2004 年 7 月 22 日 星期四 【微雨】

中學生天文計劃 Camp Day 3

今日由於早上有雲
加上昨天太累..所以訓到7:45...
之後埶埋D野,就去組爸間房集合
齊人後就一齊去活動室....
早到o個4組就上o左天台睇太陽..
我o地由於係late o左4組
所以係活動室玩Game先~(玩o左邊個係傻仔,同另一個唔知名)
之後玩完Game,就到我o地去睇太陽..
但o岩o岩上到去.....講o左少少支鏡...
就要落返去lunch.....
haha~
食完Lunch..
就閉幕禮啦......
結果我組尾三=.="(第一后發仙至,第二蠍毒天下,包尾係唔記得lu~~只記得要罰每人一次過食3粒魚夫之寶)
但無所謂la~
比賽第2,友誼第一ma~

之後上去影o左張大合照..
之後有D組就走先.我組就繼續睇太陽......(中大剩係個濾鏡都貴過CMT成支鏡=.=")
睇到黑子同日珥,臨走前仲見到彩虹@@

之後我o地成組一齊撘KCR
我就響沙田轉49X返home..
係車上面,當然又係渣攤la.....

好啦.係度做少少總結先繼續la~
今次Camp,我覺得超正呀~~
雖然成個天文camp,真係睇天的時間只有day 3睇太陽
但我o地成組人都玩得好開心~
特別係跳舞時,全部人玩到癲晒~
超正ar~~
haha~~
仲有我組D人都好正~
D人好玩得,玩非州話事啤又唔會太過分~
雖然最後得第6
但學Simon話:比賽第二,友誼第一ma~~~
haha
而且我仲學到好多中大術語:例如最好用的「渣攤」
同體驗到一個中大學生的生活
下年我應該會再玩~~
但件Camp tee有D問題.....
成件毛巾咁....超索水..........

好啦!繼續日記la~
我返o左Home之後..
沖o左個涼,換o左件3
又出門口la....去書展...
撘MTR去灣仔.途中繼續渣攤
去到書展第一時間去o左基督教區
買o左好多CD...
之後去o左麥兜攤位,買o左菠蘿油王子電影原聲大碟...
最後係文傳攤位見到D古董.....(全套龍珠@@)

走時超多人入場...好彩無貪平去夜書市......
之後又係mtr渣攤...
返到HOME...食完Dinner就訓lu~

>>March 31, 2005 at 3:19:27 PM GMT+8

2004 年 7 月 21 日 星期三 【微雨】

中學生天文計劃 Camp Day2~~

今日本來可以訓到7:00的...
但未夠6:00...
大大個的太陽便在我房間向東的窗口外出現....
於是4:50才上床的我便被迫起床了=.="

之後8:00...我o地要去返利黃搖碧樓
但因為今日無bok校巴
要由Shaw行落去利黃搖碧樓....
行o左35min.....

之後開始講座啦
講星座神話
唔錯啦

之後又係分組比賽,玩投資遊戲
分3 part
首先每人有一些數值(e.g HP,IQ,EQ)每個數值一開始有100
之後有一些攤位(e.g賭場,夾豆),每個攤位會扣某些數值,但挑戰成功的話會+某些數值
我們要在限時內玩這些攤位,目的是令數值升高
有人在賭場剩玩21點贏了成萬...
亦有人在賭場贏了成萬後一鋪清袋..........
最後每組的個人數值+起成為組的數值
我o個組由於D人過於正義
好少走去賭(除o左阿爸-Simon.....),當然走粉更係無la~
所以D分都偏低.......

之後因為時間問題...
我o地食o左lunch先~
係等lunch o黎時
我o地組玩o左幾個Black magiC
食完Lunch後玩第二part la~
第二part係每組要用組的數值去投一些大會的物資
目的是整一D高o既野~
但每組只知自己組的數值,而且係用暗標方式進行.....
我組最後投到繩,膠袋同意想不到的雨傘

之後又由於時間問題,我o地去o左天文問答比賽先...
原來唔駛我o地玩ga..我o地係睇全港中學學屆天文問答比賽的決賽...
入場前,見到周秀霞...原來佢係呢次問答比賽的OC
結果,這次長達2個多小時的比賽成為我o地渣攤的好時間
無計..D題目有D真係好難....(比幅人造衛星或太空船的相你,叫你講返個名=.=")
完o左後同周秀霞傾o左2句..

之後玩埋個投資遊戲的第3 part
就係砌高d物資....
玩完後我完全體會到咩係化整為零.....
事緣我o地收到把雨傘後,把野已經係爛...
我o地諗住拆散把野...
之後用D骨拆座搭.......
最後因唔夠時間.....
得一堆垃圾...........
得尾二,如果無拆散把野,就咁棟起佢,我o地分分鐘第二=.="
但個Game好好玩ar~~

之後就學o左跳舞
跳o左狂歡,成吉思汗同YMCA(CUHK???)...
之後食Dinner la~~
我o地食Dinner的地方係Snake Bar....
我o地又係行去,係行返上山,行o左20min
完o左去百佳買野.....

之後去百萬大道跳舞
我o地放晒D袋係中間扮係cAMP FIRE~
haha~超好玩

之後玩水戰.
本來係我o地諗住每人一支槍亂射....
點知係分兩個活動,一邊War Game ,一邊水排球
搞到2345678組盟軍不能成立(之前已講定聯手攻擊第一組)
但我相信OC已盡力的了...始終資源有限....

玩完後,我o地行返Shaw~
haha,我o地又係第一組返到去~
沖完涼後,由於都係無星睇
我o地成組又去o左組爸間房
玩Black Magic , Killer ,非州話事啤,七級豬
今日由於做o左太多運動....
都無搵其他組玩
而且比yesterday早少少散
真係少少:4:10

>>October 5, 2004 at 12:33:33 PM GMT+8

2004 年 7 月 20 日 星期二 【陰】

中學生天文計劃 Camp Day1
今日係中學生天文計劃3日2夜Camp的笫一日

今日早上,天文台都曾發出黃雨..
幸好Camp不受影響..
係Home食o左Lunch就出發la~
去到大學KCR大約1點.
等o左一陣就齊人啦~
之後行上去利黃搖碧樓舉行開幕禮同講座
但第一組蠍毒天下
係講座開始前就一組片七組(即嗌口號係話其他組)
亦由此刻開始.....蠍毒天下就成為其他七組公敵...
之後講座開始啦~
都係講o左D星座o既野啦..(e.g星圖,雙雙星)
之後比o個D time我o地Com組Beat~

之後去o左其中一個Classroom玩Game~
由於之前蠍毒天下一組片7組
其他7組Com過後,係玩Game前整o左個7組一齊片返第一組o既Beat

之後玩o左幾個ice breaking o既Game~(有邊過偷o左雪櫃o個個大西瓜,心臟病)
跟住就分組遊戲
首先玩o左鞋山(類似收買佬,但好部都係鞋.e.g:2對Nike鞋)
最後一關時,我o地應該係最快ga....
但Wing仔竟然收埋o左某d鞋....
最終,佢都係受到7片1的後果(發起人:我組爸:Simon)
之後係玩落大闡,分5關,要係限時內做到1 d task先可去下關

之後學o左跳My Bonnie

玩完之後就分兩批人上搭校巴上Shaw(逸夫書園)我o地住的地方
由於我組係第6組,第2批
我o地就係Classroom渣攤(中大術語:即渣緊時間休息)
同學o左2個食飽飯拍o既Beat~

之後就搭校巴上Shaw lu~
呢兩晚我o地會住係逸夫二宿~
分完房之後渣攤o左一陣
就食Dinner la~
係Shaw Can食...
以去Camp o黎講
DR都算正la~

之後玩Treasure Hunt
去一D中大地方(有新亞圓石,崇基門等...基本上都去晒成間中大ga la)做一D野(最無奈真係搵笨遊戲,真係搵笨的,但結果證明全Camp無人係唔笨XD)
之後會比D hins你.
要估一個星座
由於我o個組有Simon..
所以估星座係亳無難度....
而且都幾好玩ar~
但為了盡快去終點
我o地做完last 1個task係要趕巴士ga........(中大因為太大...係自己有校巴ga)
最後我o地組係第3批出發
但再後係第一組完成所有task到達終點..
除o左第一分多外,最重要係可以第一批返宿舍沖涼~

之後,由於有雲睇唔到星,我o地成組就去o左組爸間房玩,吹水同講鬼故
Simom痴線的,玩非州話事啤,佢差唔多次次A...=.="

之後去o左找其他組麻煩..
當然包括第一組la~(仲聯合埋第4組-宙斯之組去踩第一組場,睇住三個阿爸係度舌戰,我o地3組D仔女笑到肚痛)
haha~
玩到差唔多4:40..
我o地就去訓lu~

>>March 31, 2005 at 3:31:14 PM GMT+8

2004 年 7 月 14 日 星期三 【晴】

今日返學幫學校登記d 新form 1仔
Miss Wai仲請我飲野tim~
Haha
有d人都幾大頭ha
無得身分證or相..
之後去o左白購食o左個好飽好飽的鰻魚飯
正~~~~~

>>July 18, 2004 at 10:22:58 AM GMT+8

2004 年 7 月 13 日 星期二 【晴】

今日係中大中學生天文計劃第一次talk~
本來約o左傑少同阿Ling 5:00係沙田KCR等~
食D野先過中大.
點知佢2個都唔肚餓....
我o地就去o左M記坐...
我就食o左個麥樂雞餐
佢兩個就係度睇TVB週刊....(仲一路串我tim!=.=".
我鄭重再澄清多次,我同副主席無野ga........)
呆到5:10左右...
搭KCR去中大..
一出..見到一堆人...
拎住d組牌.....
但我個組媽(組長)係電話剩係講o左我係第幾組..無講組名....
我問人la...原來我係13蛇夫ga~~
有2個組爸(Sam,Simon),1個組媽(小英)..
Total 10人...
等齊人之後就上中大某一座野(唔記得名la=.=)
影o左組相
派o左d note,星圖..
仲有每人一個蛋糕同野飲.....
之後講座開始lu~
講師係Dr.朱~
但佢講o既野同note係完全無關ga=.="
因為佢印d o左 d note之後
籌委會話太深(係講中子星ga..)
於是就改o左d基本野.
都幾好wor~

之後去o左科普大樓睇星
見到天蠍,天鵝ect..
仲用o左支望遠鏡睇疏散星團,星雲
仲知Simon原來係上年中大天文學會主席!!
佢部PDA有電子星圖tim

之後差唔多10:00..
我o地組就走lu~
期待個Camp ar~
我o地o個組有Simon...
相信個Camp一定好正~

>>July 18, 2004 at 10:16:44 AM GMT+8

2004 年 7 月 8 日 星期四 【晴】

今日AL放榜la...
Vinci同Ben Ngai正式離開張明添...
天文學會的5人幫而家得返我1個......
好唔捨得你o地ar....
希望你o地Jupas放好d..
希望個Camp可以開心d啦.....

下年我都走埋.....
咁元老朝代真係完結la...............

金兄,鄭丙,阿Yam都走晒lu...
以後Canteen張枱只會得返我一個人坐....(好彩仲有劍神)
回想以往.....自己人坐滿2張枱.....
無限感慨~

>>July 9, 2004 at 11:15:21 AM GMT+8

2004 年 7 月 1 日 星期四 【晴】

好悶ar.............

>>July 2, 2004 at 9:09:30 AM GMT+8

2004 年 6 月 12 日 星期六 【晴】

hold

>>June 13, 2004 at 10:30:27 AM GMT+8

2004 年 5 月 28 日 星期五 【晴】

第三章:不平凡的觀星營

1998年12月初，我，梁宇正，魏文俊三人又去找吳賓詢問何時有活動，結果他說聖誕期間有觀星營，叫我們留意早會通告。但直至放假的前一天，我們也沒有聽不到任何關於這活動的通告。於是我們又去找吳賓，他竟說這次活動只給中四至中六(實際上是全部6S)，而且明天便是舉行的日子，但在我們三人的遊說下，最後吳賓都應承給我們參加。
第二日，我們在學校完了音樂節後，他們便在我家換便服，然後便出發往集合地點-彩虹地鐵站，開始一個好玩又好笑的觀星營了。今次觀星營有7名老師參與，包括:吳賓，黃年鳳，羅敏兒，麥婉儀，張少波，陸國輝(實驗室技術員)，仲有個唔記得… 結果這次Camp由在地鐵站集合至完結均弄出一大堆爆笑事件。所以這次活動一定要詳細描寫。就由在地鐵站集合開始吧！
我們去到地鐵站後，還有很多人未到，我們便在那裡等待。一會兒後Miss羅來到，她見Miss Mak還未到便打電話給她，以下是她們的對話內容:
Law:「喂喂，你係邊呀?我到左地鐵站啦」
Mak: 「o下！你係地鐵站，我又係喎。見唔到你o既」
Law:「 o下！我都見唔到你喎」
此時，我，梁宇正同魏文俊三個已經笑到收唔到聲，因為跟本Miss Law同Miss Mak係近在咫尺，只係因為大家背對背見唔到大家...
齊人之後，就乘小巴入西貢啦，由於人多，可以坐滿數架小巴，我和波sir同車... 於是波sir便說先將車費給他，收齊後才一次過付款。但當收齊之後，波sir點點數，發現差一個，便不斷問誰人未比車費，但沒有人應他。突然，有人說:「係咪阿sir你自己呀 」接著，波sir想了想，說 :「咦！係喎，原來係我自己未比。」結果全車又笑到收唔到聲…
到達西貢之後，我們要轉一程巴士同行大約15min先到達營地-小童羣益會白普理營。
一去到，當然又係慣例的營地介紹，之後分房。然後開始自由活動啦，仲有繩網玩添！但我當時唔夠瞻玩，所以剩係睇張永昌他們玩，個繩網好大，仲幾好玩添。
之後就係BBQ時間，然後就開始觀星啦，有專人教架！首先，係hall舉行一個簡單講座有關當天星空，之後就去繩網陣個草地現場教我們認一d基本冬季星座，例如 : 獵户座，金牛座。超正呀！一片雲都無，個天好清呀！之後，我們更利用營地的望遠鏡進行觀星，有:木星、火星、天狼星同七姊妹星團。
之後我們返回房開始我們的分組比賽，分組比賽，第一件事當然是分組了，由於我們三個和除了張永昌和李家柱外的其他人唔太熟識，所我以就和張永昌同兩個女仔一組(李家柱無入組，因為他是幹事)。我們的組名厲害啦！由於想用特別些的組名，但又諗唔到，於是就叫做-不問因由組，意思:唔好問點解改呢個名，因為根本就無理由！
之後開始第一個遊戲，亦是天文學會宿營例牌遊戲-黑夜尋寶啦！由於我組有3個F.2， 所以得到大部份老師偏幫，其中Miss Law可說是最搞笑，事綠有個目標，提示係-彩虹仙子
我們知個地點係邊，但就搵極都搵唔到，於是Miss Law就叫我們去搵其他先，佢留係度搵。離開後不久，便聽到Miss Law大叫:「咬柴呀！好痛呀」但無人理佢，繼續搵…玩完後，就問佢點啦，點知佢話跟本無咬柴，只不個係搵到彩虹仙子個路標，但又唔想大叫比其他組知，所以出此下策，但竟然無一組來找佢。聽完後呆o左一陣，之後又再次笑到收唔到聲…
之後係第二個遊戲-角色扮演啦，玩法係每組派幾個完全無關的人名，要你砌一個故事兼做畫劇演出來。我組有: 劍持sir(金田一) 、許文強(上海灘) 、電波少年…
我組的編劇當然係張永昌啦，我組個故事大約如下: 首先，電波少年係度截車，但截唔到，就訓教啦。在他們熟睡時，許文強被兩人追殺，最後被毒打一身後，被人槍擊死亡。第二天電波少年起身，發現有條鹹魚訓係旁邊，就拿部電話打比劍持sir，劍持sir到達後，調查條屍，之後凶手二人再經過時，便被劍持sir捉走了。
接著便分配角色，首先劍持sir呢個咁型的角色當然又係張永昌啦！而電波少年就比兩個女仔做，而我們3個F.2就做凶手同許文強。但由於許文強要比人打同扮死屍，所以無人肯扮，於是用最原始方法-包剪dup 搞掂，最後梁宇正輸了，要做許文強，我同魏文俊做凶手。真正演出時，我同魏文俊真係大大力打落去架。
之後我們在房間內玩了一會UNO，約十二時許，便去了觀星，我們把營舍內的尼龍床搬了去繩網陣的草地上，之後便在那裡觀星，更一面觀星，一面聽吳賓講鬼故，成為往後天文學會宿營中的第一大活動-吹水大會的基礎。大約二時許，有人說:「不知會不會看到流星呢」誰知語畢，天上就有一大粒流星劃破平靜的星空。最後那晚，我們共看到六顆流星。大約四時許，因為天氣開始寒冷，我們便回營舍睡覺了，但在六時，我們便被波Sir玩UNO的聲音吵醒了…我們便為加入了“戰團”
早餐過後，我們便進行最後一項分組比賽-熱血高校了，首先他要求兩組合為一組，我們和AYP組合迸，於是…一隊叫AYP不問因由組的東西便出來了…
熱血高校-即躲避球，開始時有5個內場和一個外場(外場在對方那邊界外)，當對方把球丟給你時，一定要接穩或避開，如果球觸碰到內場球員後跌在地上，即觸球那人變為外場球員。如果球出了界外，即由對方外場球員在己方界外再開始。當其中一方內場再沒有球員時，那隊便是輸了。由於我隊有3個F.2，體力上已不如其他隊，加上我又不太喜歡運動，最後當然是輸了。
吃過午飯後，我們在營地門口拍照，之後便回家了。
這次宿營，可說是我們在天文學會有特殊地位的開始，因為這次宿營本來是只給中四至中七參與(實際上是全部6S)，但卻出現了我們三名中二生…也是這次宿營開始，我們開始對天文真正產生興趣。也是這次宿營後，導致我們和張永昌更加熟絡，成了正式成為高級會員的伏線…

>>May 29, 2004 at 2:04:15 PM GMT+8

2004 年 5 月 28 日 星期五 【晴】

港台之旅~

>>May 29, 2004 at 2:02:16 PM GMT+8