Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2007 年 4 月 5 日星期四【晴】

前陣子有一個男同事追過我呢, 他的名字叫麥裕生, 我很高興有人追呢, 很新鮮...其實我不是不曾給人追過, 但已經是很久的事情呢, 當然我已經有男朋友了, 唔會跟他有任何發展, 他亦明白理解, 他本身是有女朋友的, 但最近告吹, 可能會寂寞吧, 找水泡嗎? 易有錯覺, 畢竟我跟他並不熟, 他只是覺得我是個sweet既女孩吧. 其實他是我喜歡的類型呢, 斯文的形象, 白淨的皮膚, 雖然不是我最愛的運動型, 但也是有書倦的味道, 當然這只是單單的外表, 內在實則是怎麼樣, 很難下定論, 始終並不熟, 心底是高興的, 看著自己的男友, 為何他並不是自己愛的外表, 但重要嗎? 明知道並不是最重要, 我亦不需作任何比較已知曉答案了. 喜歡的感覺, 小時候本身很愛幻想, 現在呢, 已經廿三歲了, 還會嗎? 希望真的有白馬王子出現嗎, 會幸福快樂嗎? 哈哈..我想所有人都得到幸福快樂喔..我會跟男友結婚嗎, 會幸福美滿嗎? 呵呵, 不知道喔. 天也不知曉喔....
說回這個男生, 他是廿七歲的大男人, 他跟女友怎麼樣我不太清楚, 但相信一段關係要完的時候, 就讓佢完吧, 冇謂再拖拉了..我也有跟他msn的, 會跟他做朋友嗎, 我不知道的, 因為我很少有男性的朋友, 除了好上司阿光, 想一想也沒多少吧, 因為我是懶人嗎, 從來都很少主動找朋友的, 希望他們不要忘記我喔. 這事男友都知道, 他也為此發了脾氣, 當時他還要跟我分手呢, 雖然這事我真的不對了, 因為跟其他男生sms呢, 不忠了, 其實我只是貪玩, 好想感受一下被追的感覺, 係好sweet的呢, 但我知道跟這個男生不會有任何發展的可能, 我喜歡他嗎? 我喜歡被愛被追的感覺, 儘管他的喜歡只是很表面很膚淺, 淺淺的喜歡我, 我也很高興的呢, 我是有點花心呢, 這個不得不承認, 多謝他喜歡我, 曾經對我有意思的大男人, 我曾經為他心動過一點呢, 給男友知道, 必會跟我分手嗎?
愛情世界裏, 真的只能容納一個人, 就係你最愛的一位, 不可能再多一位, 即使現在失戀, 要相信將來會找到一個你最愛的, 希望到時大家都會懂得珍惜啦, 不能只說喔, 因為要深深體會什麼叫珍惜, 所以我必須要更加愛惜我男友, 不能再令佢傷心了, 亦不能再花心了, 哈哈, 還細嗎? 還要任性嗎? 知道自己做什麼嗎? 要對誰負責任嗎?
女孩子就是那麼吃虧的, 人家男生只是拋一拋行動, 女生就永記於心, 但男生還會記得嗎, 曾經對這女生心動過, 不會的, 他們不會記得的; 還記得以前男友, 第一位男友麥敬熙, 他不會記得曾經跟我這女生一起過, 短短的一個月, 我跟他並不深刻, 但我會記得佢, 而他早已忘記我了, 我是曾經喜歡過佢, 新鮮的感覺, 可惜當時我並不懂愛人, 亦不懂什麼叫珍惜, 只恨自己為什麼不能好好待自己的愛人....
現在也明明跟自己說過要小心呵護這段關係, 我不懂為何自己還要那麼不檢點,花心, 不能知足麼? 不知道麼? 我跟他也不容許對方背叛..明白嗎? 明白的深深體會

>>April 6, 2007 at 3:03:05 PM GMT+8

2007 年 3 月 10 日星期六【晴】

昨天有同中學同學六個人去大埔燒烤, 都幾開心, joan有新男友車我地返屋企, 實在太好了, 然後第日即係今日, 男友前一晚同朋友落尖咀慶祝朋友生日飲嘢, 今日攪到自己兩點先起身, 仲要極度唔舒服, 又冇send message報平安, 當然啦因為佢已經醉到不醒人事嘛. 今日攪到自己咁辛苦有咩為呢, 叫佢以後都唔好飲, 佢又冇答應我...唉......你話我將來點好呢, 靠佢真係唔多穩陣呢.......唉...自己又因為bbq後喉嚨痛, 而家都仲好痛呢..好慘呀..

>>March 11, 2007 at 1:11:44 PM GMT+8

2007 年 2 月 16 日星期五【晴】

跟男友又和好了, 雖然一早都知道會和好的, 而家他就坐在我隔離, 漫畫cafe睇緊書, 聽日係初一了, 有咩做呢, 拜年嗎, 又好似冇乜親戚喎, 不過唔緊要啦, 當休息下0囉...有點累, 但一陣男友會去玩桌球, 都好耐冇見過玩了, 都開心既....有點肚餓, 想食點小吃..一陣叫男友買俾我先, 嘻嘻, 小龍龍..傻蛋龍..

>>February 17, 2007 at 3:20:10 PM GMT+8

2007 年 2 月 15 日星期四【晴】

而家都好夜了, 但仲走去寫日記, 冇他既, 一黎有呢種心情, 二黎男友又冇打黎, 三黎順便講吓就黎新年有乜做姐, 主要係男友唔理我, 講到尾咪嫌我成日跟出跟入囉, 一句講哂太"痴"身囉, 男人係咪犯賤, 初初拍拖又唔見佢咁, 我又一開始都咁鐘意跟住佢架啦, 係佢而家覺得同我怕0左一段時間啦, 係時候要搵返自己以前既生活模式, 可能我冇乜手段了, 唔識去諗去捉男人犯賤既心理, 咪就係越唔理佢就越緊你0羅, 我衰太過直0羅, 話鐘意就將兩個字擺係塊面度, 佢梗唔擔心我啦, 閉...佢0岩0岩好似打0黎, 手快快0禁0左佢, 即刻打好, 定係隔一陣打好呢...是但啦, 反正我係鐘意佢暫時都唔會離開既, 所以而家定一陣對我都冇太大分別.....好快就打俾佢講0左唔夠十秒就收線, 冇乜mood同佢傾計, 係咁快架啦...情人節送咗個gucci銀包廿千三蚊架, 好貴呢, 但都捨得花, 但佢生日就唔送咁貴, 買衫或褲算數, 便便地就罷, 男友都送0左條手鏈俾我係mebelle度買, 都喜歡既, 反正飾物既0野唔太醜都可以接受, 但對住男友當然話好鐘意啦, 例牌答案, 鐘意佢係買禮物方面表達已覺得很足夠, 至於心意自問都還有, 其實對佢我唔多唔少都有點嫌佢身形未太好, 唔夠高係主因吧, 真係幾討厭坐車捱住佢博頭時係平排, 整到條頸鬼咁唔舒服, 真係唔捱好過捱呢, 雖然已經習慣0左佢既高度, 但都唔可能忽略本身不足帶黎既唔好處, 可能係我今日返工經痛, 痛到又嘔哂早餐既0野食, 好慘架, 要同事扶住送我睇醫生搭的士, 其實真係幾辛苦, 雖然有過唔少類似既經驗, 但痛苦仍然係咁難受, 但男友只係打打電話安慰下我, 早放工都係同同事行街然後仲大班人唱k, 直到而家咁夜都仲未返到屋企, 我咪成日留係屋企休息囉, 訓下食下, 覺得可以有咩做姐, 佢還真唔識做, 唔通佢唔舒服既時候我仲同一大班人出去玩咩, 雖然係經痛我經驗可以自己一個捱過姐, 但都係想佢即刻仆返黎睇我嘛..不過明知佢一早話會約人去玩唔會陪我架啦, 但都想佢因為我唔舒服而早點返黎搵我, 盡管我好快就冇事, 行動可以證明你有幾疼我嘛...男人真係唔體貼既, 巴口話就話對我細心, xyz啦..有點火, 燥呀..but我相信好快我會下火既, 因為我都唔想太過生氣, 養生之道嘛, 呵呵......男友只不過一個代名姐, 真的太難頂, 我都唔會要自己永遠難受既,冇話好唔好既, 我需要一個真正懂得疼我既人嘛...難搵架, 搵錯0左, 咪再搵過囉, 但最重要係先養惦自己先, 主張經濟獨立, 雖然巴口話好狠結婚, 但對我黎個就好似讀完小學就要去讀中學一樣, 只係人生多數人會有既一個階段, 可有可無既...有就學多一課, 冇既都唔會太要命的..

>>February 16, 2007 at 4:14:13 PM GMT+8

2007 年 1 月 20 日星期六【晴】

今日一陣會去嘉年華,同男友及佢另一對朋友, 共四人去玩, 最衰今日天氣幾凍, 不然我會很高興的去玩, 昨天終去見客了, 一直以黎佢地上面人都冇幫我介紹俾客, 攪到我都唔知好唔好主動, 唉.. 真唔明白, 介紹之後都起碼人會知我係邊個嘛,,,自己主動就去幫手就顯得自然得多呢, 正一衰上司, 等我英文好d, 習慣咗之後就會有信心得多了, 呵呵...攪到我前晚成晚冇訓過, 今日起身足足訓咗十四個小時, 可怕呀....男友而家打緊機, 都費時理我, 有點悶, 所以咪記得打下日記囉,, 而我竟然得閒到食埋條蕉, 好耐都冇食過了, 比較想食d有水份既水果, 仍然覺得有點冷, 阿媽依舊話我唔應該去男友屋企, 仲順便話唔俾多家用佢洗, 其實俾多幾百係沒什麼問題既, 但我唔想開咗個頭, 佢就一有缺就搵你救, 多多錢都唔夠俾呢, 最重要係佢成日都話唔夠錢洗, 所以未到最後最嚴重既一步都唔需要理佢, 整一傻瓜,..我得五百元要用埋黎緊個一星期先得, 仲要找埋卡數添, 但還可以既, 我最衰係buying trip, 要食飽先可以有氣力搬野, 唔係會暈低架, 波仔飯得返兩盒, 都夠我食兩日既, 希望下星期飯錢用三百元就算啦, 挨到下星期六就ok架啦...差唔多要出門去玩了..下次先繼續寫啦...嘩哈哈...玩呀玩呀...

>>January 21, 2007 at 7:44:39 AM GMT+8

2007 年 1 月 13 日星期六【晴】

hi前幾天校友會舉辦了難得第一次既bbq活動, 見返好多好耐冇見既同學呢, 有得意既感覺呢,佢地都變咗, 第一係樣貌不再當年咁青春啦, 而我跟當年還是老樣子, 有點baby face吧..哈哈, 我已經有了男朋友陪伴吧, 中學想一想還真的有點單調, 今晚看了男友的相簿, 看得出他的中學生活還真的多姿多采呢, 有點羡慕喔, 當年點解唔能開懷d去享受學生多采既活動, 總是淡淡的去看出面的一切, 好似事不關己, 其實明明真切咁影响自己關於自己, 有趣的是自己永遠是選擇逃避..
對於現在的生活, 我還是滿足的, 工作, 家庭, 愛情..假若回到從前, 我對佢地重視的次序係我會好不猶疑選擇家庭,工作, 最後是愛情..那現在呢, 感受過愛情帶來既漫暖同快樂, 還會一樣嗎? 是的我很愛我現在的男友, 亦計劃同佢既將來, 但愛情世界入面, 我相信是沒有永遠的承諾, 我答應自己跟佢會好好疼佢愛佢, 但首要條件係要愛佢, 但從來沒有人會敢保證會永遠愛一個人不變, 呢d對白真的只有拍戲先會用姐, 有時候我深切咁望住男友既樣子, 心甜咁望住佢, 好幸福咁, 但心入面就想, 擔心那日自己變心不再愛佢既時候會連一眼都唔願望, 變心我諗冇人想架, 但要變既話又好難阻止, 男友或我都有咁既可能性, 沒有保證, 沒有永遠, 要不然每個人都只會有一段戀情呢..
其實我只係想學識珍惜姐, 不但止變心, 還有人必經既生老病死, 呢d都難以對抗, 我好想好想學識點樣去珍惜, 懂得簡單就係幸福, 其實我知道自己唔應煩人自擾, 冇奈自己份人就係咁樣....
記得以前點樣固執要跟男友ivan永遠一起, 堅持非他不愛, 其實自己一點也不懂愛.哈哈要點樣永遠一起呢, 好可笑, 亦都可愛, 就係年少先會咁諗先會有咁既經歷...

>>January 14, 2007 at 4:02:45 PM GMT+8

2006 年 12 月 1 日星期五【晴】

今日係星期六, 陣間要去跳舞同學攪既gathering, 唔錯呀, 好耐都冇搵過佢地啦, 老公仔同佢個fd去左銅鑼灣搵緊餐聽食聖誕大餐, 今朝又任性左陣, 攪到佢唔太高興, 因為聖誕我本以為係兩個人食, 點知佢就約左佢個fd既一對一齊食, 其實都同過佢講食飯要兩個人食, 但之後就可以好多朋友一齊玩都得, 佢就係唔記得呢一點, 所以我就講左幾句咋嘛, 咁就話我傷佢心, 我原本諗住第一次同男友過聖誕梗係要兩個人啦, 不過唔係咪算囉, 反正今年有男友陪過, 已經係非常理想, 唉....總覺得自己越黎越就人, 其實基本上同佢過就開心了, 多d人咪當熱鬧d囉.. 咁樣安慰自己會好過d吧..要求其實真係唔高, 還是唔太敢要求太高呢, 佢要花錢過, 都知佢唔太多錢, 但..諗深一層, 同自己喜歡既人過節, 即使幾貴都會願意花吧, 好似我咁諗都打算會拎起碼2千蚊出黎買野俾佢, 雖然未諗到買乜野俾佢, 如果唔夠再加都冇所謂, 我唔係唔識節制, 而係我自己已經計好左今個月既支出清單, 大概心入面都有個底, 午餐食得唔好咁貴就好, 早餐盡量食五元既奶油多好了, 當然男友的早餐費我都計好了, 我唔係成日都請, 講真我唔介意幫佢俾, 但心入面唔想自己既男友好似好冇志氣吧, 即使自己人工唔係太多, 可以用到既儲到既唔多, 都唔會太洗自己女友錢咁樣先有志氣嘛,....咁樣既男友會令我覺得自豪呢..不過現實歸現實, 冇錢呀就女友都要俾錢啦, 自己明知男友冇乜錢唔通仲要洗佢錢咩, 同事都話我太好恰了, 俾佢食住上, 是吧...我只好認吧, 總希望佢開心吧, 冇憂愁, 冇煩惱咁同我開開心心一齊. 會唔會想得太簡單呢...

>>December 2, 2006 at 8:29:04 AM GMT+8

2006 年 11 月 27 日星期一【晴】

返工利豐工都差唔多一個月啦, 還可以吧, 開始跟easter既單, 冇咩特別啦, 還可以啦, 剛剛同老公仔一齊, 好開心啦, 同佢非常sweet, 永遠都係咁就好了, 我要同佢結婚生仔啦, 供書教學, 然後安享晚年, 兒孫滿堂, 呵呵呵.. 啦啦啦.
實在太快樂呢, 但最重要而家都係儲錢, 儲多d, 好多好多啦, 我愛你老公仔..
聽日要返工, 唔可以攪咁耐, 要早點訓覺, 最重要係而家仲同緊老公仔傾緊電話, 唔可以要佢等咁耐, 係咁先, 得閒先再打過啦....

>>November 28, 2006 at 2:22:31 PM GMT+8

2006 年 10 月 27 日星期五【晴】

Today is so far so good, I wake up in my bf's bed then go home at 10:00. Waiting a call from bf for lunch. Meet him at 3:00 to have lunch in 車仔麵. It's so boring for me but It's better than nothing to do. After that, we rent a moive which is performed by 林海峰. Talk Show is funny & keep laughing at all. Unluck, it's a bad quality CD as it always stop cut suddenly. So we go bed to take a rest again (for me). That's really enough for me. I feel really boring all day. My bf dropped asleep shortly & i can't sleep as well. The last, i go home directly & I didn't give him a notice before i leave.
I have dinner at home & it was a noodle. Finished it in a few mins & then phone to my bf for asking if he finished it or not. He's still eating a crab when i came his home at 8.00. So boring cause i really want to talk to him for a moment. That's alright even nothing special but i would like him to take care about me what i want. What I really care? I says you don't stay with me in always. But the truth was, he always stay with me even he felt really tried as for working. He must take a few moment for a glance with me. I really love him so much. Of course, he love me much much too.
Hope we're getting a long long relationship. no change forever.

>>October 28, 2006 at 1:58:22 PM GMT+8

2006 年 10 月 26 日星期四【晴】

黎緊做個份工英文好重要, 我都想做好d呢, 睇吓多d英文生字啦, 睇吓人地點出email.. 日記都要開始用英文打先得..
hehe, actually, my chinese typing is very good and fast.it is better than english typing as well. It's easily to express how's my feeling. How difficulty to do this job well? I'm worry about that cause i lack confidence in myself. speck english is my weakness point. I'afrad face to face with foriegner and speak with them, But I believe it's alright in short period. Try my best to do the job. add oil

>>October 27, 2006 at 5:34:50 AM GMT+8