2003 年 9 月 30 日 星期二 【酷熱】

繼續地曬咸魚....
今日係公眾假期呀, So 都幾多人黎下... 今日又係守正門, 個天好到不得知了, 個太陽曬到PK... 結果就梗係辛苦啦!!
傷左幾日風, 個人本應已經Ring Ring 地.. 今日咁曬法仲死多死... 搞到個人冇乜精神, 基本上今日唔暈低已經好好野!!
愈來愈憎果個PK Kit, 真係好想打佢!! 成日扮Q 晒野.. 唔好比我中到3-T, 否則一定搵人買起你雙手雙腳!!
過兩日如果Ricky 落黎睇Orchards 的話真係要搵佢傾傾, 睇下可唔可以調去第二個Site 做, 再咁落去我真係頂唔順(忍唔到會打人!!)....

明天又放假, So 特意買左場波去為今晚睇波而增加刺激感...
Porto VS Real Madrid 0:3, 1:3 (@16 倍) @$10
AC Milan Win (2.2) X Real Madrid Win (1.85) 2X1 $30

>>October 1, 2003 at 2:18:45 PM GMT+8

2003 年 9 月 29 日 星期一 【晴】

哇~~ 經驗呀!! 好多以前唔會學到既野今日學到左啦!!
今日都幾辛苦, 因為比人調左出正門企, 本應都冇乜野既, 横掂返左十幾日都未做過Main Gate, 就咁一直企到食Lunch....

食Lunch 時同Fung 一齊食, 講開先覺得: 點解我愈做愈Cheap 咁既??! 由之前5/F 話事, 管成十條友, 到29/F Showflat, 得返5 個, 再到39/F Showflat, 得3個人, 再之後尋日居然(手查)Lift, 今日居然調我出正門爆曬, 愈黎愈唔掂喎... 有乜理由擺個F.7 既出去門口企丫?! (*註: 大多同事都讀到F.5 Or F.3, 所以以我既學歷黎講算係數一數二!!)

而Fung 就一野桔中我死穴-- 就係我下下都撐得太行啦!! 一有咩不滿就頂佢地, 搞到幾個大粒既都唔Like 我, 咪搞到愈做愈低囉... 佢自己出左黎做年幾, 做左6,7份工, 佢話每一份工都實有D "西人", 想安安定定做的話就要扮死狗, 人地閙你最好唔好駁返佢轉頭, 而我就正正衰o係呢度... 搞到今日受苦啦... 佢話我好彩架啦, 未做Police 之前見識過呢個社會, 否則到時先知係咁的話真係死左都唔知咩事呀! 十分認同佢呢句說話~~

呢D 野真係唔做過野都唔知衰架... 好一個"工作經驗", 難怪請人做野要睇呢樣野!! 我真係學到啦!!

不過唔好以為之後我會扮晒死狗咁返Orchards 做野, 我一樣會以咁既態度去做, 講真, 去到3/11 Contract 滿左都唔知會唔會繼續簽我做長工, 而我又唔係等住呢份工去開飯, So 我唔會做一件o係未來諗返而令我羞家既事-- 扮狗去討好呢班人, 至多可以唔撈, 横掂Tai Po 請人, 又一樣咁多人工, 再唔係去我表哥度做, 佢做Senior Officer(即係Ray 個位), 到時有人睇實唔憂比人恰, 但係我有一個宗旨, 就係既然簽左Contract 話做到3/11 既, 我希望可以完成佢, 無謂令人難做... 除非真係太受唔住氣啦!!

Acturally 今日真係企左成日(超過9hrs!), 不過都唔係好累, 可能尋日休息完啦, 如果聽日再叫我做呢個Post 的話幾歹都唔制啦!!


放工先得閒買波, 買左兩條2串1...
Arsenal Win (1.78) X Juventus Win (1.75) $70
Real Madrid Win (1.85) X Manchester United Draw (3.4) $30

>>September 30, 2003 at 2:55:59 PM GMT+8

2003 年 9 月 28 日 星期日 【晴】

今日Day Off~ 過左都幾悠閒既一天~~

今朝居然8 點未夠就已經醒左, 可能係個人生理時鐘既關係吧, 慣左咁早起身, 不過尋晚成點先訓
所以幾歹都訓多陣啦, 結果1000 已經完全醒晒個人....

起左身就梗係實行我既放假大計啦~ 洗完面就睇左"向左走向右走", 不過係國語版, 但都幾好睇下~ 睇完之後就玩下前排Down Load 左而玩都未玩過既新Game & Winning Eleven 7(因為要操機嘛!) + Winning Post 6
一直玩到3點幾, 本應諗住出去拎回鄉咭 & 睇埋"千機變", 出去前諗住訓返陣, 點知一陣就已經5 點啦~~ 搞到咭又冇拎, 再醒左之後就再打我既PS2, "千雞變"就冇睇到lu...

到左夜晚, 老豆話佢成9點幾先放工, 等埋佢食之下又諗住訓陣先再做其他野, 點知7點左右一訓又訓到2130 先起身食飯...食完已經十點幾, 我既假期大概咁樣就過左去~~

本身今日仲有好多野想做架, 包括睇返錄左3集既"當四葉草遇上劍尖時", 問傻明借佢倍Digital Camera 返去Orchards 影相啦等等, 留返大後日(2/10) 先做啦~ 星期四又Day Off~~ 哇, 十一點幾啦, 要訓啦!! 明天見!

>>September 29, 2003 at 3:16:37 PM GMT+8

2003 年 9 月 27 日 星期六 【晴】

死撑中... 連續第11 日返工!!
本應今朝D 時間都幾OK 架
0620去到火車站, 0650 到 Kowloon Tong, 照平時計絕對夠晒時間返到Orchards 架
點知等MTR 等左幾野, 首先去Tiu Geng Lan就等左2 mins, 去到Yau Tong 之後又等4 mins, 再去到Quarry Bay 又再等多2 mins... 搞到0737 先返到去... 又遲到啦梗係!! 下次試下搭去Yau Ma Tei 果面返先... 起碼唔洗得Quarry Bay 條死人路!!

返到去先記得PK Fai 同PK Kit 請左假~ 咁就開心啦!! 冇左D "西人"o係度搞搞陣...
今日輪返去(手查)Lift (<-- 平時做Showflat Or 5/F o既IC... 而家即係比人睇死, 降Grade... 肯定又係比PK Fai 尋日講左D 唔知乜野啦!) 基本上都係勁多人黎既一日(Sunday 嘛!) (*註:收工時接近二千人) 食完返開始已經做到4,5 點先有人頂左一陣, o係架Lift 度焗死咁滯... 抖完又一直做到放工1930 先停手... 好累~ 不過比前幾日開心!!

下晝見到PK Fai 同Ray 著住便服返黎, 睇見PK Fai 一身打扮... 唔用傻仔黎形容佢都唔得, 以為自已好型... 收皮啦佢!! 而Ray 今日著便服返, 睇黎真係可能已經冇做Orchards 啦...

終於同到太古果個Staff 傾計啦~ 好~ 臨收工前(1830 左右) 0係Lift 入面撞返Queenie(前幾日提過果位姐姐), 原來佢今日又黎幫手呀! 仲1300 已經黎到哩... o係Lift 入面傾左幾句送佢到29/F ShowFlat 就各有各做野lu~~

放工時同Andy o係MTR 度傾計, 原來Helen 又係PK Fai D 心腹...尋晚又走去做埋D 損人不利己既事--- 報串, 唉!! 唔出黎做過都唔知呢個世界上D 人可以會係咁!!


Football: 冇買呀... 係忙到冇時間去買, 否則中返AC Milan 3:0 場波膽啦(9 倍only), 不過算啦, 下次仲有機會既~

係度講聲Sorry 先, 比左D 山埃MK, 等佢買左紐卡素, 結果輸鬼左啦~(其實是比他搭沉船的~~ 笑)

YEAH~ 明天放假... 有好多野想做, 包括See Film(無間道1, 大丈夫, 向左走向右走, 人妖打排球2...) 啦, 盡情打機啦, 睇返前排錄低D TV Progamme 啦, 睇WWE 啦... 而最想既就係--- 訓覺啦!! 將呢十一日唔夠訓既時間聽日一次過訓晒佢(我諗24 hrs 都唔夠啦!)!!!

P.S. 無間道, 邊個有? 我要o係無間道2上映前睇返先得!! 有既單聲啦!!

>>September 28, 2003 at 4:12:21 PM GMT+8

2003 年 9 月 26 日 星期五 【晴】

靜靜地起革命....

今日又訓過龍啦...今次唔係o係MTR 度訓左, 而係o係Train 度...今朝由於係Saturday 之關係, 火車上面好多位, So 揀左個靚位訓啦, 點知訓到Mong Kok 先有"知覺", 臨閂門前好彩落左車, 不過都要返返轉頭, 搞到遲左成十分鐘先返到去~

返工果度仍然由班"西人"搞事, 本身今日已經多人黎睇樓都做到"慶慶地"架啦, 點知條PK Fai 又打比我想鬧狗我, 話我1400 出去Break Break 左成粒鐘先返(事實上我1420 出, 1450 返), 咁我就梗係小返佢轉頭啦! 結果佢就冇聲出而收左線~ 呢D 廢柴唔小唔得架!!

放工時聽Andy 講話Ray 做埋聽日唔再管Orchards, 到時可能Ricky 管, 希望到時呢班"西人"受到教訓啦!!

今日又買左$30 波
Inter Milan 2:2 烏甸尼斯 (18 倍)
Real Madrid 2:1 華倫西亞 (8 倍)
車路士 2:0 阿士東維拉 (7.5 倍)


>>September 27, 2003 at 2:30:40 PM GMT+8

2003 年 9 月 25 日 星期四 【晴】

又係激氣!! 唉~ 家陣小人當道... 搞到Guard Force 成班兄弟都雞毛鴨血... 話說自從Ray 開始放低個權力比Fei, Wah 等人之後, 佢班人就愈來愈"Hill" & 串, 三十幾個兄弟姊妹個個都企到仆晒街, 而佢地(Fei, Wah, Lun, Kit, Chi) 就淨係識得抖, 成班坐晒o係Tower 1 Lobby 度吹水, 做其他野, 又成Q 日扮能晒野點人做野, 串到PK...

結果Lunch 時同Andy, 林仔等一齊食飯時就"齊小"呢班正廢柴!! 終於搵到有人同我一齊小狗佢地啦!!

到放工時, 林仔同Lun 就嘈起上黎, 起晒"鋼"咁, 差D 打起上黎, 好在我拉住林仔, 否則都幾大件事....

睇返近日D 動態, 似乎Ray 遲下唔會再做Orchards, 可能會去其他地方做, 有可能係Ricky 做IC 啦~ 希望到時會有返好日子過啦... 不過聽日都會同Ray 傾傾... 如果仲係咁的話可能會集體擺工!!

Yeah~ 由Ricky 再篇放假之後下星期一終於有假放~!! 終於有得抖抖...~

賭波: 紐卡素 嬴 (6 倍) X 國際米蘭 和 (3.1 倍) X 皇家馬德里 嬴 (2.25 倍) 3串4
阿仙奴 對 紐卡素 0:2 波膽(27倍) @$10


>>September 26, 2003 at 1:45:39 PM GMT+8

2003 年 9 月 23 日 星期二 【晴】

又激氣!! 點解呢個世界上咁多"西人"?!!
本身今日係Week Day, 都唔係太多人上去睇Orchards, 整體都算易做既一日
點知去到臨收工前一兩粒鐘..... 都係唔講啦!! 好難用筆墨黎形容呀 ~ 總之有人"狐假虎威"啦~~
都唔知點解同Guard Force 班人唔係咁夾咁
差唔多同成10 個同事既關係去到"敵對"狀態咁滯... 唉~
自問由HYK 到大光, 再到PCI D 人緣都唔係咁差o者.. 而家就搞成咁, 可能佢地唔滿意我咁細個就管住佢地啦...

今日開 ICQ 收到Friend 的Forword Msg, 值得一睇!!
http://hk.geocities.com/ngaukeng/interesting.htm

Lunch 行開馬會買馬, 順勢買左廿蚊波:
Liverpool 其他嬴(11 倍) & 巴塞隆拿 其他嬴 (11倍), 志在過下波癮~~

>>September 24, 2003 at 1:55:59 PM GMT+8

2003 年 9 月 22 日 星期一 【微冷】

又返工... 連續咁返法都真係幾累...
返到去0730 之後坐 & "恰" 到接近1000 先有客到, 基本上今日比尋日多左人黎, 但係都仲係幾Free, 算係易做啦今日~
不過今日就上左39/F 做IC, 得2個人比我點... 聽日都要做39/F... 又冇乜太古既人見到lu.. 好悶~

夜晚返到屋企睇Newspaper, 見到東方講Orchards, 個心情好似自己上報紙咁~

基於呢兩晚D 波都狗唔搭八, 每一場都緊有一隊連名都未聽過既, 所以決定忍忍手, 留返Saturday 先再買~~

>>September 23, 2003 at 1:41:39 PM GMT+8

2003 年 9 月 21 日 星期日 【晴】

經過前兩日二千幾三千人(Saturday: 2600人 Sunday: about 4000 人)黎睇樓之後, 今日異常地少人黎, 夾夾埋埋都唔知有冇300 人黎睇過樓, So 今日o係29/F Showflat 做返IC 既我可以講係幾舒服既(話係咁話啦, 不過都係幾累, 累之指數:60%)~~

可能今日冇乜客黎啦, So 都唔見太古班人帶人上黎睇...所以成日都見唔到佢地呀...唔知點解有少少掛住佢地呢....

Billy 聽日開始去返東涌做lu... 就咁離開左我地逸樺園班手足... 希望佢做得好D 啦~~

本應後日放假架... 點知未來呢排我地Guard Force D 人唔係太夠, 搞到得我一個人放24/9, 又點知David 果日有D 事要"非請不可", 結果就咁讓左個假比佢... 成個9月都冇得放lu... 有排挨~~

尋晚D 波.........重大勝利!! 條3串4 全部過晒關呀~ 收返$660
而場波膽Juventus 同 Roma 打成2:2 又中埋~ 收$190, Total 羸$810~~~ 超正!!

>>September 22, 2003 at 1:57:21 PM GMT+8

2003 年 9 月 20 日 星期六 【晴】

總括今日返工: "累" + "激"

累 --- 所指既係腳累, 今日冇得再o係5/F Club House 度做IC 管人lu...
上左29/F Showflat 度企, 企足成日完全冇抖過!!

激 --- 所指係激氣, 一齊o係29/F 度做野既"阿志"(<-- 前日o係5/F 仲係我條"o靚") 新黎冇耐就o係度扮晒野, 又唔係好掂果D, 叫佢安排放Break 佢居然"喝"返我轉頭...搞到差D 打大交咁滯!! 咁大過仔都未試過一日講咁多粗口架我!! 今日一Q 過講晒!! 冇料既, 咪扮晒野啦!! 死肥仔!! 廢柴!!

企左成日29/F 都識左幾位太古既同事, 包括Queenie 啦~ 唔同佢傾開都唔知原來佢咁大既同教曉我好多野!!

Lunch 又鼠左去買波 & 馬...
AC Milan 和 X Arsenal 和 X Juventus 和 (3.25 x 3.35 x 3.15 倍) 3串4
Juventus VS Roma 2:2 (19 倍) & 3:3 (76 倍) 波膽 @$10

>>September 21, 2003 at 3:29:52 PM GMT+8