2003 年 2 月 4 日 星期二 【晴】

今日係我生日, 係唔係應該用d開心既表情圖案呢?
今日, 又係唔係一定係要開開心心咁渡過呢?
唉...其實唔係真係好開心law
就算franky哥肯入黎仗義陪我, 今次生日都只係得呢一件值得開心既事
但係, 唔開心既, 就唔只一件lu..-_-
係我太情緒化, 定係...
點都好la, franky哥, 多謝你呀, 係你令我覺得仲有人記得我生日ga

回說今日, lala淋走左去搞身份証, 他媽的打指紋o個個, 竟然走左去聽電話, 我等唔緊要, 反正有多時間俾你浪費, 但係連累山長水遠入黎陪我既franky哥, 就把幾火!!
之後走左去元朗一日遊(搵機鋪)...^^
最後搭車出左荃灣, 途中傾左好多野...收穫唔少
其實唔駛話好花巧, 只要同d fan得閒咁傾下, 談下心, 已經係一件好好既事, 值得回味
不過亦令我意識到...大la, $越黎越重要
童真, 好似被迫要o係一日徹退晒咁

由細到大, 都好渴望收到份arm心水既生日禮物, 可惜, 一份都冇收過
好arm既, 可能係老爸同呀媽既生日利是gra...
係我要求高? 我又覺得唔係wo
每次既渴望, 通通都變成失望...
禮物, 我始終覺得除左係心意之外, 係一種肯定, 亦都係一種地位象徵

有人同我講橫掂都係寫日記, 點解唔用書面語, 可以順手練埋呀ma
但係我又覺得, 寫日記只係為左留低自己既感覺, 感想, 同回憶, 而唔係為左練中文, 而且, 我覺得口語可以更加張我既感受表達出黎, 所以, 我諗我都係用番口語gala

今日既失落, 有部份係唔知點解走出黎既...
十八對其他人黎講可能係一個轉捩點, 但係對於我黎講, 只係一個理程碑, 冇乜特別感覺
都係咁過gala...心理上既轉變不大, 因為, 日日都o係度轉變緊

妳, 可能, 我已經完全地在妳心中消失, 消失得不留半點痕跡
我想在妳心中留下半件事也不行, 對妳來說, 我只是陌路人...或許, 連他都不如
我之前做的所有事, 恐怕, 已化為灰燼了
這, 雖不及一個答案, 但, 不比那答案的威力小
至少, 今後, 我該懂得怎樣做
而, 心中, 再沒有傷心, 也許, 只存著失落吧

今日失望既野, 太多la

>>February 5, 2003 at 4:59:54 PM GMT+8

2003 年 2 月 3 日 星期一 【晴】

多謝Natalie send俾我既呢幾篇文章, 我覺得好有意思, 所以post出黎

"信念是一粒種子

很久以前，?了開闢新的街道，倫敦拆除了許多陳舊的樓房。然而新路卻久久沒有開工，舊樓房的地基在那裏，任憑日曬雨淋。

　　有一天，一群自然科學家來到了這裏，他們發現，在這一片多年來未見天日的地基上，這些日子裏因?接觸了春天的陽光雨露，竟長出了一片野花野草。奇怪的是，其中有一些花草卻是在英國從來沒有見到過的，它們通常只生長在地中海沿岸國家。

　　這些被拆除的樓房，大多都是在羅馬人沿著泰晤士河進攻英國時建造的，大概花草的種籽就是那個時候被帶到了這裏。它們被壓在沈重的石頭磚瓦之下，一年又一年，幾乎已經完全喪失了生存的機會。但令人感到意外的是，一旦它們見到了陽光，就立即恢復了勃勃生機，綻開了一朵朵美麗的鮮花。

　　小小的種子真令人驚歎，它們是如此的柔弱卻又如此的堅韌，即使在沈重的磚瓦下壓上數百年，它們依然能夠保持自己鮮活的生命；一旦陽光照耀，一旦雨露滋潤，它們便又煥發出勃勃的生機。

　　一粒種子，即使被埋沒數百年，依然蘊藏著生的希望；那a洶@個人，當他處於困境時，又當如何呢？

　　有一年，一支英國探險隊進入撒哈拉沙漠的某個地區，在茫茫的沙海裏跋涉；陽光下，漫天飛舞的風沙像炒紅的鐵砂一般，撲打著探險隊員的面孔。口渴似炙，心急如焚---大家的水都沒了。這時，探險隊長拿出一隻水壺，說：“這裏還有一壺水，但穿越沙漠前，誰也不能喝。”

　　一壺水，成了穿越沙漠的信念之源，成了求生的寄託目標。

　　水壺在隊員手中傳遞，那沈甸甸的感覺使隊員們瀕臨絕望的臉上，又露出堅定的神色。終於，探險隊頑強地走出了沙漠，掙脫了死神之手。大家喜極而泣，用顫抖的手擰開那壺支撐他們的精神之水---

　　緩緩流出來的，卻是滿滿的一壺沙子！

　　炎炎烈日下，茫茫沙漠裏，真正救了他們的，又哪里是那一壺沙子呢？他們執著的信念，已經如同一粒種子，在他們心底生根發芽，最終領著他們走出了“絕境”。

　　事實上，人生從來沒有真正的絕境。無論遭受多少艱辛，無論經歷多少苦難，只要一個人的心中還懷著一粒信念的種子，那a玻`有一天，他就能走出困境，讓生命重新開花結果。

　　人生就是這樣，只要種子還在，希望就在。 "

"love is like a box of puzzle.
full of different pieces.
some from heaven and some from hell.
when u pick one out of da box
u never kno which one is frm where.
but even if it's frm hell,
u'd still keep it.
Becoz without dat piece,
the puzzle will not be complete. "

"轉貼
一名署名約翰衛斯理的人寫了這樣一個故事。
一對夫婦在婚後十一年生了一個男孩，夫妻恩愛，男孩自然是二人的寶。
男孩兩歲的某天，丈夫在出門上班之際，看到桌上有一藥瓶打開了，不過因為趕時間，
他只揚聲妻子把藥瓶收好，然後就關上門上班去。妻子在廚房忙得團團 轉，就忘了丈
夫的叮囑。

男孩拿藥瓶，覺得好奇、又被藥水的顏色吸引，於是一飲而盡。藥水成份厲害，即使成
人服用也只能用少量。
男孩Overdose，被送到醫院後，返魂乏術。妻子被事實嚇呆了，不知如何面對丈夫。緊
張的父親趕到醫院，得知噩耗非常傷心，看兒子的屍體，望了妻子一眼，然後說了四個
字。作者叫讀者猜，這丈夫說了四個甚麼字？

「 I love you darling 。 」]

作者說，這反應是Proactive的（即反過來控制局面，而不被局面控制）。

作者亦盛讚這丈夫是人類關係的天才，因為兒子的死已成事實，再吵再罵也不會改變事
實，只惹來更多的傷心，而且不只自己失去兒子，妻子也失去兒子。
故事主旨是彰顯人類選擇的自我層次，同一件不幸事，你可以怨天尤人,痛罵社會，甚
至自責無窮，但事情卻不因這些而改變，這一切只改變了你和日後的生活，負著疤痕的
活下去.反之，放下仇怨恨和懼怕，放下過去，勇敢的活下去，事情的境況原來並不如
想像中壞，這就是作者所說的Proactive Behaviour，也就是我們所說的由人轉境，而
不是被外界事物牽走。"

>>February 4, 2003 at 1:55:58 PM GMT+8

2003 年 2 月 2 日 星期日 【晴】

年年既年初三(赤口)都有一個習慣, 就係o係呢一日煎糕食, 有蘿蔔糕la, 芋頭糕la, 年糕呀咁, 今年當然唔例外, 只不過變左係要自己煎之ma...我煎d野都唔錯ga~

又係一日頹廢既生活...成日都冇做過功課
有好多野唔識呀...再係咁落去唔係好得...
要"柄"下自己先得la
!%@#%@#!@$@#%#&*%

>>February 3, 2003 at 10:45:24 AM GMT+8

2003 年 2 月 1 日 星期六 【晴】

今日入左南Y島逗利是~
簡直係豬龍入水, ^_______^
誰不知打麻雀既時候竟然淺水浸蛟龍
我呢條人中之龍竟然要輸$
可惡!
不過番到屋企有宵夜食, 兼且聽日仲有美味既蘿蔔糕+年糕
仲有仲有, 不得不提既角仔
頂...今個假期一定肥好多...

>>February 2, 2003 at 3:09:32 PM GMT+8

2003 年 1 月 31 日 星期五 【陰】

今日係大年初一, 祝自己馬到功成, 心想事成, 學業進步, 身體健康, 青春常註~~
今日行程一如往年, 先到旺角三伯父家拜年, 然後到大角咀五姑媽家, 唔同既係今日唔駛好似往年咁悶, o係姑媽屋企呆坐成個下午, 父親大人同母親大人恩準我同呀妹先行回家, 實在深感好彩
利是感覺上冇以往咁多...感覺上la~
不過, 都算係咁la

曾經有人話我感性既樣好難頂(冇錯, 係你講ga, 我仲記得)...我頂...
係gra, 通常表面上大顛大肺既人, 一感性起上黎, 其他人係會覺得好唔自在
所以, 我地呢種人, 都係24小時都咁顛先好, 廢事要人擔心~
唉~對人歡笑, 背人垂淚咩!
呢d咁辛苦既野只係蠢人先會做
所以最後結論, 有野就要發洩出黎, 唔好"屈"住o係個心入面
怕俾人見到呢個樣, 俾人講既話, 就同我講, 我撐你ga!!!!!
有咩, 我撐~~~..............雖然唔知得唔得........-_-"

>>February 1, 2003 at 11:42:05 AM GMT+8

2003 年 1 月 30 日 星期四 【晴】

多謝咁多位黎留過言既朋友~

死law, 今日訓到成1:00先起身呀, 等陣間又要入南Y島...睇黎, 又要再推多日la
anyway, 都預左gala~
要搭4:30入去, 好!出陣旺角行一陣先
希望撞到你地la~

去完旺角...
今日途經呢個好景商場, 嘩!
實在太厲害la, o係門口上電梯的位置, 有個呀叔, 以奇特既腔調, "唱"出以下句子:
"四仔冇格仔 樓上有得睇"
從佢叫賣既神情當中, 我充分咁感受到佢對工作既o個份熱盛
香港既色情事業有呢種人, 香港有救la!

>>January 31, 2003 at 2:29:14 PM GMT+8

2003 年 1 月 29 日 星期三 【晴】

日記對我黎講簡直係一項神蹟既維持...一向冇恆心見稱既我, 唔知"撐"到幾耐呢...? 麻煩咁多位朋友做個見證la..................-_-"
---------------------------------------------------------------------------------------------------------------------------
失驚無神申請個日期黎寫, 其實好大部份係因為見咁多朋友仔都寫(呢個係遠因), 另一個原因係因為我尋日好down...想搵d野發洩一下(近因), 誰不知佢竟然今朝先send個e-mail黎, 搞到今朝先有得confirm, 開始用......頂, 隔左咁耐, 咩唔開心都唔記得晒la, 玩我咩!
---------------------------------------------------------------------------------------------------------------------------
終於到日記要寫既野la:
成日成條喪屍咁, 冇晒意色, 咁淨係識得打機
以前, 打機係為左打機而打的 當中既快感 盡在不言中
它可以使我日夜掛念, 時時刻刻想住點樣過關, 劇情如何等等
就好似成了我生存既意義 一有時間就會打, 打, 打! 唔停咁打!!
而家, 已經好難先有o個種感覺 而家打機係因為唔想做野
或者冇野好做, 又或者唔想俾自己靜落黎...
已經冇咁吸引lu...
可能好快, 我就連機都唔想打, 咩都唔想做...人生就咁冇野意義lu...
可能係因為咁, 搞到自己唔開心, 唉...死cheap精

好, 接受珍珍既提議, 出去行下先
不過敝, d功課仲未做, 書都應該要溫下...算la, 聽日先la -_-"
---------------------------------------------------------------------------------------------------------------------------
越是期待, 越是美麗
期待的過程真係好開心
但係事實出黎, 先知道期待同現實係有幾大既相距
最終失望而回......

>>January 30, 2003 at 3:43:04 AM GMT+8