2004 年 1 月 5 日 星期一 【晴】

88機鋪3樣搞笑野。一路打機一路入酒精果汁，打梗機縮sholuder同打virtual
striker 2002輸左之後做左個冇計既手勢。 都幾搞笑。

>>January 7, 2004 at 5:15:57 AM GMT+8

2004 年 1 月 4 日 星期日 【晴】

今早9時14分，一列往中環方向的荃灣線列車今早繁忙時間在駛入金鐘站前，
懷疑有人在車廂內縱火，在駛至金鐘站3號月台引起火警並冒出大量濃煙，14
人不適送院。之後地鐵荃灣線服務只維持荃灣至尖沙嘴; 而港島線列車則不停
金鐘站，接近半小時才回復正常。

下午係宿舍自己弄野食，我真係有煮野食既天份。平時既薄餅，我係上面加上
煎既腸仔同沙律醬，咁就變左好似冰世界既薄餅，正！

夜晚爸爸特登為我煮上炒飯，好好食，因為用上係外野手既大粒飯。

>>January 5, 2004 at 11:33:50 AM GMT+8

2004 年 1 月 3 日 星期六 【晴】

午餐好好味! 媽媽係外野手既外賣，有豬扒烏冬，三文魚及蛋壽司，三文魚卷。

>>January 4, 2004 at 6:24:14 AM GMT+8

2004 年 1 月 2 日 星期五 【晴】

今日做左一件好有意義既事，去左做義工。

晚上第一次去新IP，感覺很特別。

將軍澳電視廣播城慈善星輝仁濟夜表演籌款

許志安和韓君婷合作表演「志激心口碎火冰」，韓君婷穿上性感低胸裝，胸口放上
點火的厚冰塊，安仔則拿大鎚打碎火冰，最初他用力不當，更忍不住掩嘴笑又頻頻
道歉。安仔表演時表現頗騰雞，佢果句我都好驚，情願俾人扑都幾好笑。
陳冠希和蕭正楠在「空中冠楠當入樽」中輪流倒吊投籃和唱歌。
梁詠琪、陳慧琳和楊千嬅合作製蛋卷。
不過最搞笑都係羅莽分別表演「人肉鋼纜拉巴士」和「力拔四驅氣蓋勢」，共籌到
一百三十萬善款。佢係「 力拔四驅氣蓋勢」環節時，纏住一架四驅車既車尾，該四
驅車就開動引擎，佢就拖延車子郁動，每秒可籌得十萬元，結果佢共拖延五秒。而
佢係「人肉鋼纜拉巴士」果陣，佢既四肢被麻繩綁住，分別纏住四驅車車尾及巴士
車頭，拉動一架坐滿一百人既巴士。

>>January 6, 2004 at 4:21:12 PM GMT+8

2004 年 1 月 1 日 星期四 【晴】

行政長官董建華及多名高官今早均沒回應元旦大遊行的提問，董建華
只向記者表示「早晨」後即離去。
董生真係幾好野，又當冇事發生。
我地尋日既口號嗌得幾好----唔想要早晨特首，政府要睇我地頭。

晚餐好好食呀。有煎餃子，雲吞，煎腸粉，蝦腸，再加埋下午始創既
越南野，好似炸竽，豬頸肉，炒飯。

>>January 3, 2004 at 9:15:55 AM GMT+8

2003 年 12 月 31 日 星期三 【晴】

Happy 2004!!!!!

民主人權陣線的元旦遊行結束，大會估計參與遊行人士達到十萬人。
遊行隊伍下午三點半開始，較原定計劃遲了半小時 ，他們由維園遊行去政府總部，在
傍晚六點十五分左右，遊行隊伍的龍尾抵達政府總部。遊行者把主辦單位派發的絲帶
綁在總部外的鐵閘，象徵希望政府回應他們的訴求。原先估計最多有二萬人參加的蔡
耀昌在總結活動時，直言對於有十萬人參加很意外，遊行人數之多是再創造歷史。

參加者不少是一家大細，扶老攜幼，每當有人高呼「董建華又或支持董建華」時，遊
行隊伍都一呼百應高叫「下台、下台、下台」，即係支持董建華下台。但遊行隊伍的
心情明顯沒有「七．一」當日個個身穿黑衫、高舉自製標語怒吼那樣憤慨和怨氣沖天。
沿途的口號聲此起彼落，「施政背離民意、與民為敵可恥」；「反對委任、爭取普選」
「上街全因愛香港，唔係保皇大隻講」「驚普選，真膚淺，董建華，你想點？」「用
腳來表態，政改要盡快」，遊行隊伍的標語和表現明顯較「七．一大遊行」溫和理性。

梁志明因醫管局決定關閉威爾斯親王醫院的肝臟移植中心，令他由威院輪候換肝名單
的排第一位，跌至現時的第二十二位，換肝救命遙遙無期。瀕於生死邊緣的他不顧身
負重病，仍堅決參與遊行。 但他因身體不適，無奈在中途終止遊行返家休息。

睇左娛樂大搜查，播左Twins04好玩演唱會既片段，好搞野。該演唱會在除夕夜首度開
鑼，原打算跟萬二位歌迷倒數迎新年的Twins，在接近十二時前發生尷尬事件，當邊唱
邊跳《二人世界盃》時，全場音樂及咪聲突然停頓了八分鐘，令現場噓聲四起，更有觀
眾大叫「回水」及「有冇搞錯」，氣氛一度十分尷尬。幸好Twins臨危不亂，除繼續與
觀眾握手，更出動「大聲公」與觀眾說話。最後在一片「靜雞雞」情況下，觀眾自行倒
數迎接二○○四年來臨。說也奇怪，當倒數後一分鐘，音響便回復正常，阿嬌即說﹕「
有聲啦，時間剛剛好，都話新一年有好開始。」

旺角新世紀廣場因機件故障發生「升降機被困」事件。其中一升降機發生故障，有十
六人被困，消防員由於無法打開升降機門，要游繩落升降機，用了近兩小時才將各人
救出。都幾驚，我有時都會用果部lift。

睇左商台《 叱o宅樂壇流行榜頒獎典禮》。許志安和容祖兒分別成為「男、女歌手金獎
」得主，梁漢文則是最風光的歌手，他是首個同時得「至尊歌曲」、「至尊大碟」、
「男歌手銀獎」及「四台聯頒大碟獎」的歌手。
商台昨晚特地在頒獎禮前加插悼念梅艷芳、張國榮及林振強的環節，會場瀰漫住一片
愁雲慘霧。俞琤在致敬環節上致辭，她說：「今年樂壇三位巨星好遺憾咁離開我，佢
地留下豐盛作品，但係失去生命唔可以挽回，The show must go on，我地要將遺憾變無
憾，將有限變無限，你我香港再度精采，再度叱o宅。 」
而昨晚不少歌手領獎時都多謝梅艷芳，更感觸落淚。男歌手金獎頒予許志安，他上台致
辭時極之激動，他說：「呢一刻係我最開心，但呢兩日係我最唔開心，上年我話過要挑
戰Eason，重有乜好挑戰呀。」而之前當他領歌曲獎一步一生時一臉哀傷並哽咽說：「我
第一首歌俾人認識係《將冰山劈開》，今日我台上呢個獎，首歌係《一步一生》，好多
謝我師傅梅艷芳。」盧巧音致完謝辭時還補說一句：「再見梅姐。」而當她獻唱時，已
忍不住哭泣，邊喊邊說：「Sorry梅姐，你叫我唔好喊，但係……」
李克勤出道不久便被指與商台不和，之後一直未在商台獲獎，司儀林海峰都形容今次他
得獎係 歷史性時刻，並向克勤表示：「 叱o宅歡迎及恭喜你，We got you ! 」
頒獎禮當中亦有不少感人場面，闊別樂壇兩年的古巨基奪獎時喜極而泣，全場觀眾齊鼓
掌，場面感人，而基仔更與森美相擁近三十秒，基仔說：「我等呢個獎好耐，今晚我心
情好沉重，我希望唔好影響我唱歌，因為我最鍾意係唱歌。」容祖兒亦獲女歌手金獎及
我最喜愛的女歌手，二十三歲的她被森美指為史上最年輕金獎女歌手， 祖兒上台說：「
多謝各位朋友，我絕對唔係一粒巨星，因為自己條件有限，但係我真係好開心唱到好歌
，心願係大家都鍾意我唱歌，今年我拿到呢個獎，下次都唔知做乜，希望我既歌下年由
第七位到第六位，七年之後就第一位，多謝自己，因為自己爭氣。」

>>January 5, 2004 at 5:19:45 AM GMT+8

2003 年 12 月 30 日 星期二 【晴】

生果報頭板主題:
留下只有思念.....

遙想梅艷芳，一九八九年六四之後，就領導過全體演藝人同百萬港人搞個民主
歌聲獻中華音樂會，雖然佢呼聲係相當短暫，但相信阿梅生前心願之一，就係
民主光輝有一日可以普照大地！二○○四年元旦，用腳步聲去齊齊紀念梅艷芳
生前做過呢件最有意義既事。

一月一日下午三點 維園不見不散

>>January 1, 2004 at 4:44:41 AM GMT+8

2003 年 12 月 29 日 星期一 【晴】

藝人梅艷芳因子宮頸癌導致肺功能失調，於凌晨二時五十分在養和醫院病逝，終年四十歲。

梅艷芳臨終前，多名好友趕到醫院見她最後一面。藝人曾志偉表示，梅艷芳的病情急轉直下，但她有頑強的鬥志，等到每一位朋友見最後一面，得到每一位朋友最後的祝福後，才含笑上路。

噚晚聽到網上報導, 都有D唔係好對路...

今朝醒起身返學, 一打開個收音機就聽到一路播梅艷芳既歌

梅艷芳走了，也帶走了八十年代、九十年代繁華香港的舞台夢。與她一起成長的歌迷，於上月的紅館八場演唱會中，看幵她的歌衫舞影追憶往年，以後的日子，只能在唱片影碟中，追憶無限。她一生尋覓真愛，到最後歲月仍口口聲聲說要愛得轟轟烈烈的阿梅，輸了愛情，贏得友情，彌留之際，圍繞她身邊說盡鼓勵說話的朋友，超過一百人，她嚥下最後一口氣時，是帶住朋友的祝福含笑而終。歌迷喜歡她，不止是她的歌藝和百變形象，阿梅的個人奮鬥心及義薄雲天的處事作風，對香港人何嘗不是一個模範！她熱心社會運動，也多次為業界爭取權益，香港政府要借助她推廣公益活動，她生命雖短，但對社會、對演藝界留下的影響，難以量度。我們向不朽的梅艷芳作最後致敬。

如果手中有一塊橡皮，我想把2003年4月1日和12月30日從日歷上抹去。
兩個傷心的日子，我們送走兩位用歌聲陪伴自己多年的朋友，明白生死是自然規律，卻依然抱怨一年兩個，數目太多太殘忍。

如果哭可以教逝去了的人復活

那我情願流乾所有眼淚......


希望你0係第2個世界都活得開心,你同哥哥都一定好快樂

>>January 1, 2004 at 4:53:48 AM GMT+8

2003 年 12 月 28 日 星期日 【晴】

我地冇得撈啦!!!

估唔到d酒店經理咁搞笑。

>>January 1, 2004 at 4:47:51 AM GMT+8

2003 年 12 月 27 日 星期六 【晴】

去左學生會新莊既傾莊營。

>>January 1, 2004 at 4:48:36 AM GMT+8