2003 年 4 月 18 日 星期五 【晴】

二字記二日之生活:頹+悶

>>April 19, 2003 at 4:03:01 PM GMT+8

2003 年 4 月 16 日 星期三 【晴】

今個禮拜決定唔掂書,盡量頹,休生養息,經過琴日的全日大昏迷之後,今日就約了然過銅鑼灣行番夠
行程:先去味千食左碗noodle,行time square,去皇室堡對面行angnes b,撞到以前TL同學阿詠,再去世貿行多兩個圈,然後去食雪榚(好好味ar不過就略貴左少少)之後就落灣仔la,先去凌記,陪然返ive羅野, 然之後要返工,我就去左集成mc café 飲野,坐左成個鐘,睇小說,之後就返屋企lor
好耐無行街街la,今日開心ar
ps. 下個禮拜一於去燒雞翼!!!
今日朋友h去考phy 的lab,佢話唔係好得,希望佢係過慮,成績ok,一起入u la!!!


>>April 19, 2003 at 4:11:36 PM GMT+8

2003 年 4 月 14 日 星期一 【晴】

四月十五日, 考中史la,之前一晚阮老師係十一點打俾我問我讀成點,當然係答差不多la但其實係覺得個腦一遍空白的,諗住早d上床,但都係眼光光,覺得自己失左憶,好似無野係個腦,死硬,
我的願望好低jar但求合格ma
中史7份paper, 治亂制度學術交通史學宗教經濟,話你聽讀得完就假的,每個範圍出三條,再答一條,當然係貼黎讀,但係都讀到發癲,條條都千幾二千字,又驚貼唔中,又知一定會有at least一份paper會玩大家,出一o的跌眼鏡題,所以真係好驚ar
第二朝7點就起身,再溫多次,希望有用la,8點鐘出門口,今日的戰場係旺角勞工子弟學校,very近十五分鐘之內一定到,但去到有少少遲,因為個hall原來要行幾層先到
開考la一望份paper第一個感覺係:肥仔係唔係去左考試局做ar佢琴日同我講個d中左wor,但我好似唔多懂wor,ok 唔理la做

聽阮老師琴日的提意,第一條唔做資料題,所以就由學術思想先la
思想史今年都ok又真係比肥仔貼中出道家但竟然同法家比,
我答朱陸,但佢只問異同,又唔問淵源,又唔問辯爭經過,即係要拉長寫,終於寫了兩版半收場

第二條做資料題,都ok la做漢武施政,都有讀的,自問亦分析得ok,以每一施政必有得有失故無一面倒之評價及唔同背景的人有唔同的立場為主打,應有不俗成績,但不幸地,竟然係我做完成份paper的時候(仲有三分鐘)我先發現第二版仲有一段資料,甘就死左la,我諗合格掛!!!

到制度史,我估中出中央出軍機處但無讀中央, 唐宋地方有讀但好似完全無左記憶,唔懂答,無奈之下,惟有答選舉,出9品中正,我識得失但無背內容,是故前半之內容全靠個人有限之史識,有限之記憶以及無限之吹水也,而已如此這般下都吹了兩版有多,希望ok

最後做治亂,今次o的題目都幾恐怖,係王安石同元朝衰亡掙扎一輪之下,都係答元朝衰亡之因,我以{馬上得之,馬上治之,馬上失之}為重心,以其不因勢而變,用武不用文又不願同化為解釋,再mention佢點係政策,經濟同軍事上失誤,希望方向無錯la

lunch返屋企食,諗住溫多次,無奈被田味吉引住,故一路食一路睇電視
之後臨危讀多少少又上戰場LA

收到份卷,第一個感覺係考試局明玩大家,甘出題法有幾多人會甘溫ar
經濟出漢土地政策,兩稅租庸調比較同專賣, 交通出左法顯,市舶,張騫,玄奘同周達觀短題目,史學正常番少少,文史通義加史漢,宗教chi線,出左3條k型野,道教,外來宗教,同埋一條變態天主教,基督教

先做一條交通史,做短題目,突然唔多記得阿玄奘個行程,於是寫埋個o的呢{佢行經xxx等國,千辛萬苦方到達天竺(但又唔記得mud國),遊歷各地(又唔得記邊度)}如此這般..寫了4版紙,寫到我逼自己收手,驚做唔完其他ar

之後做史學史,做章學誠貢獻,背下吹下又一條la,合格既

再做宗教,一定係天主教,基督教,佢今年竟然問為何以利馬為兩教之代表,我就用二者對兩教的貢獻用地位講,話利瑪竇係令天主教有重大發展,同用新方式傳教,是前人所未見,馬禮遜呢就係開創者同創教派合一運動,教會教育(哈,又唔係好記得佢創立邊間學校,so又係只寫英華書院)

最後要答經濟,無溫王莽同專賣,冇得揀，一定做兩稅租庸調比較,但都只不過係讀左兩稅,是故又係吹吹吹,兩稅的好處相反就係租庸調,哈哈都唔知對唔對,聽天由命la!!!

一份中史AL PAPER,結論係變態兩大隻字,考試局今年明玩大家
而我呢係有史以來第一次完成whole paper,總共寫了21版字,考完成隻手好似無左甘,成個右邊身好似唔係自己的,希望過到關la,一考完立即上火車站食野,好肚餓,o的 chocolate muffin好正ar,食完立刻去買小說,之後返屋企,一照鏡,好殘ar 得返ms未考,我要等下先再溫,休息一下先la
PS.今日好凍ar,我著唔夠衫,好辛苦
********************************************************************************************************

落腳地要怎麼溫暖 才會令我留戀 像太陽每天兜一圈 萬哩路也不遠
環遊世界各樣發現各樣燦爛也覺鮮艷 環遊世界每段美麗故事每段也要繾綣
侍應為我加添燈火 問我還要甚麼 未看未幹的這麼多 像答案亦有千個
環遊世界這樣那樣各樣漂亮看個清楚 環遊世界兩萬個日與夜每夜你會怎過
遊蕩世界看一看 沿路觀光加探訪 其實世界每一角 全是寬躺的客房
每日過關過站誰也在流浪 我卻快樂 我會快樂 我太快樂 我太快樂
就算做個溫馨的窩 行李內放甚麼 在世上旅館這麼多 做個客人也不錯
環遊世界這樣那樣個樣漂亮看個清楚 環遊世界兩萬個日與夜每夜你會怎過


>>April 16, 2003 at 5:06:24 PM GMT+8

2003 年 4 月 7 日 星期一 【雨】

今日好可憐ar,一路cut notes點知cut左落手,o的血係甘流,好恐怖ar,
依家我隻手紮棕甘紮,好黑ar,好彩係左手jar,唔係a level都唔知點好

>>April 8, 2003 at 3:14:58 PM GMT+8

2003 年 4 月 6 日 星期日 【晴】

我今日唔多妥,好唔舒服,6係一定要撐住ar,
唔可以病, 唔可以病, 唔可以病……


>>April 8, 2003 at 3:13:27 PM GMT+8

2003 年 4 月 2 日 星期三 【陰】

今日考econ啦,由於轉戰場的關係,所以一早就出門口,一早就去到學校門口,實在太早啦,諗住會好無聊
點知一行入去就覺得唔對路,我有o的以為自己去左一個郊野公園,左邊係樹右邊都係樹,係完全睇唔到任何建築物的,行左差不多十分鐘先到main building,完全係有行入深山的感覺
唔怪知某人叫我搭的士上去la (記住你話你俾錢gar)你以前日日都係甘返學gar???好勁ar，身體一定好ｌａ日日做甘多運動
上到去,間學校的環境的確勁,左邊一個大草坪(係一個正式運動場甘大),右邊幾座兩層高的building(有o的英式feel),好空曠,好正ar,不過都有唔好處的,就係有蚊咬la,我中左招ar,到入hall啦,嘩o的抬好鬼得意ar係斜gar.仲有位俾你擺文具,都幾好坐gar,幾舒服wor
開考la, micro都ok,起碼一定好過mock,做得尚算順利,不過我就不幸地做唔完,原因唔係太多question. 係因為遲左開考,但我無對錶,但個hall 個鐘勁細,我完全睇唔到what time is it,所以當我以為仲有15分鐘俾我做最後一條的時候,仲竟然宣佈剩餘5分鐘,死la,做唔完ar!!!
Lunch去了火車站個商場的意粉屋食,為了一杯熱到痺的coffee, 我終於遲左行,而要聽某人的話搭的士la,上到間學校,個司機都忍不住要同我講句,都未見個有間學校可以大成甘,真係有$係唔同o的,taxi driver I am really agree with you,真係未見過甘豪的學校ar
ｍａｃｒｏ係唔係好得ｌｏｒ好多條都勁難，雖然自覺比ｍｏｃｋ好少少，但都危危地，特別係我完場時發現我答錯了條ｐｐｐ　ａｒ，完全係有想死的感覺
終於考完ｅｃｏｎ，自覺都擺了好多心機落去，我做左甘多年學生，都未試過甘勤力ｇａｒ，今次ａｌ係我有生以來最用力的一次，希望可以成功ｌａ

ＰＳ．係wor講左甘耐都無話俾大家知我去邊間學校考ｔｉｍ，係DBS, Diocesan Boys’ School　（係咪唔多知點讀呢，係呢度畢業的某人已經教我讀過無數次，但我都係唔係好確定的），係男拔萃ａｒ！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
最快樂那一年
一部懷舊的電影　淋濕了心情
你的愛還在旅行　或已定居哪裡
也許遺憾和年輕　總綁在一起
不容許一點委屈　等放手才懂惋惜
靜下心來發現過去　大半是甜蜜　回憶
我最快樂那一年　是你陪我經歷一切
什麼都生動又強烈　有真正在活著的感覺
我們最快樂的那一年　像濃縮了最精華的時間
短暫卻永遠是火焰　在情緒冰涼時暖和心田
多留戀都不能　活在從前
決定不愁眉苦臉　不讓深愛的人　掛念


>>April 4, 2003 at 5:28:52 PM GMT+8

2003 年 3 月 31 日 星期一 【晴】

又一次有人選擇以這種方式去結束自己的生命,我每次都會問一個問題,點解會O甘?
其實要走上這一條路都需要很大的勇氣,但又點解唔可以用呢一o的勇氣去面對問題呢?
寫上兩首好喜歡的兩首歌
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
有心人
寂寞也揮發著餘香 原來情動正是這樣 曾忘掉這種遐想 這麼超乎我想像
但願我可以沒成長 完全憑直覺覓對象 模糊地迷戀你一場 就當風雨下潮漲
如果真的太好 如錯看了都好 不想證實有沒有過傾慕
是無力 或有心 像謎 像戲 誰又會似我演得更好
從眉梢中感覺到從眼角看不到彷彿已是最直接祼露
是無力 但有心 暗來 明往誰說 這算是 情愫
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
追
這一生 也在進取這分鐘 卻掛念誰 我會說 是唯獨你 不可失去
好風光 似幻似虛 誰明人生樂趣 我會說 為情為愛 仍然是對
誰比你重要 成功了敗了 也完全無重要 誰比你重要 狂風與暴雨 都因你燃燒
一追再追 只想追趕生命裡一分一秒 原來多麼可笑 你是真正目標
一追再追 追蹤一些生活最基本需要 原來早不缺少 有了你 即使平凡卻最重要
好光陰 縱沒太多 一分鐘又如何 會與你 共同渡過 都不枉過
瘋戀多 錯誤更多 如能重新做過 我會說 願能為你 提前做錯
誰比你重要 成功了敗了 也完全無重要 誰比你重要 狂風與暴雨 都因你燃燒
一追再追 只想追趕生命裡 一分一秒 原來多麼可笑 你是真正目標
一追再追 追蹤一些生活最基本需要 原來早不缺少
只得你 會叫我彷彿人群裡最重要 有了你 即使沈睡了 也在笑
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊


>>April 1, 2003 at 3:19:31 PM GMT+8

2003 年 3 月 31 日 星期一 【晴】

今日終於考完UE,不過不失la我諗合格排,但又係好奇怪,一向拿手的有O的失準,反而一向唔多好的覺得OK
SECTION A: 唔算好難,但有少少漏,比平日差少少LA
SECTION B: 反而覺得比平日好少少, 寫得都算OK,夠字又無為字數唔夠而老作,希望合格LA
SECTION C 好似比平日易好多,O的文章全部都好易明,一O的都唔深,我第一次做得完,仲有少少時間剩TIM,合格應該不太大問題
SECTION D: 完全失準,好怯AR,我個組一男一女好冷靜,但我同另一個男仔就勁震,兩個好似神打甘,仲要勁明顯,雖然內容都OK,大家都好合作,完全無DEAD AIR,又幾有禮貌,但都比平日差勁多,勁DOWN GRADE AR
SECTION E 好恐怖AR我平日靠呢一份卷gar,但今次做得勁差,又做唔完,死la會唔會肥gar,好驚ar
總括而言,我諗都合格掛,但合格以上成績就諗都唔敢諗la


>>April 1, 2003 at 3:17:08 PM GMT+8

2003 年 3 月 27 日 星期四 【晴】

幸福是一碗水
從前,一個富人和一個窮人談論什麼是幸福o窮人說: ‘幸福就是現在’ 富人望著窮人的茅舍,破舊的衣著,輕蔑地說: ‘這怎麼能叫幸福呢?我的幸福可是百間豪宒,千名奴僕啊!’
一場大火把富人的百間豪宒燒得一間不留,奴僕們各奔東西o一夜之間,富人淪為了乞丐o
7月流火,汗流浹背的乞丐路過窮人的茅舍,想討口水渴o窮人端來一大碗清涼涼的水,問他: ‘你現在認為什麼是幸福?’ 乞丐眼巴巴地說: ‘幸福就是此時你手中的這碗水o’ 其實,幸福本來就是現在o只有把一個個現在串起來,才成就這一生的幸福o


>>March 28, 2003 at 4:14:02 PM GMT+8

2003 年 3 月 27 日 星期四 【晴】

今日係第一日正式的考試, 考中文
有o的失準寫得好少,我考完出黎聽到個個都寫得多過我,我真係寫得好少jor點算ar
作文寫信,我諗不過不失la
不過今次反而幾欣賞速讀o的文章,我做完之後仲有時間,就慢慢睇的文章,幾鍾意講幸福個一篇ar!
黃昏某人覆我電話,佢第一句就問我做mud又唔講自己係邊個,搞到我反應唔到,同佢無聊地語無倫次了十五分鐘,中間都夾雜了少少正經野的,不過我對親佢都反常gar la,個腦好似被紙黏土漿住左,運作唔到,
佢自己無端端同我講佢暫時會stay唔走,我問佢搞緊mud,佢話考完食飯先話我知wor
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
觸不到的戀人
我想問　我們有愛過嗎　你一笑　我又講了別的話
老是拿你沒辦法　想太多嗎　我要維持我的懂事吧　不要太傻
老實說　算好朋友對嗎　但事實　有時讓人害怕
如果亮燈之後　結果空白　讓夢留在黑暗再開花　好嗎
那麼我有必要為你哭嗎　還是說我就認了呢
我感動了自己　也感動不了你　是殘酷(的)但真的
#你就是觸不到的戀人嗎　被困在愛情的時差
我到了好久吧　你還有沒出發　我錯了嗎　你太會讓我牽掛 #
我口吻就像得不到的情人　等不等其實不是你的責任
會不會我太認真　你才會隱藏　你的靈魂


>>March 28, 2003 at 4:09:04 PM GMT+8