2007 年 6 月 4 日 星期一 【酷熱】

孩子們帶了另一位同學一齊到教會。
相約星期二。^^^

傾了一會兒偈，
也分享了福音。
不知你們收到多少。
不過很認真的是，
耶穌確實愛你們。

或許到教會，
好像無乜好玩。
不過這裡有耶穌基督的愛。
更重要，
是耶穌能幫助你們找到人生真正的方向。
真正活出人生意義。
也給你們力量去活出正直的人生；
就係你們都唔想上到中學就學壞。

星期四來看我們練歌吧。
再傾過。

>>June 5, 2007 at 3:16:50 PM GMT+8

2007 年 6 月 4 日 星期一 【酷熱】

回家看新聞報導，
六四燭光晚會。

18年。

中國人。
中國的讀書人。

先天下之憂而憂，
後天下之樂而樂。

窮則獨善其身，
達則兼濟天下。

為別人謀福祉。
基督徒更當如此。

>>June 4, 2007 at 5:20:49 PM GMT+8

2007 年 6 月 3 日 星期日 【酷熱】

今日6點其中兩個孩子真的來到教會。
帶他們上去打o下鼓。
叫我教他們打鼓？
唔識。
感恩感恩感恩，
竟然有見完婚前輔導的士芒哥哥，
在孩子們面前示範了幾下打鼓。
孩子們拍晒手掌。
跟住士芒哥哥帶他們去參觀影音部，
向孩子們講解o下不同的器材。

然後帶他們去我們其餘的3個舖位。
一路行一路傾o下偈。

在樓下office，
又見到wing姐姐、anny姐姐，
又見到師母，
又見到牧師叔叔。
很好笑。

相約星期二。
分享福音。

*** ***

六四

>>June 3, 2007 at 5:20:06 PM GMT+8

2007 年 6 月 2 日 星期六 【酷熱】

今日孩子們沒有來。
一個唔知醒。
一個應該真係唔記得。
不過在msn同sms中，
還能跟他們聯絡。
感恩感恩感恩。

感恩有個姐姐竟然好想好想認識你們。
帶定NDS回來諗住同孩子打機交流。
好好好。

約了星期日下午，
不知會唔會蒲頭呢。^^^

*** ***

教導自己唔好咁激動。
更不要陷在血氣之爭。
看見自己的軟弱。
我真係覺得自己委屈的。
仲要係好覺得o個隻。
只是服侍神的，
何苦咁計較呢？

人生所謂的對與錯真的咁緊要？
還是看見彼此同心事奉上帝緊要o的？
當然反映事實是另一件事；
但若只是為了讓自己「贏」，
有意義嗎？

不過這幾個月儲埋儲埋的，
都幾一次過發出來。
在協調這個位置，
夾在多方中間。

行政？
過去一直都無同佢做朋友。
未來會唔會做得成朋友呢？
或者，
我想唔想同佢做朋友呢？

還要預備明天激勵的說話。
還有心力去激勵人嗎？

禱告禱告禱告。

多謝手足在宵夜的體諒與包容。
我真係一個咁軟弱的人。
真係一個在血氣中掙扎的人。

食少少，
只要唔係日日食，
成日食，
就無事o架啦。

但係我唔想用這樣的心態去看事情。
我深信神在當中掌管，
有他的計劃與心意。

今晚牧師講，
愈話自己唔得的，
上帝多數愈揀佢去做。

唔好咁啦。 ^^^"

>>June 2, 2007 at 5:48:12 PM GMT+8

2007 年 6 月 1 日 星期五 【酷熱】

今天也是一個熱得很的日子。
同工病倒了，
忽然多了很多工作與職務要背負。
感恩是仍有同工，
更有很多手足，
願意拔刀相助。
只有感恩。

更盼望同工能早日康復。

而因此，
我要負責銷門。
過程一點都不容易；
因為不少步驟都忘記了。
更因為家陣教會多了三個舖位；
於是要拎銷匙出去關門。
而因其中一處地方是新地方，
都唔記得要去關門。
於是要行出行入。
熱到爆。

上天台關冷氣。
上3樓check房間，
又要check4條後樓梯；
真係要行好多路。
所以真係好熱好熱。

於是我這個傳道同工就係到諗；
點解我要做埋這樣的工作。
這是我們神學院同學，
特別在做校園服務時；
特別是做貼郵票時常問的問題。
然後我就知，
根本唔應該問。
點解傳道人就唔可以去做關門關冷氣的工作？
咪就係「行政」工作囉。
咪就係事務工作囉。
沒有這些事務工作，
牧養工作、傳福音工作還能咁順利嗎？
這些工作不就是支持住其他工作嗎？
於是心裡立志，
要畀心機做好這些事務工作；
然後更要把握那些傳福音、牧養的機會。

跟住勁好笑的事就發生啦。
到我和老婆執晒o野走啦，
在門口等落閘時，
看見在教會旁的雲石坐了三個小學生。
咁無理他們由得他們坐啦。
跟住其中一個走過來問我們「唱」錢。
「唱」5蚊散紙。
就係咁，
開始了跟他們的對話。
我問他們咁夜都未夜屋企。
佢o地話打完波；
仲要係被人罰完留堂然後去打波到夜晚。
聽到他們鍾意打籃球，
就問他們有無打元福籃球隊。
他們沒有打但個樣好有興趣；
雙眼發光那隻。

其實那時教會的大閘已落了，
但很想拎張form給他們，
於是便再把大閘打開。
拎了form給他們，
再傾。
問他們住邊度讀幾年班。
都是住元朗、天水圍。
都是6年班。
問他們讀甚麼中學。
他們都說自己成績唔好怕且都係讀些banding較低的。
好怕去到那些學校學壞。
很感動是他們都唔想學壞。
很想與這3個孩子同行。

然後大家再講開教會是甚麼地方。
原來他們有一個的媽媽是基督徒。
問他們有沒有返教會，
無返。
但他們問可唔可來教會玩。
我心諗，
教會無乜o野玩之喎。
應該要買wii。

跟住有一個就問，
教會有無鼓。
佢好想學打鼓。
我話有。
跟住佢就話又好想好琴。

跟住傾o下傾o下，
有個孩子攬住個肚。
老婆問他係唔係好肚餓。
佢話係。
我心諗好唔好請他們去食飯呢。
但係好似快o左o的，
驚嚇襯他們。
而勁勁勁感恩的是，
我老婆從袋中拎o左件蛋糕出o黎，
話請佢食。
孩子二話不說就接過了。
佢應該真係好肚餓。
跟住老婆把另一件蛋糕都拿出來，
都請他們食。
那刻好感動。
老婆的樂意付出，
勁勁勁。

跟住他們問明天可唔可以o黎玩。
我話沒問題。
不過其他中學生都去了參選另一間教會。
於是我說不如來參觀教會啦，
睇睇我們的鼓啦。
跟住佢o地就問可唔可以打o下。
我話點o下都得o既。

之後我們就約時間。
約了11點。
我說11點來，
之後請你們食飯。
他們即刻問你請呀？
我話係。
任食呀。
我話係。

我話請你任食飯囉。
他們就笑了，
明我講緊甚麼笑。
超醒目。

希望明天見到你們。
因為耶穌愛你們。

>>June 1, 2007 at 6:16:02 PM GMT+8

2007 年 5 月 29 日 星期二 【酷熱】

聽到手足爸爸的情況，
如手足所說；
都沒甚麼可做。
不過就是會與你們同行。
為你們禱告。

together.

我們搞聚會的，
不是單單服侍自己人啊，
而是關心那些尋道的人。

我們都要學習關心未信的人。
愛未信的人。
正如基督愛我們一樣。

>>May 30, 2007 at 2:54:25 PM GMT+8

2007 年 5 月 29 日 星期二 【酷熱】

今日好有效率的做做做。
都完成了好多工作。

讓我們都成為有感染力的基督徒。

柴米油鹽之後，
這個可以是另一個目標嗎？
不知道呢。
但我們真要成為一個有感染力的基督徒。

要行出來啊。

>>May 29, 2007 at 4:42:29 PM GMT+8

2007 年 5 月 28 日 星期一 【酷熱】

聽人講得多你要返工，
搞到好哀怨咁。^^^
搞到我都好掛住你咁添。

我們能一起成長是快樂事。
後台朋友？！^^^
能讓你有這樣的平台去表達自己，
是神給我們的恩典。

代課給你壓力？
未能跟你分享，
但會為你禱告。

聚會團隊行政組會議。
如kaka所講，
很開心。
當然很肥仔啦。
咁鬼多零食。
人少少，
有o野食，
兼係屋企開會，
係warm o的o既。
仲要有條友仔係咁拎結婚相畀你o地睇。
真係無佢符。^^^

我們距離復興還遠。
但我們都有同一心志。
手足們，
我們期望我們能做的更大，
我們期望我們能得著神的愛更多；
都不是為自己，
只是我們愈有的時候，
我們可以與未信的朋友分享愈多。
我們，
以尋道者為先。
不是為了自己，
不是為了會友(咁簡單)，
最重要，
是為了未信的人。

讓我們更一心一意跟隨神。

>>May 29, 2007 at 4:50:57 AM GMT+8

2007 年 5 月 26 日 星期六 【颱風】

「你親自證明」，
好感動。
也慚愧。

但期望，
在主裡，
更愛你。

>>May 27, 2007 at 10:16:51 AM GMT+8

2007 年 5 月 26 日 星期六 【酷熱】

超熱。
6.30起身，
所以到現在已好疲倦。

敬拜。
技術上做得唔好，
要進步。^^^
而崇拜完，
大家再有禱告敬拜的時候，
超感恩。
神的靈大大臨在，
滿足渴慕的我們。

>>May 26, 2007 at 4:37:01 PM GMT+8