2003 年 4 月 24 日 星期四 【晴】

點解今年JOINT HOUSE SPORT COMPETITION 會搞到咁嫁?
上個禮拜佢地五個HOUSE系INAURG時都好FRIEND，唔好搞到咁啦。一時又話唔玩，一時又話要人道歉。大家一家科大人，算啦。其實大家都系想科大既學生活動好玩d姐。

不過最白癡都系SAO呢舊野。SAO校正為如何可以令house既power無咁大既時候, 原來各houses已經開始互插。正當SAO在想如何可以令SU可以管得到house, 令佢地管理學生時無咁煩, 原來house之間早已不和。正當學校想將house莊變做hall 莊, 令house唔會有咁大能力反su時, 原來佢地根本就不和。

好心啦，我地學生會系第六屆吉左一年莊，SAO又話唔想該年學生沒有多的活動參與，就勁俾權HOUSE，將原本我既文娛委員會既好多野都俾晒HOUSE做，好似全校性既有趣活動同運動比賽。而家又覺得HOUSE權大，又要削佢地權，真系唔知點。

我要學生會既文娛委員會好似其他大學咁，勁多文娛活動搞俾同學。

>>April 27, 2003 at 9:17:57 AM GMT+8

2003 年 4 月 23 日 星期三 【晴】

令人振奮既消息，曼狗俾皇馬踢左出局。雖然系預料之中，但系都要慶祝。

但好岸居，朝早起身睇波先發覺有線開左系05 STAR台,綠左AC米蘭對阿積士。最先諗住有意大利球隊，唔會多入球。點知都有五球睇，AC以３比２險勝阿積士晉級。

不過最開心都系曼狗俾人踢出局既消息，但系班曼狗迷永遠都唔認輸。以下系選自網上既討論，曼狗迷想串人，點知最尾俾人收番佢地檔。

(1)收曼狗檔既對答:

曼狗迷:曼狗嬴4比3，光榮出局。
正義聯盟A:輸左就輸左啦 總比數系輸，輸一球都係輸，什麼光榮出局? 曼狗收皮
正義聯盟B:完全認同。華倫輸作客入球就話光榮出局姐，你班低q仔輸就輸啦。
曼狗迷:你條友先白痴呀! 昨晚係羸左波呀! 羸4:3呀! 你無腦ga唔識睇字呀! 總比數輸左出局都無辦法呀!
正義聯盟A:正一白痴仔, 昨晚係羸左波呀! 羸4:3呀! 你而家出到線咩? 你首回合輸左一百球,然後次回合嬴番一球， 都係輸呀，又話自己羸一球呀，你阿媽生左你呢d白痴仔出黎真係冇得救. 返屋企早抖啦 曼狗真係好狗。
正義聯盟B:歐聯是否計兩場的?點解曼聯作客比人數3比1會無咩,主場勝4比3,但會出局,而又係到呱呱叫呢?我吾識睇波嫁,有冇人解釋下?唔系皇馬3+3=6=WIN ，曼聯1+4=5=LOSE咩?

(2)果個何輝肯定係曼聯fans,仲係度話七分鐘入一球點會冇可能呀.....結果呢?咪就係衰左囉。佢講波好唔妥,佢講得好天真,一時話有得追四球,一時又話有得追三球,好心佢唔好咁盲目吹噓曼狗啦,皇馬睇住黎食架,比埋烏龍球你咪又係要收檔,成日比埋D錯誤信息等D曼狗Fans以為仲有機會,最後只有更加痛心.你係講波唔係導演,場波唔會跟你講咁打.點可以成日話靠運氣,睇人地皇馬靠實力先捧到咁多次歐聯咋。

(3)曼狗迷以為曼狗好勁，棒到天咁高，輸左就賴依樣賴果樣，贏就實力輸就留力。 足總杯出局→留力打聯賽杯，聯賽杯輸左→留力打歐聯，歐聯出局→留力打聯賽，到最後聯賽都香埋，留力打xx丫笨。對住d弱隊時，如果嬴左話自己勁，如果輸左就話人哋踢得好，永遠唔會認自己踢得差，乞人憎。

(4)曼狗主人: 我隻狗唔生性不自量力同馬跑鬥快..點知俾隻馬撞鬼死埋(影射皇馬同曼狗)

今次曼狗仲唔收檔，哈哈!!!

>>April 27, 2003 at 9:35:41 AM GMT+8

2003 年 4 月 22 日 星期二 【晴】

下午去左鐵板超搵佢地食飯。
之後返左去科大上堂。見到會計學生會社新莊的人不停在今晚就職典禮會場外佈置。
五點八開始面試常設委員會成員。in左八個，有幾個表現真系好特出。

之後，去左會計學生會社個就職典禮。本人有幸成為唯一一位學生會的代表。由於之前系會計公司做過，對呢行都有一定興趣。好開心見到幾位教過我既教授，同埋認識左ACCA既應屆會長，另外亦都識左好多其他讀商科的大學生。儀式系八點鐘正式開始。由於我系唯一一位學生會的代表，所以我亦代表左學生會上台拿紀念品。我上台時，好明顯聽到一班新幹事特別大的掌聲。這當然啦，在他們由參選到當選，我都給了很多的鼓勵及支持，他們好像在用掌聲多謝我。好感動。典禮完後，系refreshment時間。同左好多朋友傾計。

差不多所有的嘉賓走後，我才有空與他們十五位傾計。我講講下野果陣，佢地話我好感性，傾計傾到就來眼濕咁，梗系啦，睇住佢地咁辛苦先可以當選，同佢地成日玩埋一堆，先知佢地幾辛苦。好似睇住一個小孩成長為大人咁。終於明白為何長輩話睇住d細路大系一件好開心的事。

>>September 27, 2003 at 5:28:17 PM GMT+8

2003 年 4 月 21 日 星期一 【晴】

上完電腦堂後，十二點約左韓籍教授睇試卷。原來自己真系咁勁，above mean半個s.d.。

好無聊咁由下午十二點半等到晚上開會。好彩去左圖書館溫書。

晚上竟然去左合唱團練習，成兩個月無去啦，已經唔系好識唱。冇辦法啦，鬼叫自己忙咩。我真系好想去呀。我又系好似平時咁，唱左半個鐘後，分開練果陣走鬼左。

之後同財務秘書傾埋份文娛委員會財政預算，真系辛苦啦，同我傾完就要去財務委員會開會，好盡責。唔似d人，做出版果d，印張卡片，印成個月都印唔到。真系好似sky個出版秘書咁講，要set deadline d 人先識做野。

>>April 26, 2003 at 9:43:57 AM GMT+8

2003 年 4 月 20 日 星期日 【晴】

補完習之後去左坑口轉車去科大。

去左sky個AGM，人地d AGM真系廢時失事，任何一次發言都要講STUDENT ID 同埋同chairperson打招呼。做左一次seconder，可以落minutes，名留千史。

去左society meeting，果兩個人真系好唔惦，一個唔知做什麼，一個開始時仲系度食野。都系我同福利勁，做reception，一有人來就同佢地social同俾野佢地。原來我都識唔少人系做幹事。

返屋企食飯，因為哥哥買左印度薄餅俾我食，好好食呀，多謝。

>>April 26, 2003 at 9:29:10 AM GMT+8

2003 年 4 月 19 日 星期六 【晴】

今日同Uncle Richard兩個入大嶼山送塘福光叔一家，因佢地成家禮拜三將移民去美國紐約。
今次係第一次由東涌入塘福，程巴士好貴，成25蚊.
光叔帶左我地週圍參觀屋內的新設施。好慘呀佢，裝修間屋咁靚但租唔出。之後，佢仲帶左我地去後山個球場踼波。最先都係我同哥哥兩個搓下波。然後光叔叫我地射龍,佢守龍門。我第二腳射門,個波射得好中,好易接同好易用手除打番個波出去。但係光叔竟然好似排球術語咁樣，將個波後托，仲要托到好高。個波飛過左龍門後既鐵絲網，ｋｉｃｋ住左系個山度。我本來想去拾，但又驚有登格熱蚊，仲有光叔唔俾我去執。佢安慰我地話佢成日去執一個波果時經常會有兩個波趺番落來。如果我可以好似尋晚阿仙奴亨利射果球罰球咁遠柱入網，門將想摸波皮都摸唔到，絕對唔會咁樣，對唔住呀。
我地好唔捨得咁離開,希望有機會可以full team再黎過啦.
之後，去東涌間百佳，仲大過又一城果間幾倍。連家私都有得買，又有得夾糖。我發現足球趺破底價，一個二十三元。

>>April 26, 2003 at 9:12:01 AM GMT+8

2003 年 4 月 18 日 星期五 【晴】

今朝去完補習後，去左公司搵佢地食飯，見到哥哥剪了頭髮，代表我也是時候要剪。之後去左才八皇之皇食，d推介牛展好好食。

終於要同留左四個月既橙黃色頭髮講再見。下午去左剪頭髮，有人說頭髮是煩惱，剪頭髮即是去除煩惱。剪完後，唔認得自己個黑髮look tim。

晚上睇左阿仙奴，亨利所入果球，竟然成為我以後既教訓．

>>April 26, 2003 at 8:22:36 AM GMT+8

2003 年 4 月 17 日 星期四 【晴】

今朝睇左一套好出色，好有意義既卡通。該卡通影片是紀念已過世的日本偉大漫畫及卡通大師手塚治蟲老師。該片有齊大師筆下的卡通人物，如三眼小子，小飛俠，怪醫秦博士及手塚老師本人的卡通化身等。
最令人感動的說話為手塚老師的卡通化身在該片中說人的壽命是有限，但卡通人物卻是無限，可以把歡樂及教育送給不同時代的小朋友。他希望三眼小子及小飛俠他們能繼續在世上生存，延續其使命。真的在此要向手塚老師致敬。

下午去左科大第九屆 Joint house inauguration ，儀式在科大賽馬會大堂進行。
本人有幸為科大學生會幹事會的其中一位代表出席典禮祝賀他們。
好搞野，因時間緊迫，最先沒有頒發紀念品給我們。最後他們補發予我們，但由於只剩下我一人，就由我作代表。很慶幸，這種小角色也有機會代表團體拿紀念品。

看到一次過五支新莊宣誓就職，很替他們高興。

我亦好開心，認識到很多朋友。比那個內務副會長拿到更多卡片。好心啦，平時成日話要同人拉好關系，都唔夠我呢個social祕書social。算啦，都唔系第一次後悔十二月三十日所作的選post決定啦。應該投棄權，哈哈。

哈哈，可能系我唔系浪得虛名姐。

之後替爸爸在圖書館租了他要的書，彭定康的東方與西方。

最後負責面試學生會常設委員會成員，這是第一天面試日子。


>>September 27, 2003 at 5:24:19 PM GMT+8

2003 年 4 月 16 日 星期三 【晴】

阿仙奴真系唔抵，咁都俾人迫和，唔緊要再努力。

下午公司復活聚餐，我地去左痴餐，去左鐵板超，公司full team到，好開心蘇生同我地笑，真系一笑泯恩仇。鰻魚飯好多骨，好惡食。都系蘇生識食，食貴野風餐。

>>April 19, 2003 at 9:03:27 AM GMT+8

2003 年 4 月 15 日 星期二 【晴】

今早本來要去補習，但由於俊仔病了，所以取消了。
我系ENB俾人話，話我一日之內post了幾封enb(for ocamp)。真系，其他會社經常這樣做，又冇人話，學生會幹事會做一次就俾人話。
下午找了他們食飯，出了京食飯，勁好食。老闆問了為何要去西貢上堂，他可能只是記不起清水灣大學罷了。
本來六點開常會，但因有特發野，所以取消左。最尾去左新都城食飯，勁齊人，十一個有十個到。但系竟然cheap到食肯記。
最尾我地一行人去左糖果店夾糖，二個八有一百克，算平啦。
晚上回家後，睇左南韓對日本，日本好野，打到朝鮮狗。

>>April 19, 2003 at 8:53:36 AM GMT+8