2003 年 11 月 22 日 星期六 【晴】

今日好準時地到左旺中= =
但係一黎到唔係見到人,而係接左個電話......
聽左之後............................(無言ing)
就去左cyber搵阿龍佢地喇/0\
等左一段時間Jolly同佢個新歡終於都到啦o.Q
之後就上去唱K啦,唱完各有各走=.=
因為阿龍眼訓,阿火要買野比條女..etc.啦...
最後得我同舍弟去左CYBER打多陣機,再去網吧
打一局王國的復興,都打左差唔多3個鐘- -So good 1hit KO

P.s.綠茶味泡夫好好味-﹏-|||

《斷了的弦》-- 周杰倫
斷了的弦再怎麼連 我的感覺你一定不懂
你的轉變像斷掉的弦 再怎麼接應都不對 你的改變我能夠分辨
我沈默 你的話也不多 我們之間笑著什麼不說
哎唷～我笑後表情終於有點難過(握着你的手) 問你決定了再走
我突然釋懷的笑 笑着盤旋不想搖
隨風在飄搖啊搖 來到你的面前繞
你淚水無聲的掉 說會記住我的好 我也彎著我嘴角笑
你的美已經給了誰 追了又追我要不回
我了解離開樹的葉 屬於地上的世界凋謝
斷了的弦再彈一遍 我的世界你不在裡面
我的指尖已經彈出繭 還是無法留你在我身邊
斷了的弦再怎麼連 我的感覺你一定不懂(你已聽不見)
你的轉變像斷掉的弦 再怎麼接應都不對 你的改變我能夠分辨

>>November 23, 2003 at 3:25:50 PM GMT+8

2003 年 11 月 21 日 星期五 【晴】

終於睇左「尋找周杰倫」啦>0<~~~唷呵~~~~~~~~~
雖然好多人話唔好睇,
但係我覺得ok啦...以尋找hidden track黎講唔同既愛情觀
阿Jay D歌交落D劇情度好夾好有feel- -|||
而內容有一節講到對寵物既感情都幾touch
余仔死左一隻養左十幾年既阿細,
之後有一段時間勁頹......哩種情境有D似我果陣.....-___-
「我發誓以後都唔會養一D短命過我既動物.\_/.」
最最最正當然就係尾果段阿Jay既一段戲啦~~~~~
佢對住部食物機發脾氣,踢極都唔跌佢想要既餅餅,其他就跌晒出黎
果陣時個樣真係好~~~~~~好好~~~~~~~~可愛~~~~~~~~~超可愛>﹏<
發脾氣都咁可愛既真係殺死我喇/0\
我對靚仔‧型之餘又咁可愛既男生是沒抵抗力的說=.=
發完脾氣之後坐底講左一句「我失戀了」
嗚哇>3<~~~~~~~~~~~~~我來安慰你吧~~~~~~Jay阿~~~~~~~(下略N個發癲字句......)

唔唔~了左我一件心事~~因為想睇好耐啦\0/

《軌跡》--　周杰倫　(尋找周杰倫插曲,一聽難忘,不停腦內重復ing.....- -|||)

怎麼隱藏　我的悲傷　失去你的地方
你的髮香　散的匆忙　我已經跟不上
閉上眼睛　還能看見　你離去的痕跡
在月光下　一直找尋　那想念的身影
如果說分手　是苦痛的起點
那在終點之前　我願意再愛一遍
想要對你說的　不敢說的愛
會不會有人可以明白
我會發著呆　然後忘記你　接著緊緊閉上眼
想著那一天　會有人代替　讓我不再想念你
我會發著呆　然後微微笑　接著緊緊閉上眼
又想那一年　你溫柔的臉　在我忘記之前
心裡的眼淚　模糊了視線　你會看不見

>>November 23, 2003 at 3:15:32 PM GMT+8

2003 年 11 月 20 日 星期四 【晴】

駭客入侵Showhappy.net,搞到資料流失兼3日冇日記寫p_k
雖然入侵電腦...當個黑客滿是滿好玩的說.....|||
但係我絕對歧視果D有破壞冇建設既駭客.\_/.
記住！！黑客同駭客係唔同的！！！
黑客係找出漏洞報知改善系統
駭客是找出漏洞以進行破壞
而我更歧視果D入門級駭客=.= 不夠道行入侵看一下就好啦,還要搞破壞
好似入侵哩個日記網果個就係一個例子....還要比人CHEAK到....當堂削左- -||||

睇衝上雲宵=.=證明左2個道理
-要得到別人信任,就要先學懂去信任人
-當男人做錯事令女人動怒時,再加上一句"咁我可以點做",這是根本是自掘墳墓

(這是一篇補寫日記)

>>November 23, 2003 at 1:59:22 PM GMT+8

2003 年 11 月 17 日 星期一 【暴雨】

尋晚同阿嘛+新吹吹下水唔覺唔覺又2點幾= =
今朝又要返8點半喎......搞到我勁眼訓ing
最慘就係我特登早搭左一班車
佢居然同我塞車塞多左半個鐘,半個鐘車程變左1個鐘.....我......X%@#&
明明早到變遲到,不過都好彩~我返到阿Sir都未到
上VFS唔關燈由自可,一關燈我幾乎訓著
食lunch啦/_\ 傾2科既演講.........講講下變左講偏野= ="
由今日我更領略到天下男兒皆好色哩一個道理係正確無誤的
返到屋企係勁眼訓,噠落張床已經訓著...搞到成9點先起身
又話icq講--;; 但係冇人搵我既...............|||
我的明天會是怎樣的明天哩..........
十一點幾阿嘛就上左即時通,又同佢吹水= ="
原來大家都係太空"飯絲"....吹極唔停...
吹到而家,已經3點幾了.........
大概我聽日又會睡死吧.......
南無阿彌陀佛..........

>>November 18, 2003 at 7:15:03 PM GMT+8

2003 年 11 月 16 日 星期日 【晴】

今日係星期一.........對於屬於「月曜症候群」一份子既我真係好辛苦= =
點都好啦,返學上PP...反正都係有聽似無聽.......
所以我都係做自己野- -||| 整理下D日文notes
好無聊地2個鐘就比PP浪費掉.......哀哉.....
之後去左食堂食lunch....同個阿姐叫野食好似雞同鴨講
明明叫B餐仲講埋全名...佢可以話係D餐仲up返個全名比我聽
好費力地終於有飯食.....不過全碟咖啡薯仔炆雞只係得3件雞........(無言ing.....)
如果有得再比我擇既話,我係一定唔會食既就係 ---「飯堂」
之後上CS...要測驗.....唉- - 吾不欲觀矣
不過在同學互相幫助下,分數亦不低
好難頂既CS過去,接踵而來有PMP
又玩freehand啦......我又鬱悶ing........
放學之後即刻去九龍塘又一城食野,居然比我響地鐵站撞到Tracy -﹏-有緣耶
於是我地2個就撐抬腳- -|||||| 一齊食完野就返日文喇
(2個女仔用撐抬腳一詞.......嘔心ing...............||| )
返日文呢.......我發覺每堂我都幾開心.......
因為多左不少同學.......尤其有那對「Twins」.......朋友是這樣形容她們...
日本妹妹的感覺.....超短裙配象襪.....
她們的短裙嘛.......大概是給剛進課室的人一個醒神劑....
那個美腿真叫人眼前一亮....可比美碧咸......
可是她們日語水平高至可反教先生的程度,這點我是很佩服的....
朋友問我敢唔敢好似佢地咁著,我話敢......因為有了她們作典範= =+
...........................受刺激過度.....嘴巴不受控制,說話有點毒哩......../_\"
2個星期多的空虛期+Twins,威力果然"檸些bu桶"..........||||||

>>November 17, 2003 at 4:00:15 PM GMT+8

2003 年 11 月 15 日 星期六 【晴】

星期五,行左陣街就返家.......不過依然有買泡夫........
星期六,食得勁飽......不過依然有食芝士蛋糕.........||
today.....
去左尖咀無印買野/0\
嗚......好多野想買...冇錢.....不過依然有買幾樣野.....
響隔離食階食埋晚飯-﹏-鹿兒島既滑蛋黑豬扒飯....真係好好味....
不過真係幾貴......所以好珍惜咁食每一啖......
貴得黎好在連杯麥茶都好好飲...好冰......好爽>﹏<

我既生活似乎每日不停重覆做差不多既野- -"
食食食.......玩玩玩........訓訓訓..........學學學........

有2個星期多冇打過機啦......
搞到哩排都冇乜mood寫日記....
.....................
................
............
........
....
.
過一排可能會好轉............- -可能啦.........

>>November 16, 2003 at 4:25:06 PM GMT+8

2003 年 11 月 12 日 星期三 【微冷】

今日果然冇返學,原因是我懶既關係
不過依然好感謝同學們既關心 m(_ _)m
我沒事喔o.Q 要你地擔心很抱歉
唔......咁當然如期返日文啦= =+
我點衰仔都一定會返既
今日姊弟有返哩@_@ 不過上左一半就走囉
姊姊要小心身體阿,不要再病了
放左之後趕返屋企睇衝上雲宵- -||
死啦.....好似變左師奶添........追電視劇.......
「尋找周杰倫」上左啦/_\ 不過冇人陪我睇......
雖然阿Jay只係出現5分鐘,不過我都係好想睇阿......
睇片介紹講到余文樂話唔會養一D早死過自己既野
我絕對地同意的...........好有感觸......
即使到而家,比我見到一隻貓經過
都一定會第一時間回想起我已失去的
陪左我8年既貓.........-_______-
一諗起D眼淚就會巴巴聲出晒黎
自失去左2隻最親既貓之後,
我就決定一定唔會再養一D會比我早死既動物
失去左佢地果種心情同記憶真係好難抹去,尤如烙印,是永遠的

←當有開始既時候,就會有終結→

>>November 13, 2003 at 3:36:44 PM GMT+8

2003 年 11 月 11 日 星期二 【微冷】

今日終於交左DFS D功課啦
唔....用2個鐘photoshop繒裝既扮pro design居然囉到A = =+嘿
堂中睇過阿芳同yuki D漫畫人設,太靚啦.......我有佢地既一半就好囉
其實我都想學下畫,不過冇門路就是了o.Q
點都好啦,今日係平淡既一日
上網睇左好多正文文...
聽日EPP,唔想返ing.....
既然有哩個想法.......多數都唔會返吧...........||||

今日不在狀態中- - 篇幅都少了.....是但啦......呵.........

>>November 12, 2003 at 5:21:10 PM GMT+8

2003 年 11 月 10 日 星期一 【乍暖還寒】

尋晚我真正地感覺到---冬天了
去過我屋企都知...我屋企可以有幾凍...
最勁既就係,我間房就係全屋最寒最凍既地方
響唔夠"被"既情況下...我渡過左一個難忘既晚上= =
太難忘喇,搞到一向唔準時起身既我仲早左起身............
結果今日上4堂,60%係做左趴地熊
仲有就係....今朝我屋企係勁凍果隻囉....搞到我著多左衫返學
咁就出事啦..........返到學校,我完全感覺到咩係北極與赤道
溫度相差未免太大了吧 /__\
由今日開始,我決定凡屋企點凍都好,都一定著比屋企高3~4度既衫出街.\_/.
而多一定帶阿Jay既頸巾=3= 呵.....著少左衫都會勁warm阿

聽日就要交20張圖啦......我點嘔出黎呢- -||| 呵.................
PhotoShop搞搞佢........得卦............可能啦..........唔知囉.........

>>November 11, 2003 at 7:51:56 AM GMT+8

2003 年 11 月 9 日 星期日 【乍雨乍晴】

今朝返學feel好熱.....
到下午打排球都好熱ing.......
之後放學我就發覺,有帶衫係正確的= =+
一入夜就開始凍到有D 2個世界feel...
唔... 放左學之後就去左又一城食"嗲理煩"
有料既牛角包+沙津+熱咖啡,係我每個星期一哩個時間既必食之選
一來因為趕時間(可以嘆咖啡既都叫趕?!......是但啦)...二來哩度D野食又係我至愛之一-Q-
點都好啦,響十五分鐘享受完我既dinner之後就趕返日文嚕
今堂開始改左響浸大新校舍果邊上啦...
識我既都知啦..............我係一個神樣級路痴.........|||
所以我去到都係跟人群,順流而上--.--" 因為我堅信跟人總比自己一個迷路好
今次我真係唔可以讚自己,我居然可以一次到步>0<~~ 賀賀賀！
仲早到左15分鐘.\_/. 太勁啦我,去到得阿先生同*阿福祿壽3星之一既*巢巢追求者響樹
(福祿壽3星<-- 3個男大學生..不過睇落唔似就是了...|| 巢巢<--班中的一個美眉)
阿先生一黎就同我講日文啦....問我哩度係咪好遠....咁sure yes啦= ="
我地圍內一班好明顯地係同新果D分開左右咁坐....
新果D哩........個個都好明顯出黎做野好耐果D黎- -|||
有2個例外既@@ 2個姐姐...其中一個仲對*弟弟好似好有意思- -"
(弟弟<-- 同班的同父異母姐弟的帥弟弟...有人話佢似張敬軒啦o.o")
不過阿弟弟眼中只有姐姐= =+ 她可以死心了,嘿
-﹏- 記低左好多8卦野添....呵....
唔....今日都係溫番d舊野,冇咩特別,是多左D 8卦野姐...

→ 好凍....打字打到手都彊晒.....都係早D訓好

>>November 10, 2003 at 3:25:55 PM GMT+8