Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 >>

2004 年 9 月 7 日星期二【晴】

今日有成８個人為左避ｂ　ｙｕ堂而唔返～

可惜．．．魔高一丈，道高一籌，

ｂ　ｙｕ要佢地遲ｄ留0係度做返晒今日做左既野！

今日我地終於選出左由我做ｐｒｏｍｏｔｅ既青蘋果綠黎做班ｐｏｌｏ既顏色啦！！！

0係跟住落黎既日子，我會好好履行我既職務架啦～～～～～～！！

呵呵呵呵～

多謝各位既支持！！！

啦啦啦～～～

小鯨真係一個十萬個遲鈍既人！！

今日有３個猛男（自稱）同我行又一城ｉｔ呀！！！

我係咪應該要好慶幸呢？？＾＿＿＿＿＿＿＿＾”

”好趁青春留倩影”

今日唔知邊個同我講既．．．

所以．．．今日我就走左去影學生相ｌｕ，仲紮左兩個髻咁影．．．

心態上後生ｄ嘛．．．．

買左由ｋｙ（利嘉怡）做代言既爽膚水！！

睇下我幾愛你丫！！！

為左你而買架！！！！

>>September 8, 2004 at 1:42:56 PM GMT+8

2004 年 9 月 6 日星期一【晴】

今日起身．．．

％＆＾（％＊＆％（＊！！！！！！！！勁頭痛！！！

好想唔返呀．．．／＿＼

但係個阿媽又0係度依依哦哦．．．

好，我忍你．

帶住無限怨氣返學．．．．

放學同左朱朱，ｍｉｃｈａｅｌ，路寶同小雞去ｓｕｐｅｒ　ｓａｎｄｗｉｓｈ食飯～

噢！！！！咸牛肉焗薯好味到暈！！！！！！＠０＠

又一城新既ｉｔ好令令呀，店內有店～

琴日同路寶行既時候勁開心～

因為ｉｔ’ｓ　ｍｉｃｋｅｙ入面既地毯踏落去十個舒服！！！！！！！！！！

我地行左出黎對腳都仲好似浮浮下咁～～

ｙｅａｈ，有間大遮仔鋪行ｌｕ！！

之後ｊｏｉｎ埋去左飲茶既黎定同小財，一齊去旺角藍星！！

由於ｂｌｕｅ　ｓｔａｒ既ｓｈｏｃｋｉｎｇ　ｐｉｎｋ比６ＵＡ要左，

所以６ＵＳ要再決定用咩色既ｐｏｌｏ黎跑！

好苦惱呢．．．

發覺自己愛上了艾哲倫保迪(Adrien Brody)．．．

唔．．．點講呢．．．

佢完全唔算得上係令仔啦．．．

但係自從睇完森魔之後，佢比我既印象就好深刻呢！！！

佢做得真係好好！！！

呢幾日入面，我不停咁諗起佢，連發夢都發到佢．．．

我真係覺得，自己已經愛上左佢．．．

佢．．．好特別！！！好吸引！！！！

好喜愛他的眼神．．．．

發覺自己有個壞習慣，

就係喜歡一個男明星之前都會夢見過佢．．．

細個有瞬（？！）同埋哥哥啦，

大左之後，有哲哲，ｉｓｓａｃ，ｏｒｌａｎｄｏ　ｂｌｏｏｍ．．．

依家，到Ａｒｉｅｎ　Ｂｒｏｄｙ啦．．．

或者．．．我愛既只係夢入面既佢地．．．

但係．．．我相信唔係囉！！

究竟咁樣係咪一件好事？？

我果然係個奇怪既女仔．．．

我是個很怕望別人對眼的人，一直如是．．．

因為．．．眼睛是一個很易洩漏感情的地方．

我怕．看穿別人；亦怕．被別人看穿．

但我往往會被人的眼神所迷倒．

很諷刺．．．

>>September 7, 2004 at 12:52:54 PM GMT+8

2004 年 9 月 4 日星期六【陰】

啦啦啦，今日同小羊去左葵芳食野～

行街街～

佢買左隻ｌｉｎｋｉｎ　ｐａｒｋ呢！！

而我最想買既ａｌａｎｉｓ　ｍｏｒｉｓｓｅｔｔｅ．．．

冇間有．．．嗚．．．

我地又去左買整蘋果批既材料呢！！

噢噢，好耐都冇焗過野ｌｕ！！

今次都ｏｋ成功，雖然個賣相衰左ｄ．．．

不過我會努力改良架啦！！

點解冇人信我識得焗野食．．．

大家對我既誤解太深了，我唔係淨係識得食架！！！！！！！！！！！！！！！！！！！

>>September 5, 2004 at 1:04:56 PM GMT+8

2004 年 9 月 3 日星期五【晴】

今日約左朱朱，美，路寶，小肥，黎定，龜龜，ｂｂ，ｌｕｉｌｕｉ，小佳，小象象，

一齊去睇＜ｔｈｅ　ｖｉｌｌａｇｅ＞！！

雖然冇想像中咁好睇，但係都ｏｋ丫！

一個悲哀既故事．．．

之後去搵小朱，比本＜文化苦旅＞佢！！

行左街陣街之後就返歸了～

今日小朱終於都比番小鯨本ｆ．５紀念冊我ｌｕ～！

佢ｋｅｅｐ左成兩年啦！！！

即係話小鯨兩年黎都係仲未睇大家寫比我既字句架！！

唔知大家對小鯨既睇法仲係咪好似兩年前咁呢？？＠＠”

我真係好想同大家講：小鯨真係好鍾意大家架！！！

大家感唔感覺到？

其實呢．．．由細到大王小鯨都係一個冇咩自信既小朋友黎．

成家都係男人，成鬼日都唔理我．＝．＝

雖然有個感情好好既同年紀表妹，但係由於家族鍾意比較既關係，

我從來都唔覺得自己有咩比人叻！

所以其實王小鯨係自卑到死架！（因為自卑，所以自大！！！）

今日父母同我講叫我唔好理我家族既人點睇，

但係其實我覺得一路以黎最介意0個個係佢地！！

比到我最大壓力既亦都係佢地！！

成日都有意無意講呢ｄ說話出黎，其實就係想講唔好衰比人睇！

講真，我無野叻，我唯一既優點就係我好清楚自己需要同想要ｄ咩．

我唔介意0個ｄ人點講（又唔係同佢地做人世），

咁耐啦．．．都慣晒．．．

呢ｄ事又唔會影響到我同表妹既感情既．

我亦都知道我唔會係最叻0 個個！我只係想做個開心既人．．．

希望你地呢班所謂既大人唔好講一套做一套，

你地根本唔會知道，最辛苦既其實就係我地兩個．．．

另外，唔知大家發唔發覺呢，由於成家都係男人，

所以王小鯨其實唔係好識點同女仔相處架！！

覺得自己真係好男人，遲鈍，粗魯，粗心大意兼唔夠細心！

有時真係驚自己ｈｕｒｔ左人都唔知．．．（可能已經有無數少女為我而傷心過～）

但係好開心朋友們都可以包容到一個咁既我！

我唔係好識講野，所以希望用文字0係呢度同大家講句：

雖然王小鯨唔算得上係一個稱職既朋友，但係好多謝大家都咁喜歡我！！

王小鯨好感動架真係！！

因為你地，使我更加喜愛自己！

希望各位能夠繼續喜愛王小鯨！！

亦希望我會比到快樂大家，各朋友仔同我一齊既時候會感到開心快樂啦！！

我為我可以令到朋友們感到開心而自豪！

今日既王小鯨好感慨呢～～～

睇完本紀念冊後，發覺咁耐以黎有樣野一直都冇變過，就係鍾意笑～

雖然笑唔一定代表開心，但係唔笑既話你既世界就一定係灰色既！！

呢個係小鯨既座右銘！

ｐ．ｓ：ｋｙ，當我睇到你0個篇野既時候我仲係咁幸福～

>>September 4, 2004 at 10:28:56 AM GMT+8

2004 年 9 月 2 日星期四【晴】

好辛苦呀，呢兩三日每日都訓唔夠４個鐘，

日日都好累．．．

如果王小梗仲係咁失眠落去既，

佢終有一日會死．．．

今日終於0係彭彭堂訓著了．．．

唉～

但係鬼叫自己暑假晚晚為左奧運日夜顛倒咩．．．

今日小ｙｏ，太后同艾艾出黎唱ｋ～

本來唔關我呢個返學人既事，

不過見好耐都冇見過佢地，好掛住佢地呀！！

所以放左學就去左ｊｏｉｎ佢地ｌｕ！

一齊行海港城！！！！

發覺原來0係海港城入面小鯨會蕩失路．．．

去左ｂｏａｒｄｗａｙ睇艾艾想買既ｐａｎａｓｏｎｉｃ　Ｘ４００！！

好令令呀！！小鯨都想換．．．

小鯨拎住部Ｘ４００ 0係度用勁核突既普通話講”噢，這個真的不錯嘛！”

點知個ｓａｌｅｓ竟然用番普通話答我”是呀！還有一部白色的！”

之後仲好似0係度笑我．．．

行ＬＣＸ．

見到ｋａｒｙ，ｓｔｅｐｈｙ同古巨基．

小ｙｏ同后后買ｂ女衫呀～～

令令～！小朱一定會鍾意既！！

又見到我心儀已久既ｎｉｇｈｔｍａｒｅ介指～～

２０％ｏｆｆ．．．

由於ＬＣＸ買滿＄１０００有ＶＩＰ卡，

所以大家都勁慫恿我買～

唔唔．．．我都諗左好耐呢！

因為隻介指都幾有意義．

唔知點解，次次見到佢都會諗起我的他．

可能係因為佢鍾意ｎｉｇｈｔｍａｒｅ，

亦可能因為佢次次都陪我黎睇！

雖然我曾經有機會可以得到，不過始終唔捨得人地駛錢啦！

其實呢幾日都幾悶悶不樂，因為有ｄ野勾起左我記得那討厭既期限，

勾起左我既寂寞．．．

不過今日見到隻介指，唔．．．

好似搵到少少寄託！

佢好似對住我講”你注定要跟我在一起”！

有種走唔甩既感覺！！

都睇中左年幾啦，係時候帶佢返屋企喇．

呢隻介指，始終希望係由自己買．

大家唔好話我又買野，

我只係想，有一樣野可以陪住我，

代替佢同我一齊留0係香港．．．

行多左陣之後就走了～

同艾艾太后一齊搭地鐵！！ｙｅａｈ！！

返到屋企，ｅｘｈａｕｓｔｅｄ．．．

不過好慶幸今日有出到去搵大家！

好開心呢真係！！

實在太耐冇見了．．．

我愛我既朋友仔們！！！！！！

唔知之後仲有幾多機會可以見到面呢？

>>September 3, 2004 at 2:08:16 PM GMT+8

2004 年 9 月 1 日星期三【晴】

返學既第二日，調左位～～

ｉ肥返左黎比ｐａｓｔ　ｐａｐｅｒ比小鯨呀～！

好耐冇見啦，開心！！！＞ｖ＜

令左ｂｏｒ～

放心啦，小鯨會努力溫書的！！

我要入中大痴住ｉ肥同后后！！！！

去ｃｉｔｙ食飯同傾下衫既野．

發覺我愈來愈低ｂ啦．．．成日講錯野比人笑！！＞＜

同路寶去左葵芳ａｇａｉｎ～

佢買碟睇，我陪完佢買之後就自己行左陣街！！

終於都開始轉季啦！！！！！！

不過今年都冇咩機會著架喇．．．

改左星期六朝睇＜森魔＞，唔知去唔去到呢？

>>September 2, 2004 at 8:45:36 AM GMT+8

2004 年 8 月 31 日星期二【晴】

９月１日．．．

ｏｈ～終於都成為左一個中七學生．．．

今日多得ｂｂ囉！！！！

哼！！你小心你日後既所有包包呀！！！＼＿／

放左學就同大家出左ｍｋ食ｐｉｚｚａ　ｈｕｔ～

之後就睇下２０ｘ２００　ｄ衫衫～！

２０號就要跑啦～～

之後路寶帶左我，朱朱同ｌｕｉｌｕｉ去魚仔街睇龜～！

盾臂龜龜果然可愛呀下！！！

見到隻好大隻架！！＠０＠以為係一座假山．．．

之後睇魚，ｌｕｉｌｕｉ養左隻金魚好可愛！！！

好似叫做”波麟”．．．

成個波波咁！！＞ｖ＜

我覺得佢地終有一日會爆死．．．

最後去左紅蘿蔔～

睇可愛既貓貓～～

不過點解依家0個ｄ咁大隻既？？＠＠

冇晒ｈｕｓｋｙ．．．嗚．．．

原來路寶都好鍾意ｈｕｓｋｙ架！！

而ｌｕｉｌｕｉ都好鍾意摺耳～～

睇完動物之後，我同路寶就返左葵芳買漫畫！

噢！！原來新都會０個間平３蚊架！！！＠０＠

一路都唔知．．．／＿＼

多得路寶帶我買平書～～ｔｈｘ！！

＜柯南＞第４６期到手了～！

食左藍珠果！！ｙｅａｈ！！

不過加左價．．．

沙加終於都出左啦！！！勁正！！！

合埋眼架！！！！！唔知有冇佛珠架呢？

朱朱琴日去左小鯨一路都好想去既＜阿貓地攤＞度玩貓貓呀！！！

羨慕／＿＼

朱朱下次要教我去呀！！＞＜一齊去玩貓貓！！

我決定要0係敏敏返黎之前學識點去，然後帶佢去～～

聽日應該去睇期待已久既＜森魔＞！！！！！

一定會好好睇！！！！！！＞ｖ＜

>>September 1, 2004 at 3:07:30 PM GMT+8

2004 年 8 月 30 日星期一【陰】

琴晚遇到飛小強呀！！！！＠０＠

佢一野飛入屋，我小弟就拎支殺虫水諗住整瓜佢啦，

點知佢係都唔死，仲爬埋黎我度．．．

小鯨就冷靜地拎起（小弟”ｓ）人字拖，一野飛埋落佢度！

小強就係咁死掉了．．．．

果然，人字拖永遠係最犀利既！！！！

今日成0係屋企，Ｋ．Ｏ．左個ｐｋ　ｒｅｐｏｒｔ佢！！！！

ｙｅａｈ！！！我唔駛再苦旅啦！！！！

其實做得唔係咁好，不過由佢啦，唔想ｗａｓｔｅ我寶貴既學習時間！！！

勁開心！！！！！！！！

最後一日暑假．．．．．．

好似冇咩點做過野咁．．．

冇得成日見敏仔了，我會掛念你～～

唔好扭計啦～！

>>August 31, 2004 at 11:54:22 AM GMT+8

2004 年 8 月 27 日星期五【雨】

星期六．．．

一早入左沙田補ｓｉｍｏｎ～

去老麥買早餐既時候見到隔離有個外國人買野，

個ｓａｌｅｓ一見到佢就好有自信咁講”ｇｏｏｄ　ｍｏｒｎｉｎｇ”啦！！

點知0個個外國人竟然用國語講”我想要２號餐的那個包！”

好純正既國語呀！＠０＠

個ｓａｌｅｓ立即由好有自信變到勁驚，最後要搵經理．．．

同魔鬼小朱去荔枝角振興經濟！！

噢．．．我地兩個果然會勁鼓勵大家買野呀下！！

勁邪惡！！！

不過荔枝角實在有太多好野賣啦！！＞＜

好鍾意同小朱行街街～～

>>August 30, 2004 at 5:35:04 AM GMT+8

2004 年 8 月 26 日星期四【晴】

郭晶晶贏左呀，ｙｅａｈ！！！！！！！！！！！

今日訓左成日．．．

好似好累咁．．．．可能成日都唔夠訓啦．．．

同敏敏ｎｅｔ　ｍｅｅｔ，笑死我！！

哈哈～

我唔係莫歌拿．．．

雖然大家都係鍾意食野，鍾意認叻同鍾意比人讚．．．

同埋一樣咁．．．．”圓潤”！！

為了與你同在的未來，我會努力．　

莫歌拿0係度玩野．．．

>>August 27, 2004 at 3:11:14 PM GMT+8