2004 年 7 月 30 日 星期五 【陰】

阿Ron以代言人身分出席「Nature's日曬系列產品」宣傳暨寫真集簽名會，吸引200Fans到
場 。係電視睇番佢以前個look係好靚仔，不過佢拍完學警雄心之後曬黑左之後，我就覺得
佢唔係好靚仔，但係好型。

今日有Sundry Income，肴生突然俾番八十蚊我地，有四十蚊袋番。

新亞劇社Good Show!!! 細路場，一套可感動我既戲劇。
雖然劇本有d位唔係太得同埋成套戲太平鋪直述，但係所有演員都好好戲，完全搭夠晒。
好有意義，引起我有好多回想，加埋小中中成日拎d玩具返來，令我找回那隨時間悄悄
流走既童真，係我地一生中最寶貴既財產。

兩場亞洲盃八強戰，伊朗以四比三轟走南韓晉級；另一場日本與約旦於法定時間內言和一
比一，最後在有戲劇性發展既互射十二碼階段，日本藉對手連續射失四個十二碼贏四比三
，以總比數五比四勝出，闖入準決賽。先射既日本隊係頭兩輪分別有中村俊輔及三都主射
失，球證未待約旦球員完成第二輪主射，就以十二碼點位置草皮欠佳為由，轉到另一面禁
區繼續進行，雖然球證這未待雙方同時進行兩輪後始換邊的舉動，令人覺得對日本隊似有
欠公允，惟約旦竟又在最後兩輪射失，日本隊則三射全中。雙方進入突然死亡，第一射日
本失諸交臂，但約旦亦射失；最後日本宮本恆靖中鵠，而約旦射中柱，為約旦連續第四個
十二碼球射失，日本終以總比數五比四晉級。
1996 Asian Cup Iran 6:2 S.Korea
2004 Asian Cup Iran 4:3 S.Korea
南韓對伊朗係一場好精彩既比賽，不過我估唔到。成日羸四毫子。

>>August 1, 2004 at 5:04:40 PM GMT+8

2004 年 7 月 29 日 星期四 【陰】

史丹利好搞野。問佢做乜成日拎住中大預科生日既大紙袋，佢竟然答我呢個係佢既公事
包。

晚餐係尋日桃園既炒貴due，同燒排骨，再加前幾日既三文魚魚生炒飯。

>>August 1, 2004 at 5:00:01 PM GMT+8

2004 年 7 月 28 日 星期三 【雨】

今日係公司玩星矢，之前諗點都無可能爆機，但係今日有d轉機。打輸左俾雙子條友之後
，本來game over，佢俾左個password。部機轉番彩色，好易睇到d日文，我用呢個
password入番去，竟然唔知點解送左4000小宇宙俾我‧而家打到獅子座。
史丹利好早三點幾上左來，四點幾之後就可以好開心咁聽佢講笑。佢有成疊幸運樓既單，
全部都無寫銀碼，吸埋印既，任佢點用都得。佢又講話你問你老豆啦，太子幾間酒樓佢都
有份。佢又無端端叫我崔生，問我點樣影印。我問佢連環新接龍玩成點，佢玩四色既玩
二十鋪有一鋪得左右啦。
曾生走去C.So個位問well plan既總裁呢，Tony話Stanley係後面，曾生話我要搵番蘇總裁。
雞Joe份新報好正經，副刊係講歷史既，話管仲將娼妓合法化，又話秦始皇阿媽係妓女。
玩冰上曲棍球，好緊張，第一節三比三，第二節打完九比三，得閒玩埋第三節先。
交左Young World，真係好慘，每年都勁蝕，三年既單等如其他公司既一個月單。今年既
唯一收入係銀行利息。不過，覺得今日返工都唔算太productive，雖然好過尋日。
晚餐係炒番果日一休既日本飯，再加帶子，再加麗都既叉燒扒，同埋Franco既雞翼。

>>July 29, 2004 at 4:05:13 PM GMT+8

2004 年 7 月 27 日 星期二 【乍寒還暖】

今日返工真係好頹。
返工搭lift果時都可以有特發事情，驚死我。好彩最尾我地三個都無事。
十一點幾果時突然唔知點解俾我搞搞下，公司出面部機玩任天堂時可以彩色同save到
幾個slot。我就深深俾佢吸引住，打左兩個幾鐘，打到成點半。玩聖矢，打到雙子座。
下午又玩左熱血進行曲。成日都係度打機。 >_<
史丹利真係，又話四點半上來，六點半都未上。
夜晚去左eaton。

>>July 28, 2004 at 2:22:45 PM GMT+8

2004 年 7 月 26 日 星期一 【晴】

你地果日打風都來，真係人間有情lor。我覺得我都有一定既急才，即刻答番佢係打風
呢d咁既日子，你都可以照顧到我地既起居飲食，我都覺得人間有情。應對得唔錯，多
謝各位。

下午係公司又食咖啡蛋糕，又食蛋撻，好鬼飽。我飲水時唔小心撞到個阿叔，我感覺得
我同佢可能有d關係，原來佢就係我兩年前做過既leading tech既director。雞Joe真係好了
解雞蘇，C.So既乜野習慣佢都知道晒。佢幾點返，食唔食蛋撻。

>>July 27, 2004 at 12:30:33 PM GMT+8

2004 年 7 月 25 日 星期日 【綿綿細雨】

今晚既晚餐主要係外援，爸爸由一休買回兩個set，金姑牛肉同天婦羅。所以有埋餐飲
檸蜜同麵史湯。

>>July 26, 2004 at 12:46:59 PM GMT+8

2004 年 7 月 24 日 星期六 【晴】

今晚晚餐好豐富，有爸爸日式方法燒既帶子，龍莉柳，雞翼，餃子，再加忌廉湯同一塊
多士。唔知係溫習得辛苦定點呢，睇到爸爸特登咁落力咁整d好野俾我食果刻我好感動。

>>July 27, 2004 at 11:32:37 AM GMT+8

2004 年 7 月 23 日 星期五 【晴】

今日去番外野手，d伙記原來記得我地。我地叫埋單時，招呼我地果位伙記已經寫定
張單，話記得我地每次既做法。
下午第一集既音樂潮@giv有Cookies做嘉賓主持，做得好好，雖然成日甩咀。
妮妮問cookies有無帶首新歌上來，佢地好異口同聲話大家歸瘦。
Set左手製玩超任，玩J-League Excited Stage，用鹿島鹿角對大板櫻花輸梗兩球，連追兩球
，二比二，最尾臨完場都要再輸兩球二比四。第二場用九招終於羸番場，以角球直彎入呢
招取勝。
係boxup度dl左幾首另類既歌，例如錢不夠用，並肩同行同埋壯志雄心。
睇左日本對泰國，場波固然好睇，日本大勝四個一皮，不過有得聽皮蛋黃先係最正。
佢猛講同場波無關既野。佢講番今朝佢係報紙所講既野。例如話其實亞洲杯呢個賽事既起
源就係香港，一九五六年首屆賽事由香港主辦，我果時只係剛入小學，舊政府大球場都
係新落成。其實以前港隊係亞洲勁旅，水準很高。首屆賽事有以色列，冇錯，以色列而
家係歐洲球隊，但係半個世紀以前佢都有踢亞洲杯，至於首屆冠軍，就係南韓。
佢再補充左幾句，例如1956年，彭錦全未出世，尹志強剛剛出世，你(指彭錦全)以前個阿
頭黃文偉都未出道。佢又再重申東亞球隊唔係輸技術，而係輸身材同體能，我係新加坡其
中一名鄰居就係前泰國國腳，泰國首戰吞伊朗三蛋，佢都話好無奈，因為體能同身材係天
生既，輸波無話可說。又話日本既中澤佑二好似以前既球星劉榮業，咁又講左幾分鐘佢既
球史。八十分鐘果時又講左幾分鐘美洲國家杯，又話阿根廷對巴西好正，一定要睇。

霹靂舞鬥事其實就幾好睇既，如果你係like跳舞既話。肴生都講得對既，d舞太難跳，觀眾
好難會有興趣。Vangie唱功同舞功都真係唔錯，新秀出身係好d既。加上個舞台設計，更適
合佢去演繹呢首歌既舞步，佢唱玻璃鞋之粉碎三角琴果part係成晚最好睇既。

>>July 25, 2004 at 11:02:57 AM GMT+8

2004 年 7 月 22 日 星期四 【晴】

今日係公司好多經歷。
(1)Tony話Stanley係酒會最過癮係一路喊一路唱歌，名曲有一句到尾，必殺技，一拍兩
散，爛泥。
(2)Tony用左好長時間好詳細講左酒會模式俾我聽，我問乜答乜，叫我唔飲得唔好去。
(3)Holly姐姐有少少因為我既說話而請食下午茶，我食左鮮油多。
(4)教授睇到我係電腦度踢波，Tony話個球員好似馬勒當拿。
(5)曾生話電腦仔識野啦，約Holly食飯，搶先一步做左一樣佢地成班佬都想做既野。
(6)Stanley係樓下麗都買左盒無脆皮，勁多肥膏既燒肉。佢仲好好笑咁講話切野果個雞佬
求其切完俾佢就算，佢見佢好似好忙咁都唔敢煩住佢。

>>July 24, 2004 at 8:44:11 AM GMT+8

2004 年 7 月 21 日 星期三 【晴】

今日行出來果時，去左太子娛樂城打左陣機。走果時，係樓上門口見到有人想將兩個大
鼓搬入去入面。落到樓下，就見到成部太鼓之達人。

>>August 7, 2004 at 11:39:13 AM GMT+8