個呢一年頭一個開學日....
今日諗諗下，又聽o左同學o的意見....覺得14分又好似少得滯....
因為如果而家讀得少，第二、三年要讀返多o的
咁可能會難o的應付(始終yr2,3 o既野難o的)
所以今日add返普通話同一個大通，想講講個大通~
其實係MSE(材料科學工程)開o既，而MSE又係under Physics o架喎~
所以某程度上呢個又算得上係PHY o既course 喎~haha~
當然~佢係俾我當通識讀我先take啦~不過MSE又唔係一個好physics o既科目
反而佢chem一o的....咁對我黎講都算係有新野學~~唔錯唔錯~haha~
add o左呢兩個course之後，今個sem就會take17分~咁ok啦~
時間又唔錯差，因為Lab要到2月尾先開始做
所以而家我星期二、三、五下晝都冇堂~不錯不錯~~只係五日都有早堂(最遲十半)咁解o者....
希望今個sem唔會好似上個sem咁....忙到死啦(學業上)
p.s.感謝主~~Lab (逢週三) 2月21號開始，而佈道法(逢週四)o係2月17號就完~
等我可以完美咁將一份補習由星期三 transfer 去星期四~~
上帝安排真係奇妙~~
>>January 4, 2005 at 6:46:07 PM GMT+8
2005 年 1 月 1 日 星期六 【晴】
回顧返一篇我覺得自己寫得幾有意思o既文章....
動力和積極
世上的人有很多，種類亦有很多~
外表上的不同有很，內心的不同亦如是
在外的不由自己所決定，因為決定權不在我們
而是在我們體內的基因，當然，後天的生活習性亦有影響
但對人生起著最重要關鍵的，卻是內心的不同
大道理唔講喇~我直接講下自己o既諗法啦~
人生在世，有咩係重要，有咩係唔重要呢？
我諗呢個問題o既答案，對每個人黎講都唔同
但我唔明o既係，有o的野對一o的人黎講好重要
重要到一個地步係佢地會覺得呢o的野就係佢地o既人生意義
一但achieve唔到呢o的野，佢地就會覺得人生冇哂意義
繼而變得好灰，生活冇哂動力，好消極
呢o的野會係咩呢？有好多，有學業、有金錢、有愛情
睇起黎呢o的野的確好重要，即使對我黎講，都相當重要
但係重要還重要，佢地又係咪重要到代表人生全部o既地步呢？
佢地會為o左呢o的野大喜大悲，其實咁都冇咩所謂
不過有o的人會為著o係呢o的方面o既挫折，而冇哂做人o既動力
變得好消極，講野o既內容全部都係悔氣、消極o既說話
呢樣我就覺得不敢苟同喇....
每個人o既人生都有好多唔同o既階段
有讀書時候，有拍拖時候，有為事業奮鬥時候，有同朋友不問世事，瘋狂玩樂時候
o係唔同o既時候，你所著眼o既野都唔同
但係咁唔代表你o既世界「只有」你著眼o既野
當你讀緊書o既時候，成績唔係一切，你仲有朋友、家人，幸運的話，你仲會得著上帝o既恩典
當你拍緊拖o個陣，愛情都唔係你o既一切，你仍然有朋友、家人，或者仲有你o既事業、未來
當然，幸運的話，你會得著上帝o既恩典
同樣，失去金錢、失去事業、失去愛情、失去好成績，你仍然擁有很多很珍貴的東西
你出生入死、一起經歷很多事的朋友呢？
由一出生便對你關懷備至，事事關心你的家人呢？
更甚的說一句，你現在失去這些事代表什麼呢？
係唔係失去了一次，就以後都唔冇呢？
考試考唔好，唔代表你o既前途就咁就玩完
而如果你真係對知識有興趣的話，就更加唔需要為此而沮喪，要知道「求學不是求分數」
失戀又如何？你愛人人家唔愛你，你失去o既只係一個唔愛你o既人
如果係你唔愛人而失戀，相信呢樣野亦唔會令你要生要死，變得咁灰
失去事業呢？你有冇諗過o係你得到事業前o既境況？
以前你冇，你有過而失去，難道咁你就唔可以再有咩？
「由儉入奢」易，「由奢入儉」難，唉~香港人....
我想講o既係，為呢o的事而傷心，係人之常情
即使係俾著我，我當下都可能會唔開心
但係唔開心要唔開心幾耐呢？一日？一星期？一年？一世？
如果你咁好野可以為此傷心欲絕一世o既話，我佩服你~
之但係，你唔係嘛，你仲要生活，你仲有好多野要做
考試考唔好，唔通就唔食飯唔訓覺咁傷心？你得你就做啦
失戀唔通又可以唔讀書唔生活？你得你就做啦
失去一樣野唔代表失去一切，你一日生out out你一日都有轉機
如果生活係咁消極o既話，咁生活仲有咩意義？
引用莫少一句說話︰即使係撈偏，都唔該你上進o的！
內容唔重要，精神先係重點，冇錯，做咩都好，都唔該做好o的，如果唔係就唔好做喇
對生命有承擔，就會對生命中每件事都表得積極
活得消極o既人，主觀o的咁講一句，我覺得佢地係o係度侮辱緊生命
如果有參與過比賽o既人，應該都會知咩係「體育精神」
俗話有話︰輸都要輸得好好睇睇！
呢種先係生命應有o既積極！
失敗中帶著積極，你都未算係真正失敗
但失敗中卻係帶著沮喪、絕望，咁你就真係完完全全咁失敗
因為你輸埋你o既心
希望身邊o既人多o的積極，正如大家都會鼓勵旁人「加油」、「努力」一樣
同樣地，都應該叫自己活得積極一o的先o岩！！
寫咁多野其實係冇咩原因，只係突然有感而發~
而且純粹個人意見....鍾意聽就聽啦~哈哈~
的確....失去o左一o的野，唔代表失去哂所有....
但願大家都懂得咩野係....「振作」
>>January 2, 2005 at 6:46:08 PM GMT+8
2004 年 12 月 31 日 星期五 【乍雨乍晴】
新的一年用新的顏色~~
本想早起一點去染髮，可是懶惰的我，加上寒冷的天氣
令我十二時許才起床，染髮嘛....當然是沒有啦~
因為阿 in 來電找我吃午飯的關係，以比平常快的速度梳洗
然後乘馬鐵出去，馬鐵對我來說最大的用處就是回教會~~很快呢~
會了 in in，食麥當奴，很美味呢~~
回到教會~今天有課室用呢~~實在十萬個高興
而且跟阿moon合組~~是很熱鬧的一天呢~~
在開組前，趁著教會沒有人，玩了一會回兒鼓~~很滿足~~^^
開組，不錯，說到未世，說到災難....的確，那日子可能真的近了
為災民祈禱，希望組員們會明白這一切一切吧~
還有開心的事，就是有新的組員呢~~Jason~是Ivan的弟弟呢~
很活潑的一個小男生~~還真感謝主啊~
崇拜，仍然是肅然起敬的心，看到短片，多麼的扎心....
完了後，心情總算輕鬆了一點，但仍要記緊禱告的事....
報了兩個裝備站，相信這個sem也會忙得可憐....
幸好只take了14分....也不想讀太多了....讓自己空一點時間幹些想幹的吧
然後跟Herman和中中到麥當當，談小組的事~
很開心~~對小組真的滿有期望，而且中中說得對︰一起事奉很開心
遺憾的還是那一樣，上不到captain班....
同路人....唉....每次想到這裡，心....不禁就酸起來....
晚上找了雅文在新港城吃晚飯，談了一會~便回家了~~
元旦，沒有特別的節目，有主，便夠了~~
>>January 2, 2005 at 6:15:22 PM GMT+8
|
窗內的世界
|
廣告 |
|
|
讀者留言 |
| 路人留言
|
 我踢完之後散左2日 ><
<br
>>March 29, 2008 at 2:43:09 PM GMT+8
ai.........this
>>March 26, 2008 at 6:46:27 PM GMT+8
閱 ~
>>March 25, 2008 at 12:55:40 PM GMT+8
Hey~
<br>Want t
>>December 9, 2007 at 10:33:21 PM GMT+8
re你11月8日果篇: 你呢個s
>>November 11, 2007 at 11:37:28 AM GMT+8
我地係喜友似利呀~~~唔係喜有此
>>October 29, 2007 at 1:46:46 PM GMT+8
我唔見左你日記好耐喇～
<br>
>>August 14, 2007 at 4:13:24 AM GMT+8
好耐冇見喇....我找你打波你仲
>>August 6, 2007 at 3:21:17 PM GMT+8
havent talked to
>>June 9, 2007 at 6:01:18 PM GMT+8
喂~ 6月10日返馬鞍山
<br
>>June 5, 2007 at 10:29:33 AM GMT+8
昌!!
<br>你有十萬個不能原
>>May 7, 2007 at 3:47:10 PM GMT+8
第一句係「有一天」啦
<br>唔
>>May 7, 2007 at 5:24:37 AM GMT+8
kakaa~ tonight p
>>April 3, 2007 at 10:22:25 PM GMT+8
haha..加油呀..好好發揮你
>>March 29, 2007 at 4:43:47 PM GMT+8
我心中都有一座斷背山~~~哈哈
>>March 12, 2007 at 4:23:09 PM GMT+8
排球隊要加油
<br>你都要加油
>>March 8, 2007 at 11:30:40 PM GMT+8
睇黎你要搬去我度訓先會有寧靜既時
>>February 27, 2007 at 5:07:27 PM GMT+8
孖寶賽車...
<br>對我來
>>January 30, 2007 at 3:45:02 PM GMT+8
加油呀!BB~~~
<br>我會
>>January 21, 2007 at 8:22:17 PM GMT+8
用禱告托住一切吧
<br>要加油
>>January 14, 2007 at 5:02:40 AM GMT+8
my friend~
<br>
>>December 19, 2006 at 7:08:37 PM GMT+8
Stat. Mech?? 同 s
>>December 18, 2006 at 1:54:03 PM GMT+8
不知是不是因為不常看到你的日記。
>>December 14, 2006 at 5:44:20 PM GMT+8
我也期待著從前的「長篇大論」呢!
>>December 9, 2006 at 6:58:48 PM GMT+8
你都要加油油ar baby~
<
>>November 7, 2006 at 11:30:08 AM GMT+8
加油~~~
<br>仰望那加給你
>>October 3, 2006 at 5:04:26 PM GMT+8
next week ba?
<b
>>October 3, 2006 at 5:32:02 AM GMT+8
今年我都想努力
<br>
<br
>>October 1, 2006 at 1:38:44 AM GMT+8
加油ar...支持你
<br>做
>>September 30, 2006 at 7:08:44 AM GMT+8
唱兩句我o係饑饉30學既歌同你打
>>September 28, 2006 at 3:20:43 PM GMT+8
呢排都唔係好想寫得長
<br>
>>August 18, 2006 at 2:11:21 PM GMT+8
果份說明書好無聊呀……
>>July 21, 2006 at 2:22:57 AM GMT+8
疑問....
<br>為什麼內地
>>July 19, 2006 at 12:44:55 PM GMT+8
多謝晒!!!!!
>>July 17, 2006 at 2:52:27 PM GMT+8
唔係幾好都寫左咁多...
<br
>>June 27, 2006 at 6:41:55 PM GMT+8
終於都黎到啦...
<br>幾經
>>June 24, 2006 at 8:38:39 AM GMT+8
波癮終於得如願啦
>>June 18, 2006 at 5:38:18 AM GMT+8
I still read you
>>June 16, 2006 at 11:37:29 AM GMT+8
<br>May I have
>>June 13, 2006 at 6:35:38 AM GMT+8
好想同教會既弟兄踢波呀……
<b
>>June 12, 2006 at 5:24:39 PM GMT+8
你既返工日記真係好正呀！
>>June 4, 2006 at 12:58:45 PM GMT+8
I have read your
>>June 3, 2006 at 4:40:30 PM GMT+8
我有keep住看架
<br>所以
>>June 2, 2006 at 2:23:15 PM GMT+8
等你得閒d, 我地再去食蠔餅丫!
>>May 18, 2006 at 3:10:32 PM GMT+8
漏了...
<br>
<br>送
>>May 6, 2006 at 4:48:49 PM GMT+8
reli thx God for
>>May 6, 2006 at 4:15:54 PM GMT+8
擔心你
<br>小心身體吧
<b
>>April 23, 2006 at 2:00:10 PM GMT+8
hehee~*
<br>314*
>>April 22, 2006 at 2:10:55 AM GMT+8
我都任性緊，我都要迎接功課先得！
>>April 6, 2006 at 3:12:47 PM GMT+8
um....forgot tim
>>March 28, 2006 at 11:44:41 AM GMT+8
|
|
嘩~~有得用「綿綿細雨」黎形容今日呢~~
兩日冇寫日記~
回顧返一篇我覺得自己寫得幾有意思o既文章....