2004 年 4 月 5 日 星期一 【晴】

好感動呢﹗可以上番網啦﹗

三點鐘打電話俾哥哥問佢回不回家，打果時原來佢上梗堂，第二組present梗。
sorry ar~ 好驚佢係度present梗而阻住左佢。 Good Show ar~

夜晚睇左場好令我感動既比賽，車路士係今季第5次對阿仙奴，終於都羸到佢啦。呢場仲
要係近18場對賽中車路士初嘗勝果既比賽。

睇左亞洲電視既廣播，佢請左兩個明星嘉賓，各捧一隊。捧阿記既係馬威表哥高佬傑，
果個所謂『捧』車路士但係著住曼聯波衫既叫乜鬼子豪。馬威表哥唔係度討論，我想講
係果條粉腸子豪。
其實唔駛我出聲，以下既係網上留言﹕
亞洲電視台的講波佬~講乜x野~
大家阿仙奴o既支持者~亞視個個講波佬~著曼聯波衫個個講波佬,著件曼聯波衫上黎做咩
呀~幫曼聯守夜呀~而家阿仙奴係輸比車路士,唔係輸比曼聯。乜野叫做阿仙奴得一個30場
不敗既記錄呀!你曼聯試過咩!曼聯入o左足總盃決賽簡直就係等如甲組隊拿冠軍百年難得一
見既機遇!死老襯!著件曼聯波衫上去支持車路士!你訓x醒未呀!!!
大陸狸電視台係咁低B，唔x洗同佢地計較。
最低B既係連曼狗既fans都話佢，亞洲電視著曼聯波衫個個係曼聯ｏ既走狗！真係睇唔
過眼！你著住我地曼聯ｏ既波衫！居然係大庭廣眾之下支持車路士，知唔知醜ｏ架！！

>>April 7, 2004 at 9:14:32 AM GMT+8

2004 年 4 月 4 日 星期日 【晴】

尋晚一點半左右訓。好好訓，一訓就訓到今朝十二點半，訓左十一個鐘。

去左鐵板超食飯。今次食左d相對平既野，滑蛋牛肉飯，炭燒鰻魚飯同野菜豚肉定食。

>>April 5, 2004 at 7:09:13 AM GMT+8

2004 年 4 月 3 日 星期六 【晴】

第23屆香港電影金像獎，劉德華憑大隻佬第二度稱影帝，而張柏芝則以忘不了首次稱后。
大隻佬奪得最佳男主角、最佳電影、最佳編劇，忘不了奪得最佳女主角、最佳原創電影音
樂﹔而千機變亦在7項提名中獲6個獎項。

白痴吳建豪角逐最佳新演員擺烏龍，因他與安志杰同以《少年阿虎》獲提名，當宣布安志
杰勝出時，吳建豪可能聽不懂廣東話，聽見《少年阿虎》便誤以為自己得獎，第一時間上
台，以及在李心潔手上接過獎項。當吳建豪正想講感受時，見他似突然醒覺擺烏龍般，將
獎座交給安志杰，站在一旁顯得尷尬。事後安志杰有另一番解釋，表示事前與吳建豪協議
，不論誰得獎都會一齊上台分享喜悅。吳建豪正一低B仔，F4四子D人最僧既就係佢。

>>April 5, 2004 at 7:03:23 AM GMT+8

2004 年 4 月 2 日 星期五 【晴】

獸醫昆水!!!
今日一睇專門耳鼻喉既雞佬江，佢一睇即刻話如果中耳炎就唔應該俾呢d藥，佢再睇，
就話我根本就冇中耳炎，再講我左耳正常，反而右耳紅左少少，不過唔嚴重。佢俾既結
論，剛剛同獸醫既左耳紅左少少可能中耳炎同埋右耳正常既結論唔同。食左佢d藥，我
都覺得自己好左好多，相反尋日食完獸醫d藥之後，我原本唔咳，搞到咳得幾勁。唉!
獸醫。我之前仲同人地講你地惦，今次真係令我失望。

>>April 3, 2004 at 8:43:13 AM GMT+8

2004 年 4 月 1 日 星期四 【晴】

一朝起身去上288，飲左盒朱古力奶。
上288，終於做到一次全系第一啦。yeah!事關夏輝每次都係堂上最早既10分鐘俾時間
我地認識我地同班既同學，問佢喜愛顏色同喜好。我今堂之前仲差8個左右，今日竟
然俾我一次過問晒佢地。集齊成全班四十個同學既資料。我即刻同左夏輝講，佢都讚
我excellent。我不槐係social sec，講到social係幾好。今次既第一係第一個拿晒全班資
料既學生，所以話我成績雖然唔係太好，但係我其他skill幾好，好多人都話我聰明。
希望有d勁d既僱主會賞識下我啦。
去左睇醫生，原本諗住係小事，傷風感冒之類。點知我話耳仔有d痛，醫生一睇，話係
中耳炎初期。我好驚咁猛咁問醫生點，佢話要醫好d，如果唔係就麻煩。
搞到我超驚，打電話問爸爸，佢話中耳炎好少野既姐，咁最嚴重梗係影響聽覺啦。
獸醫又吹水!
七Ray係十點幾話我戴帽好型。之後係三點幾ATRIUM佢再見到我又讚多我一次。好啦，
之後我搭91M出去時，我剛好坐在上層樓梯前面果兩個位，我同人傾梗計時，突然頂帽
被人從後拎左，原來係七Ray佢落車，佢拎左之後又話我落車啦，頂帽我拎走架啦。佢
當然唔會啦，佢都係玩下姐，之後落樓梯時俾番我。佢呢日真係好搞野。

繼續同四個莊員延續大家一齊玩既節目，我地出左去鑽石山何李活廣場睇戲，我地揀左
睇見鬼2。見鬼既第一集我未睇，外間既反應係幾好既，所以想睇下第2集。見鬼2既故事
係由婚外情釀成，舒淇飾演既香港女子，與泰國有婦之夫發生孽緣，她自殺獲救後有了
鬼眼，時時見鬼，還被一隻女鬼追纏。最觸目驚心的是女主角懷孕大肚，不但容易抑鬱
緊張，更可怕是見到其他孕婦也被各式鬼魂虎視眈眈，準備投胎﹗片中一隻隻醜鬼飄搖
地鑽入一個個孕婦雙腿之間，效果最迫人。好在劇情引用「佛理」，指出輪迴因果不是
報仇，投胎轉世是善不是惡，人與鬼應該和解不應對抗。

>>April 5, 2004 at 7:29:14 AM GMT+8

2004 年 3 月 31 日 星期三 【颱風】

米禾爾領隊韋斯日前就話，佢主席柏希迪斯講過如隊波踢到來屆歐洲足
協盃，就倫敦裸跑；另一場準決賽既曼聯同阿仙奴都肯定打歐冠盃，只
要米禾爾禮拜日場波打贏新特蘭，就可參加下屆歐協盃。睇怕希迪斯咁
口不擇言都係聽裸跑架啦。

英格蘭一個青少年聯賽的負責人表示，鑑於早前曾有球隊以0﹕29大敗收
場，事後被當地傳媒廣泛報道，所以他們有意規定以後出現失球超過14球
的賽事，當地報章就一律不能作出報道，以免令到慘敗的「細路仔」受到
侮辱。這項措施實在過於溺愛小朋友。

晚上睇左電影不速之嚇。
嘉麗絲和一對兒女住在一間維多尼亞式古老大屋裡。在二次大戰末期，她帶著
兩個孩子避居到小島上等丈夫從戰場回來。由於她的孩子們患有疾病，不能接
觸陽光，所以他們一家人必須被迫孤獨地生活在陌生的小島上，遵循種種近乎
宗教性的生活儀式。只不過葛瑞絲一家雖然過著與世隔絕的生活，但她總覺得
這座房子並不是只有她們而已，有點不對。此外，初到不請自來的工人，更不
斷地觸犯島上既有的規則與戒律，渾然不知這一切將招來橫禍.......
不速之嚇偏向心理恐佈的描述，全片幾乎足不出戶，然而偌大的古宅、陰暗的樓
梯、緊閉的窗簾，深鎖的大門，處處佈置著懾人氣氛，這些心理上的恐懼，在影
片裡被放到最大達到令人心寒的境界。對看不見的陌生人產生的困惑也被推到極
致。哈哈!個結局真係估都冇估過係咁。好多時，我地都以為別人係第三者，是
「阻住地球轉」的人，但最終卻發現原來自己才是那位不速之客。

同Connie傾左icq關於ISM既會務，唉!點會搞成咁架?

ai 誰都唔會想自己既soc 會有咁既結果
唔開心既都唔開心過
now... nth can say
concentrate to study la now

佢呢幾句都可以俾我用來形容自己心情。

>>April 2, 2004 at 3:15:56 AM GMT+8

2004 年 3 月 30 日 星期二 【乍寒還暖】

香港足球代表隊昨晚於世界盃亞洲區第4組外圍賽未能再創奇蹟，被中國隊的
老將前鋒郝海東取得唯一入球，以0﹕1飲恨。不過以守門員范俊業為首的港隊
防線演出令人擊節讚賞，教練黎新祥亦揚言要在最後一場分組賽作客廣州時，
叫國足面對更艱苦的比賽。
香港隊球迷情緒高漲，帶備鑼鼓及區旗，落力為球隊吶喊助威。香港球迷雖然
沒有如中國球迷般帶備大鑼大鼓打氣，不過勝在人多，聲勢總算蓋過對方。而
且香港球迷還佔中國球迷便宜，每當中國球迷打鼓時，他們便隨即大叫「香港
」，不知道的，還以為鼓聲是支持香港隊。最感慨莫過於一塊banner寫住「香港
隊勁揪」，為住模仿當年519既一條港隊球迷作客中國既banner。

網上留言:(回應燦佬)D人都痴線,愛唔愛國關你Q事呀,我係鍾意香港隊唔鍾意中國隊呀
，吹咩!我係只捧香港隊，吹呀?但係我捧邊隊咁又代表我唔愛國咩?你咁愛國捐一千
萬比中國隊訓練到可以贏香港丫,咪得把死人口啦~
范進業佢頂成人地十幾球先失一球,你個劉雲飛兩球就失左一球,你話香港係咪好波?
你壓住人地打,但係仲要第二日比咁多人讚香港,中國隊係咪廢?
唔好話我地香港唔服輸， 我地唔係唔滿意賽果，係唔滿意你地對我地0既態度。不停
地侮辱我地為自己代表隊打氣，就話我地唔愛國，荒天下之大謬。
支持果隊咪拍手搖旗吶喊囉，唔支持咪噓佢喝倒采囉．呢個係人類正常既表達同發泄
方式．冇理由噓自己捧果隊，為自己唔捧既隊拍手喎！咁做係違反常理嘛．唔可以話
表達愛國情操，就做出一ｄ唔正常既野既．有人話點解唔兩隊都幫，一齊打氣？香港
人緊係香港行先啦，唔係要香港隊做乜？咁講法，仲比賽做乜唧，不如求其人大釋法
之類，話原來基本法規定我地係唔可以踢波算啦！
唔好忘記, 香港之所以會變成殖民地, 唔係我地0既意願, 係中國所簽0既幾張合約做成,
係我地國家當我地垃圾咁掃0左出去. 今日回歸0左, 你話我地態度唔正確, 唔愛國, 咁你
地呢?當年當我地香港人係咩? 算, 舊事唔好重提。上年沙士爆發, 香港因為成為沙士高
危地區, 令我地無得參加國際珠寶展。中國身為沙士發源地, 卻得到參展資格。好,係外
國俾面中國, 我地香港無怨言, 但係中國點解唔幫我地爭取一分一毫呢? 八五年香港勝
出中國隊, 你地扔玻璃樽, 噓聲亦到有, 俾你地話叛國賊, 其實好似係你地放棄我地先囉....
而家連睇波都話要愛國，坐我樓上條友, 原本買中國win (外圍)，見香港踢得唔錯, 寧
願輸錢都要為香港打氣。

>>April 2, 2004 at 2:52:57 AM GMT+8

2004 年 3 月 29 日 星期一 【溫暖】

之後，做左件好後悔既事，我控制唔到情緒。Sorry，我唔係有心架。
最多我下次激嬲你，比你打番啦。
傻啦，我都冇野。

>>March 30, 2004 at 6:39:59 PM GMT+8

2004 年 3 月 28 日 星期日 【雷雨】

221presentation幾好呀。又Good Show!!!

>>March 30, 2004 at 6:40:47 PM GMT+8

2004 年 3 月 27 日 星期六 【晴】

同何生何太真係有綠，咁都可以坐番埋同一張木台。

>>March 28, 2004 at 10:19:33 AM GMT+8