2007 年 12 月 4 日 星期二 【晴】

點解會咁架/ 口\~~忙到有點應接不暇.......
淨係要開單的新job疊起來已經快高過我了.........
仲要日日有新單....十幾廿個咁黎....
需知道工作並不是只有開單一件事...
結果日日OT, OT到8點半都唔掂...
救命呀~~~~~我唔要響公司工作接近十二個小時阿~~~~~~
有d單仲要2個星期唔夠要安排晒兼印好比客approve=.=....
維加姐下星期仲要開始放大假....
搞到1月頭交貨的工作也要這星期內交她買紙....
還好一切還是under control........真係要大嗌一聲~~Qoo~~~~~~~~~

成間公司我連老闆娘同五哥都未驚過=.=
就算無啦啦打個電話黎問我任何一份job都可以唔洗睇file即時對答如流...
但最怕就係採購部主管kitty....
唯一一個有威嚴令我一絲差錯都不敢的人............
簡直如非必要都唔想同佢有接觸的人.......
但竟然.....佢...........近日好nice地自動波幫我搵多間公司物料試..................||||
無事既...無事既............

近來發現樣子酷酷的Amen姊其實很可愛......
如果我是男生一定喜歡這類型= 口=|| 成熟優雅的外表配上傻傻可愛的性格......

cherry原來已經出外就業中啦~電話中才知道~係時候出去飲野喇~baby~~~

由於魔獸世界可以使用咪交談的關係....
友樂, 聰聰同俊彥傻晒....不停向我投訴舍弟.........||||
就哩個fuction黎講真係好方便=.=|| 減少不必要的打字.......

聽日要努力向6點收工進發！

>>December 5, 2007 at 4:19:01 PM GMT+8

2007 年 12 月 1 日 星期六 【颳風】

yeah~~~~~成功自閉藕響屋企一整天！
有時間將九把刀的"那些年, 我們一起追的女孩"這本小說看完！
有時間在魔獸世界成功將聖騎美女升到70級封頂！
好感動T-T...........今日將我積左ok耐要做完的事都做好.......

那些年, 我們一起追的女孩 - by 九把刀
第一次看這作者的書, 一看更是愛不釋手
字 -用的準, 很會用簡單精闢精彩字句去引人追看之後的故事
故事編排也不會令人感到雜亂無章....(橘子看的蠻辛苦就是因為這問題...)
很簡單, 這書就是作者與幾名男生追同一個女生的熱血故事
不難發現他很會玩心計= 口=|| 可是始終也是timing嚕~呵呵

如果有一個人令我喜歡到可以發奮圖強誓追入手, 咁哩個一定唔會係正常人.....
而哩個世界正常人佔98%, 機率計算下我應該不用發奮的 lol~~~~

累+o+ 就這打著吧~~呵呵~~~

>>December 2, 2007 at 4:59:46 PM GMT+8

2007 年 11 月 30 日 星期五 【颳風】

工作係永遠冇做完既一日= 口=~~最近我更深深感受到哩個道理....
不過哩個都唔係我想講既野~~最想講既係：唔該版房某班pk去死吧\口/ 麻煩晒~~
d job錯完, 知道錯咩, 改完...都錯, 仲係錯得一模一樣！咁即係有冇改過呢?!!! o下?!!!
解釋得清清楚楚, 叫佢自己講一次我究竟想做咩先安心走出版房門口; 最後都錯！
仲要係我手多去check下及早發現！o下?!! 做完d野check返係你地既責任黎架啵！
o下?? 咩都唔做要我地co-cor做兼follow, 咁比埋份糧我好無?
做file出野改野我夠識啦~老闆點解仲要請你呀?!! o下??!!! 真係人都癲~~~~~~
好, 講完-3-~~舒服晒~~

星期三晚去左唱k~sheri真係病的很嚴重呢o.Q|||
同埋點解random極都係我d歌架........明明有版半不是我的....................
結果, 又差不多十二點先開始返家.....累.........

星期四去左睇準基哥的初雪之戀
哇=.=.....真係殺死我..........d眼神.....d表情........仲有流淚果個moment......
也會看著心上人送的物品傻笑.....囧.....(那是我會做的事耶........)
整套片也拍得很美....而且是在我最深愛的京都.........
雖然故事已經一看就知道結局, 但也收貨啦~~美人搭夠嘛-3-~

星期五去左打邊爐......特登去到深水土步 - 有骨氣......都幾格涉.....
感想係...貴又貴過人, 又限時, 野又唔係真係好過人囉......唉-o-||
囧.......日日放工都仲要理公司野, 辛苦囉~達哥......
結果芳妹跟我陪他飲不會醉的啤=.=.......
成抬9個人, 原來有5個係出自ive printing.......如果梁艷璧黎埋會有6個......囧....

祖兒姐有日突然哭了, 原來是為工事
撇開所有野, 就哩件事上面我是認為她做錯的
因為第一個director唔approve, 冇理由叫第二個approve架; 咁搵第一個又有咩意思呢
如是這到我d job有麻煩兼老闆齊全那一天=.=......朱總問我怎麼不哭.........
我答他不會為工作上哭, 而且不是自己的過失, 根本沒必要
對, 沒必要.....

開始發現哩個Felix真係有問題, 本黎印象一般, 而家簡直去到差=.=
做甜品起初以為真係佢興趣, 但我發現其實哩個只係搏人好感的手段
其二把口真係有問題, 其三自視太高, 其四搞不清狀況以為已經跟大家很熟
同埋手段真係過於低手丫唔該晒..............總括黎講以後哩個人將會被我auto-deleted
真係路遙知馬力, 日久見人心.....

今日終於有時間睇已經買左幾日既小說啦.....好感動.........
2本都是橘子的著作, 雖然文筆以致編排也不算太出眾, 不過共嗚搭夠
因為很多也是大家也會接觸過的感覺...說到底, timing對愛情來說很重要

沒有人喜歡孤獨, 只是害怕失望而已...

言語會說謊, 文字會說假, 但反應不會

有些男人就像貓, 總是把妳捉傷了, 卻又一臉無辜的看著妳

曾經, 我有個遺憾
在該說我愛你的那個當下
我選擇了沉默
而今, 就算我有再多的成就, 擁有再大的世界
都沒有辦法讓我買回那個錯過的當下
我不後悔, 我只遺憾
雖然, 你在誰的身邊
都是我心底的缺

>>December 1, 2007 at 7:29:31 PM GMT+8

2007 年 11 月 26 日 星期一 【颳風】

稍微寫一下吧 =.=||| 雖則周公子已經急召....

星期一收工逛書店.....囧......又置入多本小說........|||
但都仲係未搵到初雪之戀的.......
去漫畫鋪, 又置多兩期家庭教師reborn......
傻架本野~~~~~~笑到我傻左.......
迪諾哥哥跟山本兄算是我哈的類型吧 lol~
白安琪的美我也很喜歡說-3-~整體來說整本漫畫出現的人物也滿不錯
而風太可以說是我難得喜歡的小正太 = 口=|||
像可憐小貓的眼神......囧..........反抗不能......

是日忙到傻左again, 死洋人仲要叫晒我同力淇入去開大會....囧...
痴線....尋日又係咁, 今日又係...........仲要有埋番鬼佬........
齊晒章開抬啦- 口-~仲唔係因為咩大事囉, 真係人都癲
收工陪芳妹+力淇去尖咀行街, 行完稻香打邊爐...飽死左........
又12點啦=.=....落車行返屋企段路又勁凍.....返到去望下原來得返14度........噢賣葛~~
不過我件暖粒粒的冷褸明天應該可以登場了~yeah~~懶人冬日之選~~

因為張貼紙相post左上facebook.......洪哥又響公司開黎睇, 咁岩又比鍾衛國望到...
囧.........結果比佢由姐姐變左叫做o靚妹.........差d噴左出黎........|||
當然阿, 哩d呃人既相梗係要拍的年青點嘛~
記得有人應承過冬天陪我影貼紙相架........係邊個呢......?
只係記得係男仔.............Orz........

凍-3-|| 聽日又唱k......
星期四又一定要去睇準基哥的戲....
星期五又要去打邊爐.....
等我仲話想休養生息=__=||| 只有星期六吧.......|||
希望可以安在家中啦.............

>>November 27, 2007 at 5:06:13 PM GMT+8

2007 年 11 月 23 日 星期五 【晴】

休養生息左半日....
之後比阿媽電召多次去陪她打麻雀.囧..........
最後果次仲係希哥打黎叫我跟舍弟快d響床下底囉返幾千蚊出黎比佢洗......囧x2
落到去結果一家四口一抬....................||||
4圈幾全部人加埋得果3次係出沖.....其他都係自摸/摸和........囧.....係咪咁高章呀...............|||
--.--||| 食左幾鋪大野都係要比錢阿媽洗....唔怪之佢狂催我跟舍弟下去.....
不過我家打麻雀贏輸事少=,= 打贏牙骹鬥演技事大 lol~
正式食飯食到九點幾就同阿嫲講聲要先走啦.....(因為約左一眾cafe相會)
年介八十多的她非常快的彈出一句"帶佢返黎呀~！".....[即時噢嘴....]
之後飛去旺角某cafe, 一入門口就見到佢地啦 = 口=|||
幾齊人丫~璧/小娟/芳妹/yuki/花姐/阿葉/朱雄/阿發~
一眾連埋我9人玩killer......好慘呀~花姐阿葉成日比人殺既.....
結果顯示, 我是一個職業killer而非當警察的人選
玩了一陣子後,大家係咪都估我係killer T口T" 其實我係無辜既平民阿~~~~~~~
花姐先係沉默的羔羊類型殺手呢.......
玩到差不多十二點散水, 這時才發現大家都是黑色一套.....囧....我們扮黑手黨喔?!
跟他們說阿嫲叫我帶人返去一事, 芳妹就即時說帶她回去 lol~(那我們穿情侶DM吧~哈哈)
個多月不見葉同學說我瘦了喔-3-~呵呵~~不過話時話佢都瘦了不少, 大概工作辛苦了吧
隨後join小比+小絲傾party的大概.......囧......傻架我地.....
如果真係咁搞一定會係永世難忘既party囉..................|||
好在而家人數超標=,= 可以叫係玩得既人先好黎.......lol~
結果又2點幾先返到家.....囧...............一日走3場.........好野~

來週day off....我的確好想休養生息一下-3-|||

>>November 25, 2007 at 7:27:09 AM GMT+8

2007 年 11 月 22 日 星期四 【晴】

囧.............個日記網又神左....
而成個星期忙到傻左之餘, 仲玩到傻左............

星期三去左睇魔戰王, 老實講我睇左預告之後的確有多少期待
在東京鐵塔．我的母親父親與這片子之間最後選擇了後者.....
可是看畢係10個失望兼後悔丫~唔該晒~
因為最美的特技已經可以在預告片中看到了

星期四去左唱k, 在沒有芳妹的情況下
在力琪同加露妹力唱之下不斷出現飛輪海...................救命........................+___+|||
不過竟然有謎之"千里之外"唱囉.......囧..........
仲比廁所門夾手指...痛入心扉之餘另加出血.......多謝晒..........||||
結果又十二點幾先返到屋企

今日d人唔知點解寧舍high=.=||| 無論係公司d人....定係小比一眾..................||||
一朝早已經同基主任, Franky媽同茶水阿姐響度發癲.....囧........扮內訌........|||
之後跟朱總開玩笑說因為要方便幽會所以穿黑色全套
隨後隔一陣子走到我位旁邊問在哪幽會...那他就不會去那裡= 口= 傻架...真係陪我癲落去.....||||
說笑後談回公事, 我很認真地問批貨去左邊......
朱總說突然換認真mode, 太快轉唔切channel囉 lol~
喇~這是要經過洗鍊才有的公關技能來阿~~多學習吧~
放工之後join小比-3-~隨後新baby+小絲加入
點解冇初雪之戀既小說架.......我搵左好多間了..........嗚......................|||
本黎是日目標是mega box的cheese cake cafe......
好可惜, 最後係因為去左影貼紙相而錯失了
不過都好在食到個煙肉蛋汁意粉~好味呀~~~~~~~~~~
4個傻婆影到癲左.........囧...................以下為其二........



終於睇左真三5既間場劇情啦................
d對白真係要自重阿唔該........闇榮好明顯走腐女向ing=.=........
過幾日post下先得, 而家周公子急召, 先行告退........

>>November 23, 2007 at 6:58:27 PM GMT+8

2007 年 11 月 19 日 星期一 【晴】

。口。||| 原來被群山環抱感覺是這樣子..........
本來已經頗多工作, 星期一新的工作更是如洪水湧到
明明我張抬已經很大的啦....file也可以疊到看不到前方....
如是這non-stop工作, 水繼續沒時間喝...都依然要OT....
阿~~~~~~~~還害我趕不及看9點幾果場戲~~~~~~~~~好在冇買飛咋~~
不過都好在終於換到u magazine果本澳門指南......囧........
遲下又過去玩下先得-3-~太多好野未食喇~~~

今日繼續努力移山......
還要兼顧版房懶員工因為想懶而寫紙說客file如何如何..做不到之類的問題
真係丫=.= 響我哩個懶到出神入化既人面前玩花招....
真係當我咩都唔識架啵, 真係當我傻到會比你點喇喎....
大佬呀= 口=~如果我冇讀過3年印刷, 冇做1年全職就話姐~
(雖然我3年是頹讀......都叫到頹到個獎學金...頹到個一二名返黎丫........|||)
結果講到懶人知道自己理虧最後繼續做.....
搞左成日, 終於都可以見到前面喇>口<~好野~~
........依然OT 1小時........仲要走左5分鐘之後先醒起冇囉手機要折返.........囧............
點解我成日擺左個手機響櫃, 收工都唔記得囉返架~~~~~~~~救命~~~~~~
唉, 工作上記性很好, 但生活上幾近零記性.....=___=|||
很累.....好在有先見之明死都唔約今日去睇戲姐.....
返到黃大仙因為家中冇飯食打算食個牛肉鍋先返去啦, 點知8點都可以同我講冇晒.....
去星巴克買左杯朱古力返家, 結果飲左幾啖打瀉左......灰晒/口\

其實哩個星期都好似有約咁, 等我回想下先...費事又唔記得左.....
星期三...好似要去睇戲......星期四好似要去唱k.....
星期五要跟小比+新新一起去mega box既cheese cake cafe食蛋糕-3-~yo~
星期六要跟一眾去玩之餘仲要在祖母生日飯局蒲一蒲頭
星期日又好似都有人約我出去=.=..................
.....其實我想一星期有一日可以響屋企打下機/上下網/訓下咁姐......
係時候扮有伴說自己有異性沒人性把所有邀約推掉後自閉.........|||
唉, 腦筋不太靈光開始亂說話了.......(來人~將此瘋婦拖出去~ 好啦...我自己走出去好了 lol~)

To: 小絲 ......沒有千秋師兄~你還有程至美阿~~~~~~muhahhaha~~~

To: 彪小哥........恭喜你升級為區議會議員丫~lol~ 我沒叫, 璧妹也自動選你阿~

(題外話)是次令我有點高興的是.......在七一效應退減下....
港人理智地選擇誰才是真正為他們服務的人.......
4年, 只標榜民主而沒做好份內事應該退下來了
失敗了就說人家資源多, 政治策略強...反不自省自己失敗在哪.....
別當所有人傻吧..........拜託.............
本次選舉令我深深地感受到政治手段以及公關技巧的高低......這就是層次上的分野-,-||

>>November 20, 2007 at 2:36:54 PM GMT+8

2007 年 11 月 17 日 星期六 【颳風】

尋日如期同左花姐+璧出去逛街
是日一心想買個細size的袋用, 因為話買話買都已經講左成半年....
半年黎, 行又行過, 睇又睇過, 搵又搵過都買唔到
而當是日行到腿快斷的時候, 終於比我搵到個心頭好......囧.......是vivienne westwood的袋子
其實自己算不上很追求名牌, 因為性格問題=.= 要覺得物有所值才會花錢
但就偏偏死在vivienne westwood這品牌手上.....電話繩跟銀包已經非敗在此不可...
今次一見到個袋, 個心已經同自己講：係佢喇...
所以都沒太多思考就買了......(完全違反性格行動是也)
就好似李準基響京都看見宮崎葵第一眼已經一見傾心的感覺一樣.......囧.........
好啦+_+ 豪爽過後便要開源節流了....
畢竟都算是人生中第一個貴袋......我會鍚住用架喇.....
(甘心的敗.....就應了吧lol~........)

晚上是沖表哥結婚的大日子呢
看到他倆的結婚照, 真的不能不佩服化妝師跟攝影師的神來之筆, 整件事美得太過了吧?
原來不知不覺他們已經拍了13年拖, 到今年27歲就結束這愛情長跑...真的很利害
聽到新娘子說到知道自己性格追求完美, 很小事都很緊張, 各位幫忙籌備婚禮的人辛苦了....
這時我突然想起一個人.......如果小絲結婚, 也許會出現同一個情況吧? lol~
可能選一套婚紗要整天吧? 哈哈~
反觀我跟小比說不定是皇帝唔急太監急果類型呢..........囧..............
這次婚禮都挺貼心, 每圍也有一本製作精美的刊物, 內容是兩位的介紹以及照片
而每位賓客也會送上一套刻上他倆名字的餐具
場景佈置以及裝束也在水準之上, 可能這就是身為設計師應有的婚禮吧...囧?!!
表哥近年每隔幾個月也會問我沒有沒興趣去他那做有關印刷方面的工作....
到今日我有"一點點"後悔沒去= 口=" 因為....那裡有...日藉帥哥設計師.............||||
而是日也得到一個機會認識到........(害我幾乎失態....囧.......)
值得一提是哩個帥哥不幸地跟司儀姑姐重演祖兒騙準基哥那一幕=.=...真係慘....

在此祝願他們一生幸福美滿

>>November 18, 2007 at 1:26:50 PM GMT+8

2007 年 11 月 16 日 星期五 【晴】

本月上映 - 《初雪之戀》
由準基哥加上宮崎葵主演, 兩個語言不同的人在京都遇上後一見鍾情的純愛映片.....

.......看的時候, 我一定邊看邊在心吶喊+眼流開non-stop mode=.=



>>November 17, 2007 at 4:27:34 AM GMT+8

2007 年 11 月 15 日 星期四 【晴】

忙之中是高興....這樣子上班的確不錯......
總比不知原因的忙著為好....
在這公司已經三個月了, 起初見工還很希望是做對外職位
但到今天, 已經變得不想換了
因為開始發現對外根本不用面對決策, 只需按指示覆客及分給對內做
而不想換對外的最大原因是不想幹一些什麼人也可以做的職位
不想做一個回email/出shedule/寫價錢的機器
反觀現在的工作很適合自己, 這是幸運的...不容置疑
我的確需要在這樣的環境儲經驗及改善weakness
(暫時依然是不喜歡被迫去叫人做一些不干他們範疇的事......)

說起範疇, 在多份工作中 (不論part time/ full time/ attachment) 發現也有不少人忽略此二字
一間有架構 (非小型公司) 分那麼多部門, 如船務物流/ 會計/ 生產/ 客戶服務 ... 之類
那麼每個部門自然就有所謂的專業知識, 即是說船務部不會完全懂生產的事
各個部門也有自己的專業範疇, 應該要為自己的範疇負責; 但現實往往有別於此
舉一個我們公司的例子：當我們對外收到客方來船務資料時就會全數轉給船務部
所有安排貨運事宜也會由他們處理, 這時對外已經對這件事沒關係了
到有一日客方收到貨發現我們沒跟船務資料送運而涉及金錢上的損失提出賠償要求
而船務部宣稱這是因為對外沒指示所以引致出錯, 說對外應該看了資料後發指引
好了, 事情去到此地步應該發現：這不是對外的工作吧?!!! 這是不是對外工作的"範疇"
對外是沒這個專業及責任去跟進的, 所以船務部是過界了
所以我們正常程序應該是問有關專業的人而不是問不干事的人吧??
如果有關範疇人士告訴你不可行的時候, 你照做, 錯了就不可以推卸責任吧......
所以我討厭被迫去問不干事人等, 這是根本浪費時間又沒意義
[很多老闆也不會學懂去尊重及認同人家的專業而作出非理性決策/行動..........]

好, 說了一篇不干事的廢腑之言......報告一下星期五的瑣事
正當我scan東西給客的時候出現以下對話
朱總經理就跟菲力弟說：你是不是有心事阿, 看你樣子很失落阿
菲力弟：沒事...
我：朱生你幾時咁識得關心下屬架
朱生：你咁即係話我唔會關心下屬啦
我：唔係~係今日仲咩特別關心姐~~lol~怕佢辭職冇人幫你呀?
朱生：冇呀, 而家d後生仔好易諗埋一面, 驚佢做傻事呀
菲力弟：冇呀~係我告白左十幾次Elly都唔啋我所以咁囉
我+朱生：[囧的樣子].........咁我做野先.........(走人)
雖然這個是大家也明白的玩笑...........
但菲力弟再一次陷我於不義之中..........囧...................
自上一次說我不要騙他感情後就發現.......他的說話很有問題..........要好好改正改正

到下班, 本是可以到沙田跟一眾相聚, 可惜我太眼訓......
仲覆阿媽煮埋飯, 點知飯都未煮好我就跟周公子幽會了......

以下轉自新新blog

梁朝偉 金城武 《赤壁》造型曝光

造型惹批評

昨日有網友已把該雜誌刊的梁朝偉與金城武造型照放於網上，即惹來不少批評，說扮相不睇好，例如有網友指梁朝偉的周瑜大頭相近似《東成西就》的搞笑造型；另一張周瑜（梁朝偉）與諸葛亮（金城武）並列之相，讓人覺得周瑜老成，諸葛亮輕佻。至於大家是否認同網友之言？不妨自行評論。

(對於金城武所演的諸葛亮比較幽默，吳宇森解釋，因為當年諸葛亮才27歲，所以想讓年輕的金城武來演，金城武最有魅力是他的笑顏，演技又自然，是一種有韻律感的表演，他就是要金城武打破原來諸葛亮予人的印象。)← @o@||| 一笑傾城的諸葛亮?!!!

新新：美人在旁，豈能自制不輕佻張狂......(大誤) ←本週精警句子......lol~自重阿~

>>November 17, 2007 at 3:38:53 AM GMT+8