Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 >>

2003 年 4 月 24 日星期四【晴】

今日一番到學校就係度發呆咁.......
都唔知自己做乜野........
不過好彩有polly同阿秋陪我玩~
哈哈~開心好多........亦無咁多野諗lu~
我地又去映貼紙相呀.........
但係好攪笑~諗住映個陣~
無啦啦有個人走左入黎呀~
我起初以為係polly d friends~
但係當我睇清楚既時候.........
先知原來係奶媽家樂仔~
哈~你個頭攪成咁呀~
我都唔認得你lu~
跟住佢又好"無里啦間"咁..........
同我地一齊映相喎~
好攪笑~好似同一個三唔識七既人映相咁~
不過都好開心呀~咁都撞到你呀~
番到學校又係廁所玩水呀..........
攪到成身濕晒呀~
polly......都係多得你捉住我......
等我比阿秋照頭淋呀~
我又點可以唔多謝你喎,係咪??
阿秋........你都係呀~竟然幫佢唔幫我呀~
上英文堂個陣大同阿秋傾計~
呵~你而家知道我咩事啦~
你要救我呀.........哈~講笑咋~
放左學又同"你"去睇戲呀~
但係搭左成個鐘頭車.........訓到吽吽地........
不過我都係第一次係個度睇戲呀~
好似去左舞廳咁............好攪笑~
其實今日聽完你講既野.........
我都安心左少少家啦~
唉..........不過算啦~
我都唔想理咁多呀~
又係你話要開心家嘛~

polly~我都好多謝你呀~
鍚晒你啦~你對我咁好呀!!
不過你都唔好咁煩啦~
我地要齊齊開心家嘛~
我又點會留低你喎.....係咪??

貓王秋~你都係呀..............
多謝晒你聽我講左咁多廢話呀~
哈~不過好開心呀~
下次你地去傾計..........我又要去呀~

小天使家瑩~你又唔早d打比我喎~
我都好想出黎呀........
><你地就好啦........
有得去食飯同飲野呀~

志鍵~係咪真係下星期去買衫家~
你好呃我喎.............
不過我買野~你比錢喎~
你唔係唔幫我比呀~
即係唔當我係friend 0者~
打你家..........好痛家喎~
哈~你唔洗咁驚喎~講笑咋~

p.s~哈哈~今日比人話我個袋,似係小學生上勞作堂喎~
咁咪親我囉.........低低能能咁呀!! ^^

>>April 26, 2003 at 12:04:26 PM GMT+8

2003 年 4 月 23 日星期三【晴】

嘩嘩嘩~今日超級霹靂勁開心呀!!
今日同polly、阿姿瘋狂購物呀.......
哈~我地都買左好多野...........由其係我~
好似十年都未買過野咁呀~呵
不過最衰阿姿買完衫之後要番工啦~
如果唔係就可以同我同polly一齊發癲~
我地差不多成個旺角都行晒咁呀~
我地又買左三件衫啦.......同好多唔等洗既野~
不過真係好靚靚~而且重有我最鍾意既babycinnamon~
而polly就買左條好靚靚既夏威夷hello kitty~
個花好親你呀~0岩晒你啦~haha..........
我同polly重買左件波衫一齊等去海洋公園著呀~
哈~不過個度d sales好衰.......黑色又話好~紅色又話靚喎~
攪到我都心大心細........唔知買咩色好呀~^^
我地買到好累........就去左新世紀坐左陣~
睇我地既戰利品~我地都好似傻婆咁~
係度沾沾自喜呀........又同d戰利品映相~
坐坐下.......我地又話去新城市再行過呀~
哈~咁我又再度買左野啦........洗晒身上既錢~
不過洗得好安樂~因為我好耐都未試過買咁多野啦~
跟住我地又去左麥記傾計........講左好多野~
我亦都諗在好多野........

p.s~今日玩得好開心~咩煩惱同唔開心都唔記得啦~

>>April 25, 2003 at 3:38:42 PM GMT+8

2003 年 4 月 22 日星期二【晴】

今日已經比人話得夠喇..........
我都知係自己唔好.........
BenBen、黑鬼你地話得我好0岩.........
我只係好無奈..........
點解每次都係咁.........
我諗都無野可以再寫喇..........

~~~~~~~~~~~~~~~~~~~~~~~~~~~~
是我不懂怎麼取悅你
或你身心一早已抽離
或是將一切作注碼信任你
完全輸了運氣輸了自己
~~~~~~~~~~~~~~~~~~~~~~~~~~~~

>>April 24, 2003 at 12:14:35 PM GMT+8

2003 年 4 月 21 日星期一【晴】

等左咁耐...........
今日終於有得番學啦~
好開心~因為見番班好好同學~
哈~又可以同佢地大癲大肺喇~
又可以拍一連串好攪笑既movie呀......
haha.......polly都係多得你啦~
雖然尋晚又無覺好訓呀..........唉~
但係見你地~我又成個精神晒喇~
有得玩又點會無我份喎~
由其係今日比polly同阿姿整到我濕身呀~
好彩件衫都唔係好透..........
你地就"矛"啦........著黑色衫呀~
呵~不過好耐都無咁玩~極開心呀~

polly~你都要開心d呀~
唔好再成日諗住個件事喇~
哈~如果唔係我地玩得唔夠痛快家嘛~
不過我諗而家都可以放心晒啦........
真係羨慕呀!!haha.........
記得聽日一齊跳舞喎......唔係唔預埋阿姿呀~

fish囡囡~你都係呀........
唔好因為今日件事而唔開心呀~
你嚇死我呀~好擔心你家嘛~

小天使家瑩~哈~你都要開心呀~
知你無再喊.........
我都放心喇~
你記得要同我買定間屋喎~
咁我地就可以日日好似去camp咁~
重可以打電報添........

志鍵~我無事家喎~
你一定要對佢好呀~
佢而家會好珍惜你家喇~
得閒就出黎食飯啦~
我地都要過得開開心心!!

>>April 23, 2003 at 10:18:19 AM GMT+8

2003 年 4 月 20 日星期日【晴】

今日一早同左fish同駱駱去行街街呀~
好開心...........好耐無見喇~
行左一陣駱駱約左黑爸爸~
哈~黑爸爸個樣真係好可愛.........
完全唔覺得佢惡喎.........^^
後來我地一齊去左fish屋企~
一去到.........."妹妹"就"賴尿尿"呀.......
都係因為見到黑爸爸啦........
好彩佢無係黑爸爸隻腳開"大大".........

之後夜晚又約左志鍵食飯........
哈~佢講大話...........
尋日又話佢會諗定今日食乜~
點知問佢個陣..........乜都唔記得~
哼~最終都係周圍行~
見到邊度無人就去邊度食呀........
^^不過總算行左一陣有得食~
如果唔係餓死都唔知事呀~
食完之後我地去左傾計~
都傾左好多野.........
不過應該講一直都係志鍵係度講野......
而我係度聽佢講野..........
不過我都好多謝你呀~
我無事~放心!!

p.s~玩左一日~好累呀!!

>>April 22, 2003 at 2:17:23 PM GMT+8

2003 年 4 月 19 日星期六【晴】

好開心呀~因為尋晚四點先訓呀~哈~哈~
至於原因係咩呢........當時人同我知呀~!
真係多謝晒你呀~你今日要訓足d喎~

哈~等左咁耐今日終於有街出啦~
好開心........今日去左睇戲呀~
但出戲睇到我地O晒咀呀..........
由頭到尾都一頭霧水~
再加上睇到最尾..........
頂唔順........訓左~
所以完全唔知做乜.......
不過算啦~當有個地方比我訓番覺好既~
但係你好黑人憎呀..........><
係火車度比你無啦啦用個好肉酸既膠袋"粒"頭呀~
重要好"矛"咁唔比人報仇呀..........
哼~嬲你呀~唔同你玩呀~
為左罰你~我係唔會比番本"樣衰阿闊"你~
因為我鍾意佢呀~
佢同你一樣講埋咁多無聊野~哈~

>>April 21, 2003 at 3:47:26 PM GMT+8

2003 年 4 月 18 日星期五【晴】

唔知點解真係感到好不安呀~
係自己覺得幸福既同時.........
有好多人可能好唔開心.........
忽然間就覺得自己好衰~
我將你叫我睇既"摘星"~
不停重覆重覆咁睇.......
每一次睇完都好想喊.......
但真係會有一個好似"昀漢"既人咩??
我諗就算有......都一定唔會多!!
但係個女仔真係好幸福呀!!
不過有好多野錯過左......
就真係唔可以番轉頭.......
唔知點解會有咁既感覺~
本來一早就諗住寫E-MAIL比你~
但諗左好耐.......
始終都唔知寫咩比你好~
只係好想寫D野比你!!
雖然已經寫好左......
但係就無寄到比你.......
只係放左係寄件箱度~
唔知點解.......寫完反而唔想寄呀~
而家已經係零晨三點啦..........
你一定訓得好"霖".......而我~
依然訓唔著..........有好多野諗~
正如你話........你都知我今日一定......
會有野想同你講..........
越來越怕自己會對你唔夠好啦........
可能..........係因為係你身邊..........
一直都有好多人對你好好啦...........
所以反而覺得自己就算係你女朋友都好........
但為你做既野........都唔及得上佢地~
越係想自己對你好........就越係怕無能力做到~
知道以前你既女朋友對你唔好.......
就好希望自己唔會係佢地既其中一個~
希望而家同將來既你都要過得很幸福~

P.S~"就算擁有的時光是那麼短暫，
但能夠無怨無悔地為一個人付出，就是幸福！"
AM~ 3:04

真係好出奇三點幾竟然重會見到你上網~
而且重可以到你把聲..........
不過你就好慘喇~比隻蚊針到訓唔到呀~
重要被迫出廳訓.........
你又唔聽話唔肯開風扇呀........
今日你要訓多d啦~
唔係又唔夠精神呀~

BenBen~多謝你呀~同你傾完計好番好多喇~
不過我始終無講到呀........
唔知點解~我諗都係算啦........
反正都係咁過......
可能有d野擺係個心度會係一件好事~
你得閒比我煩下就得喇~

秋~你要加油呀~唔明就問我啦~

P.S~但願一切也過得簡簡單單..........
PM~5:47

終於都同你講左啦........
真係好多謝你呀........
而家個心舒服左好多........
你唔好唔記得我地既"協議"喎~
你知道如果做唔到你的話~
要罰罰家喎..........哈~
PM~10:06

>>April 20, 2003 at 3:51:27 AM GMT+8

2003 年 4 月 17 日星期四【晴】

嘩~~你0地果然夠朋友呀~
真係會留言比我呀,........
好開心呀~多謝晒你地~鍚晒你地~

阿秋~你都加入我同Polly既戰團~
哈~~大家一齊整靚靚呀~

阿檳~我心情真係好靚靚呀~
你都要好靚靚喎~笑

唉.......好悶呀~
本來諗住今日有得出街街........
但係就變左係屋企發牛哣~無奈~
已經三日係屋企對住陪電腦喇........
對到唔想再對.......玩到無野玩~
唔知做咩好........
好掛住01601B-C既朋友仔~
唔知幾時先有得一齊去癲去玩~
阿哥你就好啦........好羨慕你~
有得去昆士蘭玩呀......
買手信呀.........要好多好多~
不過你買完比我都要明年先收到~唉

~我既第二個最愛呀~靚唔靚呢??

>>April 18, 2003 at 6:57:07 PM GMT+8

2003 年 4 月 16 日星期三【晴】

今日好擔心公主囡囡同皇上駱駱~
唔知點解囡囡同我一樣夜晚好夜都唔訓~
我就想訓都訓唔著........唔知囡囡係咪呢??
媽媽好擔心你呀!!不過千其唔好發皮氣先~
雖然我都諗唔到辦法可以令自己早D訓~
但係如果公主有熊貓眼就唔靚家啦~
唉.............重有我好擔心駱駱~
唔知佢同佢男朋友點呀.......
尋日佢話比我聽佢唔開心........
但係我又唔知咩事喎~
希望佢地而家無事開開心心啦~
唔開心就話比我知喇~
我點都會聽你地講家嘛~
我地係一家人呀~^^

姿姿~你都係呀....唔好咁啦....
你睇我對你幾好呀~
你一唔開心我就出黎陪你呀~
你話唔想出街........
我又特登去你屋企呀~
都算唔話得喇~
咁為左報答我就唔好唔開心啦~

阿培~你隻腳點呀~
而家重痛唔痛??
小心d喇~唔好再整到~
如果唔係會好難好番家~
重有唔好唔得你個"法號"喎~哈哈~

BennBen~你地今日玩得開唔開心呀??
哈哈~唔好意思呀..........
出唔到黎食飯呀~
不過我好掛住你地呀~
好快可以見面啦......YEAH~

POLLY~你要加油整網頁呀~
我無限量支持你家~

都唔知點解好多人都話我同左........
就連好耐都唔見一次既人都係咁講~
到底我唔同左d乜呢??我都好想知~
其實我反而覺得而家開心左好多.........
諗通左好多野..........都無再為d少事而煩惱~

近排有好多朋友仔都唔開心呀.......正如Polly話齋......氣氛好差呀!!
所以你地唔好唔開心啦~睇下我幾可愛~"笑"番下啦~

>>April 18, 2003 at 4:06:44 AM GMT+8

2003 年 4 月 15 日星期二【晴】

真係好唔明........
點解係我覺得自己.......
開心番好多無再亂諗野個陣~
你反而覺得我唔開心~
重要話如果知我係咁~
不如好似以前咁重好~
唉..........真係好無耐呀!!

起初我以為..........
如果我可以改變自己~
唔好成日為d少事而煩~
咁樣你會開心........
因為我唔洗令你再擔心我~
但係聽過你講既之後~
我先知..............我好失敗~
因為不單止..........
無達到唔要你為我煩既目的~
反而令你怕我........
更加收埋自己.......
我真係唔知講咩先好呀~

哈~不過聽完你講左好多........
sweet sweet 既野之後~
真好開心..........
你知你好少可會咁家啦~
你唔可以破壞.........
你個咁"蕭"既形象家嘛~
不過點都好啦........
我好多謝你呀~
但係你尋晚咁夜先訓呀~
今日一定變有"熊貓眼既洪鷹"喇~
你知你平時幾早訓先得家~
唉...........我就訓唔到啦........
因為無左大眼仔........
你要好好對佢喎!!!

唉......今日有人好小心咁整損腳~
攪到聽日無得踩單車...........
重有打唔到波.........出街重要撻拖~
成日話我唔小心~
但你自己都係啦~
又怕痛呀........叫到咁鬼大聲~
慌死無人知你整親咁呀~
哈哈~~~你要小心唔好再整親呀~
大眼仔同我會唔開心家~

p.s今日已經係我第五日無亂諗野啦~
我要再努力..............

>>April 17, 2003 at 3:24:00 AM GMT+8

<< 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 >>