2003 年 6 月 5 日 星期四 【雨】

今日唔洗返實習，個人都好似好灰咁，今日是一點起身，要兩點返City開會，好彩在兩點三都到咗！個會就是咁講錢，是點罰錢，如果成日都唔開會都好金吓！之後我就返屋企，但是我就在又一城比兩個同一公司的所謂『星探』(一個在City門口，一個在九龍塘地鐵站)，話我唔知o麥，想找我做model，唔是呀嗎，我今日咁的死飛仔樣都要？你唔好以為我是果D十三四歲的小朋友先得，完全是唔得，講D嘢一D都吸引唔到我，唔好講留個電話比你呀，同你講多兩句都唔多想。我是一定唔會show你哋，我年中都收唔小『星探』的咭片啦，你唔是以為我傻，星探唔會去找個A肩人去做model呀！

>>June 6, 2003 at 6:11:40 PM GMT+8

2003 年 5 月 25 日 星期日 【晴】

今日為咗返學校去聽『停辦十三個副學位課程論壇及記者招待會』，我十點左右已經起咗身，之後就十二點幾返學校，我果個Tutor得我同Ada去咗，而LT-2是可以叫做未試過咁多人，起碼有二百多人，大家都是為咗十三個副學位課程的生死存亡而出現，我估唔到除咗Division的老師同學生，重有Degree的學生出現。由一點開始到完的五點，激烈的氣氛是未停過，最激的是三位副校長出現的時間。最勁的是LS果邊，其次是ASW，而且，更出現咗英文粗口(FXXK)。

由三位副校長出現的時間，我只是覺得佢哋帶人遊花園好叻，完全是無失手，佢哋重教咗我原來『決定停辦』是等於『轉營』，我都是第一次聽，多謝你哋的教導呀！張信光，你是唔得閑見我哋，定是唔敢見我哋呀！你哋四個想點一時一樣，你哋是信差就出信差的人工，唔好出校長的人工！你哋講野有無經大腦，你哋個腦一定貴過董伯伯的腦，你哋的行為令到我對由你哋帶領的城大完全失去信心！

>>May 26, 2003 at 5:26:34 PM GMT+8

2003 年 5 月 23 日 星期五 【晴】

今日，真是唔知點解，又是要訓到成四點先起身，真是可能自己覺得無嘢做，又無壓力，Motivation是零呀，想話十點左右起身都唔得！其實，家姐同阿媽都有同我講電腦未關，但是張床太好啦，是唔想起身，之後起身先知又hang機。

我就食早餐同聽歌，之後阿媽在葵芳吉野家買咗牛肉飯比我食，我同Larry講，佢話自己都是食instant noodles，叫我去死，哈哈哈‧‧‧

之後，我就開始做要做的嘢(tidy up)，但是做得好慢，在夜晚就睇1:99音樂會，好好睇，因為有太多正的歌手，包括何韻詩，陳Eason等等。

今日金句：齊心做事成！

>>May 24, 2003 at 3:27:13 PM GMT+8

2003 年 5 月 22 日 星期四 【晴】

今日，我去到五點半都訓唔訓唔到，之後打咗比阿Wing講咗一陣電話，講講吓話Lily要起身，就打比佢，佢是未醒的，可以叫做好彩我哋打比佢。我就同阿Wing講多咗一陣就收線，話起身再打比佢，睇吓是唔是去飲早茶，我十點就叫做起咗身，打比佢，佢話再打比我，之後我又訓咗成點幾先起身！

在屋企唔知點解想想去睇吓樓下的街景，點知見到杜敏敏在佢阿婆屋企(我屋企旁)，我無叫佢，但是覺得好好笑！

之後，首先去翠怡曬相，再去咗青衣城入$，同行咗一陣，不過去青衣城果陣見到阿澎同德琳，都同佢哋講咗陣嘢！青衣城真是無嘢行，得果個玩具反斗城比我行到。

夜晚，在屋企format咗部電腦，好煩呀！

>>May 24, 2003 at 4:00:27 PM GMT+8

2003 年 5 月 21 日 星期三 【晴】

今日我一路訓，訓到四點半先起身。我其實都估到o家啦，因為噚日去咗行山，之後又訓得果一陣，我個人又累，就會勁訓啦(雖然有時唔是都會勁訓)，之後先覺得o麥都做唔到，好似好灰，無咗人生目標咁。

食完晚飯，我就一如以往入房，做我成日都會做的嘢，就是清理我間房，真是唔知點解我越做越慢‧‧‧之後我就去咗整理七仔的email的資料，我的成日就咁無咗啦！

今日一句：世間最珍貴的不是『得不到』和『已失去』，而是現在能把握的幸福。


>>May 22, 2003 at 9:02:26 PM GMT+8

2003 年 5 月 15 日 星期四 【晴】

好多o野是唔是都不在乎天長地久，只在乎曾經擁有過，是唔是都包括友誼？我真是好想知有無真正的友誼永固？

>>November 1, 2003 at 10:13:13 PM GMT+8

2003 年 5 月 14 日 星期三 【晴】

哈哈，今日同Lily、Larry去唱K，十一點半在尖沙咀地鐵等，我就在荔景等，但是Lily遲到囉，咁我哋要成十一點九先到，要Larry久等，真是苦啦！最可惜就是其他人來不到啦，我哋去咗Neway唱，重要可以唱到四點，正！重要每人都是廿九蚊，平過上次在荃灣Neway唱！

我哋重玩贏咗果個唔知叫o麥的遊戲，有一個筆袋送同每人一杯嘢飲唔洗錢，但是個筆袋就‧‧‧多咗個Neway的Logo囉！

今日表弟生日，我買咗件Polo Shirt同一個麵包圯超人玩具比佢，佢不知幾開心！

>>May 16, 2003 at 8:49:57 AM GMT+8

2003 年 5 月 13 日 星期二 【晴】

今日是想早D起身做吓嘢，十一點半起身都OK啦，但是自己的motivation是好差囉，完全是醒唔到，就算自己在十一點三已經是半醒都要去訓你話死唔死呀！最後是三點三下午茶時間先醒，真是要比個勁自己呀！

之後，就返city做咗一陣紅會的嘢(但是都做唔到D o麥)，咁就六點九左右再去做gym做咗差唔多兩個鐘，做到好tired呀。不過本身就唔是做gym，是去紅會聽一個愛滋病病人的分享，我真是好想去聽，但是個心又有D唔知點，可能真是未試過去接觸一D愛滋病病人。但是就Maggie send咗個電郵比我話果個人有D唔舒服，咁就改期到下一個星期三，希望果日都去到啦。

夜晚就返咗屋企，飲咗阿媽的湯，之後竟努力去做紅會嘢啦！

今日金句：你在街見到一個愛滋病病人受傷(重要是重傷)，你會唔去幫佢、救佢？


>>May 15, 2003 at 2:20:18 AM GMT+8

2003 年 5 月 11 日 星期日 【晴】

今日，可以是叫做我考完試後第二日正式咁去玩，我一早十一點就同Sindy、Lego出去荃灣Neway唱K，本身想話一齊坐43B出去Sindy遲咗到巴士站，上唔到車(因為我哋是唔同站上車，我是上先，之後是Sindy，最後是Lego)，咁就得我同Lego一齊坐43B出去，之後Lego重send咗個SMS比Sindy話，你上唔到車呀，咁我哋去唱先，唱住等‧‧‧‧勁好笑！不過，我哋當然唔會啦，只昤說笑，我哋就一定等到佢先去唱啦！我哋都唱得幾開心又有好多趣事發生，不過就覺得貴咗D同要加一囉，成三十七蚊，上次在Neway City唱都是三十蚊，又唔洗加一。重有呀我哋唱到一點就無得唱啦，只是唱得果兩個鐘，都唔合夠邊個唱，真是到喉唔到肺。

之後就真是無嘢做囉，最可憐是Sindy，仍四點返工，走又唔是，唔走又唔是。而我就返咗City同Larry食Lunch，我哋又講咗好多嘢啦！食完就同Larry去咗SDS交地鐵表格，同去locker取回一些嘢！之後就去咗又一城行咗一陣，Larry就助長D個經濟，在izzue買衫。我當然唔會啦，因為，我要助長我的經濟呀嗎！

夜晚，我就去紅會開受服務計劃的會，我哋個服務計劃正式改咗去做非典型肺炎，時間是七月至八月，其實我真是覺得聽到D個名都有D悶，但是無辦法啦，HIT呀嗎，又有錢比到我哋去做！開完會又去食飯，去咗大胃營舊址，雖然是新鋪，但是D嘢食是無變囉‧‧‧之後就先知老細賺到，話唔夠做，之後去香港果邊開間大，但是o宜家就休息吓先！哇，真是勁呀，一定賺得好多！

今日金句：好聽的歌唔是在卡拉OK到唱o家？


>>May 15, 2003 at 2:45:24 AM GMT+8

2003 年 5 月 10 日 星期六 【晴】

今日去咗飲茶，我哋張檯真是好靜，好靜，無o麥人出聲咁！之後，就同Milly表姐行街，先去打機，再去食下午茶咁囉！真是好平呀，每人廿多元就有好味的壽司同前菜食又有嘢飲，重要我哋是叫咗三個Tea、一碟壽司同一碟前菜，最好笑是有啫喱食！佢重話咗樣嘢比我聽，聽咗有D開心同覺得幾好笑。(唔知點解！)之後就上阿婆屋企食飯啦，今日是超多餸，但是勁好味！

我今日真是好唔開心，點解次次講D一個問題的時候，一定是我錯，你哋真是唔覺得自己是有任何的錯？我知我是一定有D錯，但是你哋唔好將個責任完全咁比咗我，好似同你哋一D關係到無咁！我當時真是好想走，最好有幾遠走幾遠，我唔似你哋咁可以好似一D事都無發生過咁！

今日金句：發皮氣是可以唔講理由！

>>May 14, 2003 at 10:38:37 AM GMT+8