2004 年 3 月 16 日 星期二 【綿綿細雨】

阿琳好好人，多謝哥哥!!!


終於開完AGM啦!!!

正式落莊，唔再係學生會幹事，好唔捨得TIM。
不過係另一身份，普選評議員。

>>March 17, 2004 at 7:41:26 PM GMT+8

2004 年 3 月 15 日 星期一 【晴】

陳冠希尋日被兩個青少年打，今日佢開記招。大飲茶播番出來，佢一味提左一個
point幾次，"點解我下午係中環大街同兩個少年係度追逐，沿途好多人見到，但係
冇人幫我既。" 一味係度拉開記者話題。

>>March 16, 2004 at 12:38:31 PM GMT+8

2004 年 3 月 14 日 星期日 【晴】

今日下午一點左右，睇左個好興奮，好感慨，好多回憶既節目。
有線足球台播左個叫左魅力 FA Cup既節目，佢介紹左車路士由90年代開始唔同年代
既足球員。由最先90年代初既比確，杜比利，史賓沙到開始轉強既麥克曉士，古列
治，維矣里，迪高爾，費奧，韋亞，再之後同我有關既韋斯，迪馬提奧，比德斯古
，蘇拿，拿保夫，普耶同仲有踢既巴巴耶路同迪西里，同埋到現役既泰利，哈索賓
基。旁述每次介紹完果d已離隊既球星都講左句好對既野，就係佢d精彩既表現將會
永遠留在藍戰士球迷既心目中。

陳冠希係中環被兩個少年挑釁，繼而被人揮拳襲擊頭及面部。佢地係中環鬧市展開近
半個鐘既追逐戰，陳冠希經理人公司得悉事件後派職員到中區四處兜截，卒截獲該兩
名少年，交給警方處理。陳冠希其後考慮肇事者年紀尚輕，為其前途決定和解，不作
追究。陳冠希的面部，包括顴骨及耳背等位置均被打至紅腫，頸部亦感不適，昨晚仍
要安排醫生到家中診治。由於事發時甚為突然，陳表現十分激動，遇襲後他避入附近
一間相熟的髮廊，他對在髮廊內圍觀的人不住怒吼：「我而家畀人打呀！」情緒遲遲
未能平復。
事發於昨午四時四十分的中區繁忙時間，出事地方也是名人集中地的置地廣場旁的中
建大廈，一間報館的記者目睹整個過程。據悉，當時陳冠希獨自到中建大廈二樓的KEN
QI理髮，行經電梯大堂時，遇上兩名年約十六、七歲的南亞裔少年身穿校服。其中一
少年以英語問陳：「你係咪Edison？」陳答係，正準備離去之際，兩人係陳面前手舞足
蹈，似模仿陳的招牌舞姿，陳一度怒目而視，繼而發生推撞，一輪粗言穢語後，有人
揮拳毆打陳，陳一度被打至跌在地下。

陳即時致電助手求助及即時起身上前追截，雙方由中建大廈追至畢打街，期間陳見記
者在拍攝，大聲說：「你唔好影我，影佢地兩個喇！」雙方一度在畢打街附近停下，
陳見有警員途經，即時衝前捉住警員既手臂，指向兩名少年說：「我畀佢地打。」兩
名少年見有警員即時再逃，陳繼續追趕，雙方在中環馬路內追逐。最後陳既助手及公
司多名職員趕到，陳在助手陪同下到KEN QI髮廊休息。據悉，陳冠希當時情緒異常激
動，不停怒吼：「我而家畀人打呀！」要人安慰，情緒才稍為平復。
公司多名職員之後發現兩名懷疑涉案的少年，報警求助，警方最初將案件列作打鬥，
但傍晚改為糾紛案處理，最終雙方同意和解，兩名青年於晚上七時三十分無條件獲釋。

>>March 16, 2004 at 12:10:14 PM GMT+8

2004 年 3 月 13 日 星期六 【晴】

去左樂富吉之島既chalon食飯。

>>March 15, 2004 at 5:03:09 PM GMT+8

2004 年 3 月 12 日 星期五 【暴雨】

今朝真係好搞野，係坑口乘地鐵去補習。係坑口地鐵站度睇住一個好嬲既男人走入站中
(未入閘既地方)，而有另一個男人想阻止佢入去，咁之後果個好嬲既男人就走左去一個
男人果度，好大聲咁講左d唔知係福建話定客家話，之後就一舉起手就打果個男人。同
佢一起入去果個男人就係咁叫佢唔好，佢控制唔到果個男人，唯有要一味用自己個身擋
住，唔想佢打到個男人。佢之後用盡九牛二虎之力先可以把個男人拖行番出去出邊，但
係果個男人沿途依然繼續講佢果d唔知乜話。最搞野係差d被人打果個男人仲好得意忘形
咁企番係度，完全冇驚過，又或想走既意圖，好冷靜。咁精彩，我梗係企係度睇，不過
我先快快手入左閘先，之後再隔岸觀火。

今日下午食外野手。有壽司定食,豬扒川窩定食,天婦羅拉麵定食,再加叫既銀座沙律，
三個人食。有兩母女好搞野，淨叫一件蟹子壽司，成隻碟上。果女又成日係度跟住
唱歌，不過唱錯晒，help!!!

衛生福利及食物局長楊永強辯稱去年3月14日說『社區沒有爆發肺炎』，並非指沒
有沙士爆發，只想向公眾證清，一直在社區存在的非典型肺炎沒有不尋常情況，即
是指一直在社區存在的一般非典型肺炎沒有不尋常情況，不是說SARS沒有爆發。
他亦說，為免公眾混淆這種感染醫護的特殊非典型肺炎，與社區內每月都有1500宗
由不同成因，不同病毒引起的非典型肺炎，故向傳媒解釋:「一直在社區存在的非典
型肺炎沒有不尋常的情況。」這樣做是想向公眾發出準確的資料，避免公眾引起不
必要的反應。

睇新聞報導，陳小姐報導時話佢講既係:「一直在社區存在既係肺炎沒有爆發，但無話
唔係非典型肺炎爆發。」之後睇佢段片都係咁講。嘩，而家d高官咁狗都得既，咁講都
得，擺明捉人字室。

>>March 15, 2004 at 5:38:14 PM GMT+8

2004 年 3 月 11 日 星期四 【晴】

去左firm visit

>>March 15, 2004 at 5:31:12 PM GMT+8

2004 年 3 月 10 日 星期三 【晴】

成日都準備梗lang堂既presentation。
落左堂，用班房既大銀幕玩快刀手，同一d好搞野既相影相。
對唔住呀，阿cow!!我都唔想，不過好搞野同好玩。
好開心俾同學讚好戲。

馬德里火車站大爆炸，他們話係西班牙既911，或者係311事件。

>>March 13, 2004 at 9:25:16 AM GMT+8

2004 年 3 月 9 日 星期二 【晴】

有cookies既勁歌金曲真係好睇。

>>March 15, 2004 at 5:32:23 PM GMT+8

2004 年 3 月 8 日 星期一 【晴】

真係開心，波圖都可以淘汰到最討厭既紅魔鬼。

諗番幾年前，每次紅魔鬼入到歐聯八強，都硬係會對波圖，多會大輕易晉級。
今次波圖did a gd job。

不過，有d曼狗迷不服輸，又係度亂講野。唉，都係被人收番佢地擋。
好似：
(1)贏就贏..　輸就輸..
　我永遠唔信輸會開心或者光榮
(2)波圖個教練係咪舉中指啊？我見佢無啦啦high 曬咁舉完走入隧道！
肯定中指,點會食指,邊有咁長呀，除非佢本身得四隻手指,咁我就信
咁就判罰佢地出局, 我地晉級啦 <------呢句野真係低B到

>>March 13, 2004 at 8:46:57 AM GMT+8

2004 年 3 月 7 日 星期日 【晴】

個洗手間馬筒既廁板有d紅色野。

女仔都幾辛苦，一個月痛一次。

>>March 19, 2004 at 4:11:59 AM GMT+8