2008 年 7 月 12 日 星期六 【晴】

往事只堪哀,對景難排

無野做, 遊手好閒, 人就會容易多愁善感, 胡思亂想
覺來雙淚垂, 往事已成空,還如一夢中...

和現在的落魄相比, 下意識地, 不斷美化過去的自己...
回想往昔種種快樂的歲月...也回顧了自己往昔所作的, 種種錯誤的, 不成熟的決定...
為什麼世界如此扭曲~~~為什麼生活如此無力~~~為什麼我是一個這樣的傢伙呢.

真係唔知點解, 上年既自己, 仲係非常既樂觀...
但今年, 就好似比種種不開心既事打沈哂咁...謝哂
對生活既種種, 三成仲係好豁達, 但心態上, 明顯同以前唔同左...
而家係唔睇, 唔理, 唔諗, 唔搞~~~完全係一種逃避既態度...

林花謝了春紅, 太匆匆...對不停流逝的歲月, 三成只是感到十分無力
可以進步的空間愈來愈少, 變化也愈來愈少.
就好似用沙石砌左一層好核突既樓咁, 係核突, 但要你推倒哂成座野, 由頭再砌過
就需要有好大既決心, 同勇氣.

如果人生係一隻game, 三成而家最想做既事, 就係load save
三成覺得, 自己欠缺既一樣野, 就係執念...
咩都無乜所謂咁...什麼事也要簡簡單單, 唔使麻煩~~~

除了考試這類正路要努力的東西外, 三成的生活一直很hea...

一方面, 現實的沈淪令三成不斷地否定現在的自己~
但另一方面, 渴求進步的心又逼令自己去奮發~~(雖然所謂的奮發也只是看些英文書...背生字, 背下詩等自己認為有點意義的事...)

對, 三成的心的確是扭曲了~~
希望, 可以盡快找到新的工作
工作只是其次, 更重要的, 是找回對生活的自信, 和對自己的肯定
自己製造出來的扭曲, 由自己來斬斷!!

>>July 13, 2008 at 7:30:09 PM GMT+8

2008 年 7 月 10 日 星期四 【晴】

沒Interview, 沒工返, 什麼也沒有的日子

兩個字, 頹喪

天公不造美, 夏雨連綿不斷, 想出去走走也不行.
整天在家遊手好閒, 打機, 上網, 重溫經典小說
日子不是過得不爽, 但, 是否就此一直遊手好閒地, 無止境地, 頹喪地生活下去?

生活的不安, 源於對未來的恐懼...
沒有工作, 不知何時有工作, 不知何時會有電話響起叫你interview~~~
interview 過後, 不知人家會否聘請你
聘請了你, 不知自己能否適應新的工作環境
一切不可知的參數構成了龐大的生活壓力

玩樂只是逃避, 不斷的逃避過後, 返回了現實~~
便開始感到不安及害怕, 因為不知道這樣的生活會持續到何時~~
有工作的時候想放假, 放假的時候想工作..

三成也不是真的想返工, 只是希望盡快得到一個日期...
一個脫離失業大軍的日期

最好, 有人call 我, 同我講: 我地已經請左你, 8月先返工~~~
咁就最perfect~~~

>>July 13, 2008 at 6:50:47 PM GMT+8

2008 年 7 月 8 日 星期二 【晴】

舊同事飯局

離開舊公司不知不覺已有接近個半月了(豬吊: 也就是說你已失業了過半月...)
但也有和舊公司的同事保持聯絡~~~

有打來求救的, 有無聊吹水的...
現在回想, 三成的工作能力很大部份也是建基於對公司系統的熟悉及運作的了解之上.
離開了公司, 便什麼也不是~~~Madao 一名.

本來打算去加利福尼亞食Pizza, 但下午打去訂位時, 已full 了.
訂唔到位之下, 最後無奈去了金不換吃泰國菜.

邊吃大家也諸多抱怨, 邊吃邊抱怨菜少價貴...
看來大家也很錫住荷包, 和王Dull 他們吃飯時, 叫菜則放很多...
叫上一碟1,200 元的菜是等閒事~~~

大家閒聊時, 同事們說到近期三成成了本team 最佳的頭號代罪羔羊
不少獲野也推到了三成頭上~~~反正人都走了, 死無對證~~

雖然三成是沒什麼所謂...但...這種事還是別告訴我的好~~~

>>July 12, 2008 at 5:19:25 PM GMT+8

2008 年 7 月 6 日 星期日 【晴】

疲累的 interview +7.7 紀念日

晨咁早要去灣仔 interview...但夜晚又訓得唔多好~~
唔知係唔係慣左夜訓~~~典到超夜先訓得著...
經過一個多月來的努力, 三成已經訓練成完美的Madao...唉...希望快些找到工作吧

每次interview前 都要填一大堆東東...很累人
填表填到10:00, 之後一口氣in 到 12:xx...

in 了兩個多小時...希望有機會吧~~
但每次覺得有機會時, 通常都會收皮...

回家小睡~~~
夜晚便出席死天王的衝出港島活動~~~
吃了百多元的韓燒, 食物還不錯...

對兩星期後的遠征充滿(!?)期待...希望會好天吧

>>July 10, 2008 at 10:42:52 AM GMT+8

2008 年 7 月 5 日 星期六 【晴】

最後的李苑之戰

本來約左Janice 佢地去沙灘暢泳, 奈何天公不造美...
話說回來, 到底那些雨何時才會下完???
雨天真的很討厭....

結果, 最後和豬吊去了李苑打牌.
不夠腳, 找來了不太愛打牌的Kenji, 結果條友打到訓著左...
無乜隱...

牌局結束的同時, 李苑正式淪陷...
下周向新李苑進發.

>>July 9, 2008 at 9:45:03 AM GMT+8

2008 年 7 月 3 日 星期四 【晴】

見工 + 飯聚

罕有地, 到南區見工~~
完全唔識路~~~
上網查地圖, 答巴士, 留意幾時落車, 都要一步一驚心咁

無計
人生路不熟, 真係一失足會成千古恨

又係要填一大份野...
寫到一半就無心機...直情要你作文...

有時太依賴電腦, 係電腦打文, 可以好流暢, 靈感源源不絕
但用手寫時, 真係一粒字都好難先偶到出黎

電腦有spell check, d 字可以憑讀音同大概印象就打到出黎.
但, 到落手寫時, 先發覺有好多字唔記得...

結果~~唯有出貓, 偷偷打電話俾kathy 叫佢幫我查字~~hahaha

但間office 感覺上好霉...麻麻地的說

和大學同學們的聚餐, 都是偏向貴的那類...
始終不明白, 他們並不是高收入的一群, 為什麼可以把這麼多錢用在吃喝玩樂之上?

今次的韓式食品~~承惠300大元
相較起來, 三成較喜歡那些付百多元便可以任食的.
當然, 食物質素會有差距, 但這差距絕對是可以接受~~~

短期內不會有人生日, 相信出血行動可以暫停...

>>July 9, 2008 at 9:34:55 AM GMT+8

2008 年 7 月 2 日 星期三 【晴】

7 月 3 日
在家發呆

為什麼...08年都是些痛苦的事呢...
被利用, 包豬吊自摸, 被傷害, 包豬吊自摸, 失業, 包豬吊自摸, 股市狂瀉~~~包豬吊自摸
呀呀呀呀呀呀呀呀呀

三成已在不幸的螺旋樓梯上爬了很久了!!!
命運!!!這該死的可惡命運!!

也許, 三成已身處絕望的黑暗深淵
也許, 三成的命運已扭曲得不成樣子

但三成是不會認輸的~~
永不放棄, 只要努力, 積極地面對種種不開心的事~~
總有一天, 會遇上好事的~~

扭曲的命運, 由我來斬斷!!!!

>>July 5, 2008 at 6:07:23 PM GMT+8

2008 年 7 月 1 日 星期二 【晴】

洪洪烈火, 亦奈何不了我的金剛之驅!!

今天再和GC 到海灘暢泳
天氣好得令人目眩~~~正~~~

在陽光照射下, 真的有種被火炎燃燒的感覺(豬吊: 你小心皮膚癌!!!)
繼續在浮台一帶浮來浮去~~~在水上享受日光浴

今次作了一個新嘗試, 就係全程個頭唔落水咁游去浮台...
都okay 累...
另, 亦嘗試了背泳, 但姿勢始終掌握得不太好, 有人可以教三成便好了.

海灘上很多美女呢..
慾求不滿~~~

和女友一起到沙灘暢泳, 是三成的夢想~~
不知這夢想何時才會實現呢~~~XD
(在山頂撤尿的豬吊: 你繼續努力吧...)

>>July 4, 2008 at 4:50:21 PM GMT+8

2008 年 6 月 30 日 星期一 【晴】

7月1日

維園外, 準備遊行的人群集合之際, 死天王卻在維園泳池內快樂地暢泳~~
而且!!!泳池免費!!!

點解!!??
因為我地係門口講左句: "我識匯豐銀行既x青健!!!!"

呢句話真係萬試萬寧, 大家有空同有胸既都不紡多試~~
下次俾食飯埋單時, 不紡對收你錢條友講: "我識匯豐銀行既x青健!!!!"
只要你識得把握時機, 一定要係收錢者個樣最囧既時候講...當你講完, 對方比原先既囧樣更加囧既話, 咁即係代表你成功左, 你可以唔使俾錢就走
失敗??因為你講得唔夠囧

打牌前要先幫RB 批改試卷~~
現時的中學生英文水平真高...批了4x多份只有一份合格...

其實...當教師也不錯...
有點後悔當初沒選擇這條路...
那時也有考慮過, 但看到電視上的超額教師示威時~~又擔心會成為他們的一份子~~XD

而且, 三成那種不打不相識的硬派教育方法...教育署不會喜歡吧
(豬吊: 硬派?你教師等俾學生CON 喇~~)

今天死天王的飯局話題是...大躍進+全民鍊鋼!!!
鍊鋼!!!鍊鋼!!!鍊鋼!!!鍊鋼!!!鍊鋼!!!

>>July 2, 2008 at 5:25:08 PM GMT+8

2008 年 6 月 29 日 星期日 【晴】

豬吊!!你好樣的(沒特別意義的標題)

衣著光鮮, 肚滿腸肥的Pig Hang 約了 失業多時, 衣衫襤褸的三成出來看漫及飯聚

看Pig Hang 那一身滿身銅臭, 標奇立異的潮人打扮, 加上那咬著大班專用雪茄, 不可一世的咀面~
連路過的死小孩也有種想Hang 他兩獲的衝動~~
不過, 即使是這樣的豬吊, 三成仍然視他為摯交好友~~
感動吧!!豬吊!!!

看漫畫時, 發覺近年很多主角的能力如寫輪眼...白眼...魯路修的geass等~~都和眼睛有關, 隨便安個名稱, 加一隻奇怪的眼睛, 便可以創作出一個很強的角色~~
令三成不禁想到...如果三成懂得豬吊眼的話, 那三成便可以像豬吊那樣豬吊了...

睇完漫...因為想食既日本料理無位, 兩條友最後竟然走左去打邊爐...
勸左豬妖提防第一火煱的阿姐...
埋單130...算是okay的價錢吧...但始終覺, 火煱城的食物及環境較好~~
不知道有沒有加價呢

>>July 2, 2008 at 5:14:25 PM GMT+8