2007 年 6 月 30 日 星期六 【乍寒還暖】

Are you ready?

其實我未ready呀。
平常心？
無呀，
點算？

每個人對同一件事同一個人都有不同想法不同期望。
咁我自己想點呢？

我會答，
我只係唔想煩。
而講完唔想煩我又會諗咁樣係不負責任。

咁其實我想點？

任性的就係求其搞掂佢。
認真的呢？
但又自覺做唔到。

我真係未ready的。
主呀，
我真係未ready的。
我真係好唔想理呀。
到底係我討厭件事多o的，
定我討厭自己討厭件事多o的呢？

我好想求其應付o左佢；
但我根本未能求其咁應付這個求其的想法。
實在係唔能夠接受到自己求其去處理呀。
但唔求其又自覺好痛苦。
困擾。

我係度做緊乜呢？

主呀，
sorry呀。
真係唔ready。
真係唔想做。
真係唔鍾意做。

>>June 30, 2007 at 5:10:40 PM GMT+8

2007 年 6 月 29 日 星期五 【乍寒還暖】

o彭o彭o彭的處理了好幾件事；
叫做處理其實都只是打了電話約了人。
出來傾才是見真章的時候。

愛心相寬容；
到底有多少愛？
到底有多少愛已遺忘了？

不能自制的把《耶穌真貌》再拎出來睇，
還是最想學習耶穌一生。

尋求‧渴慕。

細個好鍾意睇雨。
而現在不是不鍾意睇雨；
這幾天係咁落雨拉開窗簾向外望，
好有感覺。
不過唔夠以前感覺的是因為現在住樓。
以前住那些鐵皮平房。
落雨時的雨聲是最好的搖籃曲。
鐵皮上的雨點總是美妙的音符。
小學仔時學的雨聲是淅瀝淅瀝。
哈哈哈。

現在在高樓大廈內，
沒了會有水浸的驚惶。
對雨好像失去了那份敏感。
加埋要jel頭，
更唔敢唔擔遮。

在時間流動的瞬間有些事情就是改變了。

再看看雨，
很想安靜在上主的懷裡。
在懷裡有永遠的福樂。
不安的都可以被撫平。

成長中心靈既興奮也不安。
是諗返轉頭定諗得更深呢？
是轉牛角尖還是深入尋索？

還是路上的燈腳前的光。
是神。

>>June 30, 2007 at 9:09:44 AM GMT+8

2007 年 6 月 29 日 星期五 【酷熱】

有o的o野食係要爭食先開心的，
好似魚蛋。

>>June 29, 2007 at 6:25:17 PM GMT+8

2007 年 6 月 29 日 星期五 【酷熱】

同手足一起。
總是感恩的。
昨晚跟你們brainstorm，
撐硬
你。

在興奮與抑鬱中徘徊。

同你一齊食魚蛋，
很好。^^^

你唔得閒同我食飯，
死梗啦你。

而你又死都要我同你食多一次飯，
你會死得更慘。

前面還是很多挑戰。

今早靈修。
神給我亮光。
我愛他們嗎？
愛我正在服侍的群眾嗎？
真的是一班新接觸的群體。
而我，
愛他們嗎？
定還是我只想處理好部門就算？
我會對他們有耐心嗎？

你的sms，
給我溫暖，
也給我提醒。
我做在你身上的；
你也做在別人身上。
而今天，
我還願意做在這班新群體身上嗎？
我還願意花時間去牧養他們嗎？
更甚的，
是我願意花時間去愛他們嗎？

其實，
所有都是
愛。

>>June 29, 2007 at 5:30:25 PM GMT+8

2007 年 6 月 27 日 星期三 【雷雨】

都無乜好日子過住。

自己都未站穩腳步。
風浪一波一波的來。

抓著神。
面對一切。

>>June 28, 2007 at 7:11:31 AM GMT+8

2007 年 6 月 25 日 星期一 【酷熱】

釋懷？
都幾難。
專業？
未捉摸到。
我連projector被重疊借用到有不同理由回應我唔關自己事，
我心裡都覺得唔舒服。
點解唔可以做好o的呢。
而家陣有乜都叫我去講，
即係唔想面對唔想直接對話就叫我去。
痴o左線呀真係。
乜鬼都叫我協調呀，
投降呀真係。

行政，
做落都唔覺得有趣呀。
只是在修修補補填窿，
最唔舒服係那些中間人傳話的角色。
真的好唔想咁樣呀。

快o的請到人啦。
好想改變呀。
唔可以咁樣o架。
真的盼望做得更好服侍神。

神呀，
為我們預備人才呀，
唔該。

>>June 26, 2007 at 12:26:18 PM GMT+8

2007 年 6 月 24 日 星期日 【晴】

昨天晚上到楊家作客，
與小飛飛玩。
很想老婆都一齊，
然而她要返工，
不能一起。
可惜可惜。

聯招。
又過了。
神學院的所謂口號：
難關難過關關過。
是出自年關難過年年過？
這句話又是在老夫子學返來的。
原來我在老夫子中都學o左好多o野。

聯招氣氛很好。
手足們做得很好。
特別叫做第一年擔旗去做。
基本上我不用出手。
是在debriefing時檢討時因為身份角色一定是我出手。^^^
我想一個好字認容唔到我對大家的欣賞。
是那份自動自覺，
最叫我動容。
當然在整個籌備中，
有些工作是定了也會有甩漏。
然而叫我深深明白的，
是大家實在有一份正職，
要跟進晒所有我們那些great idea(^^^)，
真的不容易。
然而看見叫人感動的是認真、自發。
認識我耐的，
都了解我是最強調這些的。
是生命的素質。
是對神的愛的回應、行動。
單單為神。
期望看見你們不斷在這生命素質上，
倚靠神，
更提升。

以神為首。
尋道者為先。

對付我們生命的惰性。
對付我們生命中那些大大小小形形式式琳琳種種的藉口；
叫我們不願成長不願對付自己的藉口。
攻克已身，
叫身服我。

所以搞9型workshop，
是我們很想很想很想看見你們能更深入的了解自己。
更了解自己行事為人背後的想法。
更了解自己行事為人背後，
推動、驅動自己的是甚麼思想。
做一根柴，
唔係廢柴。
就要在生命中下苦工。
了解自己，
對自己的人生、生命、行事、為人，
更多思考。
聖靈也就在這些思考、靈修、默想的過程中，
向我們說話、光照、啟發、影響、提醒。

細佬妹們、孩子們，
唔好輕看自己也不要輕易放棄自己；
當然要識放過自己，
但唔好放棄自己。
放過自己與放棄自己之間。
諗諗佢。

愛你們。
一起同行。
together。

>>June 25, 2007 at 5:53:56 AM GMT+8

2007 年 6 月 22 日 星期五 【酷熱】

喂喂喂，
你明天返來啦喎。
恭喜晒。
掛念你。
哈哈哈。

忙忙忙。
再思想。
調節？
一點都不容易。
生於斯長於斯？
好似誇張o左o的。
而那份情結總是不知怎樣處置。
所以我還是說是在摸索。
摸索摸索摸索。
或許更準確的，
是在探索。
摸索到一點點了，
然後再怎樣前行、起步，
需要去冒險？

放不低。
都係的。
動情？
都係的。
專業？
我們食飯後講的；
唔敢再講「唔鍾意」、「唔想」了。
愈講愈要做。

哈哈哈，
睇o下點啦。

>>June 22, 2007 at 6:44:57 PM GMT+8

2007 年 6 月 18 日 星期一 【酷熱】

楊家小姐今日搞生日會。
佢唔係好醒喎。
來到yoho，
仲係眼紅紅鼻紅紅。
未醒得晒。^^^

生日會都係切蛋糕那些啦。
很多禮物啦。
忙於與不同的哥哥姐姐叔叔姨姨嫲嫲婆婆合照，
當然仲有爸爸媽媽啦。

開頭都係呆呆豬。
到了後期才開始精神。
其後同佢坐在軟墊上玩。
佢對那副「軟林林」的牆好有興趣。
一齊在牆上拍拍拍，
打鼓。

而那副牆的design是以不同的長方形軟砌出來，
中間偶爾夾雜了一些長方型鏡。
楊小姐企係度時是照唔到鏡的。
因為那些鏡唔係在腳跟的位置，
另一些就是高佢幾個頭的位置。
於是把她舉起。
當高度一路爬升時，
楊小姐就忽然從鏡中看到自己。
佢就好興奮的笑晒，
同埋係咁用手指篤塊鏡。
超興奮。

*** ***

今個星期聯招。
繼續努力工作。
特別是趕完功課，
真係要更搏盡o的。

出了院就好了。
好好休息。

去了馬來西亞。
記念你。
為你禱告。
一切平安。
讓人看見我們信仰美麗的地方。
同埋，
你已經處理得不俗。
繼續倚靠神成長。

神奇4俠。
都講選擇，
都講天職。
有spiderman在前，
無得比。

不過講到其中一個角色；
一向是team中獨行獨斷的，
可是內心卻是不為其人所知的著重身邊的戰友。

*** ***

勇往直前。
羅拔神奇家族快o的出碟啦。^^^

你我都只是個普通人。
都只是個不配厚得神恩的人；
也就是唯有我們才是神願意厚愛的人。

朋友仔講的，
要繼續去協調及發展。
新一波會不會就是這些鬱鬱不得志也是屈屈不得志的人？
歎一口長氣。
跟住點做點行點算？
禱告禱告禱告。

>>June 19, 2007 at 3:57:26 PM GMT+8

2007 年 6 月 17 日 星期日 【酷熱】

提升。

為主，
再提升。
因他是萬軍之耶和華。
他永遠都配得我們的所有。
是所有。
進步，
就是把我們所有的；
那個隨著我們成長而不斷增多的「所有」，
以及因我們願意獻奉「所有」給主而主又賜下更多給我們；
我們所能奉獻的「所有」也就愈來愈多。

為主，
更擺上。
為主更卓越。

最核心，
是甘心樂意的奉獻。

*** ***

estel的drama，
雖然沒機會去看，
但今天能在人群中有那短短分享的一剎。
唔知點解，
有種感動得可以的感覺。

是因為你願意與我們分享你的興奮而感動。
而這個行動，
給我一種你都願意信任我們的感覺。
所以，
多謝你信任。

真的，
一家人。
同行。

*** ***

整理、沉澱。
發生甚麼事。

在禱告中，
其中一個很深刻的學習、反省是，
我真係好睇住自己人生的那個西瓜唔見了的那四份一。
即係總是容易往缺欠的地方看。
而睇唔到自己有甚麼。

而在用盡全力用了很有EQ及說話能力之後，
還有「很多」(係我自己覺得only而現實可能唔係)負面聲音，
我就好唔舒服。
超唔舒服。

唔舒服的原因在反覆摸索後，
都不知係唔係已見底；
但最少這個小結讓我認識自己更多。
就係我已經做到「好好」了；
不論處理的手法還是語氣態度，
真係算係咁算係好高水平。
而最終還是有人不開心；
而我就更加不開心。^^^

我心裡的說話係；
唔係嘛，
又係我做錯？
又係我做得唔夠好？
無啦喎，
對我來說已做盡啦喎。
於是，
心裡的想法係，
我既然都真係做得好好啦，
點解仲會有這些不受控而超無奈的事發生？

像近來的境況。
明明rehearsal的時候無問題，
但到正式演出就成日都係器材有問題。

真係超唔到你控制。
(當然我們在努力solve硬件的問題)
能準備的都做了，
結果還是不到你控制。

都實在太習慣控制了。
很多事都不到你控制的。
能力愈多知識愈多技巧愈多就愈傾向，
控制。
彷彿跟住條line行就一定有good product。
當然不是否定策略。
策略實實在在有甚位置和力量。
而倚靠神仰望神重新幫我們調較期望，
更調較自己的位置。
特別是我們在神國度中的位置。

繼續成長。
向主投降。

>>June 17, 2007 at 6:44:33 PM GMT+8