2007 年 1 月 10 日 星期三 【晴】

幾日無寫tim.... 唔係懶去寫架, 不過無無咩野寫!!! ...

>>January 11, 2007 at 2:50:33 PM GMT+8

2007 年 1 月 4 日 星期四 【晴】

新既一年踏入第五日就入廠!!! 真係大大穫!!!! 今朝5:00左右個肚突然勁痛, 只知係非一段既痛, 痛左幾個字頂唔順, 叫醒媽媽, 二家姐, 最後.... call白車入威爾斯.... 好彩到左醫院無咁痛, 等到見醫生時已經唔痛!!! 唔知咩事呀, 醫生話可能食錯野wow.... 但係我覺得似抽筋多wow.... anyway, 無事!!!

攪到媽咪, 二家姐陪我入院, 家姐又飛的唻, 真係勁唔好意思lor!!!...... 雖然有一日假紙, 不過請半日假算喇, 下晝繼續做野喇!!!!

>>January 5, 2007 at 4:03:13 PM GMT+8

2006 年 12 月 31 日 星期日 【晴】

新一年喇, 唔知係唔係人大左, 識諗左, 真係有d驚時間過得太快, 快到唔知自己唔見左d乜野....

尋日既除夕夜感謝brian既邀請呀, haha!!! 雖然有少少野失望, 不過唔緊要啦, 唔怪佢既, HAHA!!!! 尋日下晝我同kewchi過左黃大仙brian既friend屋企打麻雀, 打到天黑我就返左新城市陪爸媽食飯, 去左A1 restaurant呀!!! 之後爸媽竟然仲o係新城市過埋新年先走呀!! haha!!! 而kewchi亦返左屋企食!!! 食完之後, 我同kewchi又返番去黃大仙join佢地!!! 成晚都係我team kewchi打牌, 最後打到3:00贏$$走, 新既一年好好既開始呀!!!

回顧上一年, 的確係自己一個人生既轉捩點, 由毫無方向感既一個fresh graduate, 踏上一份極難做好既工作, 由此感受到不少的人情冷暖, 亦瞭解到社會既現實!!! 人經歷越多, 成長越大, 我就是喜歡呢d經歷, 因為世界真係好大, 只在乎你去唔去伸手接觸!!!! 事業上, 我從來無睇少過自己既能力, 我講過我唔一定可以做到最好, 但係一定唔會屬於差既一羣, 上年, 我做到了, 至少有交代了!!!! 家庭上, 我知屋企入面每個人都係我既債權人, 無計, 家人債一世都還唔完, 但係由上年開始, 真係真正開始有得還!!!! 感情上, 零, haha!!!

新一年, 希望樣樣都好啦!!!!

>>January 1, 2007 at 4:16:16 PM GMT+8

2006 年 12 月 29 日 星期五 【晴】

連續3日既gathering..... 前日同kevin, anthony去左habour city 食Dan Ryan, 尋晚同左Brian, Kewchi, Sunny, 家明, Ming, Fanny, Iris, Edmond去左TST既Fat Angelo & 許留山, 今日同autumn, astro, 邦, 祥食香辣屋&許留山!!!!! 勁!!!!

好快又一年喇!!!

>>December 30, 2006 at 3:16:11 PM GMT+8

2006 年 12 月 27 日 星期三 【晴】

好好彩呀! 原來我地上左機之後台灣地震呀!

呢三日既台灣行程真係超好運兼順利砑, 雖然第一日俾人搵笨左兩次, 但之後都好暢順呀! 至少呢三日我地都無經歷過大雨呀!

>>December 28, 2006 at 2:34:18 AM GMT+8

2006 年 12 月 22 日 星期五 【晴】

haha.... 好開心呀, 聽日就有得再去台北玩喇!!!!! 又可以搭下飛機呀, 一直都好鐘意搭飛機既感覺!!!

今日開始有4日假期呀, 今朝一早俾一個電話喚醒, 之後就叫左爸媽去飲早茶, 好早呀, 10:00飲, 飲完就去左陪媽行街街, 送左件褸俾媽呀!!! 之後就同kewchi, 敬行旺角, 估唔到我係最早買到野個個, 我期待已久既PDA終於買左喇!!!! 之後就陪kewchi買鞋, 再陪敬買DC, 之後就再去ESPRIT 掃貨, 人人有收穫呀!!! 不過今日真係大出血.........

之後去衝過沙田, 去左trendyland大大大掃貨!!!! 跟住就飛左去禾che教會開party喇, 遲晒大到喇.....
sharing之後就食食食, 之後就有聰& micheal既笑爆表演, 之後切蛋糕, 然後交換禮物, 最後走人喇!!!!!! 好得意呀, 又見番一d無見一段時間既人, 見番仍然好似好熟呀!!! haha!!!

跟住10:00返到屋企執野, 執左個半鐘, 發覺時間全用唻諗d野放o係邊度!!! haha!!!

聽日出發去台灣喇!!! 有邦, brian, 敬, kewchi & me 5個人!!!! 聽朝6:30起身, 得番4個半鐘訓...oh..... 不過我會好好enjoy呢個trip呀!!!

大家merry christmas呀!!!!!!

>>December 23, 2006 at 6:05:16 PM GMT+8

2006 年 12 月 15 日 星期五 【晴】

今日下畫做完野之後約左kewchi, 邦去旺角行街街, haha, 好耐未試過shopping shop咁耐!!! 不過又幾好玩呀, d sales 妹妹把口好鬼得呀, 死'cher'爛'cher'兼夾硬唻既手法真係好正, 好彩我都不甘示弱去正面交鋒, 為大家荷包著想, 但.... haha, 的確甘拜下風, 要同伴們出出血呀!!! haha!!!!

身形越唻越唔掂tim, 真係要諗諗計, 做多d運動先得!!! 唉, 晚晚臨訓前都口痕, 屋企又要有野俾我食wow.... 都係自己衰!!! haha!!!!

>>December 16, 2006 at 4:14:11 PM GMT+8

2006 年 12 月 9 日 星期六 【晴】

今日, 好奇妙咁去左中大聽個佈道會, 從無應承過任何人一定會去, 但就好似順理成章咁去到!!! 的確有唔少既感覺!!! 從中學階段開始接觸christian, 都無好大既抗拒, 但總係差一大步!!! 跟christian有好多既接觸, 好多好多, 身邊離離合合有好多人亦都係christian, 特別好多幫過自己既人, 好似greg咁!!! 今日第一次去學校以外既佈道會, 一個俾我預期中好好多既會!!!!

原本我好驚會訓著覺架, 不過原來係咁輕鬆的, 唱下歌跳下舞咁又幾得意!!!! 到個個傳道人講野時又幾attractive & funny既!!! 可能自己工作既關係, 的確好想好想搵到一d地方去寄託自己既壓力, 情緒, 不如意, 被誤解, 被拒絕, 堅持..... "放棄好容易, 堅持係最難", 真係難, 但係我願意去堅持!!!! 好打得動我既就係一d"愛"既信念, 用愛去堅持自己所做既野!!!

雖然今日被好多人半推半撞咁最後走左上台, 的確睇得到佢地既心, 不過自己亦好清楚自己既睇法!!! 我真係好相信christian傳播"愛"既信念, 亦好鐘意認識呢班朋友仔, 但始終仍未能相信背後既一切, 所以.... 仲係差一步lor!!!!

>>December 10, 2006 at 2:01:21 PM GMT+8

2006 年 12 月 5 日 星期二 【晴】

男人錢易賺定係女人錢易賺?? 我覺得我既錢最易賺!!! 前日入左萬寧, 唔夠5分鐘放低左三佰幾!!!!

今日發現今年真係有環球冬季嘉年華, 去過兩年, 一次係黃埔, 一次係添馬艦, 之後無舉行兩年, 今年好想好想跟以前一樣可以去, 今次都係添馬艦!!!! 仲有既係今次會係AIA贊助, 會有大型宣傳添呀!!! 而且今次亦會係添馬艦o係起政府總部前既最後一次公開大型活動呀!!!!

>>December 6, 2006 at 3:21:20 PM GMT+8

2006 年 12 月 3 日 星期日 【晴】

一連三日(1/12-3/12)既CL-MDRT既澳門之旅已經完滿結束喇!!!! 今次旅程有christine, ka hing & his gf flora, carmen, annie and me 6 ppl!!!! 好正呀, 由ka hing做導遊, 食盡macau所有美食呀, 佢真係好掂, 捐窿捐隙咁走唻走去, 最正就係去左路環食葡國菜, 氹仔食蟹粥, 關閘食花甲蟹煲, 正正正!!!!

我地又去左拱北做massage, 行左好多間casino!!! 永利同星際真係好正呀!!! 我地有一晚去左星際既bar飲野, 咁岩有人飲醉左攪事&嘔, 個度d人真係好好service 呀!!!! 我地又唔係大客, 但係個個大粒既, 細粒既都過唻say晒sorry, 仲同我地轉枱, 兼請我地飲first round呀!!!! haha!!! 不過我地無要second round, 飲完坐完歎完拍拍pat pat就走呀!!!! 仲有人好好service咁送入lift tim r!!! 正!!!!

真係幾relax既, 完全唔趕既trip, 慢慢食, 慢慢行, 慢慢歎, 慢慢訓, haha!!!! relax......

>>December 4, 2006 at 11:53:29 AM GMT+8