2003 年 2 月 15 日 星期六 【晴】

尋日爆左ggeneration neo, 搞到今日冇野好玩, 溫左陣書之後, 就o係度唔知做乜
好悶, 快d返學就好
好多野唔識呀
家耀哥, ck, 快d教我~

>>February 16, 2003 at 10:23:20 AM GMT+8

2003 年 2 月 14 日 星期五 【晴】

尋晚睇完"我的野蠻女友", 覺得好感動, 個結局我覺得好好, 好touching
有緣既話, 好多野都可以注定
活在過去有幾傷痛, 倒不如活在未來, 相信未來吧
縱使到而家, 我都唔太相信緣份, 因為佢從來都未o係我身上應驗過
我都唔相信運, 因為太飄忽la, 捉摸唔到, 叫我點信
而命運, 一樣我唔可以清楚把握既野, 我都覺得靠唔住, 信唔過
可以依賴既, 可能只有我自己既努力gra, 始終相信, 機會會黎既, 只要好好把握就可以la
其餘既野, 就唔駛理咁多

<----好一個頭腦簡單既人

渴望, 祈求, 係我過往既主題
今日開始, 要腳踏實地一d la

>>February 15, 2003 at 7:17:12 AM GMT+8

2003 年 2 月 13 日 星期四 【晴】

今日, 係14/2情人節, 對我黎講, 同平日一樣, 冇特別.
對於一個冇情人, 連對象都冇既人黎講, 呢一日黎得特別諷刺
見到學校d人好開心咁交換朱古力, 人人有份, 咁唔係好濫咩?
情人節已經變左做交換朱古力節la
我, 從來都唔會派, 亦冇諗過o係呢一日約人, 當然, 唔會諗住有人會o係呢日約我la,
但係, 都好希望收到朱古力既, 雖然唔係話好鍾意食 (自私)?
意外地收到朱古力, 感覺好好

盡管諷刺我吧

偶然之下, 今日又諗起妳, 但, 在妳心中我已消失得不留一點痕跡吧
唉, 失敗

>>February 14, 2003 at 11:11:57 AM GMT+8

2003 年 2 月 12 日 星期三 【晴】

好病呀...今日仲要鼻塞...奄奄一息
今日食飯叫左個雜會飯, 點知一黎到, 朋友甲, 乙, 丙, 丁就o係度話咩咩咩呀
又話係d"送"頭"送"尾炒理一碟, 又問冇理由快過佢地, 仲有咩呀婆lun剩d菜, 有咁核突得咁核突...
我頂呀!
搞到我冇晒胃口 >.<
今日仲要去荃官開會...又係夜一夜
呀媽打左x咁多次黎搵我妹, 我點知呀!?

>>February 13, 2003 at 12:00:00 PM GMT+8

2003 年 2 月 11 日 星期二 【晴】

仲未病完...好似仲多左d咳tim...
肺炎!?唔係gra...

唔想見到佢呀, 唔知點解, 一見就眼火爆

>>February 12, 2003 at 2:04:50 PM GMT+8

2003 年 2 月 10 日 星期一 【晴】

今日病到唔想番學, 但係o係呀媽既威名之下, 半死咁都要番gala...
得番半條人名......x_x

>>February 11, 2003 at 12:19:43 PM GMT+8

2003 年 2 月 8 日 星期六 【晴】

"始得馬交宴遊記
終章-鉅記事件"

第二日訓到成9:00, 比原定既遲左成個鍾, 不過都照出去食早餐
食左個豬排包, 都係一般姐, 冇傳聞咁好食, 之後去買手信, o個間xyz鉅記, 服務態度極度惡劣, 雖然佢都有好似其他鋪咁捉住你迫你試食, 但係計$o個時, 就激串咁話俾咁既折頭已經好益我地咁話wo, 咁串, 激到我老媽執好晒野先話唔買, o個個sales好似死狗咁認低威都冇用la, 太遲lu.

之後去氹仔, 都係食呀, 買呀咁, 老爸就同我講賭既道理la. 佢話賭就輸實, 唔賭就窮實, 所以呢, 玩下就好la, 唔好沉迷落去, 唔係多多$$都唔夠輸. 另外又講到原來真係可以聽骰 ga, 唔係做戲, 以前d人真強.

>>February 12, 2003 at 2:10:11 PM GMT+8

2003 年 2 月 7 日 星期五 【晴】

多謝adam關心~^^

"始得馬交宴遊記
序章-遊葡京"

今日晨早7點幾就起身, 好在, 起身既時候精神都幾好, 冇晒之前作悶作嘔既感覺, 好, 出發~!
一早黎到"德""順"中心(唔記得左個名, 淨係記得個音), 食左早餐之後, 好快就上左飛翼船, 架船都開得好快ga, 不過好在冇乜浪, 唔算辛苦, 睇左陣書, 就發現原來已經到左澳門la, 一落船, 再吸一大口賭城既空氣...頂, 他媽的渾濁, 竟然比香港有過之而無不及, 再四周圍望下, 嘩! 10個著左9個人, 由青年到"殿堂級", 都拿住支煙係咁吹...感覺上比香港仲勁.

等左陣, 就去到酒店la, 個lobby真係嚇親人...激多內地同胞, 又係手拿著煙既多, o係度等check in, 我真係頂唔順ga...後天性鼻敏感, 加上o個間so-call 4星級既"大陸"酒店"一流"既工作效率...直係俾左一個好好好好好壞既印象我.

安置好行李之後, 向黑沙灣出發, 澳門主要分兩個島, 一邊係名副其實既澳門, 另一邊係氹仔, 有好似唔知兩條定三條橋, 加多條過海隧道連住, 澳門仲細過荃灣, 氹仔就大澳門d, 加埋我諗都有元朗加天水圍咁上下la, 而黑沙灣o係氹仔o個面, 所以要坐巴士...又有仲大發現, 原來呢度d人等巴士係唔排隊ga! 一有車就一窩峰咁衝埋去, 巴士又得一陣, 好似ran仔咁大, 有d大d la, 係第二間公司既. 好快就到左目的地, 亦都搵到傳說中既葡國餐廳, 真係好有風味, 環境一絕呀~~ 葡國餐又好食wo, 炸排骨呀, 馬介休呀, 炸乳豬呀, 炸沙甸呀, 實在唔識形容, 真係好值得一試 (怕肥既人唔好去, 都幾多油ga) 出去沙灘一望, 原來d沙真係黑色ga, 當然唔係全部黑色la, 近海o個d, 濕左之後好似芝麻糊...

搭番車返澳門, 就上大三巴, 都冇乜特別, 唔多講, 但係落番黎就火law, 等極的士都話交更唔載客, 好似唔憂做咁, 同香港比下, 真係心痛死d香港的士佬. 仲要去下一站觀音站出發wo, 點算, 行law...落到大街轉巴士, 搵到觀音像la, 不過已經關左, 冇得入入面, o係出面影相law.

食完飯之後, 到重頭戲la, 入賭場!!
同老爸一齊入去, 真係多人, 好彩非吸煙姐, 如果唔係打直入去, 打橫出番黎呀.
casina disboa 係葡京娛樂場既全名, 入面既種類唔係好多, 但係有d base野, 行左個圈, 發現玩bacarrat 既人, 同做戲一樣, 咁鍾意屈牌, 老豆話o個度已經賭得好細, 但係最低消費都300個大洋, 真係高消費, 另外大細就100個大洋, 賭果然係有$$人既玩意.
真係好佩服呀何生, 完全係現代韋小寶, 葡京既服務一流唔在話下, 連賭者既心理絕對係一清二楚, 抵佢賺咁多.
衰就衰在d荷官係格硬拎小費, 如果唔係我諗仲受歡迎 (雖然已經好受)

>>February 9, 2003 at 5:07:03 PM GMT+8

2003 年 2 月 6 日 星期四 【雨】

可惡...今日竟然病倒, 又痀又嘔, 好辛苦呀...
聽日仲要過澳門, 去做好多我既第一次gama...
唔得, 要快d好番...
x_x

>>February 7, 2003 at 2:04:57 PM GMT+8

2003 年 2 月 5 日 星期三 【晴】

sor 呀海韻
我實在太stupid la, 竟然白痴到花咁多既腦容量去記住d唔開心既野
嗯, 我個腦既記憶有限, 應該記多d開心既野
呀~~
^_^

>>February 6, 2003 at 10:50:44 AM GMT+8