2003 年 9 月 2 日 星期二 【微雨】

今日，好大件事呀！就是本大少唔知醒，好彩我媽媽在九點四返咗來，叫咗我起身(其實佢同阿B出門口時都叫咗我起身，但是我無起到身咁解！)，唔是我就會走咗堂啦！

不過今日就真是唔多得呀，Ray Choy佢真是"hee"到出汁，但話唔好叫佢Ray Choy，一是叫佢Ray，一是就Dr. Choy.....

但是佢的堂已經是好ok啦，最苦是上 Stephen的 Leisure & Tourism wtih Special Population，真是悶到想死我在break之前是勁釣魚囉，真是如果知是佢教就唔鬼take，但是最灰的就是D課又是我最想讀的一科，真是好唔知點，有樣嘢是好好彩→就是Tutorial唔是佢教，yeah！

上完D堂，就同咗T05(Year 1的同學)，有阿衍、Swallow、Helen、阿琪同Jesscia去食Tea，好開心呀！重有好好笑咁見到Eddy囉，都唔知佢D個Poly學生返來做o麥！

食完就同咗Iris去上上海話，真是好得，完全是好好笑，但是上完堂就已經唔記得咗九成的嘢，勁呀！但是，我一定會比心機去讀，要學到上海話，雖然好似好難咁。但是就唔知點好啦，因為我同時會讀French，又唔是太想放棄其中一樣，但是又可能會好辛苦‧‧‧‧

上完學校堂，我就去咗紅會考試啦，就是D個MCH，完全是無信心，因為之前SARS的影響唔鬼記得自己是讀過O麥，而且又無溫過書，我重要是坐地鐵果時是咁以溫咗，就無溫啦！

考筆試果時，是唔多似考試，大家都是在到玩咁，又唔是太識，之後就當然出猫啦‧‧‧‧考實習果時，我就好正常咁當玩去考，但是又OK咁考完！YEAH！我估都PASS的。

>>September 3, 2003 at 6:15:53 PM GMT+8

2003 年 8 月 30 日 星期六 【陰】

聽日要開學啦，真是唔是太想返學，好似未放夠咁！
不過好彩我聽日day-off唔洗返學！yeah！

>>August 31, 2003 at 7:07:51 PM GMT+8

2003 年 8 月 14 日 星期四 【陰】

我決定下個星期開始正式寫返日記！(希望)

今個星期的簡單日記：
星期六同日上CS(模擬傷者課程)，好好玩！我星期日唔知醒......
星期日去咗別府食，好辣的四級麵
星期一返咗YMCA返工
星期二上母嬰健康課程
星期四去咗太子的Bar飲酒，飲到成三點(好似)

>>August 15, 2003 at 5:01:15 PM GMT+8

2003 年 8 月 7 日 星期四 【晴】

好久都無寫日記啦，真是好似放棄咗咁！


>>August 7, 2003 at 6:13:41 PM GMT+8

2003 年 8 月 6 日 星期三 【晴】

我的生日過咗一個星期啦，真是好多謝大家的祝賀，而且重有要多謝同我興祝的每一個人，今日同時是我一個表姐的生日呀，當然要祝佢生日快樂啦！

>>August 7, 2003 at 6:19:05 PM GMT+8

2003 年 7 月 27 日 星期日 【晴】

今日，我可以叫做最得閑的一日，因為唔洗去做D o麥，因為已經上完summer term，只是要返實習同做紅會的o野，都幾開心呀！我因為尋日頭痛，好早就訓o左(十一點)，今日就十一點幾就起身啦！之後，好似好得閑咁去包書。

我兩點幾就去o左葵芳買條Nike褲，再去銅鑼灣的商務買本書(因為之前在尖沙咀果道問得銅鑼灣有，有D灰囉‧‧‧)，在差唔多去到的時候我見到阿聰(之前Form 5返sales的同事)，同佢講o左一陣(大家都是講o下自己的近況，佢好似覺得我重是讀更書好勁咁，不過我就覺得都唔是呀，做o野都幾好呀)就去買書，去比錢果時我記得City學生有折，就問個收銀City學生是唔是有折，佢問我是邊間，我話City囉，佢的答案是→『City無o家，得城大先至有o家！』o下o麥城大唔是City o家，我o宜家先至知‧‧‧‧‧‧，佢格離果個收銀即刻同佢講City咪即是城大囉，佢話唔好意思呀，發更夢添，真是有D無奈‧‧‧‧，之後，又發現佢收錯錢‧‧‧‧

之後，我就去尖沙咀返實習，又是好悶囉，但是可能今日就是最後的一日實習，因為成個Center的schedule都會改，我可能會當part-time咁返(我個Supervisor – Eva好好人咁同的改做Ad hoc helper，想我可以有D錢收下，佢都是話幫我試，因為唔知是唔是一定得)，但是我就唔是成日都可以返，因為又是cut part-time 囉，而且Lawrence又會返得遲D，重要以後的星期日都是close！


>>July 28, 2003 at 5:37:56 PM GMT+8

2003 年 7 月 23 日 星期三 【雨】

今日返咗City拍ELC的video project三點拍到成五點半，之後去食咗Tea，就去返實習，其實都好無奈，又唔多想返，但是阿Natalie病咗無人返，陳生(Lawance)急call我返去，我都叫ok，咪返囉，但是就七點先返到囉。我咁就無我去紅會手語的開會啦‧‧‧‧‧

PS：八點三就改三號風球啦，而下午己已經無風啦！

>>July 24, 2003 at 6:08:01 PM GMT+8

2003 年 7 月 22 日 星期二 【雨】

真是唔知，點解好似好忙咁，但是今日做咗好多要做的嘢，包括下午在屋企整理我我房、去轉咗手提電話的台、重有上咗NTD開會。

PS：八號風球我唔想你走呀！

>>July 23, 2003 at 6:01:13 PM GMT+8

2003 年 7 月 16 日 星期三 【晴】

好忙呀！

>>July 17, 2003 at 1:46:28 AM GMT+8

2003 年 7 月 7 日 星期一 【晴】

今日，我十點就起o左身，我就決定去做gym，book o左十二點半，之後食完lunch就出門口。

去到青衣城已經是十二點四啦，一定返唔切去，而且又要比check Ada同Larry，咁就改一點半做，比完佢地就在yellow zone見到Fion，又比到張check佢！(本身是打o左比佢，叫佢打比我，再佢比)真是可以叫做好彩！

我去做gym只是去跑步囉，但是今日我只是做o左九個字到，因為做到兩點三無人，D人走曬，我見無人咪又走囉，因為我都要去尖沙咀同個以前的一個可以叫friend的人去食Tea！

我去o左世華同果個人去食Tea，但是真是無o麥野講，咪講o下自己近況囉。食完就去做件好重要的事→就是去銀行入張check啦！不過好好笑，我是去錯0o左地方，去o左灘匯款果到，重要是在個counter個teller同我講我先知，不過佢都好好人咁同我入o左D錢！yeah！終於有錢用啦！

入完錢就去Nike換條褲，去果時見到阿澎同Carrie行街街，不過見到佢哋個情況都好好笑，是在等過紅綠燈果時各左一望，就在我的格離，咁咪一路行一路講咗陣嘢，行行吓原來佢哋唔是幾知在邊座41A囉，同咗佢哋講完就去到Nike Shop，想去試吓大一個size先定換邊個size，不過就等o左好我死久都未得，因為有個女人試咗好久囉，都唔知佢詆試o麥！最後決定要大一個size啦，因為只是大得果D都是無唔同！


>>July 8, 2003 at 6:02:23 PM GMT+8