2005 年 1 月 7 日 星期五 【晴】

好開心可以同彼得講咁耐野呀。

因為佢好忙0既原因，我已經好耐冇同佢玩過icq。

今日我見到佢之後，就同佢交換近況。

都幾掛住佢gei，因為平時同佢講野好容易，但係依家想搵佢，真係十分之困難呢！

同佢講我遲d會做乜時，佢好支持我。
我一定要多謝佢成日都咁支持我，又成日都會幫助我。
上年好多時都係因為有佢0既幫助，所以我先未死。

我好想佢地快d番來，咁我地又可以一班人出去玩啦。
我都係習慣同佢地出去玩。 ^^~!

哈哈~~~聽日又唔知訓到點先起身。

>>January 7, 2005 at 4:49:24 PM GMT+8

2005 年 1 月 6 日 星期四 【晴】

新的一年............

冇野做，又唔洗番學，真係悶死我啦。

話就話我有好多書看，但係都有limit架。

我好開心咁發0左一個好夢。我見到我同一個朋友一起去行街，而我地又可以乜都做，真係太開心0既事。

又好奇怪地見到亞添，跟住我同佢玩得太過火後，佢俾亞哥罵，真係慘。

仲有好多其他野，但係我都唔記得lu。

>>January 7, 2005 at 3:52:05 AM GMT+8

2004 年 12 月 30 日 星期四 【晴】

哇哈哈~~~~~
今年最後一日啦。
估唔到咁快又一年......

今年發生0左好多野，有好都有唔好。
對我來講，今年十分之唔好。
雖然得到d我冇expect過會得到0既野，但係都失去0左d野。

呢幾日成日都陪伴公公婆婆佢地，我發覺我唔係一個會陪人0既人囉。我係去左好多地方，不過我想自己一個人0既時間多。我平時都唔好見佢地，但係都唔知點解我都咁唔會珍惜呢d時間。

同朋友講我0既感受，佢開解我，但係我都係覺得自己好衰囉。
今日佢地上左機，我覺得亞媽一定會好唔慣。
我相信佢會好掛住公公婆婆。

唔知新一年會點呢？

>>December 31, 2004 at 2:38:28 PM GMT+8

2004 年 12 月 17 日 星期五 【晴】

琴日係一個好好0既一日。

我同二佬都訓到好宴先起身。跟住我洗衫同洗碗。

大約三點我澡涼，準備出門口。我搞掂晒之後，二佬先同我講佢要去澡涼。
xyz.........咁遲先同我講。

我地仲要去買野飲。當我地買完野，可以去接人時，已經好宴啦。
Lily同佢個朋友同Billy跟我地車，我地去到後係遲左囉。

食物好好食。我地真係好感謝所有為我地煮左野食0既弟兄姊妹。
食完之後我地有我地0既感恩晚會。
每個人都要講佢地今年為乜而感恩。

真係都好感謝神，今年我同亞爸親近0左好多。因為年中時，當亞爸過來，我冇點陪佢囉。但係上次我可以同佢一齊做運動。我同佢又多0左d相處0既時間。關係多少都會好0左囉。
仲有好感恩係我同亞哥d關係都好0左。我發現大佬其實都好錫我。嘻嘻~~~

加上我都唔知點解我呢個基督徒要d唔係基督徒0既人同我講看聖經呀，pray呀，等等，0既事囉。唔係alex叫我繼續看bible架話，我依家都一定仲未出到埃及。我依家就快看完利未記啦。
仲有，我媽咪有時既然會叫我去pray囉。真係好感恩神0係我身邊安排0左咁多幫助我0既人。就算佢地信好，唔信都好，但係佢地對我都有好大0既幫助。

哈哈~~~估唔到二佬會講d我唔expect佢講0既野囉。不過我想佢今年都應該真係好多要感恩。我就唔講有乜啦。想知就自己去問佢啦。

成個感恩晚會我地都聽到好多唔同0既感恩。如果我地唔係認識0左神，得到神應許0既救恩，咁我地依家一定係好唔同0既人。雖然今年我覺得係好辛苦0既一年，因為太多事發生0左，但係都感謝主俾到呢d野發生，好叫我地從發生0左0既事情中去學習。我的確係學到唔少野。最開心就係學會去愛人。平時自己好自我中心，但係當你一開始去愛人時，你會時常想著另一個人。"佢依家好嗎？會唔會好忙？有冇照顧好自己？"等等0既事。

好多野係唔會跟你想像0既一樣，但係神一早為你安排0既路，你跟隨主，咁就一定唔會有錯。

>>December 18, 2004 at 5:49:05 AM GMT+8

2004 年 12 月 13 日 星期一 【晴】

哇哈哈~~~~
就快可以放假啦~~~
番ma聽日就唔洗番lu

下個星期四，公公同婆婆都會過來。
我地可以周圍玩啦。

依家番工又係冇乜野做，所以又係坐0係度發呆。今日大多數都係入data entries，之後都冇做過d乜啦。

Alex好似好多野做。平時可以send好多野email俾我，依家都冇乜。不過佢都有話依家幾多野要做，所以我都叫佢俾心機d做野架啦。

依家唔係番工，就0係屋企悶。真係都幾無聊..........

等多一個多月啦，d人就會番來，咁我又可以玩lu。

今日放工後幫亞媽做0左一d野。唔係容易0既事呀!不過唔係我做架話就係只有亞媽自己做，但係佢依家又做唔到。哈哈，一陣又會好早就去訓覺。

懶得繼續打............

>>December 18, 2004 at 5:49:29 AM GMT+8

2004 年 12 月 4 日 星期六 【晴】

今日都算做得唔算少野啦。
洗衫，搞泳池，之後仲有同二佬一齊做花園。
同二佬玩得幾開心呢。嘻嘻~~

就快又一年啦。時間過得真係快。
雖然今年真係唔係太好，不過都讓我學0左唔少野。
最緊要0既係我搵到一個我愛死0既人啦。
0係佢身上的確學會點樣去愛人。

今個星期係有人工收0既星期，我只希望我真係可以有人工收。已經等0左一個月啦。
我依家窮到死啊。

哈哈~~~大佬番0左去咁耐我好似琴日先聽到佢把聲。
真係唔多覺佢唔0係呢邊。可能我平時都已經唔多見佢0既關係。

剛才出去做花園時，俾蚊咬0左好多次呢。 o(>.<)o

開始眼訓，但係連晚餐都未食..............
d lasagne快d得啦。我好肚餓呀!!!!

>>December 5, 2004 at 11:34:23 AM GMT+8

2004 年 11 月 29 日 星期一 【清涼】

哇哇~~~~~今日熱到傻呢!
都唔知點解依家會一年比一年熱gei................
今日都真係好幸運地可以坐0係office度做野。
真係都要感謝神俾我有呢個opportunity去做admin工。呢份工真係得來不易啊!
有Iris幫我得到呢份工，所以好珍惜呢份野。
雖然我仲有好多野唔記得，但係可以話都ok la。

今日好開心可以見到bin啊~~~
佢今日搬屋，所以有d弟兄姊妹去幫手。
我因為要番工所以幫唔到，但係放工後我有二佬車我，所以有機會見到bin啦。
哈哈~~又一個住eastwood0既人啦。遲d有乜問題走去eastwood就得囉。
我地同Jinny傾0左一陣計後就去0左食飯。

一齊食飯0既有Ricky, Chris, Billy, Eric, Kristy, Gail, Andrew, Cathy同我。
我地去食Vietnam河粉。之後又去食雪糕~ ~^^~! 真係好正架!!
食完後好飽。呵呵~~~~今日真係開心呢!!!

聽日bin就番香港啦。希望佢會有一個開心0既假期啦~

番到屋企仲遲過alex，哇哈哈~~~~

出面涼過裹面好多。真係要開多d window。

唉~~~
聽日又要好早起身添.......................

>>November 30, 2004 at 3:34:40 PM GMT+8

2004 年 11 月 24 日 星期三 【晴】

今日真係好鬼死忙囉。
都唔知點解一開始時係冇野做，但係放工前就一定勁多野做。。。
我忙到最後差d唔記得仲有乜要做呢。

我好開心可以幫到二佬做野呀。雖然好慢，但係我同佢都完成0左那樣野。
聽日好似係乖姪女做pic喎，咁我一定要出現啦。
yee,聽日debra同cedric番香港啦。
唉~

星期六可以見到Eunice了，真係好開心囉。因為我已經好耐冇見過佢啦。
真係好想星期六快d到。

>>November 25, 2004 at 11:32:27 AM GMT+8

2004 年 11 月 23 日 星期二 【陰】

依家成日都番工都幾好呀!
有錢跟住d時間又過得快d，真係好好囉。
每日都要好早起身。但係都不錯，因為我就算唔洗番工都唔會訓到咁宴。

呢幾日唔係好多野做所以真係坐著等錢收。嘻嘻~~~

今日同debra出0左去食飯。好開心我可以同佢一齊有d時間傾計囉。平時唔係佢忙就係我忙，我都冇乜點同佢傾計啦。

Debra星期五就會番香港，真係唔捨得。

>>November 24, 2004 at 12:20:35 PM GMT+8

2004 年 11 月 15 日 星期一 【雷雨】

哈哈~~~
星期六同乖姪女慶祝生日，星期日都係，琴日終於係佢0既正日。
出0左去用0左好多$$$$，不過遲d有income時咁我就唔怕啦。

琴日好搞笑，我見到亞Chris俾亞Liz笑佢，笑到佢面都紅晒。哈哈~~~~

Alex琴日同佢媽咪慶祝生日。佢番工好似都幾忙。咁就好啦。見佢平時好似好得閒，琴日忙d係好事呢。

哈哈~~~~今日去食buffet。俾Ailsa叫0左去。不過都好，可以看戲呢。呵呵~~

同佢地出去食野，跟住仲係亞Chris俾錢添。今日食0左兩個鐘午餐。嘻嘻~~真係都幾唔應該。食到好飽呢!之後個個人都好眼訓，但係又唔知點解會多0左好多野做。到最後我都未做完野就比亞Liz叫我走。

今日我好乖啊。當我坐巴士時，我有看聖經呢!比Alex話過我仲乜唔看後我就又開始看了。
我決定我一定要finish出埃及記。

聽日又唔知會點啦..........

哈哈，原來彼得走0左後對我唔係好大影響。不過都因為我最近忙碌罷了，遲一些時間我一定會勁掛住佢囉。

唔打啦。太懶惰~~~~

=_=

>>November 16, 2004 at 10:41:39 AM GMT+8