2007 年 11 月 13 日 星期二 【微冷】

陣間返學。

講故仔。
收到晒吧。^^^

同行。

一起面對。

選擇？
好像無得選擇。
因為接受治療好似係必然應做的事情。
而接受治療會有好多辛苦的時間。

真理教導我們的是，
不是做那個選擇；
而是選擇背後的原因。
選擇生命樹或善惡樹。
順服還是不順服。
愛上主還是不愛上主。

接受痛苦，
搞好身體。
對你有甚麼意義呢？

講太多，
知你唔鍾意。
為你禱告。

尋晚liu姐和我繼續為你禱告。

>>November 13, 2007 at 10:32:08 PM GMT+8

2007 年 11 月 11 日 星期日 【微冷】

尋日真係high high o地。
有人畢業。
有人大陸歸來。
有人結婚。
有人身體叫做好番o的。

所以那刻影相時又係乜都唔記得晒。^^^

無辦法。
XDDD

太快樂會昏迷。

婚禮，
感動的一日。
同你o地一齊飲，
真係好好好開心。
哈哈哈，
一team人。

>>November 12, 2007 at 12:52:39 AM GMT+8

2007 年 11 月 10 日 星期六 【微冷】

今晚敬拜，
帶得唔好。

反省反省反省。

>>November 10, 2007 at 5:44:43 PM GMT+8

2007 年 11 月 10 日 星期六 【微冷】

明天有婚禮。
要訓勉，
都幾緊張。

而期待，
明天和你影畢業相。
雖然一定好多人，
都未必好埋到你身。
但能分享你的喜悅，
感恩感恩感恩。

畢業啦。
大個女。

海鮮食唔到。
要去飲。
最衰你。^^^

>>November 10, 2007 at 5:44:08 PM GMT+8

2007 年 11 月 10 日 星期六 【微冷】

唔好擔心我擔心你。
擔心你是我應該的。
我係哥哥嘛。

應該的。

而且，
在這個階段，
還有照顧你的能力。
所以，
讓我們照顧你吧。

>>November 10, 2007 at 5:41:48 PM GMT+8

2007 年 11 月 7 日 星期三 【微冷】

鼻敏感又o黎。
會唔會一quiz完就無o野呢？^^^

鬱悶的原因是甚麼呢？

自己都忙到好混亂，
但仍然好想再做多o的；
因為唔想唔知為乜而忙咁？
這一年是prepare的話，
出年可以好一點嗎？

捉襟見肘的處境，
其實好辛苦。

見到那種「唔到」的情況。

禱告禱告禱告。
行動行動行動。

落實去牧養去栽培。

部門真係好窮。^^^

陣間quiz啦。
要預備出門口。
讀書實實在在係開心的。
條線好簡單。
讀得多學懂正常的會多。
馬可福音。
讀得好開心的。

唔要輸畀鼻敏感。
唔要輸畀抑鬱感。
唔要輸畀榮辱感。
禱告禱告禱告。

>>November 7, 2007 at 10:24:53 PM GMT+8

2007 年 11 月 6 日 星期二 【微冷】

無乜太陽所以好似好清涼。

經‧歷‧神。

當然唔係等於聖靈充滿時那些外在彰顯。
又當然，
那些彰顯可以是一種證明。
證明上主與我們同在。
不過很多人只停留在「經歷」，
卻沒有生命改變。
沒有感恩。
10個大痲瘋10個得醫治，
得1個返來多謝耶穌；
仲要係外邦人。

回看你的成長，
不是有很多上主的蹤跡嗎？
你覺得不夠具體嗎？
「你咁都能夠浸禮」豈不是上主奇妙的工作嗎？
或許上主就是要看你顯明，
恩典；
恩典叫你歸屬於上主而不是行為。
而且，
你絕對不是不愛主呀。^^^
未夠專一囉。XD

你的戒掉打機，
又是一樁經歷吧。

那今天還有經歷嗎？

其實是你「信」今天上主還與你同在嗎？
你信，
你可以不斷在生活中發現上主的蹤跡。
當你不信，
就是上主行了神蹟你也看了而仍然不信不會跟隨上主。
像法利賽人、文士。
就像你不再信那個人愛你，
即使他再做幾多事情，
你仍然會想到他只是惺惺作態。

認識聖經真理認識你的上主。

其實講咁耐，
都係o個句；
要自己去尋索。
而你身邊有好多同行的手足願意與你一起尋索。
或許要面對的，
就是有無耐心去尋索呢？
還是在所謂尋索的過程中過早就放棄呢？
唔要標準答案，
而願意付出多少去尋索真的答案？

上主愛你；
請看看在成長路上多少人支持你。
那份愛，
唯獨從上主而來。

今天的被啟發、去尋索，
你願意信；
你會看見這是上主在你生命的工作。

>>November 7, 2007 at 3:17:37 AM GMT+8

2007 年 11 月 6 日 星期二 【微冷】

今晚能夠一齊溫書，
好好好。

父神無條件的愛，
不用再逃避啦。^^^

因為在父神裡再不需要懼怕失去；
因為我們一定在天家裡重聚。
一切，
因為父神都改變了。
同行。

你失o左蹤？
一定搵你返o黎。
即使丟低99隻。

父神，
無條件的愛，
愛你。
祂，
愛你。
永遠。^^^

>>November 6, 2007 at 8:11:01 PM GMT+8

2007 年 11 月 6 日 星期二 【微冷】

雞蛋仔，
由細到大都不算是十分愛。
反而是那隻有好多格格的餅；
會搽好多花生牆、煉奶。
最勁係會落埋沙糖。
甜到呀。^^^
超好味。

不過其實都唔算十分鍾意食。
反而鍾意睇那些推著車仔的叔叔們；
真係未見過有嬸嬸去整。
咁阿叔叔們整的過程真係好好睇。
將o的奶油(我估係o卦)，
倒落去那些黑色鐵的夾上面。
望住那些黃得好好睇的奶油，
好靚。

而那種厚厚的質感(thick)，
好吸引。
當然好睇的，
相信係因為這些奶油一陣就會變成好好味o既o野，
所以更加好睇吧。

從來都覺得這些推車周圍去的叔叔；
其實所謂周圍去咪又係來來去去那幾撻地方；
係學生仔的大恩人。
尤其是未有7仔的日子，
放學搵食全靠他們。

其實叫恩人都未夠準確。
反而係邊日無得見就周身唔聚財。
唔一定會幫襯佢，
但行過唔見佢係o個個位開檔，
就會有種失落感。

當然人大了少了這種敏感；
是世界大了要留意o既o野多了？
關心身邊東西的心懷更少？

仍然對這些在我細個時候賺過我錢，
服務過我的手推車叔叔，
講句：多謝晒。
童年快樂，
有你份。^^^

>>November 6, 2007 at 7:01:45 PM GMT+8

2007 年 11 月 5 日 星期一 【颳風】

近來就是忙忙忙。
這幾個星期更是逼到爆燈。^^^
仲要成日唔記得o野。

今個星期要quiz，
忙著搞成家禮；
這個超難搞喎。
諗到唔等於做到。
做到我們所想的就一定好；
但最難搞就係要控制好多人，
基本上係要度晒每一句對白先會有心目中的好。
自由發揮通常又變得唔好。
成家禮外葛福臨其實應該要做o的o野。
應該話都預o左要做o的o野。
另外還有今個星期日的婚禮要訓勉。
星期四敬拜隊練習。
陣間落去吹水。

再上個星期，
又係忙於婚禮的事情。
星期六要做主席。
星期日要去飲。
drama都睇唔到。
今個星期又係忙於婚禮。^^^

仲有下星期一有人的畢業禮。
呵呵呵。
真係大個女啦。
星期日仲請食海鮮添。
不過又係要去飲。

請食海鮮。
基本上唔一定係海唔海鮮，
而係大家畢業後叫做搵到o野做，
都會請屋企人食餐飯；
而多數會係海鮮。
這餐飯總係有點像成長的標記。
即係完成o左一個階段。
不過即場親友的問題，
好快又帶你去到另一個階段。

好似會問o下你拍拖呀、結婚呀。
一個一個task。
好辛苦一定未至於。
只係人生成長必定遇上。
到今日我都繼續在問／在被問這些task。
幾時生仔？
幾時肯定自己的方向？
未來5年會點？
事奉上的心志？
諸如此類。

幸好，
有千千萬萬個我。^^^

我們並不孤單的。

有很多同行的人。
珍惜，
同行的人。
朋友，
真是寶貴的。

那種臭味相投的感覺，
正正正。
好少當講緊一個人臭的時候，
這份臭味係咁正面的：
「臭味相投」。

回想起一次台灣觀摩時遇見的牧者。
都係那種所謂同其他人style不同的人。
不是刻意突出自己，
但企係度就已經不同。
這種人真係唔知點算。^^^
唔係話咁樣叫做好勁好正好型，
而係好自然的就流露自己出來。
又唔係流露真性情的問題。
而係身處群體中仍然好容易好自然顯示到那份不同。
對好多東西，
有自己的睇法。
其實這句有自己的睇法係好廢話。
係人都有自己的睇法啦。^^^

而這句「好有自己睇法」，
正如t2y所言，
係你的睇法同我的睇法唔同，
咪覺得你好有睇法囉。

再次教我們謙卑下來。

我們都在睇法中互片。
在訴說別人不接納我們的同時，
我們也沒有接納別人吧。
當然令我們感到被屈機的，
是因為我們前設了別人有屈我們機的能力。
咁在順服的教導下，
係要學的。
正如我們都無時無刻唔能夠完全明白神的旨意一樣。
神的意念非同於我們的意念。

之但係，
神無話唔畀我們心裡面存有未明的問題。

繼續探索。

>>November 6, 2007 at 4:02:37 AM GMT+8