Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2005 年 1 月 19 日星期三【陰】

天氣：陰暗的天空　　　　　　　　　　　　　　心情：掛住．．．

有人因為時差，所以凌晨４點就起左身～！

小心身體呢！！

收到你的電話，真好～～

我都好開心呢！！

小朱：哈哈，對呢，所以我們經常都要懷著開心愉快的心情～～

　　　我要開心常伴我～～

開心是．．．

小財叫做尹孝中？？哈，笑瓜我！！！

>>January 20, 2005 at 3:38:55 PM GMT+8

2005 年 1 月 18 日星期二【微冷】

天氣：冷　　　　　　　　　　　　　　心情：掛住．．．

推介：ｈｏｃｃ＜明目張膽＞

你呀，唔好唔開心啦，

過多幾個月你就返黎架啦嘛～～

睇到你日記我都好唔開心．．．＞＜

要開開心心呀，咁樣ｄ日子至會易ｄ過架！！！！

好掛住你呀！！！！！！！！！！！！！！！

>>January 19, 2005 at 1:26:40 PM GMT+8

2005 年 1 月 17 日星期一【微冷】

天氣：冷　　　　　　　　　　　　　　心情：精神奕奕

ｈａｐｐｙ　ｂｉｒｔｈｄａｙ　ｔｏ　ｍｙ可愛小甘甘！！

廿歲女啦，要一齊加油呢！！

ｙｅａｈ，搵到個閃閃素材網，0係我浦開0個ｄ日本素材ｗｅｂ度搵到架！！

ｄ　ｉｃｏｎ勁令！！

等我整條ｌｉｎｋ比大家去下先～～（ｅｓｐ．　ｆｏｒ　ｍｙ小朱～）

今日約左呀”艾吉士”兄喫飯，有人夠膽死遲到！！！

怨氣標升中！！！！＼＿／

朋友，發福左唔少喎！！！

仲春風滿面ｔｉｍ！！！

為左你，我犧牲左ｄ長途電話時間呀！！

係咪唔話得先？？

不過我真心的替你感到高興，ｍｙ　ｄｅａｒ　ｆｒｉｅｎｄ～！

記得再搵我喫飯呀！！！！

嗚．．．今日吸左唔少ＨＩ，ＨＢｒ同埋ＨＣｌ．．．

完全感覺到佢地0係我個胃胃入面混和緊．．．

命不久矣．．．嗚嗚．．．

有冇人可以好似我咁做ＬＡＢ做到連櫃門都爆埋架？？=.=

開心是．．．得到了＜艷光四射＞，ｙｅａｈｙｅａｈ～！！

>>January 18, 2005 at 3:21:24 PM GMT+8

2005 年 1 月 16 日星期日【颳風】

天氣：冷　　　　　　　　　　　　　　心情：精神奕奕

比敏敏個報平安電話整醒左～

ｍｉｓｓ　ｕ　ｙａ

小心冷親！！！

同老媽小羊去飲茶！！

ｏｈ　ｍｙ　ｇｏｄ！！

竟然冇晒我最愛既賽磅蟹餃呀．．．嗚．．．

一聽個名都知好食啦．．．．

Ｅ＆Ｍ呀Ｅ＆Ｍ．．．

點解你咁死多野架．．．

阿Ａｎｇｕｓ哥聽日由於”順便”經過九龍塘，

所以”專程”黎同我食ｌｕｎｃｈ！

都知你”有我心”架啦～

我細個梗係英啦，個冬姑頭都不知ｋｅｅｐ左幾耐呀～～～

既然大家難得都係同道中人，聽日餐飯．．．

呵呵呵，我唔介意你請我架！！！

ｋｙ：

１．最大份0個個鏟頭肥仔就係我老哥喇，佢出名頭大架！！

２．小羊由以前既肥得得ｂｂ變到依家既ｒｏｃｋ友，

　　改變實在太大喇．．．最緊要既係，我依家已經烚唔到佢喇．．．

　　佢家陣話我非法上載佢張ｂｂ相呀陰功．．．

３．玩貓呢家野你都係冇緣架喇，死心吧啦．．．

　　一係我話你知點去，等你；同去啦！！！

開心是．．．頭先0係紅蘿蔔有隻大龍貓猛咁撩我玩，

0係度跳黎跳去，原來佢地可以跳得好高架！！

可愛到暈！！！！！！！！！！

>>January 17, 2005 at 11:42:06 AM GMT+8

2005 年 1 月 16 日星期日【颳風】

天氣：冷　　　　　　　　　　　　　　心情：靜謐

決定了，＜艷光四射＞我買硬你！！！！！！！

唔知點解，決定買ｈｏｃｃ呢隻ｃｄ既時候，

我諗起＜女人心＞．

好似同大家講過，遠0係幼稚園時代，

雖然唔係特別鍾意梅艷芳，但係就好鍾意＜女人心＞．

0個陣唔知ｄ歌詞講咩，點解做女人要做到咁痛苦？？

只係就好無知咁將首歌掛在咀邊．

到依家長大了，至明白呢首歌係佢本人既心聲．．．

每次聽到，都總有心酸的感覺．．．總令人感慨．．．

『誰自願獨立於天地痛了也讓人看

你我卻需要在人前被仰望』

她總給人一種很強的感覺，

但在硬朗背後，她最希望的只是做個平凡小女人，

為喜愛的人生兒育女，共度一生．．．

她並不是什麼天后，她只想告訴大家

”但我始終不過是個人 ”

女人心，只是這麼簡單．

但在這複雜的世界中，愈簡單的事情就愈難實現，

愈難令人明白．．．

想買＜艷光四射＞其中一個原因係今次ｈｏｃｃ好有主題，

而佢個形象亦帶著梅艷芳既影子．

每聽到”燦爛到不行”既時候總係覺得呢句係唱比梅姐聽既！！

她的一生，真的，燦爛到不行，

但這是否她所希望的？

就我所意會到的，答案是：＜不＞

憐憫是多餘的，但我始終覺得她是一個可憐的女人，

就正如我覺得女人心是一首可憐的歌一樣．．．

百感交雜．

＜ｂｉｇ　ｆｉｓｈ＞．＜短期租約＞．＜過火＞．＜女人心＞

都能夠觸動到我．

每首歌，每部戲，令人產生不同的感受．

而我的結論是：

人生如戲，戲如人生

我，只想做個平凡角色

我，始終不過是個人

>>January 16, 2005 at 7:36:46 PM GMT+8

2005 年 1 月 15 日星期六【颳風】

天氣：清新冷風　　　　　　　　　　　　　　心情：呵呵

ｂｂ幫我ｓｃａｎ左上次ｄ貼紙相同埋我ｄ後生相呀！！！

ｔｈｘ！！！

ｐｈｏｔｏ　ｓｔｉｃｋｅｒｓ：

後生相，好邪惡！！！

我小羊以前真係好可愛架．．．

點解愈大愈唔可愛架．．．

　變到依家咁－＞

而呢個細細個開始就已經一副眉清目秀樣，呵呵～～

今晚打邊邊，ｙｅａｈ～！

開心是．．．敏敏話我細個0個陣除左用一團肉黎形容都諗唔到點講好喇～

（呢ｄ野值得開心咩．．．）

>>January 16, 2005 at 11:22:33 AM GMT+8

2005 年 1 月 14 日星期五【乍雨乍晴】

天氣：凍凍　　　　　　　　　　　　　　心情：ｉｎ　ｌｏｖｅ

同敏敏既拍拖日

敏敏聽日就返去美國啦，所以今日同左佢去阿貓地攤～～

呢度已經成為左我地最愛去既地方啦！！

今日坐出面，勁多喵喵！！！

原來喵喵唔係想像中咁清高架咋，

一有野食就乖乖咁比你抱！！！

我地冇買貓糧呀，隔離個外國人好好人咁比左ｄ我餵喵喵～～

十萬個多謝！！

就係呢個外國人喇～

隻肥喵勁ｌａｍ我手掌呀！！

開心死～～

好型！！！！！！

有隻啡色喵喵坐左0係我地張梳化好耐，

好明顯係因為累囉！！

敏敏死都要抱佢，攪到比佢整親！！

抵死＝ｐ

我地ｒ佢下巴呀咁，勁舒服！！

佢都舒服到訓著左，勁可愛！！！

敏敏與貓貓．

呢度ｄ　ｃａｋｅ真係正到爆！！！！！

最愛煙三文魚ａｎｇｅｌ　ｈａｉｒ！！

不過點解次次0個個ｃｏｏｌ　ｗａｉｔｅｒ都會笑我架．．．

（不過佢好型！！）

一路播放住ｆｉｒ＆ｈｏｃｃ，一路摸貓貓，

感覺好好！！！！！！

好鍾意呢張！！

英呀！！！

之後同敏敏周圍行，無咩目標咁行，

主要係想見耐ｄ！

之後去影卡，0係某角度上黎講，

呢張卡令我傷心欲絕．．．原因．．．唔想多講喇．．．唉．．．

死敏仲要笑我．．．嗚．．．

返屋企前去左葵芳，諗住搵高寶，

點知今日唔係佢睇鋪，所以敏敏唯有送我返屋企ｌｕ！！

見埋今日，就要到５月至有得見喇！！

但係今次一ｄ唔開心都冇（失落就點都有ｄ．．．）

因為佢好快就返黎架啦！！

而且，我已認清方向，更加清楚自己想點！！！

應承左敏敏３樣野：

１．繼續專心讀書！

２．唔好亂使錢！！（呢個有難度．．．）

３．乖乖咁等佢返黎～～

放心啦，應承得你就一定會做到！！！

．瞬間也可以是永恆．

ｋｙ：呵呵呵呵，係咪好羨慕呢？？？

　　　我諗我都要考完試至可以同到你去架啦，慢慢等下啦！！

　　　得閒黎搵我喫飯啦！！！

鍾意喵喵就黎睇下相啦～

>>January 15, 2005 at 6:15:00 PM GMT+8

2005 年 1 月 13 日星期四【乍雨乍晴】

天氣：清新冷風　　　　　　　　　　　　　　心情：ｈａｐｐｙ

琴晚比我搵到ｐｈａｎｔｏｍ既ｍｉｄｉ，

所以一野就改晒依家0個ｄ　ｍｉｄｉ！！

希望大家鍾意啦～～

補完課同朱朱＆ｂｂ去左行街街～～

比余小姐話我成個月都冇佢行過街ｌｕ！！

ｓｏｒ呀！

不過呢個月我明顯洗少左錢喎，又唔知點解呢？？

呵呵呵．．．

同佢地去左影貼紙相！！

ｙｅａｈ，終於都影到ｄｉｓｎｅｙ　ｐｒｉｎｃｅｓｓ啦！！

敏敏又唔肯同我影，又冇機會同小朱仔出街影，依家終於有機影啦！！

（講聲先，小朱仔同朱朱係兩個人黎架吓！！

小朱仔係我個小情人，朱朱係余小姐！！）

不過可憐既ｂｂ就比我地捉左去影呢部機．．．

呵呵，遲ｄ　ｐｏｓｔ上黎！！

之後又比朱朱引誘左食藍莓芝士ｐａｎｃａｋｅ加雪糕．．．

嗚．．．

仲喫埋臭豆腐ｔｉｍ！！！

敏敏黎接我放補習呢！！

首先0係現代見到小龜，

之後撞到呀倫哥同佢個ＦＤ，

然後又見到明明伉儷！！！

呵呵呵～～～

同敏敏食完糖水就返歸了，

ａ　ｈａｐｐｙ　ｄａｙ！！！

話說依家只要你比得起幾千銀，你就可以做一日既公主！！

雖然一切都係假既，

但係如果可以用金錢可以換取到既夢，亦未嘗唔係一件好事．

起碼可以完左不少女孩子既一個心願，

一個不切實際既心願～

開心是．．．原來天氣凍得黎都幾舒服～

>>January 14, 2005 at 3:04:41 PM GMT+8

2005 年 1 月 12 日星期三【乍雨乍晴】

天氣：竟然落雨．．．　　　　　　　　　　　　　　心情：重生！！

琴日發牢騷既王梗如已死掉了，ｈａｐｐｙ既王小鯨又重生啦！！！！！

是的．．．我定期就會自尋煩惱！！

但，始終開心至最適合我！！！！！！！

由於琴日余小姐帶左佢ｄ細路相返黎，

所以今日到我帶返我ｄ後生相喇！！

我都話一個８磅７既ｂｂ唔係浪得虛名架啦！！！

呵呵呵．．．

我真係一個魔鬼怪嬰～～

小羊ｂｂ　0個陣真係十個可愛架．．．

點解愈大愈唔可愛架．．．

好傷心．．．

今日梁小天堂既時候進行左一次討論，

論題係”性同愛應唔應該分開”同埋”男女平等”！！

呢個梁小天成鬼日作作狀狀咁行埋黎聽我地講野，然後又無啦啦搭句單！！

想ｊｏｉｎ　ｇａｍｅ咪出聲囉，我地無任歡迎架喎！！

（大家請記住我地ｓｕｐｐｏｓｅ係上緊堂既！！）

我同姬姬兩個女仔比成班男人攻擊呀陰功，

當中仲包括ｓｏｌｏ能手ｍｉｃｈａｅｌ．．．

撐得我地幾辛苦．．．

小財既”４５分鐘愛情”理論真係超收皮，

仲要一路講一路扮禮服蒙面俠．．．

真係焗我地抦你架咋喎．．．

放學同敏敏出左去，呢個人為左食真係咩都唔理架喎！！！

喉嚨痛瓜你呀！！！！

唉．．．既然你竟然咁積極咁谷我喫野，

我都不惜加厚我既”十咳聽你日士”肥膏層．．．

我地喫左：

撈撈撈；

小丸子；

雞軟骨串；

ｄｏｕｂｌｅ　ｓｔａｒ　ｍｏｃｈａ　ｃｈｅｅｓｅ　ｃａｋｅ；

魷魚鬚；

夾糖糖．．．

飽到上心口．．．

有人應承左我好耐請我喫芝士火鍋．．．

依家仲未實現．．．

嗚．．．

同敏敏去左紅蘿蔔睇貓貓，好多喵仔呢～～

之後就送佢去搭車ｌｕ，小鯨仲要補習！！

補習又係開餐之時，食食食食食．．．．．．

補完習，朋友仔竟然走左黎太子搵我吹水，所以就0係地鐵吹左陣，

返到屋企都成１０點喇．．．

由於太飽，所以冇喫飯．．．

路寶ｓｅｎｄ左張令令巴沙拿過我，ｔｈｘ！！！

勁令令！！

（雖然佢著住件ａｌｏｈａ衫．．．）

開心是．．．能夠在旁默默地見證朋友的成長～

你，真的成熟了．

>>January 13, 2005 at 3:16:19 PM GMT+8

2005 年 1 月 11 日星期二【颳風】

天氣：晴　　　　　　　　　　　　　　心情：好眼訓．．．

為左彭彭，今日我冇訓覺！！！

轉左0係乙余堂訓！！

心情紊亂，自我檢討左陣．．．

我樂觀，亦悲觀；

我好男人，亦好女人；

我愛影相，但很怕面對自己的樣子；

我自信，但亦自卑；

我易笑，亦易哭；

我脆弱，亦堅強；

我情緒化，但亦可以很冷靜；

我單純，亦很複雜；

我好易與人溝通，但不懂溝通；

我幼稚，但成熟；

我清楚自己需要什麼，但不了解自己；

我很易付出感情，但愛得含蓄；

我易表露情緒，但很少表露感情；

我愛自己，亦討厭自己．．．

我永遠都有兩面，永遠都是一條繃緊的線，永遠都十分極端．．．

一但觸動到這條線，線，就會斷．．．

真的很怕自己的雙重性格．．．

其實我很介意別人的看法，因為我永遠不知道，

究竟別人眼中的王境瑜是個怎樣的人？

就連我自己也不知道．．．

>>January 12, 2005 at 1:42:11 PM GMT+8