2005 年 8 月 27 日 星期六 【晴】

尋晚放o左工之後約o左亞彬、佢女朋友 ViVi 同亞邦去打牌,
haha... 雖然今次亞彬同ViVi無打埋晒D郎情妾意牌, 但都OK開心o既,
尋晚放尾, 上到佢屋企打到成3點先走, 今朝返早, 返11:30,
但又約o左狐狸10:30食早餐, 訓得幾粒鐘, "支力"都真係自己"螺"o黎o架,
一日都係自己貪玩, haha...^^


今朝食早餐o既時侯, 狐狸都講o左D佢同細Vi點開始同埋都有講下西西,
多謝佢同我分享佢o既經歷啦, 我知道佢都想低調Do架喇,
所以都唔想周圍同人講, 但o係佢個想講o既 fd list入面竟然有我份喎,
haha...我開心之餘亦都好戥佢同細Vi開心o既。

>>August 28, 2005 at 3:03:14 PM GMT+8

2005 年 8 月 26 日 星期五 【晴】

今日有一個好消息同一個唔好o既消息, 不過有始就亦都有終,
係好消息o既同時, 又係一個壞消o既開始, haha... 講到好似好緣咁添,
好消息咪就係細 Vi 同狐狸囉, 竟然拍起拖上o黎喎, 好 surprise, 好突然,
最好笑就係個個都以為我一早就知, 但唔講, 我話我真係唔知但個個都唔信我。
Annie 同 Tommy 猛咁講又好似o係度扯貓尾咁, 我仲以後佢兩個夾埋呃我玩野添呀,
點知原來我真係 OUT o左添。


話明係有始有終o既, 細 Vi 同狐狸o既開始又代表住狐狸同西西o既終結,
狐狸同西西就快11年喇, 邊個諗得到會係咁先得o架??
11年喎, 都唔少時間啦, 我覺得有點兒可惜囉。


不過最緊要係佢o地而家開心咪得囉, 細 Vi 咁乖, 狐狸都應該好鍚佢o既,
雖然佢o地都係o岩o岩開始, 但我都希望狐狸都加把勁, 再講多D好消息比我知啦。

>>August 28, 2005 at 2:53:18 PM GMT+8

2005 年 8 月 21 日 星期日 【晴】

今日好燥、好"支力"、好眼訓仲好鬼黑添, 20號果日百貨公司有 promotion,
加上接住係公眾假期, 所以今日D單多到不得了...
多單都死o架啦, 仲要有個新promotor約錯晒D時間, 咁唯有 re-schedule啦,
比人串比人鬧真係少不免, 一個已經夠難頂仲要接二連三, 想死。


9點返到公司到12點 lunch hour, 平時呢個時間我已經做得七七八八o架啦,
但今朝聽足一個上晝o既 phone call, 今日到o左呢個時間,
我竟然仲係原地踏步緊囉, OK, 諗係咩都好啦食完飯先算,
突然間抽起條筋想食一哥焗豬扒飯, 點知去到大家樂, 竟然賣晒...
唉, 仲要係得呢樣晒sold晒, 其他樣樣都齊...
之後返到公司, 成個下晏都做百貨公司單, 仲要OT先做得晒,
其他o野唔係順延到聽日先算, 就係其他人幫我做o左, 真係人都顛喇。


OT完仲等o左好耐好耐巴士, 之後又搭o左好耐好耐巴士先返到屋企,
點解?? 點解要咁樣折磨我呢???

>>August 22, 2005 at 12:07:02 PM GMT+8

2005 年 8 月 20 日 星期六 【雨】

今日返早, 返到公司 Candy又撩我去唱 karaoke, 唉~
我都唔明點解佢次次都要揀第日要返工o既日子o既,
但係, 懶玩o既我又心思思, 放o左工之後就同Annie媽啦、琪琪、
亞良、Alex、Elaine、Candy、Mathy仲有君麗去o左唱K喇。


不過... 過程呢就OK啦... 唔係話特別好玩囉,
但日日都返工, 有活動玩下、開心下, 好過無啦。

>>August 22, 2005 at 12:13:29 PM GMT+8

2005 年 8 月 6 日 星期六 【晴】

嘩, 今日返早呀, 勁"支力"、想死...


o尋晚返到屋企搞我o黎都成4點幾喇, 今朝返 11:30 收 22:00,
有o野做還好呀, 有一大後時間無o野做, 真係勁難捱。
不過, 13返 7:30 收 21:00 仲慘。


今日晏晝無咩o野做咪大家傾o下計咁囉, 傾開沙灘呀、舊歷七月呀...
咪問o下住o係赤柱o既春暉有無聽過D咩鬼故呀,
或者邊度係邪D, 要去o既時候要小心、留意D呀咁啦。
春暉就講o左佢自己親身經歷o既事呀, 佢身邊人經歷過o既,
同埋又講埋晒D聖士提反灣劏人排呀、石澳後灘呀,
真係勁恐怖... 聽到毛管都豎起晒呀。


最搞笑就係Candy仲撩我今晚去唱K, 有得玩喎, 我梗係想去啦,
但我真係負荷唔到喇, 我條腰、腳呀, 好似唔係自己咁呀,
所以真係頂唔緊喇。


放o左工, 本來想早D返屋企o架, 但又未食飯, 肚餓,
亞邦又撩我去食飯喎, 咁咪又同佢出o左去食飯囉,
食食o下, 傾傾o下又11點幾12點喇, 沖得涼整整o下又2點喇,
D時間好似過得好快咁呀.... 聽日又要返工喇.... 唉~~~

>>August 8, 2005 at 12:50:52 PM GMT+8

2005 年 8 月 5 日 星期五 【晴】

今晚我間 shop 幫6、7、8月生日o既同事仔搞生日會呀,
之前都好少咁樣一齊慶祝o既, 全都係因為 Candy 一向都習慣幫 D staff 做開生日,
所以今次我o地又有機會一大班人出去玩囉。hehe... ^^


今次我o地去o左舂坎角BBQ呀, 真係有好多好多人,
我間舖有經理蘇蝦仔啦、Hung、亞良, TOT 有我啦、Annie媽、細Vi、Elaine,
車手有狐狸啦、核突佬亞彬、坪州島主亞強、亞邦、亞 Ken、亞 Ken老婆、Ivan、
亞 Fu、ii 、Ben Ben、Tommy、華叔、春暉仲有亞Yan,
廚房有大健啦、亞賢、Ricky、May May、大隻佬Alan、標標、Robert,
其他就有 Shop 56 經理 Marchy、亞珊啦、Sunny同 Jacky,
Shop 88 就有 TOT 翠兒(即 Ben Ben 老婆)、Fanny、車手Amen、亞丸,
仲有調o左舖o既細健、經理大黑 Sandy、Tommy, 仲有我o既 13。
我都唔記得有無數漏喇, 總之知道有咁多人就已經好興奮啦。


今晚都幾好玩啦, 好玩就係好玩在佢o地成班人邊燒邊講笑,
串o下Annie媽、串o下細Vi, 越講越離譜, 我o地即使唔參與佢o地去串人,
都已經笑到停唔到喇, 勁辛苦, 尤其是春暉同狐狸啦, 成日啄住細Vi, 真係笑餐死。


另一個深刻就係Ivan啦, 佢果子就唔算高大, 但係渣類似哈利果種大軑車,
個樣傻傻o地、唔識佢以後佢正正經經咁啦, 但查實佢為人都相當趣緻。
佢仲要抵死到為o左去沙灘踢波, 佢竟然搞笑到搵o左個公司o既背心膠袋, 袋住個波,
之後再將個膠袋"cold"上自己個身, "咩"o係背脊度, 係佢先諗得出。
開頭我o地個個都唔為意o架, 點知佢o黎到個膠袋比佢D汗痴住o左,
搞到個個都見到佢個"火羅"樣, 最後要人幫手先鬆得開咋。


最後仲有果個死人ii 呀, 佢乞人憎到死呀, 激死人!
佢之前一見到新o黎果個女仔Kenus個背影有點兒相似,
最巧合就係我同佢對波鞋一樣之嘛, 就比佢諠染成 twins 喇。
之後我咪無o黎啦喂叫返佢做 ii 囉, 呢個非法入境姐oY,
佢真係抵死到瀝住支礦泉水行去我隔離, 向住個沙灘扮殿酒,
仲要邊扮邊講, 亞欣你死得好慘呀... 真係頂oY, 激死人喇!!!
死 ii ~ 真係大吉利是過佢呀! 哼~


仲有班大細路啦, 拆開人o地個垃圾筒做龍門, 開波,
13、狐狸、亞富、Alan、Tommy、亞賢、華叔同 Ivan 踼得幾落力呀,
不過都勁中柱囉, haha... 我都未見過龍門D柱咁粗o架,
唔中柱就真係有鬼囉, haha... 最好笑個個踢完波行返上去搭車o既時候,
個個"E"嘩鬼叫, 行到腳都震咁囉, haha... ^^

之後玩到成 3 點半先走, 有電單車o既就渣車啦, 有私家車就車減D人,
但到尾始終都唔夠位, 有一陣子傍煌就係又Call 唔到的士, 又無車出返去,
但呢個問題都好快解決o左, 事關狐狸帶頭出去叫的士入去,
咁13同我都跟住出去啦, 行到一半見到對頭的士, 但又停唔到車,
咁咪唯有猛指手畫腳指住後面囉, 其實我都唔知個的士佬明唔明o架,
但之後諗返起都幾 ON 居, 人o地唔知以為我傻添呀。haha... ^^

>>August 8, 2005 at 12:56:54 PM GMT+8

2005 年 8 月 4 日 星期四 【晴】

今日係我亞媽生日, 所以放o左工之後就同屋企人、13,
仲有我個肥仔表弟源源去o左食飯。


嘩~源源先生個噸位已經嚇人o架啦, 今晚同佢出去食飯,
佢o既食量都好驚人添呀, 10歲人仔食到一個鐵板牛扒喎,
仲要飲o左一碗白湯、兩個牛油餐飽, 一杯可樂,
食完飯之後仲可以食多一個芒果布甸, 我真係超級勁佩服佢囉。
不過佢唯一一樣勁唔好o既就係, 佢食o既o野裡面有少少菜類o既佢都揀晒出o黎,
湯裡面有少少甘筍粒、少少伴碟o既豆角、粟米, 全部都揀揀揀晒出o黎。
我睇到佢o既飲食習慣, 真係覺得有少少恐怖。


之後帶返表弟返屋企, 比姑姐知道佢今晚食o左咁多o野,
連我都比佢話添呀, 真係無辜, 但我都好想佢o地教o下佢,
矯正o下佢D飲食習慣呀下, 唔係我都唔敢想像佢大果o左之後個樣係點喇。


原本13今晚要返工o架, 仲要係直踩添喎, 我事先都無同佢講話我亞媽今日生日,
但佢知道之後都同 Nelson 調更今日放假, 之後仲要連續踩幾日,
今日放o左假之後聽日佢又要返7:30放23:30, 放o左工之後又要陪我去BBQ,
之後星期日又返7:30, 果晚仲要收21:00, 星期一又返7:30...
不續重覆又重覆, 唉~ 我覺得佢好辛苦呀!!!


>>August 8, 2005 at 11:11:55 AM GMT+8

2005 年 7 月 29 日 星期五 【雨】

今日真係慘呀, 一個月一次o既月結又o黎喇, 仲要o係正星期六,
明明人o地星期六放半 day o架嘛, 又要等齊晒人先可以埋數,
白白浪費o左人o地半日時間等... 真係無聊~


13:00 放o左工之後就去o左食飯飯, 食完飯之後就返o左屋企小睡半刻,
之後17:00就返工再作戰, 一路做一路做, 最終做到21:00先放工。
之後同13去o左杏花村食飯飯, 之後就返o左屋企喇,
原本都想去行多陣o架, 但個肚仔又真係好辛苦喎,
所以... 最終都係返歸, 唉~ 真命苦。

>>August 1, 2005 at 11:21:01 AM GMT+8

2005 年 7 月 28 日 星期四 【晴】

今日13生日呀, 不過我o地都無咩特別節目, 都係好似平時咁,
去食飯、去睇戲、去行街, 雖然佢話咁都已經好開心, 但其實我覺得都幾悶o架。


今晚去o左睇《The Island》, 都幾科幻, 講到2012年o既世界,
D有錢人為o左唔想死就去買器官, D科學家就因為賺錢就不斷去複製人,
到個有錢人有病有痛、斷手斷腳o既時侯就去呃D複製人,
話佢o地中o左獎, 可以去一個好完美o既島繼續生活。
扮去o既途中果D複雜人就比人殺死, 將D器官瀝晒出o黎密封保鮮,再瀝去用。
記得有一幕, 係兩夫婦, 複雜o左個老婆幫佢o地生仔, 生完仔, 床都未落,
仔都唔比佢抱就比人殺o左喇, 勁慘, 之後佢o地就瀝個BB去比果兩夫婦帶走o左喇。


整套戲都OK o既, 不過就描述得灰D囉, 雖然係做戲o者,
但如果將來要咁樣不斷用一個器官去 replace 再 replace, 又要咁殘忍,
我真係寧願死喇~

>>August 1, 2005 at 11:35:27 AM GMT+8

2005 年 7 月 20 日 星期三 【綿綿細雨】

嘩~~~~~ 13 好勁呀, 之前果排佢比 Alex 提名o左去玩 Champs,
仲要係做餐房果part喎, 果陣時 13 都好無信心o架, 咁又難怪佢o既,
佢做 Delco 多過做 Dine-in o既, 今次佢要 lead 住班 team-mate, 個個都未拍過,
個個都o黎係同一條 line 但唔同 shop o既同事, 佢都話壓力都幾大o架。
但點知經過第一日o既比賽, 13個隊成為o左大熱, 係當日成績最好果一隊,
過埋第二日, result 出o左, 雖然13唔係第一, 但佢果條team 瀝第二,
佢都好開心呀, 佢如願以償, haha... 當然啦, 對我o黎講佢o既結果係點都唔緊要,
但最緊要佢盡晒力, 而且仲瀝到一個頗滿意o既成績, 我都好戥佢開心o既。


收o左工, 佢o黎o左接我去o左食飯飯&睇戲, 之前同佢傾開食o野,
佢知道我未食過 ruby tuesday, 佢今日就死拉人去食, 食o左餐勁, 仲好貴,
點知... 以我本人o既感覺就係...真係唔掂, 一D都唔好食o既,
但就咁貴, 我真係覺得好好好唔抵呀, 我話過以後我絕對絕對唔會再去o架喇。


食完飯就去o左同13睇《龍咁威II之皇母娘娘呢?》, 之前我對呢套o野一D好感都無o架,
我連第一集D人講到有幾好笑、幾頂癮都"dick"唔起心肝去睇,
竟然今晚無啦啦陪佢去o左睇喎... 雖然唔係話一睇就即刻好鐘意,
但套戲都真係幾搞笑o既, 好鬼抵死押韻o架, 又成日講埋D粗口發音喎,
D『條你』、『X 街』、『銀樣』... 全部都可以o係套戲度發掘到。
最搞笑就係鄭中基答黃家樂『我間中都會去HMV揀DVD然後去MACUS....』&
唱山歌果幕, 唔算真係爆笑, 但睇完會覺得吹漲囉, haha...

>>July 22, 2005 at 2:48:21 PM GMT+8