2004 年 7 月 6 日 星期二 【晴】

美洲國家杯開幕。

落左的士之後去左間報紙檔，個老細讚我幾靚仔，眉清目秀，青靚白淨。不過講完之後
，爸爸真係買多左本雜誌。早餐係基隆食。好九，門口貼住話有得播波，但係加左張紙
話衛星訊號有問題播唔到。呃鬼食豆腐咩，頭先先係屋企睇梗，又會收唔到啦。爸爸都
話係佢諗過覺得播無so($30連早餐睇成場)先唔播。搞到有幾班客人都話因為以為有得播
先來，話唔再來。
當我打電話問中中賽果，佢話哥倫比亞一比零，我即刻同爸爸講嬴錢我請，佢又話唔駛
。同一張卓子食早餐既靚仔除左都有份嘈佢叫播波，亦都係呢刻笑笑口叫我贏多幾場先
請啦。我知佢應該係善意，不過如果幻想佢係馬生d手下會覺得佢好奸。

>>July 21, 2004 at 3:06:21 PM GMT+8

2004 年 7 月 5 日 星期一 【雷雨】

今朝無理由地罷工，較左鬧鐘都起唔到身。訓到成十二點，都係俾陳寶寶叫醒。

四點九離開公司，去搵Jamie剪頭髮。

係中環突然有唔細既雨，不過原來中環既打工仔都係同我一樣唔介意濕身。

>>July 8, 2004 at 11:13:24 AM GMT+8

2004 年 7 月 4 日 星期日 【晴】

朝早起身後，set一set個頭就番學，早餐係雞批。今堂幾悶，落堂即閃。
今日同C.蘇同Tony好多野講。我放左係馬會拎既美洲杯賽程係佢地張卓上。C.蘇一番來就
主動撩我傾計已經係一個好既開始。不過成日既話題都係關於足球，好笑既有(1)C.蘇=施
里蘇/蘇古迪斯(2)C.蘇唔知係邊度睇COPA(3)講番我既輸波史(4)C.蘇話係曼狗FANS，話最衰
賣左咸咸。
午餐係人間有情，我地三個去食，煙雞肉薄餅，鐵板雜扒同天使麵。今日個天使麵唔好食，
鐵板雜扒我叫時話跟薯菜，俾左飯，佢好好咁送番多碟薯仔餅。自己友俾人調左上樓上，
咁係啦，俾我係老細都要而家樓下個Waitress係樓下帶位啦。
做到六點半先搭的士返屋企。晚餐係下午人間有情既野再加hello整既野，唔算太飽，之後
深夜時分都幾肚餓。食完飯係電腦玩沙灘足球，之後一路訓一路睇康泰巴里島個旅遊節目。
睇隔世追兇，鄧建泓好賤格。陳冠希扮大陸lei好入型入格。

>>July 6, 2004 at 1:29:55 PM GMT+8

2004 年 7 月 3 日 星期六 【陰】

約左一點食飯，差唔多一點先出門口。
係公司同Joe哥睇左單新聞，一名三百磅的肥女子在紅磡碼頭旁跳海自殺，一名釣魚郎雖
立刻跳落海拯救，但因她身形太肥胖拯救困難，其後水警及消防船趕至，合多人之力才能
將她救上小艇轉送上岸，送院急救 ，惜她被送院搶救後不治。
晚餐好飽，乜都俾晒我食。
百萬富翁有個參加者，可以係六秒之內排到周星馳拍過既幾部電影既次序，但係係2000分
既題目:以下那個不是西鐵既車站，南昌，屯門，元朗同青衣，佢講明話唔識，但係又好快
咁答左屯門，一蚊都無。

>>July 8, 2004 at 9:14:23 PM GMT+8

2004 年 7 月 2 日 星期五 【陰】

晚上有竹蜻蜓既re-u，好好玩。有我，Joey，Allen，豪仔，阿明，迪迪，Laura同埋Helen。

打機打到十二點三，點睇都知好玩啦。

>>July 4, 2004 at 1:08:02 PM GMT+8

2004 年 7 月 1 日 星期四 【晴】

朝早媽媽入左來叫左我兩次，叫我起身，我都未夠鐘，但係佢好心急咁係要我起身。
早餐係芝士三文治同奶。又係唔駛等車好快咁返到去科大，今日早十分鐘。
今朝上半堂係教授教番，討論到中國人係東方既猶太人?同Iris一齊坐，原來佢都jog到
唔少教授講既野。
之後，又係分番六班上tutorial，原來個T.A.尋日都有去遊行，佢問全班有邊個有去，得
我(話)有，我講左句見唔到你既。今堂比較多佢講晒，好多同學都無發過言，包括我身
邊既Iris同露比，仲有高考3條A既前langmate Crystal。
我問Iris佢乜major，佢反問我"下，出左啦?"。落堂後我即刻同佢去電腦房check，佢係MGTO
，讀唔到佢想既MARK。不過，我都同佢講，佢既成績有major都可以接受架啦。
佢完全唔知乜野係double major，又唔知自己個degree要讀乜，我都慢慢講晒俾佢聽。
佢真係好可愛，好似個yr-1既師妹咁，乜都唔知，希望我可以幫到佢啦。
之後，就係同一個barn約左阿Steve，佢身邊有個女仔叫Vanessa，原來係佢係UBC既同學
，返來香港渡假，咁我地就做左導遊帶佢行啦。係LG1食lunch，我又係食常餐，即係果d
牛油方包同奄列，再加餐腸麵同汽水。之後，我地就行校園，去左canteen，LG4 Common
Room，LG3，SportHall，學生會，ACCT, ISM, FINA既Department，SBM Office同埋library。
發現左好多野:我地個library有睇唔完既書，連講我而家讀梗既東南亞都有幾個書櫃。
我都認識唔少人，佢地兩個都話我上大莊，真係會識好多人。最搞野都係係99年會計
畢業相度搵到個好似劉舜文既人。
之後，係atrium同佢地分別之時，剛剛見到有個人係果度暈倒訓左係地下，基於好奇，
過左去睇，原來係Cherry，佢應該係中暑同唔夠訓而暈左，我地幾個佢既fd都係度陪佢
直到救傷車來到。佢平時實在太辛苦啦，希望佢得閒休息早d啦。

>>July 2, 2004 at 12:23:17 PM GMT+8

2004 年 6 月 30 日 星期三 【清涼】

今篇日記都有講啦，天氣係酷熱，我點都唔想出街啦。
不過，香港人真係好犀利，今日係71遊行既週年紀念，上年都係類似既天氣下，
但係有成五十萬人上街。今日，雖然少左我，民陣都話有五十三萬人去。勁!!!

>>July 9, 2004 at 8:56:40 AM GMT+8

2004 年 6 月 29 日 星期二 【清涼】

今日算遲先起身，食完個沙律醬腸仔包，差唔好成九點三先出門口。
不過，唔駛點等車之下，都剛剛好返到去上堂。
又係上左好悶既一堂，教授教得好慢。原來泰國而家個皇室係有中國人血統。
落堂之後，上左學生會print左d winning既文件，Flora請左我食一塊Facel既減肥香口膠。
搭番車出公司，91M轉27，唔駛等車之下，半個鐘多少少已經出到去。
同埋婆婆係太白樓飲茶，雙色飯幾好，又食左兩隻蝦餃。最尾，由哥哥埋單。
佢地話我地搵到錢，請婆婆飲茶，佢聽到好開心，我同哥哥又點會介意請呢，不過
突然我有個論點，我地唔介意請婆婆，因為佢成日見到我地都好開心，不過我地點都係
覺得無理由要請埋周永恆Wor。呢個論點係由九人Mathhew提出既。
哥哥係金馬買左對新鞋，個底好薄，哈哈。
馬會真係pk，同d員工講要買飛先送poster。好彩個員工話我想要就俾我，雖然，我點都
會幫襯，但係好賤lor，又唔係你印，都係成報印。
今日返工由兩點到六點，有好多野值得諗番----
(1)同Joe哥講波，佢想將一張禮卷變兩張。
(2)周章同我講波，我唔太理佢，佢話我唔同佢講波。
(3)同Tony同雞蘇講左都好耐波。
(4)確實地問左Tony同雞蘇去左邊度食下午茶，好過之前我地成班廢料亂估。
(5)Tony叫我小小崔，叫我俾心水。
(6)雞蘇，joe同中
(7)電腦仔=雞佬?
(8)雞蘇話澳彩好岸居，草蜢仔都得賭。
肯定仲有好多，唔記得都無計，哈哈。
爸爸去完深水埗之後，一架的士車埋我走。
勁歌好騎呢既組合，藍奕邦伴奏加黃耀明唱春光乍洩。
超勁，我地既後浪狼兄上左今晚大飲茶。阿十四話好開心，多謝佢。

>>October 21, 2004 at 5:00:12 PM GMT+8

2004 年 6 月 25 日 星期五 【晴】

一起身就去左表妹既生日會，係太和火車站既牡丹樓度搞。
佢果d小學同學好唔乖，生日會會場果d仲高過我既座地牌，竟然可以俾佢果班同學
撞跌兩次，好彩兩次都無人受傷，不過第二次都嚇鬼死坐附近既一位阿伯。
不過果間分店有一位好傑出既員工，一個帶玩遊戲時好投入，而落單時亦都好有交
帶既經理。果度亦都有唐寧坐陣，總括都幾好。

>>June 26, 2004 at 8:50:34 AM GMT+8

2004 年 6 月 24 日 星期四 【晴】

朝早好辛苦先起到身。但係竟然好順利咁唔駛等車，係九點零五分出門口，九點九已經
返到學校。仲要多時間到食埋麥芝蛋包，入到班房都仲有幾分鐘先上堂。
教授播左一套八十年代頭新加坡既連續劇，霧鎖南洋。唔知點解今日坐左係入面成粒鐘，
訓極都訓唔到。第一集劇情講係1920年新加坡仍是英國殖民地，吸引左唔少中國過番客南來。
阿水與同鄉發叔、田生南來後在三巴旺一個樹膠園工作。膠園管工常常扣除他們的薪水。
有一日發叔被洋人既馬車撞倒，阿水向老闆求救卻不得要領。阿發最後傷重死去，臨死前
拜託阿水照顧他那即將南來的未婚妻阿梅。都唔知教授做乜，播得一集就唔好播啦。
劇情講人性同社會不平事講得幾好。

>>June 25, 2004 at 8:20:53 AM GMT+8