2003 年 3 月 17 日 星期一 【雨】

辛勞, 沮喪, 自卑, 火爆, 頹廢集於一身既一日
..............................
..............................
..............................
..............................
..............................
..............................
..............................
希望明天會更"好"

好似又再消失左動力咁, 做功課冇心機, 上堂冇心機, 溫書冇心機, 上網冇心機, 打機冇心機
連咩都唔駛做, 淨係坐o係到睇電視都冇心機
仲話同煒哥鬥高分, 一毫子一分.....睇個勢輸梗都似

鼻水倒好辛苦...鼻塞搞到耳都塞塞地, 呼吸有d困難...鼻敏感既side effect
唔係肺炎呀~!唔駛死ga

>>March 18, 2003 at 3:19:06 PM GMT+8

2003 年 3 月 16 日 星期日 【晴】

呀~~~~!!!!!!!!!!!!!!!!!!!!咩都唔想做呀~
唔想打機, 唔想做功課, 唔想溫書, 唔想睇電視, 唔想上網!!!!!!!!!!!!!!!!!
淨係想搵一個人黎出氣~!
咩pmaths, app同我收皮摺埋彈開!!
家陣本大爺冇心情, 我話之你咩test咁巴閉呀~!
$#%@^@%@^#$&#&#$&^#$%@!@&%*&*)&*)o

>>March 17, 2003 at 7:28:41 AM GMT+8

2003 年 3 月 15 日 星期六 【晴】

完全明白點解d昆蟲蛻變既時候多數要用蛹包住自己
因為, 蛻變緊既時候真係好樣衰....
救我呀~~~..............
時間就總係唔可以行快d ga咩?

電視又冇野好睇, 機又冇咩好打
有咩好做呢...?計下數打發時間都好wo

抵佢死呀~~阿仙奴, 抵佢輸~!!!曼聯加油~仲有兩分~!!!

>>March 16, 2003 at 7:14:46 AM GMT+8

2003 年 3 月 14 日 星期五 【晴】

Shit!Shit!Shit!Shit!Shit!Shit!Shit!Shit!Shit!Shit!Shit!Shit!Shit!Shit!
呢次pk la.........
唔想返學呀!!!!!!!!!!!!

x_x

>>March 15, 2003 at 6:20:20 AM GMT+8

2003 年 3 月 13 日 星期四 【晴】

白過既一日
8堂入面, 冇一堂係教書, 唔係做ex就係revision
上左=冇上

江江話一慢既重要性
冇錯, 一切以慢為貴

仲有...唔知寫乜好, 算la, 就咁

關心我既人o係度嗎?

>>March 14, 2003 at 3:02:38 PM GMT+8

2003 年 3 月 12 日 星期三 【晴】

phy...全軍覆沒, 唔係因為冇溫書, d野唔係唔識
不過係唔熟同埋出得太多la, 根本唔夠時間
聽到呀ck話佢當年修4科AL, pure chem app phy...其中app既兩份200分滿分既paper, 竟然兩份都arm晒...full marks 400分......我頂.......冇野好講
點可以咁ga?

我心情唔好?唔係呀, 都咩唔妥wo

我諗, 我可能中左招

>>March 13, 2003 at 11:57:18 AM GMT+8

2003 年 3 月 11 日 星期二 【晴】

今日同留風o係phy傾努力同天才既問題...又係既, 如果一個有天資既人同一個冇咁有天資既人一齊付出咁多既努力, 有天資既人一定做得好d, 努力可能只係有天資既人既踏腳石, 從來呢兩樣野都唔平等, 更唔好講咩將勤補拙, 全部都係廢話!
但係有d疑惑, 唔通成功全部都係一個相對值, 成功, 成就都係比較出黎既咩?
唔都就冇成功既紀對值? 如果只有相對值既話, 咁天才一定贏既la, 冇得玩
一個聰明既人點會唔知努力既重要性呀, 分分鐘仲比d冇咁聰明既人勤力十倍, 放贏你幾條街tim呀. 換句話說講, 個天已經決定晒一切, 聰明人玩晒......可悲-_-"
如果就絕對值就唔同講法la, 我唔駛同你比, 你唔駛同我比, 做到自己滿意, 就即係成功la
但係呢個世界要得到其他人既認同, 就只有你要做得比人好, 咁其他人先認同你, 社會先確認你既成就, 咁先係成功既定義... "成功既定義"?開始迷茫 X_X

明明知道聽日測phy, 自問都基本上明白, 識gala, 但係完全feel到一定考得唔好
溫就溫左la, 不過唔夠深入, 唔夠清晰
但係, 今日冇mood溫書wo...有幾條式都仲未背
待宰既羔羊...-_-"

>>March 12, 2003 at 9:08:06 AM GMT+8

2003 年 3 月 10 日 星期一 【晴】

係我特別同其他人唔同? 定係我跟唔上時代既步伐呢?
點解我同你地諗野既方向差咁遠
唔通21世紀走精面係必需既? 循規蹈矩就被人視為異類!?
我認為走精面即係踏住對與錯中間既灰色地帶
濫用呢個灰色地帶, 即係走法律"la"
冇錯, 的而且確好多時都可以過到骨,
又或者件事既本質可能根本就微不足道
但我唔認為咁樣係arm既, 或者可以話係錯
個立心一開始就係錯
都係老爸講得arm, 做人最緊要對得住自己對得人, 害人之心唔可以有, 防人之心唔可以冇
不義之財, 用左我係背脊骨落ga, 腳踏實地既感覺先可靠, 安心
可能我就係咁守舊, 咁固執gala
對得住自己對得人 <- key words

>>March 11, 2003 at 1:04:57 PM GMT+8

2003 年 3 月 9 日 星期日 【晴】

今日, 終於掟起心肝, 早d起身溫書la
10點, 對一個日日訓到"黃朝白晏"既頹廢青年黎講, 實在係一件唔容易既事! 強!
做左d pmaths, 頂, 說穿左, 原來係咁簡單
魔術既背面原來係得啖笑
食lunch既時候睇尋晚錄左既animal farm, 都係多得呀yen, 如果唔係我都唔知有得做
套野唔錯呀, 講獨裁, 權力, 利益令執政者腐化, 鼓吹英雄同崇拜主義令民眾信服, 令我諗起毛澤東...
果然, 一個人係聰明既, 但係一群人o係一齊就會愚昧, 無知
個結局我覺得好劣, 好似趕收工咁, 求其一場大雨就話d豬浸死晒, 無里頭!!!
溫左陣phy, d野都ok識既...家耀哥~~唔好出咁深呀~!
就有得睇MIIB la, 等呀媽番上黎一齊睇~!

>>March 10, 2003 at 8:49:30 AM GMT+8

2003 年 3 月 8 日 星期六 【晴】

MIB都唔錯, 唔係淨係得啖笑ga, 都有d野
"重要既野唔一家要好大"=>成個銀河系可能得一個吊咀咁細
無知是福, 冇左d唔想要既記憶可能係一件幸福既事
睇完呢個再睇blade2, 激烈既打鬥場面, 疑幻疑真既電腦特技, 唔錯唔錯
不過故事稍稍令我失望, 主要係描述敵人朋友之間既矛盾, o係你身邊好耐既朋友, 最後可能變成敵人, 一開始就當你殺父仇人咁既可能最後要變成你既朋友
"要親近你既敵人多過親近你既朋友"
呀仲有, 呢套戲既男主角blade既角色設定好似Devil May Cry既男主男呀, 又係一把劍o係背脊, 手持雙鎗

>>March 10, 2003 at 5:15:16 AM GMT+8