2003 年 9 月 19 日 星期五 【晴】

曬Q 死既一日: 淨係食個Lunch 行幾步已經濕左大半...莫講話做野!!
今日又由朝做到晚, 繼續o係5/F 做 IC, 又係管住班細既, 又係管住條傻仔阿恆(<--仆佢個街, 勁X様衰+勁X懶!! 好想打佢!!)

八點幾時已經有班Agent 開始黎睇, 到下晝兩點左右D 客就陸陸續續咁黎, 最多人果時(about 1800) 試過一粒鐘黎成二百幾人!! 成日黎講都應該有超過1000 人黎Orchards(逸樺園)睇樓...做到收工時都仲有人黎... 累死~~

今日"累"之指數: 80%

食Lunch 後閃左去買波, 買左$40...
樸茨茅夫 VS 布力般流浪 3:2 (25倍), 2:2 (14倍), 2:3 (25倍), 2:4 (77倍)


仲有!! 我想話比你地知, 我做呢個食Q 位並唔係平時你o地o係屋企樓下行行企企, 食返兩味果D Guard, 你地想知的話就最好自己去一次睇樓, 就知我呢D 食Q 係做D 咩!!!



>>September 20, 2003 at 2:12:46 PM GMT+8

2003 年 9 月 18 日 星期四 【晴】

七半七半: 呢幾日轉左返七點半, 時間好似多左咁, 不過就要未夠六點已經起身... 起床時真的有點想死!!

今日返到去都比較多野做, 朝早八, 九點已經有利嘉閣(Ricacope) D Agent 黎睇樓, 之後到一兩點就有D 客由Agent 帶黎睇, 一直睇到放工(1930) 都仲未睇完...

今日"累"之指標: 75%
不過個心仲累... 帶著幾條"o靚"都"唔爹唔吊"(真係吊!!), 仆佢個街, 話晒大家都係打份工, 人工又一樣, 又唔想鬧狗佢地喎, 呢個 IC 真係幾難做~~

又有三舊水~ 正!

>>September 19, 2003 at 1:47:15 PM GMT+8

2003 年 9 月 16 日 星期二 【晴】

今日 DayOff 去天水圍見工(其實是特登請假去見的!), 訓醒已經十一點幾... 上上網睇左上半場Man. United 4:0 之後就起行出去見工, 出到去1430 見"朋輩輔導員"(就係返8粒鐘, $8000 果份), 佢居然叫我諗一個活動去For 一D 5-12 yrs old 既小朋友去參與, 跟住打落Word 度比佢...梗係麻麻地啦.真係唔知諗乜好!!
之後再到面試, 佢話會考慮我既申請...(即係應該唔得啦!), 跟住又叫我做活動助理, 我啋佢都傻啦! 得果$5000, 要做都唔做天水圍啦!! 結果咁就走左啦, 1300 出門1730 返Home, 前後waste 左我4粒半鐘!! 早知今日返返工算數(仲搞到我要昆Ricky 話去考車牌...)~~

今日都仲"有幸"玩到2hrs Online Game "童話", 不過我另一至外"Winning Post 6" 就冇時間玩啦...留返下個week 放假先玩你啦~~

今晚D 波買左:
Arsenal VS Inter Milan 波膽 3:0 (23倍), 0:3 (45倍), 1:3 (37倍), 貪佢夠冷嘛!!
本身想買埋3:1, 不過馬會比人狂買, 買果時得返11 倍(本身21 倍), 覺得唔抵, 所以冇買
中到就正啦~~

>>September 17, 2003 at 3:47:51 PM GMT+8

2003 年 9 月 15 日 星期一 【雨】

Crazy 40 小時!!
時間: 9月15日 0730 -- 9月16日 2330
地點: Tai Po -- 太和 & 太古 -- 逸樺園

激!! 仲激過去Camp!! 話説昨日返0900, So 0730 已經要出門口搭KCR & MTR 返工...
返到去之後日頭又係冇乜人到.. 無無聊聊咁到黃昏...

一到1800 就大鑊啦! 今晚內部認購呀, D 人由1800 開始睇樓就一直睇到十一點幾都未走晒, 結果局住要OT, 最後Ricky 同Ray o係0000 放左我走... 累Q 死!!

不過最傻仔就係...上左MTR 諗住去Quarry Bay 再轉去Yau Tong, 點知Miss 鬼左個站, 跟住就想o係北角再轉車都得...點知... 尾班火車開左lu... 結果要去Mong Kok 搭小巴返Home, waste 左好多time!!如果唔係貪訓的話就唔洗咁啦!

之後返到HOme 沖完涼食完野都已經0230... 即刻仆上床訓啦!! 點解? 皆因第二朝返0730 嘛!

訓左3粒半鐘...0600 起身!! 又要返工!! 本身話返七點半/七點半(0730--1930)既, 點知到左一點已經超級多人! 一直做做到2200 先有得抖... 咁就緊係閃人啦!! 做成15粒鐘喎!! 又一次累死!!

* 本身都唔會咁累架...至PK 都係對皮鞋, 搞到我兩隻腳趾尾都腫晒... 而隻右腳又唔知做乜勁痛... 跑都跑唔到滯... 勁慘!

* 經過今日之後... 覺得自已好掂! 訓得果3粒鐘今日居然可以撐到15粒鐘!! 勁~
* 返完15粒鐘之後... $375人工... 如果日日都咁做的話... 有成萬一蚊一個月喎... 不過我真係頂唔順...

* 上到49 樓勁正! 成個維港睇晒!! 不過盛為千五萬丫!! (得閒帶部相機返去影D 相比你地睇先!!)
* Ricky 同 Ray 都同我講過...如果真係想做的話就同佢講聲, 話入佢地既Event Team... 有D 心郁郁..想做既係比佢吸引(Event Team: 去過日本做2002 World Cup 保安, 11 月Joey Concert....), 但係...好累架Bor... So tmr 見埋份$8000 朝9 晚5 份工先!

其實仲有好多野想寫(打)架... 不過真係好累... 聽日放假見工, 終於有得抖抖!!

>>September 16, 2003 at 4:35:56 PM GMT+8

2003 年 9 月 13 日 星期六 【晴】

無啦啦開OT....

本身今日係勁正既! 由於多左好多人黎幫手, 所以休息既時間都多好多, 今日由3樓Lobby調左去Tower 1 大堂守, 本應抖既時間已經多左, 再加上今日唔知做乜居然得幾十條友黎睇樓, So 由0900 到1800 都冇野做... Only 坐下吹下水...

心諗: 今晚早放好多啦掛... 點知... 有個客2030 上黎簽Contrat.. 結果等呀等...等到成2130 先上黎簽... 而簽隻字仔都簽左成粒鐘... 最後2230 先放得工... 結果由1800 開始企到2200...返到Home 沖完涼食埋野都已經0030 啦...前後用左成16,17 粒鐘!!! 對腳都腫埋!!

不過又唔怪得個客既... 佢買49 樓(頂層)既Penthouse... 大拿拿千幾萬喎... 今日上過去睇過都真係好正!!

好眼訓啦~ 聽日又要OT 開到2300 先放到... 好彩既係阿Ray 比我地Tmr 遲半粒鐘返... 不過相信比今晚仲夜返Home... 唔訓唔得啦~

P.S. 尋日o係太古個投注站買波& 馬時見到Joe Junior(TVB 的), 而D 波中左Liverpool 3:1 波膽, 又有蠃啦~~

>>September 14, 2003 at 4:40:43 PM GMT+8

2003 年 9 月 12 日 星期五 【晴】

累死我啦今日...又係返朝9晚8, 不過計埋搭車時間實際上係朝七點半, 晚九點半, 返十四粒鐘先得果二百幾蚊一日... 計落唔係太著數...!!

講返今日返工返成點先啦, 如常守係3/F Lobby, 上晝都係冇乜人黎睇樓, 不過一到一點鐘D 人就不斷咁黎啦, 今個鐘都有三批人黎睇, 一直做到六點幾D 人先走晒, 再等埋太古班Staff 走埋都已經七點幾... 基本上成個下晝都冇抖過滯... 累到 P街!!

阿Li 今晚上機啦, 不過咁夜收工送唔到佢機呀... o係度Hope 佢一帆風順啦!!

>>September 13, 2003 at 2:56:18 PM GMT+8

2003 年 9 月 11 日 星期四 【晴】

都頗OK o既一日:
話說尋晚玩到成兩點先有得訓, 一先諗住今日返工實大煲啦. 唔夠訓兼要企十幾粒鐘... 點知今日出奇地"好做"喎...

可能D 人尋晚中秋玩得太夜啦, 今朝D 地盤工人呀, 搞System 果班人同埋太古班人都有o係度
差唔多到1100 先有個manage 帶埋GM 黎睇一睇樓...之後到成1500 先有野做..

先講講我做野果度先. 我o係太古既新樓盤 "逸樺園" (about $5000/呎到, 一個單位大概幾百粒啦)度睇埸o既... o係地下太堂或者3樓度守, 著晒老西(Basicly 係一個G-4)嘆晒冷氣咁(好彩唔係做守出面門口D軍裝咁, 否則熱死都似!), 都幾正架(<-- 指平時冇客到時!!)
當有客黎睇樓的話就主要協調下D 人流咁, 有時做埋"Lip"張tim!!

好, 再講返點忙法先, 去到1500 左右班睇樓團就慢慢入黎, 首批有百幾人左右, 之後隔一粒鐘左右又有一批二百幾人, 到最後仲激!! 成三百幾人入鬼晒黎睇, 搞到帶D 客去Tower 1都唔知帶左幾多次...忙死... 一直到1800 先等到D 客走晒, 之後就抖到2000 放工~

* 補返尋晚中秋D 野先. 去到Clean Way Bay 都冇野好做, 又冇位BBQ, 又冇帶衫去Swimming, 結果去到淨係食左D 乾糧就走左人lu... 首次中秋需要返工, 亦首次中秋玩得咁少...

>>September 12, 2003 at 2:33:40 PM GMT+8

2003 年 9 月 10 日 星期三 【晴】

中秋:
第一日返工, 勁累... 夜晚去左清水灣玩
玩完仲累...
好累呀
搵日補返今日既Diary la~

>>September 11, 2003 at 5:25:39 PM GMT+8

2003 年 9 月 9 日 星期二 【晴】

第二日o既Training: 都係去紅磡上堂呀! 今早同Eddy 一齊搭巴士出去, 出到去雖然九點半都未到(今日返十點), 但係去搞銀行出糧個Account 就搞左成半粒鐘... 最終都搞掂左但遲左15mins 入去...不過都冇所謂架啦!!
挨到1800 先走得人, 都搞掂晒D 入職手續啦~

縂括呢兩日既Training 大部分時間都係睇帶+ 狂試衫(2日共試了接近10 套衫!!仲Pro 過做Model...) & 做Paper... 悶到爆!!

聽日中秋日返第一日工, 朝9 晚9 哩...真的有點不想幹... 算吧啦...做就做啦~
好記得上年F.7 時Sports Day 跑完400m 初賽時趙SIR 同我講過一句話: "志不在此" (當時得4個跑初賽, Total 只有7人報到, So 知道入梗Final 之下以1分30完成400m...)
呢句話彷彿套用左係呢份工度...我要的...是保安牌...是經驗...相信這些對我未來考警察時有莫大幫助!! 挨下啦死靚仔!!

講返去邊做先... 明日在太古城上班呀... 2100 下班可以直接出去清水灣搵班大光仔...都算OK 既~~

>>September 10, 2003 at 4:56:04 PM GMT+8

2003 年 9 月 8 日 星期一 【晴】

今日又去左紅磡呀
今日係上第一日Training, 0900-1700, 不過要7 點起身, 返到屋企都差唔多7點... 勁累!!
不過點都要頂落去呀...話晒呢份工對我考差佬都應該有幫助!既...

去到Training 都識左幾個人(都係"同學"), 有Eddy 啦, 原來佢都係住大埔, 仲結左婚tim!! 又有死肥仔阿文啦, "侈"住自己做過Security 就係度扮晒野~ 仲有阿女啦(唔記得叫咩名lu...佢都係18yrs old), 亦有唔多出聲既阿雄啦~ 就咁5條友一齊上足成日堂!!

不過到而家都仲未知幾時返工...佢地幾個份Job 都好過好多既... 搞到有少少冇癮哩!!

上完堂之後...簡直累到爆!! 今晚早D 訓先!!

新Game: Winning Post 6, 今日買左!! 有排煲!!

仲有呀, 今晚出唔到去食飯同MK 慶祝生日, Sorry 先, Happy Birthady MK~

>>September 9, 2003 at 1:54:42 PM GMT+8