Showhappy.net - Members diary

日記

日記主簡介

<< 26 27 28 29 30 31 32 33 >>

2003 年 4 月 8 日星期二【晴】

我公司因為生意跌左九成,日日拍污英,所以攪到我都要迫住走,老板話如果我想做,我都可以返一半出一半糧喎,佢都傻傻地既,返中環返半日出一半糧,有錢淨咩,古怪到死,我不如日日留係屋企好過,得閒找下沙田有冇乜野工做,不過沙田而家咁恐佈,都唔知有冇工做呢, 悶到死,我近排心情都係一般咋,都唔知點解既,唉.................我好悶呀,要等到幾時先到四月尾呀,老板話好唔好做埋賣七成有效消毒的濕紙巾喎,而家要轉行啦,真係可怕呢,變態既.....我唔轉都唔得呀,....

>>April 9, 2003 at 3:26:38 AM GMT+8

2003 年 4 月 7 日星期一【陰】

今日好大霧呀,係喎,我要澄清一下,我唔係俾人炒架,係放冇薪假,唔同架,所以我係可以當辭職,但就係唔可以當俾炒呀,哼....激死我啦,不過諗到可以唔駛日日都咁冇聊,都唔係唔好既,自己之前成日都覺得白豆人工,而家冇呢個煩腦啦,真好....想一想,我咁樂觀有咩可能會唔開心呢,自己已經計劃好去玩了,美嫻係咪六月諗住出去玩架,我打算係呀,不過唔知到時有冇錢淨返呢,去到四月尾,估計自己得五六千,我怕我捱唔到六月呀,咁點算好呀,不如你得閒幫我諗下邊度有part time job吧,唔做野好似隻豬呀,唔鐘意咁樣,係喎,美嫻有冇睇到我四月四日既日記呀,carol讚我有文筆呢,嘻嘻..咁你快d去留言度讚返我啦.....咁樣我先唔會因為份工而悲傷哭泣呢......

>>April 8, 2003 at 2:24:08 AM GMT+8

2003 年 4 月 6 日星期日【陰】

要點寫好呢,我要辭了,係迫住辭既,因為公司話要放冇薪假,仲要係好長個隻,咁等同於吵我又有咩分別呢,,所以都係辭吧,好笑既係公司連一個人都請唔起,所以我諗lee間公司就做唔過,唯一既損失就係冇錢,冇錢就係我唯一,亦都係最大既損失,之前個間都話有好多野學啦,但lee間就冇野學過,算吧,唔值得留戀,亦都冇呢個心,這個時間先冇野做,咁就慘左d,我好想好想休息一會,然後就再找過第二份工吧,因為自己真係太唔鐘意呢份工啦,點可以咁架,連一個人都請唔起,算吧,細公司就係咁,我想自己真係唔適合旅行社,我打算去做下sales,想試下,雖然競爭一樣係好大,但自己都未做過,想試下呀,應該都得卦........
當初佢地留我就加我人工,而家加左人工都未到兩個月就話要我走了,討厭到死,我諗自己都係唔適合旅行社既工作,如果唔係,自己點解到最後都係被迫咁走,雖然呢份工係唔想做好耐,但,,,,,,,可能唔夠決心吧自己.........討厭

>>April 7, 2003 at 6:42:55 AM GMT+8

2003 年 4 月 4 日星期五【晴】

今日去左沙田買既演唱會飛,都要等排隊,麻麻煩煩咁囉, 然後左旺角唱k, 都只係二十二蚊, 包食包唱,好鬼抵呢,買左幾件夏天衫,跟住都冇乜了, 多數都係食野,.......... 我諗我都係會繼續做呢份工,直至經濟好d 再找工吧, 而家香港咁差, 唉.....................唯有忍耐下啦/////

>>April 5, 2003 at 11:39:49 AM GMT+8

2003 年 4 月 3 日星期四【陰】

今日天陰,有雨,多雲,不太好,香港肺炎,美國打仗,冇人黎港旅遊,旅行社慘淡經營,裁員減薪,但肚子還是帳起,仍然飽飽,沒有瘦到,沒有難過,沒有痛苦,沒有不幸,也沒有病倒,仍然幸福中生活,自欺欺人,很可悲喔,那你要我怎麼辦喎,世衛都叫其他國家唔好黎香港啦,生意又點會好喎,真係等食菊種..唉....cathy話我咁樣諗野唔好喎, 咁有冇人話俾我知我諗野有咩問題,唔用問題字眼吧,有咩特別之處吧,仲有呀carol我係請有薪假架,所以都唔算乜野既,,,都唔錯呀玩得,幸福快樂常在我心,真的過得幸福嗎?雖不至於完美,但尚算合格,永無止境的吵鬧,我只能視之為熱鬧,增進感情的渠道,我是過份樂觀還是逃避現實,那不得而知,錯中有對,對中有錯,冇人知曉,誰能定我錯對,對吧.....

>>April 4, 2003 at 3:34:42 AM GMT+8

2003 年 4 月 2 日星期三【晴】

今日都幾好啦,公司可能會休假吧,都好既,反正都冇野做,日日返黎都冇野做,自己都好鬼悶,人工冇既話都冇辦法啦,反正細公司係咁架啦,認命吧,自己反正都諗住轉工既,冇所謂啦,唉........好悶呀,而家同事係則邊傾計,而我自己又悶緊喎,自己都唔太想玩icq因為玩厭左嘛,玩得多都悶啦,唉......我自己都快要轉工,但係轉乜工仲未知,係旅遊定係其他,自己都未知住囉,唉..........

>>April 3, 2003 at 3:57:01 AM GMT+8

2003 年 4 月 1 日星期二【晴】

我今日去左海洋公園, 專登請假架, 而家肺炎好嚴重, 攪到我好鬼擔心呀, 今日好累,最好玩都係跳樓機咋,其餘都............

>>April 2, 2003 at 3:45:07 PM GMT+8

2003 年 3 月 30 日星期日【晴】

我今日照常返工,聽歌,因為公司沒人,同事未返黎,照常咁玩icq,見到佢,我曾經喜歡的他,他有喜歡的人,我在他的info上睇到,喜歡他的我,真的喜歡他的嗎?,我想我是喜歡他的,只是淡淡的,冇關痛癢,即使他有女朋友,或者在街上撞到他,也不會有太大的波動吧,但我喜歡他,是的,我真的喜歡他的,以前還以為自己喜歡他的外表呢,其實自己喜歡,是嚮往他的性格吧,他很活潑,而且都喜愛幫人,或者我不了解真正的他,因為怕觸碰他,會破壞我對他美好的印象,而且自己就是那麼沉默,自己亦是那麼自私, 自私得..有點討厭自己呢,,喜歡自己多過別人,學習去愛人果然是一門很難的課題呢...雖然而家連他的樣子都變得模糊,聲音也不再清脆,但我依舊懷念他,希望總有一天與他聊天,他還記得我嗎?
...睇返自己岩岩寫既野有些攪笑添,我還真是詩情畫意呢,好有文人既風采..喜歡這個的自己...一陣子吧..

>>March 31, 2003 at 4:39:27 AM GMT+8

2003 年 3 月 29 日星期六【晴】

今天還算廿十九號呢,我配左副眼鏡,而家仲戴緊添呀,自己今日去沙田呀,而家肺炎真係好厲害呀,有成四百幾十人,快要五百人啦,好恐佈呀,自己都唔知會唔會中招呢,好擔心呀,自己屋企人會有事嗎,跟住朋友又會有事嗎,跟住好多好多野,一句講哂好擔心啦,又唔知幾時先會醫好哂或者咪野針針針,可以對付到呢個病呢........

>>March 29, 2003 at 4:18:04 PM GMT+8

2003 年 3 月 27 日星期四【晴】

時間過得太快呢,聽日又係星期六呀,我打算唔派架啦,冇聊到死,同事失蹤左,接近個半小時都唔見左人,都唔知點解,會唔會六點半至返黎,不過冇所謂啦,反正佢係唔係度生意都唔會好多架啦,唔同以前既公司,一日冇左你都唔惦呢,以前做少一陣都做唔惦,而家就相反,係想做都唔會有太多野做呢,悶到死呀,我打算今個星期日會去海洋公園呢,其實應該去派傳單既,但我唔會去架,因為上個禮拜六返左一day,仲以為今個禮禮拜六會放啦,點知仲要派,我唔會complain架,反正都會收多二十蚊囉,我自己都唔會派架啦反正去到都係企係度,唔會再主動派了,即係冇乜用啦,不如唔好派..廢到死....討厭既公司,我忍耐真係太強,唉..................麻煩............星期日去玩吧,,,,,,,,,,,,,,,,,,,,,,,嘻嘻嘻嘻

>>March 28, 2003 at 9:57:06 AM GMT+8