2003 年 2 月 9 日 星期日 【晴】

今日，新年後第一日正式返學，遲咗D起身，不過都七點十起到身。起咗身當然去刷牙啦，不過出咗廁所，阿媽同我講有隻雀仔飛咗入屋(吓！唔是呀！我住一樓，咁都飛到入來，勁呀！)，不過最好笑是‧‧‧我阿媽話佢飛咗入廚房，重要唔知去咗邊(我個廚房咁細都可以隱到形‧‧‧ )，當我阿媽想找佢出來時，佢就在雪櫃下面一飛沖天(飛出來)就走咗啦，你咪話唔驚！不過之後想起又好好笑囉！

在八點八果時，阿Wing先打比我話morning call 呀(因為我在ICQ叫佢的，不過就是要八點囉！)，佢重話佢發夢果時八點已經Call咗我囉(佢重話好真呀！)

之後，我就九點出門口，估自己一定遲到啦，點知返到去發現自己是第三個返到重要無遲到，重要連Tutor都未到呀！但是成日就‧‧‧

無返全日的Ada唔舒服，無返一堂(Orgainizing Community Programme)的Eddy就好似睇波，但是有返的自己都唔知自己是唔是上咗堂，好似Sam Yu堂我就釣到好多魚！

今日，上Japanese上到有D悶啦又Test啦(好彩唔Count分唔是就死)，重有我覺得個Tutor都幾串o家，自己又在小休之後釣魚啦！

返屋企時，在青衣城發現有通宵小巴去旺角同灣仔，KeRin可以來青衣食宵夜。(Lily會最開心！)

>>February 20, 2003 at 6:53:04 AM GMT+8

2003 年 2 月 9 日 星期日 【晴】

今日是我的日記開張第六日啦！

>>February 9, 2003 at 7:21:56 PM GMT+8

2003 年 2 月 8 日 星期六 【晴】

今日，本身要九點去到紅會開會但是唔知醒，要少雯九點Call我我先醒，之後以勁快的Speed去刷牙同換衫同出門口，就去飛的返紅會，時間是九點半到步，勁快！不過就有D唔好意思囉！(之後重要比家惠知道我飛的返，果然是我的好拍檔！)

開完會就同家惠同113 D Committee去麥當勞食Lunch，家惠重問想唔想我做佢哋YUT呀！不過個答案就是‧‧‧無所謂。

食完Lunch，就返屋企，就訓到兩點九起身做功課，但是好似無點做到嘢就五點半要出門去BBQ。在青衣城等車時，就Call咗KeRin同佢講咗一會電話同睇佢佢有無事，因為知佢唔多開心。真是令人擔心，希望佢快D無事！

都等咗十幾廿分鐘先有140小巴去o加x灣，上車果時叫私機到咗叫我，但是好似無返應，不過都有叫我落車。之後Sindy同明茵出咗來接我，但是已經是六時多。
BBQ之事待續

去完BBQ就返屋企，開始做未做的功課→Organizational Behaviour，但是一做就做到四點，因為唔識做囉(重已經問過Carlo同Swallow啦。)！好眼訓！

>>February 20, 2003 at 6:51:32 AM GMT+8

2003 年 2 月 7 日 星期五 【晴】

今日，我又好叻，又可以在十一點起到身。(但是我想九點幾起身！)

下午，返咗紅會，本身要上去Mass Training，但是要早走而且夠人，咪唔洗教操連上都無上。之後，就想話溫吓書，點知都是‧‧‧‧最後就同家惠、蔡雞精同杜敏敏講吓嘢(好似重有好多人未寫)，同等我班170 Member仔的ABT成績就返家。(佢哋D成績都OK啦！)

在Mass Training 開始前，叫咗阿Wing去體育館比D相佢睇(因為佢要Book場)，本身要換U，但是最後唔洗。(唔可以比阿Wing見到，好彩！)等佢Book完場就走返紅會，但是比Mei Chi、阿P同小明見到，以為佢是我女朋友，低能！之後果個Mei Chi又開始講D低能、無聊嘢，不過又好好笑。

返到屋企，D親戚都好似未到，但是阿媽話豪豪同佢阿媽到咗，不過豪豪去咗碼頭釣魚。(佢阿媽/阿嬸就去看住佢。)我就在屋企做自己嘢等D親戚到同食飯。

>>February 8, 2003 at 7:24:34 PM GMT+8

2003 年 2 月 6 日 星期四 【晴】

今日，我好叻，終於可以在十一點起到身。

在下午，我就返咗學校print notes，之後就去咗Lecture 16 sit KeRin Psy.堂。上堂前，KeRin D同學問我是唔是讀ASW囉、話我個樣好熟，我當然唔是ASW而是CSM的學生（雖然我都好想是）。而上堂果時，KeRin知我有新手電就拿咗去玩，玩完我個新手電，咪又同我玩吓同吹吓水，上到差不多完佢話眼訓就訓咗啦，佢好似都成堂無上過堂咁，整到好似我上堂佢sit堂咁。

上完堂，我打比阿Wing睇吓佢在不在City，佢cut我線囉（因為無分鐘。），我打完KeRin又打，佢又Cut線，但之後佢是打比KeRin囉‧．．點解阿Wing唔打比我先呀，我都叫佢阿媽傳聞中的男朋友呀！當然只是講笑啦！之後，佢同KeRin講咗陣電話就同我講咗陣就收咗線啦，當然話題一定包括我同佢的朋友關係啦，好笑！

之後就走咗去Canteen同Grace、Stone、凱怡整三地情D嘢，大家都好似唔多想做，但求順順利利完成。

夜晚，我就去咗Red Cross 練First Aid，因為二月十四日(情人節)考First Aid Refresher，今日都是練咗CPR，但是唔多好，比平時差好多！

練完都是十點幾，就想話同D Staff食飯，食完都是十一點都OK呀，點知班Staff要做嘢，重要好鬼多！（好似話Cut數！）佢哋一做就做到十二點先完。之後先可以去食飯，食完就是早上一點啦，好彩有個staff住在青衣，可以一齊坐的士返青衣，唔洗坐通宵小巴返青衣同太夜先返到家！

>>February 8, 2003 at 4:49:20 AM GMT+8

2003 年 2 月 5 日 星期三 【晴】

今日都是想十一點起身，但是都是好眼訓，心想阿Wing話十二點半Call我同我講電話，我等佢Call我，我可以訓多一個鐘多D先起身，點知佢無打比我，我又要訓到兩點幾先至起到身囉，真是‧‧‧‧！又唔洗溫吓書、做吓功課啦！

之後，去咗旺角睇手電，最終買咗諾基亞6610！

夜晚，因為阿嫲生日就同佢同D親戚食晚飯，重想話可以見到我個表哥(文仔)，因為阿爺話佢今年到。(點解我咁想見到佢，因為我九世都未見過佢，連我堂弟(豪豪)都唔知有D個人而我估我未有十歲就無再見過佢，你話勁唔勁！)最後，佢貴人忙無到，大姑姐話佢要返工，重想話一暏佢的光彩Tim！

好笑，今日我同堂妹(勤勤)都買咗新手電，我就買咗諾基亞6610，佢就買咗諾基亞6100！重要大家都去咗旺角買！

重有，我、家姐同堂妹都覺得阿嫲精神真是嘛嘛，可能都是因為之前果樣嘢！

>>February 6, 2003 at 7:50:22 PM GMT+8

2003 年 2 月 4 日 星期二 【晴】

今日想話十一點起身，點知最後在一點阿媽叫：「阿仔，一點啦，重唔起身！」我先起到身，重想話在出門口前溫吓書、做吓功課都唔得，真是唔得你死！一起身就要食早餐加Lunch，之後就要出門口去環球嘉年華.......

不過在未出門口前阿Wing Call 我話佢在青衣，所以叫我在青衣城同佢會合一齊出去，之後重話KeRin要遲D到(我覺得KeRin成日都遲到囉，好似上次在City打羽毛球我哋到咗打比佢，佢先在柴灣囉，遲咗成個鐘頭先到囉)，我同阿Wing就兩點九在青衣城等，阿Wing話佢打比Lily同佢講在荔景等佢。收線之後，我就打比Ada(因為佢哋三個唔知佢到，我想比個surprise佢哋)，我重好唔logic同佢講三點在九龍灣等，好彩佢問清楚先知三點三先到都得(唔是三個在青衣字飛都飛唔到去啦！)。

當我想行去青衣城時，Lily打比我問我在邊，佢話佢已經在荔景等我同阿Wing ，之後先發現阿Wing 找唔到佢，變咗Lily唔知就在荔景站白白等我同阿Wing 半個鐘！
待續

>>February 10, 2003 at 4:29:28 PM GMT+8