2006 年 10 月 16 日 星期一 【晴】

week 7 和 week 8 精彩節目預告:


week 7:

Comparative cultural studies mid-term test
到現在都未知這科讀甚麼,
只是將所有 reading material 看一次.
上幾堂訓幾堂.
意想不到的是連看 material 都睡著了.
可想而知這科的威力如此大...
堪稱「極品」.

Korean Test
雖然 sit 堂, 但我喜歡, 要努力讀.

CCIV Discussion
到現在都未看過評論的篇章...


wek 8:

Media translation assignment
炒了test, assignment 不能再死了.

CCIV presentation
不要太差就夠.

Japanese test
教的都學過, 可hea讀.

Academic paper outline
要改 topic, 再做 research 才可以落筆.

接了一份教日文的補習,
要預備教材.

下個 sem core 已經有14 credits,
最多只可讀 20 credits.
不過下年只餘下 4 credits core,
可以慢慢讀 electives, 好~

2006 年 10 月 15 日 星期日 【晴】

星期一, 煮飯日.
由 Jolly 和 Kelly 兩位大廚精心炮製.

是日菜式:
爆豉油雞翼
蒜蓉炒白菜心

　　實驗之作, 十分好味~

美中不足是沒有白飯,
唯有以咖喱味出前丁丁代替.

雖然我們的廚藝都不甚高超,
但吃得津津有味.
因為和你一起.

不日上菜: 可樂雞翼, 忌廉磨菇意粉

突然好想吃紅豆沙...

>>October 16, 2006 at 5:18:23 PM GMT+8

2006 年 10 月 13 日 星期五 【晴】

整天呆呆的.
很多東西忘了帶回家,
做不了.
下星期要交的 assignment 忘了帶回來做,
再下星期才交的, 卻帶了回家...
唉... 超級大頭蝦.

一起床電話就響起來.
想開口卻發現自己失聲.
用了十分難聽的聲音去接聽電話.
又見工.
怎麼見了這麼多工作卻一份也不成功?
有點灰.

不知不覺第六百篇日記.
看回之前的日記,
雖然時間已很遠,
卻像昨日才發生的事,
也覺得那個自己很可笑.

常常以為天空要下雨,
最後才發覺已步進日短夜長的季節.

限期, 定個限期也好.
我再也不想這樣了.
就定個限期吧.
因為我知道行最後一步的一定是我.

啊, 我的胃又痛了.

2006 年 10 月 12 日 星期四 【晴】

我總以為什麼事也好,
只要一覺睡醒就會變好.
原來是不行的.

肚痛由昨晚持續到今早.
匆匆吃了三件oreo就趕往City上課了.
入課室前見到釗釗在預備 promotion,
說了句「加油」便去上堂.
一小時過後,
等阿培來 City, 他今天 day-off.
怎可以這麼多 day-off?
我也很想放假啊...

未人齊見有時間便去看個醫生.
醫生說我可能是輕微腸胃炎.
又要戒口...

Lunch好熱鬧, 有Oscar, 培, Cathy, Yammi, Frankie, Suki, 秋強, Esther.
如果 Amy 和釗釗都在就好了.
和大家一起的時間總是過得很快.
下午連上4小時課.

上課前又碰到釗釗, 他真的很賣力.
問我明日是否有空幫忙,
要幫忙當然可以啦, 朋友嘛.

見到韓老師便想起她昨天跟我說過的話.
她說我看起來很有自信.
是嗎?
我可不這樣覺得.
外表有自信的我,
其實甚麼都不相信, 甚麼都怕.

上完兩小時韓文,
已經不想再上翻譯課了.
睡了半小時.
好想好想下課.
當Jackie說可以離開的一剎,
我已急不及待衝出課室.
終於熬過一星期的最後一課.

返 hall 收拾東西歸家.
在地鐵上睡著了.
好累好累.

晚飯後乖乖的做assignment.
好幾次手放在鍵盤上,
眼睛卻合上了.

聽著李秀英的《這該死的愛》,
很好聽, 很想哭.
第一次聽不明白歌詞,
邊聽已經想哭.
看罷歌詞, 掉下了眼淚.

背景歌曲隨機播放,
看看你有沒有運氣聽到吧.

不是　他不再是我的他
就這樣　不再適合我
初次相遇時
撥動我心弦的那個他
已不再是他
請離開　從此兩茫茫
情緒不隨之波動
意至不隨之轉移
他已成為最大的傷害
穿過我心紮下無法癒合的愛的種子
我愛你　請你愛我
不可以　我們只能到此為止
為了不再失去　我關閉了心門
你明亮的光圈　模糊了我的雙眼
醉於愛情的心　雖然只背負著傷痛
如死亡一般痛苦的這份愛情　我生活在其中

>>October 13, 2006 at 6:01:39 PM GMT+8

2006 年 10 月 11 日 星期三 【晴】

中午, 我, 秋強, Amy, Frankie, Yammi, Cathy, Suki, Kick 去替釗釗打氣.
「領會加油 ! 釗釗加油 ! 我地支持你 ~ 」
在 canteen 門口大叫,
不知釗釗會否又感動到想哭呢?

熬過了最要命的英文課... (今堂破了紀錄, 一次 interpretation 也沒有做)
趕往觀塘見工.
美其名興趣班助教, 實質為幼稚園教師.
要簽合約,
最不喜歡簽合約, 最怕簽合約.
有合約, 即是被約束, 不能說走就走.

夜晚的SI, 我最喜歡的.
怎料Sabrina請假,
將我們交予一個名叫Pierre的仆街「教」.
教? 我只覺得他在混飯吃.
我準時到, 他鎖了課室門,
我在門口等了近十分鐘才開門.
入到去, 說甚麼遲到的同學...
聽到我啞左...
開了電腦馬上問阿天這個阿伯在做什麼.
剛開了message box 想想跟阿天對話,
發覺他也開了message box send message給我了.
「不要入來好」
我都知啦, 一入就後悔喇.
好, 之後他說我們班是客席上課.
早知是 Sabrina 請假才找你來上,
請我也不來.
OK fine, 他說要做shadowing, 可上美國某網頁聽賴斯說話跟讀,
不喜歡做shadowing的可看他的照片.
甚麼照片? 原來是他個人成就的 presentation...
我心中大叫仆街多次了.
不理他, 戴上headset聽歌上網msn做功課.
想走.
不上課也不要緊, 別浪費我的時間.
別要發出笑聲,
因為他的笑聲真的很像淫笑...
聽到都想死.
好不容易熬過第一個小時.
他揶揄我們班其中一位忍受不了的同學離開,
說甚麼兩樣都不做就走 (shadowing 和聽他的成就 presentaion).
接著, 又一個同學走了.
本想忍到放 break 走.
7時40分, 他說︰「放個 break 先, 咦, 7點8 喇, 都就落堂啦, 唔放喇.」
落堂時間為 8點20分, 7點40分叫就落堂?
他說完我真的忍不住「小」了他一句.
鄰座同學都聽到了.
於是MSN跟阿天說︰「走啦, 而家」
說完我倆馬上關機拿袋大條道理由課室中間在他的面前走出門口.
一出課室按捺不住對他投訴了.
旁邊兩位教職員也為之側目.
如果討厭某些人,
就推荐他讀這班吧.
呢條粉人真係呃飯食架... 教 master 喎... 唉... 不知所謂.

早了離開, 返hall, 自煮自食, 看完林詠琛的《花見》.
第一次看她的書, 不錯.

見到和之前一篇名為《愛上一個人的7個預兆》相似的文章.
不過今次是111個預兆.
非常 detail, 十分準確.
大家可參考參考.

1. 見到佢果陣會心跳加速
2. 口齒突然間變得好唔伶俐
3. 經常發呆
4. 人地無話打俾你，你又響度猛等人地電話
5. 當佢響你視線範圍之內，你會扮睇唔到佢
6. 當佢離開左你視線範圍之內，你就會勁望佢去左邊
7. 見到佢開心，你自己都會暗地裡開心
8. 出完街之後，好想送佢返屋企
9. 一班FRIEND食飯果陣時，希望有意無意咁坐響佢隔離
10. SEND SMS俾佢果陣時，會好介意自己GRAMMAR有無錯
11. 當佢唔舒服果陣，你就會勁叫佢睇醫生（但係自己平時病果陣又唔會睇）
12. 個個都可以睇你張身份證，除左佢之外（智能ID咭另計）
13. 好想佢送D野俾你，乜野都好
14. 成日留意佢既言行舉止，睇下佢係咪對你有野
15. 若果見到佢同異性傾計果陣，你會想知佢地會傾D乜
16. 成日發夢都夢見佢
17. 若果發覺大家著左D好襯既衫，你會心裡暗叫「妙﹗」
18. 不斷打聽佢既拍拖歷史
19. 會介意佢去完旅行返黎無送手信俾你
20. 趁佢背住你果陣，即時猛望佢背脊
21. 佢叫你做乜都即刻做，好聽話
22. 偷偷地幫佢執手尾
23. 響手機度禁佢個名或者佢D相出黎睇
24. 同佢既FRIEND變得好FRIEND
25. 成日去佢經常出沒既地方流連
26. SEND SMS之前之後都會不斷返睇自己SEND左乜野俾佢
27. 主動借D書、碟俾佢，製造再見既機會
28. 就算佢響你隔離，你都會成日掛住佢
29. 行街見到佢鍾意既野都會有奇妙既感覺
30. 響街度聞到佢搽果種香水（或洗頭水、番梘味），會即刻好緊張
31. 就算你有幾唔得閒都會應承佢出去
32. 用133打俾佢，佢一「喂」就即刻收線
33. 無情情想嗌佢個名
34. 唔敢走去佢附近
35. 習慣每晚都會睇佢個BLOG
36. 唔想俾佢知道你有男/女朋友
37. 成日開MSN或ICQ既HISTORY回味一下
38. 會深入研究佢所有喜歡既野（就算自己一D興趣都無）
39. 好想講自己既野俾佢聽
40. 佢講乜野你都會信
41. 見到佢父母會特別拘謹
42. 講野前會PLAN定一大輪
43. 兩個人獨處時候有DEAD AIR會感到十分尷尬
44. 會記住晒佢鍾意食咩呀、唔鍾意食咩呀，諸如此類
45. 經過佢屋企時候會望上去或者響下面停一停
46. 一起身張開眼就會即時諗起佢
47. 製造無理要求，睇佢有乜野反應
48. 想知佢鍾意邊一類型既異性
49. 佢做任何衰野都會幫佢搵藉口
50. SET佢張相做電腦WALLPAPER
51. 不論內容係乜，SAVE晒佢俾你既SMS
52. 任何關於佢既野都要KEEP
53. 會響紙上面不停寫佢個名
54. 成日自己估人地對你有無野
55. 每次就算有正經事搵佢，都會自己緊張一番
56. 想佢欠你D野（反而佢還左俾你會唔舒服）
57. 覺得佢梳乜野髮型、著乜野衫都係OK既
58. 唔想聽到佢同佢女/男朋友傾電話
59. 佢一講野果陣就豎起耳仔，但係又扮成唔係聽佢講野
60. 好想度下佢高你幾多
61. 同FRIEND講起佢果時，會用花名或暗號
62. 唔敢送太貴重或者太大件既禮物俾佢
63. 因為諗起佢，行行下街都會無啦啦笑左出黎
64. 搵機會同佢合照
65. 會刻意同佢鬥嘴
66. 會留一D問題性既SMS俾佢，等佢一定要覆返你
67. 若果佢讚你靚果陣就會KEEP住呢個LOOK
68. 買D有佢個名既野
69. 同佢MSN果陣，若果佢覆得唔快，就會好失望
70. SEND俾佢既聖誕同新年SMS會同其他人唔同
71. 覺得佢好叻
72. 人地講佢壞話既時候絕對唔會加入
73. 同朋友講起佢既時候會覺得好爽
74. 搵機會度下你隻手大過佢隻手幾多
75. CHECK下自己星座同佢夾唔夾（尤其響網上成日玩配對）
76. 討厭佢所有討厭既人
77. 唔介意望到佢既腳趾
78. 佢生日既時候，唔會買一D人人都知道佢鍾意既禮物俾佢
79. 唔捨得熄電腦，怕佢隨時ONLINE
80. 想見佢，但係見到佢又會覺得好辛苦
81. 同佢講野時候會壓制自己既面部表情（反而搞到個樣唔知想點）
82. 許親願同玩親乜野占卜都係同佢有關既
83. 唔會介紹靚女FRIEND俾佢識
84. 借D意同佢SHARE野飲
85. 同佢搭巴士果陣扮訓著
86. 搣花瓣
87. 乜都幫佢頂
88. 唱K果陣扮晒話無男/女仔陪你唱合唱歌，逼佢同你唱
89. 送野俾佢唔留名
90. 突然間對所有異性失去興趣
91. 人人講緊一D情情塔塔既野果陣都覺得講緊自己
92. 覺得若果同到佢拍拖，一定會好幸福（就算佢同你唔熟）
93. 覺得大家都OK襯既（就算身邊人人反對）
94. 連續打兩個乞嚏就覺得「佢一定係掛住我」
95. 少少野就話自己好唔舒服，睇佢有乜反應
96. 同佢去完街返屋企會勁重溫同佢相處既片段、說話等
97. ENJOY人地誤會你地兩個有野
98. 逼佢同你有單獨相處既機會
99. 響同一場合，佢唔走，你唔走
100. 著得靚果日，好想響街上撞到佢
101. 見到佢ONLINE，等佢同你SAY HI先, 若果佢唔應你，你會勁灰
102. 唔小心同佢有肌膚之親，都會即刻有觸電既感覺
103. 每次同佢單獨坐車既時候，感覺都好似去旅行
104. 就算唔係去果度都特登話係，等佢可以順便車埋你
105. 佢借D小野俾你，你都會KEEP起佢唔還
106. 對佢特別小氣
107. 特登俾佢知道你有人追
108. 經常對自己既言行舉止好後悔
109. 希望佢同佢女/男朋友嗌交
110. 人地問你係咪鍾意佢，你會答「痴線﹗」
***111. 如果你一路睇/聽呢段野一路諗起一個人既時候…啊~你鍾意左佢

>>October 12, 2006 at 5:52:12 PM GMT+8

2006 年 10 月 10 日 星期二 【晴】

上九半堂, 不是大問題.
最要命的是根本不知道那堂課到底為了什麼.
聽著mp3, 放慢腳步往課室走去,
為的是多聽一首歌.
否則, 4小時的課會很難捱.

好不容易到中午,
和浩去南山食 lunch.
print notes, 找工作, 三小時很易過.
上完CCIV, 幫 Janet 取 notebook, 再做錄音功課, 7點多.
收到電話見工,
下午才寄出的信, 效率其高, 明日就可以 interview.

錄完音, 和秋強去荃灣他家放回他姐的喜帖.
秋強媽很好客, 雖然我不太聽得懂她的廣東話...
兩碗熱湯, 兩菜一湯, 都不錯.
看秋強中學時代和小學的照片,
他的造型笑死我了...

吃過飯, 我們去幫釗釗物色糖果,
作 promotion period 的紀念品.
回到 City 已是10點多.
上 Soc 房, 再到 lecture 找釗釗.
將物資和一瓶寶礦力交給他.
他又感動了.
回頭看到他在門口徘徊了一會,
不入 lecture, 他好像又想哭了.
穿上西裝的他很成熟,
沒想到他是一個如此感性大男孩呢.
秋強說若果每人送他一支寶礦力,
他不哭死才怪.
哈, 有道理.

緩緩走上山邊小徑.
平日孤單的路, 有人陪著, 變得容易走.

昨晚的夢太恐怖了.
沒想過太久沒做夢,
一做就是惡夢.
驚醒的一剎, 仍留有餘悸.
畢竟太真實了.

要做個好夢.

>>October 11, 2006 at 6:43:16 PM GMT+8

2006 年 10 月 9 日 星期一 【晴】

肚痛了一天.
間歇性的陣痛...
兩小時 lecture 睡了一半, 走了一半.
吃過東西還是很痛.
最近身體都好像不太好.
昨晚進步了,
早半小時睡, 3點半.

第二堂 lecture, 魂遊了半小時.
不過算進步了,
比起之前魂遊1個半小時.
真的好喜歡倣白日夢.

今晚很勤力, 好久沒試過乖乖的坐在書桌前用功了.
做 translaton assignment, 看 cultural studies 的 notes, 預備明日錄音功課的五篇新聞, 做韓文功課, 預備 week 8 CCIV Present.
一個晚上我竟可以做這麼多東西,
連我自己都覺得不可思議...
原來, 有些事只要有心, 就可以做到.

當然, 不是所有事都可以.

>>October 10, 2006 at 5:40:34 PM GMT+8

2006 年 10 月 8 日 星期日 【陰】

今晚和 Jolly 玩煮飯仔.
煎豬頸肉, 蒜蓉白菜心, 白飯.
好有住家 feel.
星期日為 Jolly 糖水日,
我要食椰汁紫米露!!

食完飯, 又傾心事.
轉眼三小時.
返回自己房,
聽聽歌, 做功課.
之後上天台洗衫.
慣性吹吹風, 看看夜景才走.
陪我的有秋強和 Frankie.
秋強的歌藝... 真的不敢恭維...
又走音, 又忘記歌詞...
不過開場白該是真心話吧.
明年今日... 明日的事也不知道, 何況明年?
友誼永固.
以前我覺得這是一句用來寫紀念冊的「行貨」,
可是, 那一刻我真的這麼希望,
友誼永固.

2006 年 10 月 7 日 星期六 【晴】

原定BBQ搞不成, 石澳沙灘只有4個人,
呆坐沙灘2小時,
最後到尖沙咀開飯局.

多少有點掃興.
有些事, 做不到便不要答應.
之後還要玩失蹤,
浪費時間, 人力物力.
好乞人憎囉.

不過, 之後都見到大家,
還好啦.

去尖沙咀食巴西燒烤.
之後去海旁吹海風, 傾心事.
我喜歡這樣.
寧靜的夜晚, 緩緩海風, 吐出一段又段心事.

凌晨, 最喜歡的時間.

2點, 步行到佐敦食糖水.
3點, 走在幾乎無人的彌敦道.
沒有平日的人群,
街道變闊了.
由佐敦至旺角,
沿路都是回憶.
將昨晚寫進腦中,
多了一個回憶.
這條彌敦道, 記載太多了.
和誰走過, 何時走過, 都記得太清楚.

4點, 到達旺角.
乘坐熟悉不過的N293回家.
差點睡過頭了.

5點, 踏入家門.
6點, 上網 check email.
6點半, 昏睡10小時.

　型男 Os9car

　KCR三怪客

>>October 8, 2006 at 12:48:05 PM GMT+8

2006 年 10 月 4 日 星期三 【晴】

星期四, 既愛且恨的日子.
愛的是有一星期一次的 SI simultaneous interpretation.
恨的是有一課不知所謂的developing interpretation skill... 又名中學英文...
那位阿嬋十分 funny,
以為自己教中學都算啦.
臨落堂20分鐘才放 break 都算,
最神奇是要我們做 sight translation 不派原文,
懶醒用 projector.
沒有稿我怎麼記下什麼位置斷句?
她還要說一句︰「各位同學, 拿筆出來, 我們拆句.」
吓? 寫去邊呀? 寫去個screen度呀?
低B.
臨落堂15分鐘才做了一次翻譯.
之前70分鐘做了什麼?
在解釋他媽的英文 vocab.
去你的 developing interpretation skill.
改名叫 developing ENGLISH VOCABULARY 好了.
真係好鬼憎上呢堂.

早上 sit 完 韓文有一個小時 lunch.
星期四例牌找不到人陪我食 lunch.
無所謂啦, 自己一個食囉.
食完還有45分鐘才到下節課,
於是隨手拿起張廢紙寫寫東西.
寫著寫著, 竟寫出一封情書來.
看了很多遍,
也不明白為什麼我會寫得出來.
不過, 寫出來, 好像終於舒了一口氣.

晚上約了 Jolly 去中秋晚會.
隨便逛逛.
看到燈謎但不想動腦.
寫了一張毛筆字.
不過覺得字太醜,
還是扔掉了.

之後上了 hall 7 的天台和 Jolly 傾心事.
空氣很好, 景色也很美.
好想大叫.
「xxx 我好鍾意你呀」
當然最後沒有這樣做,
怕嚇壞下層的同學啦.
下次要上山大叫.

在天台坐了一會,
吃了4份1個月餅.
因為 Jolly 的一句「急屎」,
嚴重破壞氣氛... 走了.

或者我不該太執著.
有些人, 有些事放得太大,
會讓我忽略了更多.
我真的不該看得太重.


打晒出黎, 舒服晒.
又4點, 睡了.

>>October 5, 2006 at 7:52:55 PM GMT+8