|
2005 年 1 月 20 日 星期四 【颳風】
今日上到黎見到駱駱個留言~
好突然咁知道lee個消息~
見到你唔開心.......好擔心你呀~
不過我真係好多謝你會同我講~
雖然可能好耐都無見面無傾計~
但係你都依然會同我講你既事~
如果重有咩唔開心既話~打比我啦~
我一定會陪你家.....啜~~~卟
因為你係皇上黎家嘛^^
好想可以快D有機會同你地出黎呀..........
lee續幾日既考試都死晒.......
唔知點解反而溫得多重衰咁~
可能因為自己比自己壓力好大咁~
算啦~~~唔理LU..........都過左去~
今日考完之後係門口吹左陣水.........
跟住就就各自散啦~
貓王同肥輝佢地"督"波........
bebe就唔知約左邊個番馬鞍山~
(好似係阿頭掛~~~)
我咪同bearbear出左去旺角囉~
不過好眼訓........尋晚溫到3:00呀........
所以都無咩心機行街~
但難得放兩日假先再考呀~
當然比自己放鬆下啦~
lunch個餐係車仔麵........好味~
跟住就去左行瓊華,信和同朗豪坊~
本來好想買野家........
但係自己又眼訓喎~所以懶得去睇~
不過去到信和都好好彩咁買到"植木"呀~
等到5:00左右就開始番沙田~
坐係度睇左陣雜誌就無無聊聊咁係第一城行下~
因為等到7:00左右先去大家樂打邊爐呀~
好野~~~好耐都無打啦~~~~好好味呀~
打邊爐個陣重撞到DB個阿SIR呀~
佢竟然識得我~對住我笑喎~嚇死~
食完野本來諗住食埋糖水先走家~
但大家都好飽飽呀........
所以都係下次先啦............
番到屋企好累........乜都唔想做~
明天重要開始溫書.........好唔願意呀~
P.S~今日收到(大灰熊)=肥仔既電話~
真係勁出奇呀........我重以為佢係鴨仔黎呀~
把聲勁似........又話中三,四識我呀........
加上我無諗過佢會有我電話呀........
都係鴨仔比佢家啦........><
之後咪講下幾時出黎食飯聚舊囉~
之前同鴨仔約食飯約足一年咁滯都未食~
叫佢約埋肥仔........佢地又慢條斯理咁呀~
唔知今之會唔會又係咁呢????
P.S.P.S~比人發現左.......SORRY~
>>January 21, 2005 at 3:56:32 PM GMT+8
2005 年 1 月 17 日 星期一 【晴】
今日終於都開始左考試lu~
當然係好辛苦啦........><
尋日重溫到2:00呀~
因為原本計定自己可以12:00訓到家~
點知後來先知自己print少左份note~
攪到要睇埋先訓得呀~
好彩睇過下都好有用~有出到喎~呵呵呵~
今日考試總算寫得出野咁啦~
之後又要補堂補到12:30~
不過補完又真係明好多喎~
上完堂就同阿yan佢地去左扒王食lunch~
食完就番屋企lu訓覺覺.........
訓完都已經食晚飯啦~
跟住先開始溫書呀........都唔知溫好呀~
又要記d code~如果變左少少都唔知曉唔曉寫番出黎~
唔知今晚可以幾點訓呢????
p.s~多謝你d野零食呀~
>>January 18, 2005 at 2:36:05 PM GMT+8
2005 年 1 月 13 日 星期四 【乍雨乍晴】
剛剛想上黎打日記.......既時候~
就有人話我知肥輝係我度留左言啦~
係.........今年真係無人比我抄~
再唔可以咁無法無天啦........>.<
今日本來諗住番database lecture家~
但係........最後都番唔成~點解??(問下人啦~)
重因為咁所以無lunch食~
要自己走去煮左個麵.......填下個肚呀~
食完就一路聽住The Phantom of the Opera既原聲大碟~
一路背埋個java assignment 3先出門口番學啦~
番到去出乎意料咁多人呀.........我都係遲左一個字啫~
跟住咪同家子傾住計等miss比分囉~
之後又同佢玩到傻傻地咁呀~
連玲玲都聽住我地講笑傻埋一份~哈哈~
無幾耐阿培就叫我陪佢落去影印~
但點知我又唔記得拎學生證所以係"拉巴"出面等佢~
係上上落落既過程中......又同我講左好多野~唉~
唔知點解好唔想去聽~每一次都係講lee樣野~
放學之後佢就話陪我去巴士站等車~
最後又睇住你講到眼濕濕.........好無助~
之後番到屋企.........身心都好累啦~
本來好想去訓下~休息下家~
不過最後都溫下書練下琴咁~
無幾耐收到阿培既message~
好唔開心.......點解重要攪到咁呀~
無論事隔幾多年........件事都係我心裡面~
2003既夏天........
>>January 14, 2005 at 3:55:05 PM GMT+8
2005 年 1 月 12 日 星期三 【乍雨乍晴】
lee兩日係屋企係咁溫書都無停過呀~
唉.........超辛苦呀~重攪到周身骨痛呀~
不過溫左兩日都好似係得個"吉"咁~
問番我........我都只會咩都唔識答~
但又唔知點解可以溫左我咁鬼耐........
睇住d note就想喊啦.......唔係d英文唔識~
就係唔明點寫點用呀.......由其係java~
以前有人教~教足一個星期先識考~
而家........咩都靠自己呀~
就算睇完唔識想搵人問都好似好難咁呀~
溫到咁上下.......就真係喊左出黎~
事關唔係唔想讀~而係讀極都唔識同入唔到腦呀~
覺得好失敗添.......凶多吉少既year 2~
>>January 13, 2005 at 3:18:47 PM GMT+8
2005 年 1 月 10 日 星期一 【颳風】
今日阿媽未到9:00就叫左我起身~
因為等佢去完水療就去飲茶........
好彩尋日都好早訓~
訓到8個鐘~好夠精神~
飲完茶已經11:30啦.........
就番左ive等佢地放lunch~
見無野做又走左去7仔阿姐度~
不過阿姐好忙........勁唔得閒~
咁橋我以前間中學又係對面攪陸運會~
所以撞到"0靚妹---既其中一個"~
哈哈~佢重認得我喎~好野~
話咁快佢都中五啦~
等到12:30佢地就放啦.........
不過bebe又例牌咁約左86s食飯~
重係7仔比我撞到佢~
都唔知佢做乜野勁係度閃黎閃去呀~
所以就同阿yan佢地去左泰華~
跟住又去左好運影印..........
印完就去左沙龍打機~
原來bebe都係度~
打完機bebe就走左啦~
咪上去睇肥輝佢地督波囉~
又睇下雜誌咁............
到左3:30就同佢地一齊上java~
見住佢地好驚咁交assignmet.......
就好似我地上次個堂咁呀~
好彩今次問佢地拎定個copy~
可以番屋企慢慢睇下點解~
放左學又去左第一城買零食~
順便幫阿媽買少少野呀~
番到屋企都食得飯啦........
食完本來想訓一陣家~
但都係死頂住........去溫下書~齋睇~
明天個一堂DB真係唔想番呀~
好似番到去有少少無謂咁~
好累.........今晚都係早D訓~
>>January 11, 2005 at 2:58:32 PM GMT+8
2005 年 1 月 9 日 星期日 【颳風】
今日係唔知要唔要番nso既情況下~
選擇左都係唔番學..........><
跟住就出左去pizza hunt食lunch~!
個天使麵勁好食呀~哈哈~
重好抵添........有得用半價優惠同九折~
不過最後竟然有人請喎.........重正~ha
食食下個陣收到家子打黎既電話~
先知佢番左去上nso..........
但又唔知有無人無左去喎~
食完野之就周圍行左一陣~
諗住去書局睇下有無咩新書出啦~
又無啦啦比我地見到本2005運程書~
企左度慢慢睇.........差唔多半個鐘~
都好似幾準咁喎.........
睇完之就去左fun zone打左舖式神同泡泡龍龍~
又去左無線玩督督機呀~
玩到2:00就開始行番番學啦~
沿途都撞到"古惑仔"佢地.......同埋奮奮呀~ha~
姿姿一定好想撞到佢個個係你啦~係咪呢?
係禾輋等埋貓王、家子、阿成、偉豪之後~
就一齊行番學校上SAD呀~
上堂個陣同家子好似傻左咁~勁笑~
都係因為玩MILKY個網所至啦~
係咁玩投票.......玩到好麻目.........
又笑到喉嚨痛呀.......好辛苦~
放左學之後就自己一個番屋企~
因為佢地又例排咁出新城市~
番到屋企食完飯就去左訓覺覺~
訓覺個陣聽到有好多電話嚮........
不過因為太凍唔想起聽~
到醒醒地個陣就收到個電話~
本來諗住叫佢教我JAVA~一日都好過無啦~
但點知.......反而好似得到只係一D好過火既說話~
其實真係好唔開心.........
我都無做過D咩啫..........做咩咁對我喎~
點解永遠都係一時好一時唔好.........要睇你面色~
你個INFO真係講得好啱..........(重要我同講指明係比我~多謝你~)
"都可以令你難過更加多～"
你真係成功啦........恭喜你~
>>January 10, 2005 at 2:23:32 PM GMT+8
2005 年 1 月 6 日 星期四 【晴】
今朝起身已經係8:00啦~!
不過重好累唔願醒~
所以咪打比貓王............
問佢早上個兩堂pw2番唔番囉~
yeah~佢都話唔番~好野~
收左線諗住繼續訓啦........
但係又反而訓唔番呀~
所以就起身去沖涼洗頭~
等1:15去補堂學琴呀........
但沖完涼出黎媽咪就話去飲茶啦~
真係好呀.......好似忙裡偷閑咁呀~
飲完茶番左屋企練左一個鐘琴就上出門口啦~
學完就直接搭車番學等上java~
不過要拎住d書..........好重呀~
番到去都只係3:00~
好彩阿成同bebe係free book呀~
去左搵佢地睇佢地print notes~
上java個陣都唔做乜好~
係度等佢地拎份copy黎交呀~
好彩之後bebe落左黎救下我~
佢用佢做個份解釋比我聽點解~
不過就勁驚.........唔知miss會問乜呀~
但點知miss竟然唔問我野.........
睇完就肯比分我啦.........好野~
重等我驚到手都震埋添呀~呼~~~
等到5:00就同阿培走先啦~
因為要出旺角拎條x-girl鏈~
見重未夠鐘就係附近行左一陣~
唉............又比我見到個小金毛鐘~勁想買~
因為真係好靚呀.........><
但今個月真係唔可以買野~應承左自己~
加上身邊好多人都叫我知足下........
希望佢唔好咁快比人買左啦.......
我重可以得閒望下.........
p.s~多謝你套小金毛棋同GBA GAME呀~
>>January 8, 2005 at 5:41:34 AM GMT+8
2005 年 1 月 5 日 星期三 【颳風】
今日6:30就起左身啦~
不過都成8:15先出門口呀~
係橋底等埋貓王就一齊番學lu~
點知番到去又唔洗用harddisk喎~
是是但但咁.........總算做到個lab啦~
上lecture個陣miss都係同我地係溫下書咁~
講下會考咩範圍............
家子又話佢今日會番呀.........><呃人既~
玲玲就係度係咁食野呀~勁好笑~
上完堂就同佢地去食野~
食完我就去左睇貓王、肥輝同阿yan篤波~
篤完波貓王就去搵番阿成佢地~
最衰貓王今日要test cisco啦~
所以無得同我地去睇"歌聲魅影"~
去到又一城剛剛好買到15:15既飛~
係冰場睇d小朋友學踏冰.......好得意呀~
重好勁添喎........ha~跟住就入場睇戲囉.........
都幾好睇.........可能我鍾意佢d音樂啦~
所以都唔係覺得太悶呀~
肥輝一開始重叫人留意個女主角有無著襪~
但阿yan一路睇就一路唔舒服咁呀~
最後佢都係除左佢件樽領......先至話好d喎~
睇完戲就一齊搭地鉄出左旺角~
肥輝就去左買鞋..........我就去左買printer墨呀~
本來諗住行陣食埋飯先番屋企家~
但係阿yan又越來越唔舒服呀~
所以最後都係叫佢番屋企..........
係旺角自己一個無所事事咁行左陣~
諗住打比bebe睇下佢番左屋企未啦~
佢又話剛剛番到........無得搵佢陪我食飯添~
番到屋企唔知點解好累.........
一番到去就係咁訓覺覺~
唔記得有人打黎斷斷續續醒左幾多次啦~
p.s~點解又唔開心家........??我唔想咁樣呀........
係咪以前會開心d........好想失蹤一排~
>>January 7, 2005 at 1:34:11 AM GMT+8
2005 年 1 月 4 日 星期二 【颳風】
今日起身屋企已經無晒人啦~
唉..........無計啦~媽咪又去左表姐度呀~
食完個早餐就約左貓王係橋底等呀~
個個都特登番去上PSIC交功課.........
哈哈~連好耐無見既家子都有蒲頭~
我又無啦啦差D比阿罩屈左出去PRESENT呀~
貓王佢地重係咁歡呼~好彩最後死都唔出........
跟住上DATABASE個陣又係咁做LAB~
因為放假前個堂病左無番到呀~
所以完全唔知做咩.......不過都總算係落堂前交到~
LUNCH個陣就去左大排舖食~
偉豪重好抵咁用左十蚊食左碗三餸車仔麵呀~!HA
一路食完野就一路係咁講笑~好開心~
番到去上英文都係無乜做~懶懶閒咁呀~
笑下LEE樣笑下個樣........話咁快又落堂~
唔知係咪個個都玩到累呢??
JAVA LECTURE個陣好靜~阿成重係度訓覺覺~
BEBE就今日約左人..........所以成日都無番到呀~TOO BAD~
放左學就同家子、貓王、阿成、阿玲去左FUN ZONE~
睇左佢地打一陣機之後就去仙跡岩飲野呀~
飲完咪番屋企食飯囉.........
以為爸爸今日番黎食.........點知又無番到呀~
食完飯就無無聊聊咁上網睇下野、打下機咁~
諗住訓前先聽埋D笑談講東話~哈哈哈~勁抵死~
跟住又同BEBE講左陣電話~
順便八下佢今日點呀........佢又話明天應該唔番呀~
>>January 5, 2005 at 3:20:05 PM GMT+8
2005 年 1 月 2 日 星期日 【颳風】
終於都放完個christmas啦~
但得一個星期多d~真係太短~
今日11:30上NSO........
好準時........阿SIR都未到呀~
好彩番到去秋成都係度~唔洗悶~
本來貓王又話今日會同秋成早D番黎PRINT野~
但係番到黎唔見佢蹤影喎~哈哈~又訓過"龍"~
因為做完晒D LAB.........所以上堂好得閒~
只係開番D ONLINE QUIZ黎做~
早知佢上堂先做........昨晚就唔洗咁辛苦啦~
所以咪同阿培係度傾計囉~唉........
我都唔知應該點打.........唔識講.........><
LUNCH個陣去左冰室食野.......
食完就番去上SAD........好靜~
日日都好少人番黎咁~
佢地上堂就係咁PRINT定D NOTES~
哈哈~好彩有人同我PRINT埋~
我咪好得閒咁同玲玲打機囉~
足足打左三個鐘呀.......雙眼好累~
放學個BEBE話POLLY番左黎~
起初係四樓望落去花園都以為係家~
但去到一樓睇真D.......頂~
比BEBE誤導左呀~有D失望添~
不過個個人真係有少少似POLLY~
最勁係連把聲都有少少似呀~
跟住貓王、BEBE佢地出沙田~
我就好自動自覺想番屋企~
番到屋企竟然無人喎~好少可~
學校已經靜啦.........估唔到番到屋企都咁靜呀~
番到黎又係咁PRINT野......整理下D NOTES~
整整下收到BENBEN打黎既電話~
教完佢個FD"細周"整D 功能之後就同BENBEN講左陣電話~
諗下幾時得閒出去同佢地食下飯咁~
唉..........不過都無可能好似以前咁約得齊人~
好懷念以前呀........一齊去網吧打機.........
一齊去唱K........一大班人BBQ........SUNNY D老婆餅........
同POLLY、阿秋佢地打排球........同行街街買衫.........
每次出街都會映好多相........做咩都會好團結.........
上英文堂又成日走左去新翼D樓梯坐.........
總之就好開心啦........
>>January 3, 2005 at 3:08:06 PM GMT+8
|
![]()
貓之相薄
1
2
3
4
5
6
7
8
9
10
|
廣告 |
|
|
讀者留言 |
| 路人留言
|
 好耐無見喇
<br>網絡好大
<
>>November 9, 2006 at 4:43:15 PM GMT+8
咩事咁有感觸 ar ???
<b
>>December 1, 2005 at 7:12:02 AM GMT+8
唔係丫~ 你依然可愛丫~ kak
>>November 28, 2005 at 8:07:48 AM GMT+8
hey~ 加油做個project
>>November 25, 2005 at 2:24:03 PM GMT+8
一齊加油啦=3=~~
<br>做
>>November 25, 2005 at 2:19:02 PM GMT+8
好彩有hung同我part-3-
>>November 23, 2005 at 7:22:52 PM GMT+8
最吹水.
<br>最大話..
<
>>November 20, 2005 at 1:18:52 PM GMT+8
個阿姐搞到我面紅耳赤=.=...
>>November 17, 2005 at 10:17:18 AM GMT+8
我好中意咁樣一齊出來玩ar
<b
>>November 14, 2005 at 5:42:20 PM GMT+8
我地要做定資料搜集
<br>去到
>>November 9, 2005 at 4:19:59 PM GMT+8
值得慶祝下啦~=w=
>>November 4, 2005 at 4:30:08 PM GMT+8
貓貓...你考到七級琴啦,恭喜晒
>>November 3, 2005 at 2:13:45 PM GMT+8
生日快樂! 記得我嗎? hehe
>>October 16, 2005 at 5:39:35 PM GMT+8
咁你就要主動找多d 我la
<b
>>October 11, 2005 at 5:38:06 PM GMT+8
謝謝你~
<br>你總是係我最唔
>>October 2, 2005 at 3:33:02 PM GMT+8
放假嚕可以比自己輕鬆下嚕哈哈
<
>>September 30, 2005 at 12:38:56 PM GMT+8
加油啦haha
<br>我返工都
>>September 23, 2005 at 11:04:33 AM GMT+8
偷睇日記哈哈
<br>好多呀有掛
>>September 16, 2005 at 3:11:03 PM GMT+8
嗨嗨傻貓haha
<br>你好嗎
>>September 13, 2005 at 3:50:11 PM GMT+8
哈哈...我都好有幸睇到你地電左
>>April 25, 2005 at 9:48:28 AM GMT+8
嘩...........電髮後果
>>March 28, 2005 at 5:43:07 PM GMT+8
皇上已經無野喇,我腦上已經完全接
>>February 12, 2005 at 2:16:23 PM GMT+8
皇后,我昨日同黑媽媽分左手喇!係
>>January 20, 2005 at 12:10:23 PM GMT+8
既然一路都放唔到底一D唔開心既事
>>January 19, 2005 at 7:55:22 AM GMT+8
wahaha~
<br>今年冇小
>>January 14, 2005 at 1:06:09 PM GMT+8
路過 -.-
<br>新年快樂
>>December 31, 2004 at 9:32:37 AM GMT+8
雖然唔知你屋企發生咩事...不過
>>November 27, 2004 at 7:06:01 AM GMT+8
係喇喎~咁你一得明就搵下我啦~等
>>November 2, 2004 at 5:24:04 PM GMT+8
今日見到你好開心~我地好耐冇見喇
>>November 1, 2004 at 4:45:28 PM GMT+8
邊個係朋友甲黎架~咁土既= ="
>>October 2, 2004 at 11:58:55 AM GMT+8
其實我都好明白你果種心痛,正如你
>>September 3, 2004 at 1:12:39 PM GMT+8
貓貓,你唔好咁啦...做咩好地地
>>September 3, 2004 at 1:25:47 AM GMT+8
仲有呢, 你個板板好靚靚呀!!
>>July 1, 2004 at 6:44:56 AM GMT+8
媽媽~你就好啦,成日都咁多節目,
>>July 1, 2004 at 6:44:04 AM GMT+8
貓貓...好耐都冇見過你啦,你而
>>June 30, 2004 at 3:21:22 AM GMT+8
15號出黎好唔好呀
<br>你蒲
>>June 28, 2004 at 3:41:35 PM GMT+8
你都無講你放左我飛機既
<br>
>>June 20, 2004 at 8:46:32 AM GMT+8
我想話我遲d會走la
<br>大
>>June 11, 2004 at 5:00:20 PM GMT+8
嘩...原來你都有B囡呀,佢好靚
>>April 13, 2004 at 4:13:47 AM GMT+8
好多謝你俾我係你個板板度佔咁大個
>>March 3, 2004 at 9:52:13 AM GMT+8
講得啱呀~貓貓
<
>>March 3, 2004 at 9:26:10 AM GMT+8
貓貓,好開心同多謝你出來同我傾左
>>February 15, 2004 at 1:24:12 PM GMT+8
哈哈~本來仲諗住可以睇到你添,最
>>February 13, 2004 at 4:05:37 PM GMT+8
我係sze-yu同西瓜個fd~R
>>February 12, 2004 at 11:33:35 AM GMT+8
貓貓,好耐都冇係你日記留言比你啦
>>February 11, 2004 at 2:32:14 AM GMT+8
死人頭
<br>我個日記整左咁多
>>January 30, 2004 at 4:49:42 PM GMT+8
皇后,你嚇死我喇,你又係咁,阿囡
>>January 30, 2004 at 5:19:21 AM GMT+8
貓貓~~
<br>好耐無見喇
<
>>January 14, 2004 at 3:08:00 PM GMT+8
你個衰貓
<br>又比我係街撞到
>>January 5, 2004 at 6:01:30 PM GMT+8
皇后媽媽!!! 你好衰o架!!
>>January 2, 2004 at 8:08:00 AM GMT+8
|
|
