2007 年 3 月 2 日 星期五 【晴】

農曆新年過去，
重新投入全職工作而又半職讀書的生活。
這個星期都幾唔慣這樣的生活節奏。
特別是同工會後，
受苦節將有一連串的培靈活動；
需要擺上很多。

面對在崗位上的重整，
面對生孩子的處境，
面對讀書其實需要好勤力的挑戰，
面對思想事奉方向的探索；
其實還有很多不同的東西在身邊環繞著自己。

呆呆的？
一時時吧。

生活壓力？
工作壓力？
都會有。
改革。
一定是大家都有壓力的吧。

上星期跟手足開會。
很好。
也明白大家會有掙扎。
不過又好實在的是，
不學習十一奉獻又怎能在倚靠神的道路上更有突破。

發夢發夢發夢。
夢想是甚麼。
在新崗位我的夢想是甚麼？

不理之後會怎樣。
但最少我現在身處的崗位，
我有甚麼夢想？
神想我做到甚麼？
我可以怎樣配合神的心意？
可以怎樣為神發夢？

變變變。
變變變生命力。^^^

有吸引力有生命力有改變力的聚會。
即係乜呀？
努力努力。

描畫心中的夢。

>>March 3, 2007 at 4:08:47 AM GMT+8

2007 年 2 月 26 日 星期一 【颳風】

現在興光學原理的mouse。
好方便。
不像以前有粒波波的，
用耐了會多塵會唔愈來愈遲鈍。
而光學原理的都幾好用。
但新東西比「舊時」唔好的，
往往就是「唔襟」。
跌一跌就壞。
是真的跌一跌；
即係跌一次就壞。
壞了就自然拆開佢睇睇；
即係好似駕車，
壞了車就係咪都揭開個車頭蓋睇睇，
唔理識唔識。
不過拆開佢都唔知佢鬆了甚麼。
於是佢又要壽終了。

星期日跟兩位有趣人傾偈。
夜晚就同手足們食飯。

4號對4號。

簡直係，
志雲飯局咁呀。
真情對話。

>>February 26, 2007 at 5:49:24 PM GMT+8

2007 年 2 月 25 日 星期日 【颳風】

今日足不出戶，
一日兩餐都係嗌外賣。

我常常在想，
當送外賣的哥哥或姐姐，
上到client屋企，
會不會都對client做緊乜而有興趣呢？

而他們對於一日兩餐都幫襯他們的客戶，
又會有甚麼睇法呢？
成日唔煮飯？

感恩是送外賣是不需畀「貼士」。
否則可能又是一個尷尬的場面。

畀「貼士」會引來尷尬，
最大原因可能是自己沒有下定主意。
有時會覺得畀得少會好似好孤寒。
而有時跟某些人出外食飯，
畀得太少貼士又是反映著一些東西；
特別是作為社交禮儀的一個symbol的話。

更當然是，
有時你根本是不想畀任何貼士給他們的。
服務水準真的一般。

而作為一個都嗌不少外賣的客戶，
每次有外賣仔、佬、姐上來，
都會感到有點緊張的。
因為好驚畀錢畀得慢或手腳慢接唔穩外賣，
或接了外賣又無手去畀錢；
其實一大恐懼就是好驚阻住阿外賣仔、佬、姐。

又或者是，
想快是因為都唔想外賣仔、佬、姐看到自己的屋企太多、太耐。
即係有朋友有親戚上自己屋企都會執執佢；
就算不是最整齊或甚至有點亂都好，
但最小是自己覺得見得人。
故有人突然上門探自己永遠都是殺你一個措手不及的。
而外賣仔、佬、姐卻往往是我們這些無飯家庭最常的探望者。

所以門都係有咁少開得咁少。

至於著成點呀；
有時都完全唔想理就算。
但有時都真係爛撻撻就算。

不過就是反映著有些東西就是不想給人見。
又或者總是想保持一些形象。

即使可能只是一兩分鐘的互動，
依然反顯示出人與人之間的互動實在是很有趣的。

>>February 26, 2007 at 4:06:29 PM GMT+8

2007 年 2 月 25 日 星期日 【微冷】

發呆中。

甚麼都不想做。
但又有很多事情想做。

到底是想做定唔想做呢？
又或許是唔想做但事情卻是「做完了」。
即係不用做但事情自己會搞掂。

又或者只係好貪心而又懶only。

發呆發呆。

>>February 26, 2007 at 2:34:44 PM GMT+8

2007 年 2 月 24 日 星期六 【颳風】

星期四返學。
朝早出門都唔凍，
點知回到神學院就超凍，
仲要落埋大雨；
由凍變寒。

著唔夠衫，
就係咁冷親。
家陣在作病作病咁。
而這種情況之下，
我們都唔會願意去睇醫生的。
都會期望佢「嘔o下嘔o下」自己好番。
我現在都係咁諗。^^^

不過真係好耐無試過係著唔夠衫而冷親而病。

>>February 25, 2007 at 12:57:34 AM GMT+8

2007 年 2 月 23 日 星期五 【雷雨】

你說「我又不是甚麼甚麼」，
讓我想起摩西在上帝呼召他帶領以色列人出埃及時，
摩西說：「我是甚麼人，
竟能去見法老，
將以色列人從埃及領出來呢？」

實實在在的，
當我們注目在自己身上時，
懷疑、小信、軟弱都會出來。

仰望上帝？

讓我們學習走到父神身邊。
神願意與我們同在。
而讓我們，
學習站到父神的身邊。

同行。

>>February 24, 2007 at 10:28:50 AM GMT+8

2007 年 2 月 22 日 星期四 【微冷】

同行。

同行是愛的語言。
要同行，
必須聆聽別人的心聲，
看見言語和行為背後的真相。
同行需要付出時間，
透過對話，
或是進入對方的社會領域之中；
球場、宿舍、cafe等，
才能了解對方。

同行，
「我在乎你是誰。
我關心你的想法，
你的感受，
以及你為何作出這樣的選擇。」

而領導，
就是在愛中向別人的生命傳講真理。

同行就是要聆聽，
並且誠懇地了解青少年的思想、感覺和經驗。
領導就是用有意義的方式，
將真理帶進現實生活中。
若想要同行並領導，
就必須好好地愛我們在靈裡關心的青少年。

反省自己近來的所作所為。^^^

實在好像遺忘了這些重要的原則了。
重看這本書，
反省反思。

對不起，
各位孩子。

>>February 23, 2007 at 4:13:11 PM GMT+8

2007 年 2 月 22 日 星期四 【陰晴不定】

點亮自己的個性，
讓它更能閃亮。

寫得好好呀。

而我們常常說的；
或許都講得唔夠多，
就係：
與其咒詛黑暗，
不如燃燒自己。

很多境況不一定是很容易就能夠改變的。
黑暗可能依然的。
只是我們仍能燃點自己去照亮黑暗。
愈hae的人愈需要關心而我可以付出更多關心嗎？
而更重要不是以我的方法去關心而是以對方覺得被關心的方法去關心。

更閃亮。

>>February 23, 2007 at 5:55:26 AM GMT+8

2007 年 2 月 20 日 星期二 【微冷】

明天要返早。
8.00堂。
一早。

年初四好像就要把所有東西撥回正軌。
特別是由年尾開始去期待過年。
而眨眼便像新年已經完結。

繼續等候、沉澱。
心裡的火是不會熄的。
我是如此盼望。
好好的跟隨主。
傳福音。
做好自己的角色。

>>February 21, 2007 at 3:38:08 PM GMT+8

2007 年 2 月 19 日 星期一 【微冷】

尋日新聞講阿劉皇發「代表」香港去車公求韱。
咁何志平唔求都係好的。
咁阿劉生求完韱就解韱人解韱。
當然唔識解韱的學問，
不過聽落似乎4句詩中有一兩句係無解的。
咁話大家要團結呀會有新氣象呀。
咁阿劉生就話好滿意，
叫大家要反思神明給的啟示云云。

如果係神明啟示，
就唔講解得好一點可以嗎？
唔好咁求其嘛。

而更重要是，
我們幾時畀權阿劉生去代我們求一支代表香港的韱？
你話代表就代表？
我們不信這些求韱係事實。
只是真係幾有興趣的是，
點解咁「大件事」卻係咁兒嬉呢？
係咪要齋戒沐浴呢？
而咁重要係咪要德高望重呢？
甚至應該要全民投票揀出來呢？

不過要感恩就係咁求其囉。

信仰真係唔好求其。
真係會畀人藐的。

實實在在要好好的去活出信仰的真諦。

又不過，
邊個去求都會給人話的了。
所以某個程度，
阿劉生夠膽去哽這個豬頭骨，
都是一份承擔吧。
又當然，
他肯去承擔會不會又只是為了賺取自己的政治本錢呢？
做人，
做基督徒，
都不要有機心好。
實實在在真真實實的去學習愛神愛人。

還有民協的去請願。
要求滅貧。
跨代貧窮。
我們這一代都是因著有機會讀書而可以在社會上有所提升。
而昨天去請願的孩子卻是沒錢而書簿也不足。
更沒有機會去參與課外活動。
實實在在的我不單是要給他們魚吃，
更要給他們能力去捉魚以及發展他們的能力。

哈哈哈，
發掘、發展、發揮。
我們的恩賜都係咁。
要發掘、發展、發揮。

>>February 20, 2007 at 5:20:58 AM GMT+8