2003 年 7 月 6 日 星期日 【晴】

好眼訓呀，今日想九點起身，但是起身的時候又是十一點九啦！之後，我就用九秒九的時間去食Lunch，同出門口，但是都成點先出得去，返到去都成點八，都好彩只是遲o左兩個字，不過一樣成堂都好悶！

今日，都唔是太知個阿Sir佢想點，做o左好多唔知是o麥的exercise，之後就決定個video要做o麥，真是好悶躪，又是要D好悶的Topic，我地果group做SARS囉‧‧‧

之後，就要返YMCA做實習，一樣可以比個字佢『悶』呀，但是自己又無心機做自己o野，又是好“hee”咁就過o左一日，都真是無點做o野，一來無o麥booking，二來自己的o野又唔多想做！


>>July 8, 2003 at 6:01:37 PM GMT+8

2003 年 7 月 5 日 星期六 【晴】

今日，我好似十點幾起身，之後就食o左D餅，之後就出門口去紅會等齊人去買o野食去燒野食，但是去到NTD十一點都未有人到！之後，MeiChi是唔出去買o野食，得我、雞精、楊志華、阿P同Tony去買o野食，真是有D想死好多o野要買，但是好彩Tony有車，唔洗自己take去城門水！

之後，我地遲o左上去，但是都OK啦！我地就先玩o左一陣低能遊戲，有紅綠燈‧‧‧玩完就開始燒o野食，但是唔知點解會無報紙，但是我是有帶囉，好唔知點‧‧‧‧燒燒o下又唔夠野食，就叫Alan去買o左D上來。(因為佢是會遲來！)

十點到，我地就走啦，之後就幾個人去食糖水，果間叫大良XX記，唔知同八記有無關呢，我就食o左芝麻糊，好好味！

返到去屋企，沖完涼，就開始做英文的listening功課，好灰囉‧‧‧重要有D傷風呀‧‧‧


>>July 8, 2003 at 6:01:53 PM GMT+8

2003 年 7 月 4 日 星期五 【晴】

本來今日，我會是好忙的一日，而且我重訓到成十二點，我重估自己是會做死自己囉！我一起身，就食阿媽整定比我的午餐，食完就開電腦打o左D 紅會o野(聽日燒o野食的list同遊戲紙！)！之後就好快咁去染返黑D個頭，就standby出門口去170開committee會，但是唔知叫做好彩定唔好彩咁，黃芬芬在一點左右打比我話cancel個會，我就多o左成個幾鐘做o野，D個就叫好彩啦，但是唔好彩的是唔可以同D committee講我plan好o左要同佢地講的o野，好似自己唔做啦，combine enrollment等等。其實，我都唔是太明班committee點，可以date o左日期又可以到時先唔得，唔是真是咁忙呀！

算啦，我都同黃芬芬講o左我要講的o野，而且我又可以在屋企多D時間做o下o野。之後，我就在四點幾出門口，去YMCA返實習，但是今日都有D唔知想點，返得果兩個鐘多D，做又做唔到自己o野，唔做又悶‧‧‧不過，我都是“hee”o左陣同做o左紅會o野就返完。

放o左之後，就打比Sindy，睇o下點(入唔入去屯門燒o野食)，但是我都無去因為好似就完，而且入去又成個鐘，我又唔是想去燒o野食，之後，我就打比家惠睇o下佢地開會開成點，佢話未入正題，而且又要我比個list佢地，咁我就決定去大窩口開會，一開就開到十一點啦！


>>July 7, 2003 at 6:15:08 PM GMT+8

2003 年 7 月 3 日 星期四 【晴】

今日，本身是想早D起身，但是唔知是唔是o尋日太夜訓，所以今日是完全唔知醒，好彩Lily打比我，我先至醒，其實好似阿媽都有叫過我起身，但是我唔起身囉！我起身後，發覺已經是十二點啦，咁我就勁快咁食阿媽整o左比我我lunch同睇o左一陣電視，就出門口！

去到青衣城地鐵站，打比Lego問佢考成點，咁佢又在地鐵站，我咪去找佢同佢一齊座地鐵(一個站)！

返到City，去到ELC上堂無遲到，好彩！我去到都是just開門入去囉！今日都只比到個悶字D一堂，同覺得好多o野要做！

之後，我就去YMCA返實習，今日是有史以來最悶我一日，因為完全無Booking，而且華仔放六點囉！只不過是等於完全唔會有人在我面前出現！

***********************************************************************************************************
當還能擁有時
好好珍惜吧
愛情如此
友情如此
親情更是如此
最關心你的人
別只是永遠被你排諸於外
當失去了
流淚又能做什麼

世間最珍貴的不是『得不到』和『已失去』，而是現在能把握的幸福。



>>July 4, 2003 at 6:16:27 PM GMT+8

2003 年 7 月 2 日 星期三 【晴】

今日，都無o麥特別，只是早o左起身，大約十點半啦。在屋企 “hee”o左陣，之後，就出門口返City上堂 – ELC的Reading & Listening。

上D堂都真是幾悶囉，一來上三個鐘，二來是英文囉！今日，本身是第二堂，但是個阿Sir之前果堂唔舒服無上堂，D堂咪變o左第一堂囉！我覺得自己只是上堂等放break，放break等落堂。不過我覺得最好的是一放就放廿分鐘的break，但是都唔及John放得勁！

落堂後，我就返屋企，我在廳的梳化訓o左一陣，因為太累啦！

是呀，今日同MeiChi通過電，都好灰，因為無錢(Funding)比個Service Project，同時荃廣個場又唔得，好煩呀！


>>July 4, 2003 at 6:11:55 PM GMT+8

2003 年 7 月 1 日 星期二 【晴】

今日，我一早七點三就要起身，但是真是唔是太過願意咁起咗，無法啦，鬼叫自己要去上golf呀！起身後，食完嘢，就出門口，但是已經是八點三啦，真是唔多明自己做o麥在屋企“hee”定做咗D o麥，成日都要咁久先出到門口！

本身估自己會遲到，但是去到都無遲重好似早咗D，今日唔知是唔是太早出門口坐地鐵，地鐵好鬼多人，平時是有位座，但是今日無囉，整到我無得訓多陣！不過今日好似少咗D人去。可能已經夠Attendance啦，唔想咁早去咁遠的地方打波啦！我其實今日都有D求其咁打囉，打得都好‧‧‧不雅囉，好似唔記得點打咁，去到好後先打得好D，之後就Vincent同Wan Sir都有教我點打會好D，但是兩個都教得唔同 (其實就有個就教得好好的)，不過二個都教得好有心機。有次Wan Sir同我講咗D唔知o麥，我又唔知是同我講，咁我咪唔嘢佢，都好好笑，不過佢就‧‧‧

上完堂，就返青衣比嘢王玉青，佢個樣都無點變都是咁樣！不過我真是好累，座地鐵完全唔知自己是去咗邊個站，我記得我座荃灣線訓咗，差唔多去到荔景時醒咗以為自己訓過龍，去咗中環‧‧‧‧‧完全是唔知自己o麥事，重想話是但行去東涌再返打青衣‧‧‧唔知會唔會訓過咗入咗東涌‧‧‧‧！自己再想返都好笑！

之後，我返咗屋企，我就決定沖涼，因為實在太熱，沖完，就開始收拾我書檯檯面的殘局，但是去到六點半，唔得啦，我一定要訓一陣啦！唔是我會唔知做咗D o麥出來！我一訓就訓到八點先起身，去食飯！


>>July 2, 2003 at 6:19:44 PM GMT+8

2003 年 6 月 29 日 星期日 【晴】

今日，本來又是叫咗Sindy叫我起身，但是太累，就決定訓多陣先起身，但是之後好似有個ELC的人打比我話個老師病咗，今日唔洗上堂，我就好開心咁去訓，(在十一點左右)同打比劉家飴同佢講我未起身，唔可以在十一點半出到去找佢，我遲D出去找佢，大約兩點幾先得。之後我就是咁訓，好似訓到一點先醒，去食咗個飽就出門口！

出到去，我同佢買咗D嘢同行咗一陣，我就去YMCA返實習，真是太好啦，所有Full-time Saff(包括Eric)都唔在公司，我完全可以反轉個office！Carmen就問我有無Nike嘢想買，有七折coupon(是真的Staff Discount Coupon，是Jackson比)，我就話想買條短褲(折咗只是要件$125囉)，好開心呀！之後，劉家飴上來比D嘢我比個Friend，我叫佢買枝嘢飲上來比我，但是佢可以唔記得(只是兩三個字前的事囉)！勁囉！我今日遲咗D關門，有個保安問我是唔是走，我話是呀，因為要做完少少嘢先(其實都是自己的嘢！)！

>>June 30, 2003 at 6:43:31 PM GMT+8

2003 年 6 月 28 日 星期六 【晴】

今日，好早要起身(八點九)，因為要去尖沙咀美麗華取獎，果個叫抗炎行動 - 前線學生嘉許典禮，只是比學生囉，我、草同杜煒敏在九點九在青衣城等，之後一齊出去，去到只是十點四五，咁就同佢o地去KFC食早餐。有個阿婆無哪哪比o左D coupon草，好好咁囉！

去到先知，我o地紅會有五十幾人可以get D個獎，但是只有廿幾人到，十點九去到得紅會負責人同一個其他總部的人到o左，好多人都遲到(真是唔多得囉)，可能遲到真是紅會特色？保安局局長葉XXX到得果十幾分，重要著得唔多得，好心你唔好來啦，不知所謂來坐一坐同講果少少o野再影多張相就走，不如唔好來！真是好多民安隊同醫療輔助隊的人(我估有六七百人啦)，最少的是基督教女少年軍得一個到o左，咁我o地紅會都OK啦，同其他差唔多。在果到，我見到好多人囉，有吳祥川、皇仁同City的人都有！但是真是花好多錢，每一個人都有二百元正的書卷，我都真是布D意外，初時估佢都是得果幾廿蚊！不過，個Lunch就唔多得啦，每人一個盒，估到估唔到是一份三文治同一個蘋果咁多再加多枝水！其實，就成個program真是有點兒那過(求其！)。

之後，就去咗愛民村找少雯佢哋想話飲茶，但是去到佢哋都已經飲完‧‧‧我哋三個好似白行咁囉！佢哋飲完就好似走啦，我、草、雞精同杜煒敏就去又一城，佢哋就行街睇戲，我就開會，灰囉！

我好似三點左右去到開O Camp會，不過就唔知自己做咗D o麥，都是講D遊戲同Accessories (在我記憶中)！

開完會就五點幾，我就返屋企放低D嘢同沖涼，之後上阿婆屋企食飯，上到去七點三左右都未食得，好累囉，我就去咗阿婆間房訓咗一陣，我一訓就訓著咗。


>>June 30, 2003 at 6:16:12 PM GMT+8

2003 年 6 月 27 日 星期五 【晴】

今日，我本身是想九點起身，但是真是太累，所以就算Sindy在九點打比我叫我醒，我都再訓返！之後，少雯在十一點左右打比我，問我可唔可以著U上NTD，但是我唔得，之後我先在果時起身！起身我，我就食D o野就出門口。

之後，我就慢慢咁返City去考英文Writing，去到都早o左，咁就同D同學談o左一陣，咁就入去考啦，D題目真是唔多知點，題目是收菲傭income tax、外國交流生在港問題同坐牢定做社區服務好，我做收菲傭income tax，但是真是寫得唔多好又少字，真是有D唔樂觀，真是唔想肥，我只是求個合格囉！

考完之後，就去NTD，但是好早，在五點左右去到，之後就幫少雯做左少少新會員的o野(打Form同釘D會員資料)，新人O Day在七點開始，其實好多新人都是識，我去o左幫手度身，都有D好笑。做完o野就去標記食飯，我就食炒麵同炸兩。


>>June 30, 2003 at 5:46:28 PM GMT+8

2003 年 6 月 26 日 星期四 【陰】

今日，可能因為之前一兩日訓得多咗，在八點四就醒咗(雖然鬧鐘是在八點響！)，但是已經好過之前啦，因為是阿媽在八點半叫我！

之後，在九點左右食完早餐就出門口。今日，就唔想座巴士去地鐵站，但是就有兩巴士在我行去地鐵站出現，平時我要座果時又唔見你有咁多！

今日，上最後一堂的EEC - Writing，好呀，返到去得果幾個人，我重已經是遲咗十分鐘，D人都要成半個鐘先返齊！都唔知是唔是有心遲o家！不過，真是一如以往，D三個鐘都好"hee"，我放break時，去咗買腸粉食，佢哋就食菜肉飽，不過個房就充滿咗菜肉飽，阿sir就講笑(不過唔鬼記得佢講D o麥)，最後，佢比咗好多notes，整到好似出面D雞精班！

之後，就去CSC做少少嘢，就去Sport Complex做Gym(1430-1530)，不過都是主要跑步囉，真是都幾累，可能因為星期三打golf打得太累，未recover到，但是我一定會keep住去o家！

做完，又去CSC繼續做完做的紅會嘢同打日記，因為我要等到六點半開Mentor會。真是有D悶囉！之後，Carlo在六點半打比我問我在邊，佢就來CSC找我，佢到咗我就剛剛做完嘢走得，咁我哋就去買嘢飲同去開會(唔可以遲到，唔是就會罰錢)，不過就真是‧‧‧我哋開咗一陣就去咗果個Mentor的Gathering，又是悶囉，之後就繼續開會(有點兒唔知點‧‧‧‧)，開到九點幾，就回家！

>>June 28, 2003 at 5:42:14 PM GMT+8