2004 年 10 月 16 日 星期六 【晴】

今日返完主日崇拜,上完十課,
唸住返屋企,行行0下先記得自己銀包冇錢,
今朝一早都記得自己銀包得30蚊,
晏晝用左黎食飯,岩岩好用哂,
褲袋得三個半,
行左咁遠,又冇理由行返去教會問人借3蚊搭車啦,
我check左左個銀包幾次,都係空空如也,
我0個陣個心唸:神呀,如果您係活0係我當,您比我沿途撞倒一個熟人,
等我問佢借,3蚊丫.夠搭西鐵,之後我行返碼頭返屋企丫.
都差唔多行左大條路,都冇一個人識.
之後我又心唸:您比我執倒三蚊丫,三蚊夠返到屯門嫁啦.
一直行,一直望住地下都冇著落.
行到去近新元朗中心,唸起我細妹,不如打比佢求救啦,..
打完之後,行到去西鐵站,睇睇戶口有錢未啦,
點知連本身有0個7蚊都比銀行扣埋,一毫子都冇,
今日d散銀又奉獻哂,
我一路煩,一路不自覺咁又拎個銀包出黎,
點知...竟然無啦啦有20蚊,
我明明check過好多次,仲要睇過0個格起碼3次,明明係冇錢,好清楚係冇,
點解無啦啦當我行到去西鐵站竟然會有廿蚊.
唔知道神係唔係真係顯現比我知,
依件事,算唔算係我既見證呢??
哈哈哈~~我覺得,真係真係好奇妙,好奇妙呀^^

>>October 17, 2004 at 9:30:37 AM GMT+8

2004 年 10 月 15 日 星期五 【晴】

今日上日文堂,拎返個成績,亞sir讚我叻,..
上完日文堂,突然好有衝動,一個人由澤豐行返屋企,
行行0下好想喊...
覺得自己好似"一個人在途上"裡既郁達夫,
郁達夫先生掛住既係佢個仔,龍兒,
而我,惗掛著既...,媽
咁上就5年啦,工作忙,好累,完來都唔足以令我忘記5 月前,10月22,您既離去,
我頭先腦裡面倒數左好多好多依19年既日子..
記得我兩三歲我摟您買水槍,我射到成屋都係,哈,仲比妳用滕條打我..
次次我唔乖,妳都會用滕條炆豬肉炮制我,但您次次都冇用力,
次次打完我,您又會好傷心咁錫返我,
有次,幼稚園高班,您仲拎住條滕條黎接我放學,..好魚呀^^
小學0個陣,記得您每個小息時您都會拎野食比我同細妹食,係您親手整既三文治,
每日早餐都有服侍,..哈,仲記得老豆驚我地遲到,著住睡衣黎送我同細妹返學,好搞笑呀.
5年班,d同學個個開生日會,
我摟您0係我生日幫我搞生日會,您0係我生日都整左好多野食,
仲有紅雞蛋tim,您仲同我d 同學一齊唱生日歌tim,
中二0個陣,我成日打波咬柴,您帶我睇跌打,
您個心好痛,比起我腳傷更痛,妳唱過周華健一句歌詞比我聽:"我珍惜你你亦要珍惜你自己.."
之後,我腳傷期間,您仲幫我咩書包返學.
有次,您帶完返學,何少衡同學貪玩,我傷腳佢仲整我隻腳,
我打左佢一身,哈,比您睇倒.
放學返到屋企,您叫我打返電話同人道歉,我好聽話咁打返比佢道歉.
中三打波比同學插爆左隻眼,入左醫院,您好擔心,之後您每日都煲田七湯我飲,
好快,我眼球d血都散左..
中四..中五..repeat,..有您每日既鼓勵,
每餐晚飯,您落足心思.
仲教過我整麻婆豆腐tim,
五年啦,都冇食過您煮既餸,
一直行,一直眼濕濕,
您走左0個陣,我成日都發夢見倒您,每次我0係個夢裡面都係喊都聲嘶力竭,
0個陣,我真係以為您炸帝,黎激發起我努力讀書,
又唸,您呢埋左唔知0係邊.
您知道我幾咁細個,..直至漫漫先感覺倒您以後都唔會再返黎,.
0係您走0個人,我哭不出 滴眼淚,祗因我傷心得太緊要,
您走前既既眼淚流得太多,太多,
依幾年來,風風雨雨,都一個人捱,一個人過,
依幾年來,我心裡面一直同妳說話,一直講好多野您聽.
好想好想同您講既話,您會回應返我...一句咁多丫.
依幾年來,讀書,工作,再讀返書,經歷左好多好多,拍拖甩拖,單戀失戀,...
一切盡是幻得幻失咁渡過,
鄧婉話我沉實左好多,
其實..係,我個人係沉實左,..
但其實我仲好需要依靠,依賴,
外在只係撐,只係捱,只叫自己努力生活,
依段路,我心裡既說話,您聽倒幾多..
近排,我返返教會,但返教會,都唔可以令我依種內疚,自責,同無助感永遠消失,
我好想問神,問神關於您既消息,
但每次我都係自問自答,
有時感覺您0係我身邊,又時又覺得您離開得虛無飄渺,
每次有依種感覺既時候,我真係....撐住,唔喊,
出個感覺我,令我感覺倒您丫.
神呀,全能既主--耶和華,講我知我5年來問您既同一個問題.
我亞媽宜家0係邊一度,做既乜野?

>>October 16, 2004 at 12:52:18 PM GMT+8

2004 年 10 月 14 日 星期四 【晴】

琴晚通完頂做process book,
放左學同亞June 同佢同事Tony去百老匯電影中心睇"華氐911",
令我更加感慨,
9 11當晚既電視片段仍然歷歷在目,
而依套戲更加令我對美國既不滿,'對布殊既憎惡加深,
當了解愈多,就愈覺得人真係自私得好無恥,
好討厭美國,好憎布殊,好希望佢選舉失敗!!!!!!!!!
仲有,希望Michael Moore 唔會有事啦,咁大膽去揭發咁多當權政客既惡行,
理行公義都要照顧自己既人身安全呀,Michael Moore ^^

>>October 15, 2004 at 6:13:26 PM GMT+8

2004 年 10 月 12 日 星期二 【晴】

第三日上晝上唔倒堂啦,唔可以...
星期一通頂,group project,要printA3,得我同小健有A3 printer,我要print10幾張,
冇辦法啦,print唔切,我唯有走左英文同pp堂啦,大局為重.
星期二,通頂通到出冷汗,手震,要休息,又冇返上晝CAD 堂,
今日,開夜做drawing project,唸住抖抖,又一睡不起,
真係要調整返自己既生理時鐘呀~
今日上drawing,亞kit第一個出去crit,
亞kit都做左好多野,畫左d sketch,搵左d research,
Carman都有病嫁,又要串亞kit:"嘩,真係做左好多野喎..."
亞kit話:"咁我返去做過囉"
Carman竟然對亞KIT講:"你冇發我卑氣0下..."
邊有發佢卑氣,有病呀佢.
我以為係我自己唔滿意佢,覺得佢串,冇佢串,冇其他串,唔會自我反省,
原來亞KIT,亞田,亞Sam......都唔滿意佢,
都唔明BiBi點會話想上Carman堂,亞shan點會同佢friend倒,
對女仔都串,都男仔仲串,d中年男人,更年期就唔好教啦,抵佢甩哂d頭髮~~

>>October 13, 2004 at 11:36:29 AM GMT+8

2004 年 10 月 11 日 星期一 【晴】

頂唔順啦.
開夜開到5點倒,突然出冷汗,手震,
即刻乜野都放低,唔再做住,
上床訓覺~

睇唔過眼.
頭先返到屋企樓下,睇倒堆人,有兩個紋哂身既金毛怒漢,一個女人同一個細路,
有個金毛怒漢係咁鬧個女人,應該係越南人,講既係越南口音,仲有唔正口音既粗口,
我係咁睇住,佢越黎越嘈,仲開始動手動腳,
之後,..仲走過去打個女人,
我睇唔過眼,走去阻上,拎住個手提講:再打個女人我報警..
點知0個兩個金毛越南佬行黎我度,兇我,叫我唔好報警,話我報警我好唔掂,
我同佢地講我唔想佢打個女人0者...
佢想對我動操之時,有個0係度睇既男人同我解圍,我座樓個管理員又行埋過黎,
之後,0個兩個越南人都唔再打個女人,一路鬧,一路用粗口鬧我,一路離去,
我真係唔驚佢打我,雖然我唔夠佢打,
但佢地既然驚我報警就一定唔會打我,
就算打我,我咪報警.
佢兇我,我只係驚連累屋企,因為我住依座.
但真係睇唔過眼,
我講返比我老豆聽,我老豆仲叫我唔好理人,當睇唔倒,
我覺得人要有公義,要見義勇為,
如果個個都得過睇,唔企出黎,唔出聲,
咁依個世界仲有乜野公義,仲有乜野法規同秩序呀,
個女人比佢打死啦.
都唔知係唔係男人黎嫁,打女人!!!!!!!!

>>October 12, 2004 at 12:13:11 PM GMT+8

2004 年 10 月 10 日 星期日 【晴】

大家睇睇,一星期之內,
我手臂由12寸減到11寸半,
上圍由37寸半減到36寸半,
腰圍由29寸半減倒29寸,
今次真係要多謝Bella啦,
唔係佢比既功課,我唸,我一定冇減到咁既成績嫁.
想瘦身,想纖體,全靠"開通頂"
(注意 : 通頂只有瘦身纖體的方法,本方法是沒有豐胸功效,反而有減胸之效)
唔同你地講啦,我又趕住去"開通頂"啦~~

>>October 11, 2004 at 4:58:32 PM GMT+8

2004 年 10 月 8 日 星期五 【炎熱】

無啦啦又唸左個勁正,勁滿意既TVC idea呀^^
琴日去poly聽完talk,0係舊can 傾project,即場都爆左數多個 ideas,
之前仲兩晚冇訓,竟會有得"爆喬",
上次主日,我先求神比我體力,時間,智慧,堅持,
當我"爆喬"時,仿佛感覺倒神既應許.
雖然通頂多日,係就係好累,但又冇病病喎,
個typo of motion既AfterEffect,都做得唔錯丫,
又有多一個好好既tutor教我地AfterEffect, Jackson真係好好呀,
今日星期六9:30,專登返黎補一堂AfterEffect比我地,
教又教得好清晰,又好有耐心咁教我地,問乜問題佢都好仔細咁續個人教,
好幸運0係yrs3 可以跟倒Jackson呀.
仲有,唸返我個schedule,三班得我0個班有dayoff,星期一下晝仲係study leave,
比起其他班好似可以有多d時間都用,
雖然我0個班d assignment暫時係多過其他班,
但反而我覺得係日理萬機,而唔係手忙腳亂,
功課多,其實即係我將會有好多野show比人睇啦^^
今日補完課,下晝返日文班,用緊餘既40分鐘專心溫書,
默書又竟然岩哂.
一切都好似已被安排好,一切都彷似很美好,
不得不相信,主,---耶和華,您與我同在,
我確信,也樂意奉行您的旨意,
用盡我既智慧,歇盡我能力0係設計上,去展現您既光~

>>October 9, 2004 at 6:47:52 PM GMT+8

2004 年 10 月 5 日 星期二 【晴】

有d人都唔知點做tutor,串到爆!!
自己又唔反醒同自責0下上堂一d 野都比唔倒我地睇,
powerpoint又冇,整個brief得一個鐘倒,好多野都miss左冇講我地知,
如令0係我面前擺官威,不知所謂.
唔理依d不知明既人種.
講返d開心野,放學之後,
同亞田,bibi,亞sam去左百老匯電影中心睇一套法國電影, La Mala Education,(聖教慾)
三級片,但唔係以色情既角度,
內容關於神父性侵犯男童以及同性戀,
成套片以倒序,及雙插序交代人物,懸疑得黎又可以decode倒,
感覺都幾好,都唔悶^^
同埋個片頭好正,片頭既typo都有精心佈局,依d先係藝術丫嗎,
不過睇完film,今晚又要通頂啦,
星期五就要交final 啦,
今晚點都要舞掂個After Effect,
努力呀~

>>October 6, 2004 at 2:13:30 PM GMT+8

2004 年 10 月 3 日 星期日 【微冷】

打仗,
同天氣打仗,
同細菌打仗,
同鼻敏感打仗~

>>October 4, 2004 at 4:49:28 PM GMT+8

2004 年 10 月 2 日 星期六 【晴】

今日終於買左拉鍊式中英文bible啦,
d草紙好簿,打開都驚整爛,
本bible係藍色,好沉實,好襯我.
買完之後就同亞清同麗玲返去對面舊堂,亞清溫書,麗玲就同我上十課,
講左d關於我信緊既神既野我知,
又同我一齊study bible,仲送左本書仔比我,
上完之後,傾左陣計,傾到唱k,一位鄧傳導人就黎到,
又傾左d佢既見解.傾完之後,我坐多陣就走lu~
7,8年冇睇過bible,感覺有點一見如故,
但查起經上黎,又有點陌生,陌生既係d篇章既次序,
我唸,有待改善既^^

>>October 3, 2004 at 5:01:55 PM GMT+8