2003 年 5 月 18 日 星期日 【雨】

終於考完會考喇！好開心呀！時間過得真係好快！
由開頭好驚到而家考完，都好似過得好快！
雖然好似唔係考得好好，但我諗唔會肥佬呱！
好希望可以升番上觀中呀！
人生第一個考試終於完結，心情當然開心，但都好緊張！
因為擔心成績唔好，冇得係原校讀中六！
唉！算吧，管不了那麼多了，考完就算！係咪？
不過我真係好驚，點算？唉！我這個人真是麻煩！
唔諗喇！唔諗喇！諗到人都顛！
盡情去享受依三個幾月啦！（不過通常都要做ｏ野！）
試就考完喇！咁即係話唔駛再去自修室！亦再見唔到夫人lu！
記得有一次佢坐我隔離，然後見到門口有個細路仔看來看去！
跟住我突然望ｏ下佢，發現佢同個小朋友都一樣咁．．．．．
唔知總會唔會見到佢呢？
突然覺得ｏ係自修室見到既人都好似一個既熟識又陌生既朋友！
因為每日都見到同一班人，但又唔會傾計，個感覺好怪！
哈哈！不過無所謂啦！反正都唔會再成日見面啦！
唔．．．．現在應該好好諗o下依幾個禮拜做什麼好了！
啊！我諗到喇！就去睇<六樓后座>啦！
真係好想去ｃａｍｐ，但好似攪唔成．．．
因為好多人都好似唔去得，不過我仍然存有希望o架！


>>May 20, 2003 at 9:39:33 AM GMT+8

2003 年 4 月 28 日 星期一 【晴】

還有兩日就會考，好緊張！！
朋友們，要努力啊！
為了18/5之後既歡樂，今日就要加油！
送上無限的支持&祝福！
今日o係英皇見到"第一夫人"(前身係底褲人)
太過份喇，竟然話我鐘意佢？
你o地錯哂喇！其實我鐘意既人係.......
係Amy啊！！Amy你永遠在我心中！
記住係"在心中"！！！哈哈！
我愛你，Amy仔！(唐唐死心吧啦！)
都愛你，肖玲妹！
最愛你，俊俏的爺爺！
我愛我的發夢連理樹！


>>April 29, 2003 at 4:13:48 PM GMT+8

2003 年 4 月 26 日 星期六 【晴】

Seven生日快樂啊！希望你今日快快樂樂啦！
我o地要比心機考好個會考！！
媽媽今日就返o黎，好開心啊！
昨晚由於太過想念媽媽，
我在房中竟偷偷隱泣，死未？
我真係名副其實既喊包！
老實說，我同媽媽既感情真係好好
就好似朋友咁，所以我好愛媽媽
不過.......我想..........
如果媽媽同爸爸一齊去，我反而唔會咁！
我覺得我唔係好識同爸爸相處
我知佢係錫我.....
但係.......唔知點講呀！好煩！
媽媽快D返就好喇！
我既讀書狀況依然冇起色......
好傷心.......好擔心......


>>April 27, 2003 at 3:15:27 AM GMT+8

2003 年 4 月 23 日 星期三 【晴】

媽媽去了澳洲，27/4先返o黎
只剩下我和爸爸，好唔慣！
好掛住媽媽，好想媽媽快D返！
希望媽媽小心D，唔會發生什麼事！
會有個愉快旅程！
Amy，我應承你我會專心溫書，唔再周圍望人
專心一志，絕不旁騖。
無論邊個坐係我隔離，我都唔理！
只會留意本書！相信我！
我一定做到o架！至少今日就做到喇！
哈哈！我一定會叫o個個人幫襯洛奇！
我又痴線喇！！


>>April 23, 2003 at 5:39:02 PM GMT+8

2003 年 4 月 18 日 星期五 【晴】

以下的一篇文章是一個朋友仔既info
覺得好正，所以抄下來！
多謝o個個朋友仔畀我抄佢個info！

戴上那可悲的面具,
以虛假的笑面迎人.
只懂得在面具下生存
只懂得如何罩住傷痕
何以極度傷痛
依然笑說"我沒事,放心"
依然有說有笑,像沒有發生任何事
痛苦,一個人承擔
活於只有自己的世界裡,很痛苦,很痛苦
寧願放棄真我,戴上面具,走進不屬於自己的世界裡
活著虛偽的生活,背棄自己的情感思想
面具,只能遮掩外表,
內心,如常痛苦無奈...
心中苦,有誰知?


>>April 19, 2003 at 1:39:54 PM GMT+8

2003 年 4 月 18 日 星期五 【晴】

還有兩個禮拜就CE喇！
但我溫書仍然好似Amy話齋似隻龜！
我都好想好似詠文隻龜咁行快D！
之不過..........好似有D困難.........
點算？........
唉！點解自修室成日都見到o個個人o架！
我知道我係誤會o左佢
但每次見到佢都諗起o個件事...
真係好好笑！
希望佢唔好再坐我隔離啦！(不過又好想問清楚佢喎！heehee)
留低o個個袋既人真係過份！

>>April 19, 2003 at 1:22:50 PM GMT+8

2003 年 4 月 16 日 星期三 【晴】

世事如奇日日新
為何我就世事如奇穫穫甘？
救命！點解係自修室都執到 D 咁o既o野
好彩冇聽o向講帶返屋企，然後畀返佢，唔係瘀死！低B o架！
我最後拎o左個袋野畀counter處置。明智決擇！哈哈！
今日見返個男仔，但個袋仍然o係counter
即係話個袋唔係佢o架啦！
咁就好彩我冇自作聰明o者！
唔係畀佢笑死！
幸運是我！！！

>>April 16, 2003 at 6:12:12 PM GMT+8

2003 年 4 月 16 日 星期三 【晴】

親愛的朋友，想對你說三個感謝

第一個謝謝你讓我走進你的生命，作你的朋友
或許我不是你最精彩的，但是我會盡力做到最好

第二個謝謝你願意走進我的生命，扮演朋友的的角色
或許你不是最好的，但卻是我生命中最精彩的

第三個謝謝你這一路走來，很多的包容，安慰，關心，用心
所有的深刻都在你給我的回憶裡


>>April 16, 2003 at 5:38:22 PM GMT+8

2003 年 4 月 13 日 星期日 【晴】

溫書仍溫得很慢......有什麼辦法呢？
思緒混亂，怎去平復？
算吧，不理會了，只要還有鬥心就是了！對嗎？

爸爸媽媽去了大陸，只剩下自己一人。
沒有什麼不慣，很自由呢！
我又傾電話傾天光喇！
真係要"特別鳴謝"我的好友！

我的白馬王子是怎麼樣？
我喜愛黑馬王子多D喎！哈哈！
其實我邊有權揀白馬王子o丫！俾人揀就有
所以我真係冇點諗過依個問題。
還有現實往往和想像不同的，
因此為免令自己失望，都係唔諗咁多！
唔知D朋友仔既白馬王子同白雪公主又係點o既呢？



>>April 14, 2003 at 5:57:59 AM GMT+8

2003 年 4 月 11 日 星期五 【晴】

Mock D成績終於出o左，某D科真係好唔掂，
猶其係英文，點算好，雖然話Mock 只係一個練習
但我連依個練習都做唔好，咁點上戰場，實死啦！
真係好唔開心，好冇心機呀！個心越o黎越慌，
我明白我唔可以咁頹，唔可以畀Mock影響到情緒，
但真係控制唔到自己既恐慌，成個人都變得好急燥，
有一種「坐這山，望那山」既感覺！
心裏難受，真是悲哀！只能說句我命該如此罷了！
Maggie，多謝你呀！睇到你個留言，我好感動！
感動的是你的安慰，你的鼓勵！我一定會努力o架！
Road to F.6 together ！

10/4終於過去了，影了頗多相，如果唔係Mock影響，我一定開心死！
不過o個日又幾好氣氛既，冇嘜傷感充斥！
咁又畢業喇！時間真係過好快，快得好像昨天才入學，今天就畢業一樣！
好唔捨得。唔知道九月總可唔可見番所有朋友呢？
真係好想有多兩年觀中生活，希望依個願望可以實現啦！
無論點都好，盼望我所有的好朋友都可以開心過每一天！
珍惜彼此相處的日子！
珍惜身邊所愛的人！
加油呀！我所有的好友！


>>April 12, 2003 at 7:49:54 AM GMT+8